Ümid sənədir, Azərbaycan əsgəri!
Məlumdur ki, ziyaların, millət vəkillərinin,
veteranların, xüsusən də Müdafiə Nazirliyinin rəhbər şəxslərinin cəbhə
bölgələrinə səfərləri hərbçilərin
döyüş əhval-ruhiyyəsinin
artmasında müstəsna rol oynayır. Qeyd edək ki, son illərdə belə səfərlər intensiv xarakter alıb. Elə
müdafiə naziri, general-polkovnik
Zakir Həsənov və nazirliyin
digər rəhbər heyəti cəbhəboyu zonada
yerləşən birlik, birləşmə
və hərbi hissələrdə olub. Müdafiə Nazirliyindən verilən məlumata
görə, müdafiənin ön xəttində
yerləşən hərbi hissələrdə düşmənlə
üz-üzə səngərlərdə döyüş
növbəsi çəkən şəxsi heyətlə
görüşən müdafiə naziri,
onların döyüş
hazırlığı və sosial-məişət şəraiti
ilə maraqlanıb. Məlumat verilib ki, yüksək
dağlıq ərazilərdəki mövqelərdə yerləşən
şəxsi heyət qablaşdırılmış qida məhsulları, o
cümlədən gündəlik olaraq
küftə, üç növ
dolma və digər milli
xörəklərlə, əşya-əmlak, yanacaq
və istiliklə tam təmin olunub. Z. Həsənov xidmətdə fərqlənən
bir qrup hərbi qulluqçunu mükafatlandırıb, onlara qiymətli hədiyyələr təqdim edib.
Düşmənlə təmas xəttində
yerləşən bölmələrdən birində komanda müşahidə məntəqəsinə
baş çəkən müdafiə
nazirinə ərazidəki əməliyyat şəraiti,
müdafiə zolağında həyata keçirilən tədbirlər
barədə məruzə edilib. Müasir
avadanlıqlarla təmin edilən Ön
İdarəetmə Mərkəzində olan
Müdafiə naziri onun
fəaliyyəti, qoşunların daimi idarə
olunması, birlik və birləşmələrin
qərargahları ilə bölmələr arasında
qarşılıqlı operativ əlaqə,
rabitə və elektron vasitələrin
dayanıqlığı və əhatə dairəsi, eləcə
də döyüş və ya əməliyyatların idarə olunması
imkanlarını yoxlayıb. Xatırladaq ki, bir neçə gün öncə də nazirliyin
rəhbərliyi Azərbaycan Respublikasının Prezidenti, Silahlı Qüvvələrin Ali Baş Komandanı cənab
İlham Əliyevin göstərişinə
əsasən yeni tikilən növbəti
hərbi hissənin açılışında iştirak etmişdi.
Səfər çərçivəsində nazirliyin rəhbərliyi inşa
edilən qərargah, əsgər yataqxanaları, xidməti, tədris
və istirahət otaqları, brifinq
zalı, döyüş texnikası üçün saxlanclar,
sıra meydanı, yeməkxana, tibb məntəqəsi,
hamam-camaşırxana, qazanxana kompleksi və digər obyektlər ilə
tanış olub. Şəxsi heyət qarşısında
çıxış edən Müdafiə naziri
general-polkovnik Zakir Həsənov
bildirib: “Bu gün ölkə prezidenti,
Ali Baş Komandan cənab İlham
Əliyev tərəfindən ordu quruculuğuna göstərilən yüksək
diqqətin nəticəsində biz
növbəti hərbi şəhərciyin
açılışında iştirak edirik. Ali Baş
Komandanın göstərişinə əsasən cari ildə artıq yeni tikilmiş onuncu hərbi
şəhərciyin açılışını həyata
keçiririk. Ən müasir,
bütün avadanlıqlarla təchiz olunan hərbi hissə şəxsi heyətin
istifadəsinə verilir. Xüsusi
qeyd etmək istəyirəm ki, möhtərəm cənab Prezident
İlham Əliyev Silahlı Qüvvələrimizin
bütün istiqamətlər üzrə
inkişafını ciddi nəzarətdə
saxlayır. Ordunun döyüş
