Dövlətin xarici siyasətində diaspora
faktoru
Xarici ölkələrdə
yaşayan azərbaycanlıların cəmiyyətlərə
inteqrasiyası sistemli şəkildə
reallaşdırılır
Azərbaycanda
"diaspor" anlayışı haqqında ilkin təsəvvürlər
indi yaranmağa başlasa da, həmvətənlərimizin
dünyanın müxtəlif ölkələrində məskunlaşması
prosesi hələ bir neçə əsr əvvəl
başlanmışdı. Digər xalqlarla müqayisədə azərbaycanlıların
doğma torpağa
daha çox
bağlılığı üzündən Vətəni tərk
edib qürbətdə yaşamları onlar üçün mənəvi
baxımdan ağır olub. Dövlətçiliyin
inkişafında diaspor amili
mühüm rol
oynayır.
Diaspora dövlətin beynəlxalq aləmdə
nüfuzunun artması və təsir imkanları əldə
etməsi ilə bağlıdır. Bundan
əlavə, beynəlxalq münasibətlər sistemi diasporu özündə
siyasət, mədəniyyət, cəmiyyətlər, birliklər
və s. birləşdirən
institutlaşmış funksional tərkib kimi qəbul edir. Diaspor amili dövlətçiliyimizin
inkişafı və Azərbaycanın dünyadakı nüfuzunun və təsir imkanlarının
artması yönündə mühüm əhəmiyyətə
malikdir. Dövlətin öz
xarici siyasətini uğurla
həyata keçirməsi üçün
diasporun rolu əhəmiyyətli
dərəcədə yüksəkdir. Bir xalqın dünyada
güclü diaspora malik olması beynəlxalq qurumlarda
həmin dövlətin xeyrinə qərarların qəbul
edilməsində, digər dövlətlərin qeyd olunan dövlətə
qarşı loyal münasibətlər sərgiləməsində
mühüm əhəmiyyət kəsb edir. Yəni dövlət digər
dövlətlərin daxilində müəyyən
rıçaqlara sahib olur
ki, bu da
öz növbəsində, xarici siyasətdə öz
köməyini göstərir. Buna görə
də dövlətin özü də dünyada diasporunun
güclənməsi üçün vacib işlər görməyə
çalışır. Azərbaycanda dövlətçilik ənənələrinin
dərin tarixi kökləri olduğuna görə, dünyada
Azərbaycan diasporunun formalaşması da qədim tarixə söykənir. Azərbaycan
diasporunun Azərbaycan dövləti ilə
birgə və qarşılıqlı fəaliyyəti Azərbaycanın
yenidən müstəqilliyinə qovuşması və ümummillli lider Heydər
Əliyevin ikinci dəfə hakimiyyətə
gəlməsi ilə əlaqədardır. Məhz
ümummilli liderin Azərbaycan
rəhbərliyinə 1993-cü ildə ikinci
dəfə qayıtmasından sonra,
ölkəmizin diasporla bağlı vahid dövlət strategiyası müəyyənləşdi;
diaspor quruculuğu Azərbaycan
Respublikasının dövlət siyasətinin prioritet
istiqamətlərindən birinə çevrildi.
Heydər Əliyev hələ Naxçıvan Muxtar Respublikasına rəhbərlik etdiyi dövrdə - 1991-ci ilin
16 dekabrında dünya azərbaycanlılarının
birliyini yaratmağın əhəmiyyətini
nəzərə alaraq, dekabrın 31-ni Dünya Azərbaycanlılarının Həmrəylik
Günü elan etmişdi. Həmin qərar
bütün dünyada
yaşayan soydaşlarımızın birliyi üçün mühüm əhəmiyyətə malik olmuş, birlik ideyasının reallaşması istiqamətində
stimula çevrilib.
Ölkəmiz müstəqillik əldə etdikdən sonra, Azərbaycan xarici
siyasətinin qarşısında iki mühüm vəzifə dayanmışdı:
birincisi, Azərbaycana suveren
dövlət kimi təminatlar almaq, ikincisi, Qərblə
strateji əməkdaşlıq
imkanlarından faydalanaraq, ölkə
iqtisadiyyatının gələcək inkişafını təmin
etmək idi.
Ulu öndərlə başlayan uğurlu inkişaf
Ümummilli lideri Heydər
Əliyev soydaşlarımızın qarşısında
çıxışlarında, təbriklərində müstəqil
vətənimizdə davam edən quruculuq işlərindən danışar,
respublikanın qarşısında duran
ağır sosial iqtisadi
problemlərin həll olunmasını ön
plana çəkər, təkcə Azərbaycanda
yox, dünya azərbaycanlıları
qarşısında hesabat verərdi. Ulu öndərimizin ölkəmizdə keçirdiyi genişmiqyaslı islahatlar, xarici dövlətlərlə
qurduğu münasibətlər, siyasi sabitlik, digər quruculuq yönümlü
tədbirlər Azərbaycan diasporunun
inkişafında çox böyük
rol oynayıb. Uğurlu
siyasi xətt ulu
öndərdən sonra Prezident
İlham Əliyev tərəfindən də
layiqincə davam etdirilir.