hazırlığı yüksəlir, hərbi hissələr
yeni silah-sursatla, ən
müasir döyüş
texnikası ilə təmin olunur, şəxsi
heyətin sosial-məişət şəraiti yaxşılaşır,
daimi və xidməti mənzillər
istifadəyə verilir. Dövlətin və
xalqın etimadını doğrultmaq üçün biz gərək
gecə-gündüz çalışaq və xidməti-döyüş
hazırlığımızı yüksək səviyyədə
təşkil edək. Qarşımızda
torpaqlarımızı işğaldan azad etmək kimi əsas və
müqəddəs vəzifə dayanır. Silahlı
Qüvvələrimiz cəbhədə düşmənə
sarsıdıcı zərbələr vurur
və nəticədə qarşı tərəf çoxlu sayda itkilər verir. İndiki mərhələdə
düşmənin bütün ordusu ilə bizim ordumuzun yalnız kiçik
bir qismi mübarizə
aparır. Nə qədər ki,
torpaqlarımız işğaldan azad olunmayıb, biz hər
qarış torpağımıza görə sonadək
vuruşacağıq. Bundan sonra düşmənə qarşı daha ciddi tədbirlər
görəcək, ona daha
sarsıdıcı zərbələr endirəcəyik. Onda düşmən Azərbaycan əsgərinin,
Silahlı Qüvvələrimizin gücünü
daha çox hiss edəcək. Məqsədimiz düşmənə
sarsıdıcı zərbələr endirərək onu işğal olunmuş torpaqlarımızdan qovmaqdır. Biz bu işi
bundan sonra daha da sərt şəkildə
həyata keçirəcəyik. İşğalçılar
torpaqlarımızı nə qədər tez
tərk etməli olduqlarını anlasalar,
itkiləri bir o qədər
az olar. Düşmənlərimiz
də bunu bilməli və
anlamalıdırlar”. Şəxsi heyət təntənəli marşla tribunanın önündən
keçdikdən sonra Müdafiə Nazirliyinin rəhbərliyi ərazi ilə
tanış olub, müvafiq
göstəriş və tövsiyələrini verib, hərbi qulluqçularla
birlikdə nahar ediblər. Ekspertlər
hesab edirlər bu cür cəfərlər heç
şübhəsiz ki, hərbu
quuluqçuların döyüş ruhunu yüksəltməklə yanaşı gənclərin
orduya inamını da
artırır. Bu isə gənclərin vətənpərvərlik
ruhunun formalaşmasımda əsas amil kimi
çıxış edir. Digər tərəfdən,
ordunun maddi-texniki
bazasının möhkəmləndirilməsi Dağlıq Qarabağ probleminin sülh yolla həllinə
nail olmaq
imkanlarını da artırır. Elə bir sıra xarici ölkələrin
yüksək rütbəli nümayəndələri və
ATƏT-in Minsk arupunun
üzvləri də münaqişənin dinc
yolla həllinin mümkünlüyünü
etiraf edirlər. ATƏT-in Minsk
qrupunun amerikalı həmsədri Ceyms Uorlik deyib
ki, münaqişənin hərtərəfli
həllinin bir hissəsi olaraq
işğal olunmuş
torpaqlar qaytarılmalıdır: “Bura Dağlıq Qarabağın statusunun müəyyənləşməsi də
daxildir. Qeyd edilməlidir
ki, ədalətli həll beynəlxalq hüquqa əsaslanmalıdır. Buraya Helsinki Yekun Aktı və güc
tətbiq etməmə və ya güc tətbiqi ilə hədələməmə,
ərazi bütövlüyü və öz müqəddəratını təyin
etmə prinsipləri daxildir. Nə biz, nə də Ermənistan da
daxil olmaqla, başqa bir ölkə
Dağlıq Qarabağdakı rejimi
tanımır”. Fransanın Avropa
məsələləri üzrə dövlət katibi Harlem Dezir
Belqradda keçirilən ATƏT-in Xarici İşlər Nazirləri
Şurasının iclasında deyib ki, Fransa ATƏT-in Minsk qrupunun digər həmsədr
ölkələri ABŞ və Rusiya ilə
Dağlıq Qarabağ münaqişəsinin
həlli üçün səylərin
davam etdirilməsinə sadiqdir.
Moldova Xarici
İşlər Nazirliyinin İkitərəfli
əlaqələr üzrə idarə rəisi Aleksandr Qodreanun qeyd edib ki,
ölkəsi Azərbaycanın ərazi bütövlüyünü
tanıyır və dəstəkləyir: “Biz
beynəlxalq səviyyədə də Azərbaycanla əməkdaşlıq
edirik. Ölkələrimizin rəsmən
bir-birinin müstəqilliyini
tanıması ölkənin ərazi bütövlüyünü
tanınması deməkdir. Moldova Azərbaycanın
müstəqilliyini və ərazi bütövlüyünü
tanıyır. Təbii ki, bu
əraziyə aid olduğu
üçün birmənalı olaraq Dağlıq Qarabağı da Azərbaycanın ərazisi kimi
tanıyırıq”. Lakin bunlardan
fəqli olaraq ölkələr var ki, Dağiıq Qarabağ münaqişəsinə ikinci dərəcəli bir
məsələ kimi baxırlar. Məsələn,
Avropalı ekspert Mattias
Dornfeldt hesab edir ki, Almaniya
ATƏT-də sədrliyi dövründə Dağlıq Qarabağ münaqişəsinə prioritet diqqət ayırmayacaq. Hərçənd
postsovet məkanında dondurulmuş
münaqişələr problemi təşkilatda
Berlinin gündəliyinə daxil olacaq. Göründüyü
kimi ümid yalnız
Azərbaycan əsgərinə qalır.
Torpaqlarımızı hər an
düşmət taodağından azad etməyə
hazır olan əsgərlərimiz təbii
ki, vətənpərvər, döyüş əzimli olmalıdırlar. Hərbi
ekspertlər hesab edirlər ki, Azərbaycan əsgəri hər an torpaqlarımızı işğaldan
azad etməyə hazırdırlar. Hərbi-siyasi
mütəxəssislərin böyük əksəriyyəti
Azərbaycanın işğaldakı ərazilərini hərbi
əməliyyatlar yolu ilə azad etməsini tamamilə mümkün
hesab edir. Bu qəbildən
olan ekspertlərin qənaətincə, hər
il müntəzəm surətdə artan maliyyə vəsaitləri hesabına daha da güclənən
Azərbaycan ordusu qısa,
ildırımsürətli müharibə hesabına
qarşısına qoyulan istənilən
tapşırığı uğurla yerinə
yetirməyə qadirdir və siyasi hakimiyyət ordunun bu gücündən istifadə edəcək.
“Hərbi Jurnalistlər” İctimai Birliyinin rəhbəri, hərbi ekspert Üzeyir Cəfərov
müharibə ehtimalını istisna etmədiyini
bildirib: “Artıq yeni
təqvim ilimiz yavaş-yavaş
sürət götürür. Bütün cari işlərlə
yanaşı, hamını bir vacib sual düşündürür:
görəsən növbəti ildə Qarabağ
savaşı başlaya bilərmi? Mən hər zaman demişəm
ki, bu savaş istənilən an alovlana bilər. Çünki
23 ildən artıqdır ki, beynəlxalq qurumlar bizə
yalnız vədlər verməklə məşğuldurlar.
Vaxt isə gedir. ATƏT-in Minsk qrupu öz kefində, işində-gücündə.