Keçən 11 il ərzində bu sahədə xeyli
işlər görülüb, nailiyyətlər
əldə edilib. Xaricdəki Azərbaycan
diasporası dövlətimizin əhəmiyyətli tərkib
hissəsini təşkil edir. Aparılmış məqsədyönlü işlər
nəticəsində yalnız 2004-cü ildə Avropada, Şimali Amerikada, MDB məkanında və bir çox ölkələrdə,
o cümlədən, Özbəkistan,
Qırğızıstan, Norveç, Niderland, Almaniya, İspaniya, İtaliya, Belçika, Bolqarıstan, Çexiya,
Finlandiya, Estoniya, Polşa, Birləşmiş Ərəb
Əmirlikləri, Misir, Türkiyə
və ABŞ-da 40-a yaxın yeni Azərbaycan icmaları yaradılıb. Yeni Azərbaycan icma və
birliklərin təsis edilməsi Azərbaycanın çağdaş diaspor quruculuğu işinin
uğurları kimi qiymətləndirilməyə
layiqdir. Diasporla İş üzrə Dövlət Komitəsi yeni icma və birliklərin
yaradılması məsələsinə xüsusi
diqqət yetirir. Burada əsas strateji məqsəd, ümummilli
liderimiz Heydər Əliyevin müəyyənləşdirdiyi
xəttə uyğun olaraq,
müxtəlif ölkələrdə fəaliyyət göstərən
diaspor təşkilatlarının vahid bir mərkəzdə
birləşdirilməsinə müvəffəq olmaqdan ibarətdir. Komitə ilkin mərhələdə müxtəlif
ölkələrdə yaşayan azərbaycanlıları
icma və birliklərdə birləşdimək,
daha sonra isə bu icma və birlikləri vahid təşkilata cəlb etməyə
çalışır. Prezident İlham Əliyev diasporun,
hüquqi dövlətin inkişafına dəstək
olur. Həmvətənlərimiz xaricdə
həmişə vətənimizdə baş
verən ictimai-siyasi hadisələrə
diqqətlidirlər. Həmişə xaricdə yaşayan həmvətənlərimizə dəstək
olmalıyıq. Çünki onlar əhəmiyyətli dərəcədə
təsir qüvvəsinə malikdirlər. Ermənilərin apardıqları
ekstremist qeyri-humanist
dövləti siyasətə cavab olaraq diasporumuzun güclənməsi
ölkəmizə, onun apardığı
xarici siyasətə dəstəkdir.
Dövlətdən diasporaya
göstərilən davamlı dəstək
Müstəqillikdən bu yana Azərbaycan
diasporu çox böyük inkişaf yolu keçib. Xarici ölkələrdə yaşayan
azərbaycanlıların cəmiyyətlərə
inteqrasiyası sistemli şəkildə
reallaşdırılır. Diasporamızın əsas məqsədi
xarici ölkələrdə yaşayan azərbaycanlıların cəmiyyətlərə
inteqrasiyası, hüquq və
azadlıqlarının müdafiəsi, Azərbaycan həqiqətlərinin
dünya ictimaiyyətinə
çatdırılması istiqamətindədir. Azərbaycan xalqının ümummilli
lideri Heydər Əliyev tərəfindən
əsası qoyulmuş diaspor
quruculuğu siyasətinin dünyanın
müxtəlif ölkələrinə səpələnmiş
soydaşlarımızı vahid bir ideya - azərbaycançılıq
ideyası ətrafında birləşdirməyə imkan yaradır. Azərbaycan
Respublikasının Prezidenti İlham Əliyev də ümummilli
liderin siyasətini davam
etdirərək, xaricdə yaşayan azərbaycanlıların
təşkilatlanması, həmvətənlərimiz
arasında birlik və həmrəyliyin
gücləndirilməsinə xidmət edən bir
sıra tarixi qərarlara imza
atıb. Mövcud hakimiyyətin davamlı dəstəyi sayəsində
Azərbaycan qısa vaxt ərzində
formalaşmış, müəyyən potensiala
sahib olan diasporun yaradılmasına nail
olub. 2011-ci ildə Dünya
Azərbaycanlılarının III qurultayı ərəfəsində
Azərbaycan diasporunun 50-dən çox nümayəndəsi fəxri adlara və dövlət təltiflərinə
layiq görülməsi, Azərbaycan
Respublikası Prezidentinin Diasporla
İş üzrə Dövlət Komitəsinə
Prezidentin ehtiyat Fondundan 3 milyon manat vəsait ayrılması və Dövlət
Komitəsi əməkdaşlarının bir
qrupunun təltif edilməsi ilə
bağlı sərəncamları bir daha dövlət başçısının
diaspor quruculuğu
işinə xüsusi önəm verdiyini və bizlərə dərin
etimadının ifadəsidir. Təşkilatlarımız öz fəaliyyətlərində bu etimadı doğrultmağa
çalışırlar. Prezident İlham Əliyevin diaspor
nümayəndələri ilə keçirdiyi
görüşlərin əsas məqsədi ayrı-ayrı regionlarda, ölkələrdə Azərbaycan diasporunun problemlərini birgə müzakirə
və həll etməkdən ibarətdir. Azərbaycan dövləti
təkcə respublika vətəndaşlarının
deyil, ümumiyyətlə, bütün dünya azərbaycanlılarının
problemləri ilə yaxından maraqlanır. Dövlət
dünya azərbaycanlılarının ümummilli mənəvi
birliyi və həmrəyliyi
ideyasının əsas strateji mərkəzlərdən
biri kimi götürüldüyünü, bu cür həmrəyliyin Azərbaycanın ən ali məqsədlərindən biri
olduğunu bəyan edib.
31 dekabr Dünya Azərbaycanlılarının
Həmrəylik Günü kimi keçirilməsi, Dünya
Azərbaycanlılarının I Qurultayının 2001-ci, II
Qurultayının isə 2006-cı ildə keçirilməsi,
Diasporla İş
Üzrə Dövlət Komitəsinin yaradılması və ən
əsası Xaricdə Yaşayan Azərbaycanlılarla
bağlı Dövlət Siyasəti haqqında Qanununun mərhum prezident
Heydər Əliyev tərəfindən imzalanması dövlət
üçün diaspor
probleminin nə dərəcədə aktual olduğunun bariz göstəricisidir.
Azərbaycan dövləti bu
addımları atmaqla çoxsaylı və
geniş imkanlara malik olan diasporumuzla
qarşılıqlı, faydalı, hərtərəfli, intensiv və ardıcıl əlaqələr qurmaq istiqamətində maraqlı olduğunu nümayiş etdirir.
Bütün zaman keçidlərində aktivlik
Dünyanın 5 qitəsində sayı milyonlarla ölçülən azərbaycanlı yaşayır. Azərbaycan diasporunun yayılma coğrafiyasının geniş olması ölkə həqiqətlərinin dünya ictimaiyyətinin diqqətinə çatdırılmasına müstəsna xidmətləri var. Əvvəllər Azərbaycan diasporası rus, türk və fars diasporlarının tərkib hissəsi kimi qəbul edilirdisə, dövlətin apardığı xarici siyasətin məntiqi nəticəsidir ki, xaricdəki diaspora quruculuğunda əhəmiyyətli addımlar atılıb. Xaricdə yaşayan azərbaycanlılar dövründən asılı olmayaraq, həmişə milli mənsubiyyətini, adət-ənənələrini, mənəvi-əxlaqi dəyərlərini qayğı ilə qoruyub saxlayıb, Azərbaycanla mütəmadi əlaqələr saxlayıblar. Bu gün dünyanın müxtəlif ölkələrində olan Azərbaycan diasporasının əsas fəaliyyət mexanizminin mərkəzində azərbaycançılıq ideologiyasının təbliğ olunması dayanır. Xaricdəki diasporanın məqsədlərinə Azərbaycan mədəniyyətini təbliğ etmək, dilini təbliğ və tədris etmək, ölkəmizlə bağlı kütləvi - mədəni tədbirlərin keçirilməsi, ölkənin ictimai-siyasi, iqtisadi-mədəni həyatında iştirak etmək, mövcud olduğu ölkə ilə Azərbaycanın hərtərəfli əlaqələrinin inkişaf etdiriilməsinə zəmin yaratmaq, informasiya - tədqiqat işi ilə məşğul olmaq, Azərbaycan naminə lobbiçilik etmək və Dağlıq Qarabağ münaqişəsinin həllində Azərbaycanın ədalətli mövqeyini təmin etmək daxildir. Bu baxımdan keçən illər Azərbaycan diasporası üçün aktivliklərlə yadda qalır.
Azərbaycan Respublikası Prezidenti yanında KİV-in İnkişafına Dövlət Dəstəyi Fondunun maliyyə dəstəyilə çap edilmişdir
Olaylar.-
2014.- 23 sentyabr.- S.3.