İşğalçı da həmçinin. Ona görə
də, yeganə ümid Azərbaycan əsgərinə
qalır. Son vaxtlar həm Ali Baş Komandanın, həm də
müdafiə nazirinin çılxışlarına diqqət
etsək, döyüşlərin başlamaq ehtimalı ilə
bağlı bəzi işartıları görə bilərik.
Amma yenə mən hesab edirəm ki, döyüşlər
başlasa da, bu uzun müddətli deyil, qısa, lokal xarakterli
doyuşlər ola bilər. Mən şəxsən istəyirəm
ki, hərtərəfli hazır vəziyyətdə olan
Silahlı Qüvvələrimiz belə bir əməliyyata
başlasalar, uğur bizim olacaq. İnşallah, hesab edirəm
ki, o gün də çox uzaqda deyil”. Politoloq Qabil Hüseynli
isə müharibə ehtimalının real görünmədiyini
vurğulayıb. Politoloqun sözlərinə görə, Azərbaycan
və Ermənistan arasında yeni bir savaşın
başlanmasına mane olan olduqca çox amil mövcuddur:
“Müharibə təhlükəsi ola bilər. Amma müharibənin
baş verməsinə əngəl törədən amillər
də həddindən artıq çoxdur. Qərb ölkələri,
hətta Rusiyanın özü də bölgədə
müharibənin olmasını istəməz. Çünki
Rusiyanın vəziyyəti ağırdır. Müharibə Qərbin
regiondakı nüfuzuna da ciddi xələl gətirə bilər.
Bir sözlə, regionda maraqları olan ölkələr
müharibənin baş verməsini istəmir. Bu baxımdan, məncə,
2015-ci ildə sülh istiqamətində danışıqlar
aparıla, müxtəlif təşəbbüslər irəli
sürülə bilər”. Millət vəkili Aydən Mirzəzadə
qeyd edib ki, erməni liderlərinin apardıqları siyasət
Ermənistanın maddi vəziyyətini pisləşdirib. Nəticədə
Ermənistan hakimiyyəti və ordusuna bir inamsızlıq
sindromu yaranıb, eyni zamanda cəbhə xəttində erməni
provokasiyasına Azərbaycan ordusunun layiqli cavabı Azərbaycanın
artıq bir güc olduğunu göstərir. Artıq bunu Ermənistanın
özü də etiraf etməyə məcburdur: “Hələlik
isə nəticə ondan ibarətdir ki, uzun müddət
danışıqlar masasından yayınan Ermənistan cəbhə
xəttində Azərbaycan ordusundan layiqli cavablar alandan sonra
yeni görüşlərə təşəbbüs göstərir.
Ekspertlərin fikrincə, Azərbaycan və Ermənistanın
xarici işlər nazirləri arasında keçirilən son
görüş danşıqların yeni mərhələsinin
başlanğıcıdır. Bu danışıqlar prezidentlərin
növbəti görüşü üçün zəmin
yaradıb. Bəllidir ki, Azərbaycan və Ermənistan
prezidentlərinin görüşü gözlənilir. Həmin
görüşdə yaranmış vəziyyət,
danışıqların ölü nöqtədən tərpədilməsi
və digər məsələlərin müzakirə ediləcəyi
istisna deyil”. Onun sözlərinə görə, Azərbaycan
Ordusu indi əvvəlkindən daha güclüdür. Hər
bir Azərbaycan vətəndaşı da əsgər
paltarını geyinib ermənilər tərəfindən
işğal edilən torpaqlarımızı azad etməyə
hazırdır. İndi hər şey Ermənistanın
tutacağı mövqedən, yəni sülh və ya
müharibə yolundan asılıdır. Azərbaycan isə
istənilən halda işğal altındakı
torpaqlarını azad etməkdə qərarlıdır və
buna qadirdir!
Azərbaycan Respublikası Prezidenti
yanında KİV-in İnkişafına Dövlət Dəstəyi
Fondunun maliyyə dəstəyilə çap edilmişdir
Olaylar.- 2015.- 17 dekabr.- S.15.