Aprel döyüşlərindəki şəhidlərimiz

əsil vətənpərvərlik nümunəsidir

Azərbaycan torpaqlarının 20 faizini işğal etmiş Ermənistan Silahlı Qüvvələri qəsb etdikləri sahələri nəzarətdə saxlamaq məqsədilə mütəmadi olaraq təxribat xarakterli addımlar atırlar. Belə addımlardan biri də cari il aprel ayının əvvəllərində qeydə alındı.

Belə ki, diplomatisa sahəsində uduzduqlarını dərk edən Ermənistanın siyasi hakimiyyəti xalqı azdırmaq üçün atəşkəs rejimini pozmağa start verdi. Azərbaycanı təxribata sürükləyərək onun beynəlxalq imicinə zərbə vurmaq niyyəti güdən erməni ideoloqlarının bütün cəhdlləri puça çıxdı. Nəticədə Ermənistan silahlı qüvvələrinin işğal olunmuş ərazilərdə fəaliyyət göstərən komanda-qərargah məntəqəsi qoşunlarımızın vurduğu dəqiq cavab atəşi ilə darmadağın edildi. Aprelin 12-dən başlayaraq Azərbaycan Silahlı Qüvvələrinin cəbhə xəttində birtərəfli qaydada düşmənə qarşı əks-həmlə əməliyyatını və cavab tədbirlərini dayandırmasına baxmayaraq Ermənistan tərəfi vəziyyəti gərginləşdirməkdə davam edir. Milli Məclisin Aqrar siyasət komitəsinin sədr müavini, Azərbaycanın Qara Dəniz İqtisadi Əməkdaşlıq Təşkilatı Parlament Assambleyasındakı (QDİƏT PA) nümayəndə heyətinin rəhbəri Eldar Quluiyev bildirib ki, Azərbaycan bu gün öz gücünü, nizamlı orduya malik olduğunu göstərdi: “Eyni zamanda ordumuz malik olduğu silahdan mükəmməl istifadə etmə gücünü göstərdi. Bu, hərbdə çox vacib məsələlərdən biridir. Bir daha sübut olundu ki, Azərbaycan ordusu dünyanın aparıcı ordularından biridir. Düzdür, Azərbaycan 10 milyon əhaliyə malik olan bir dövlətdir. Ancaq hesab edirəm ki, Azərbaycan Ordusu nümunəvi ordulardan biridir. 1994-cü il may ayının 12-də ümumilli liderimizin dövründə Ermənistanla Azərbaycan arasında atəşkəs olmuşdu. Lakin məqsəd o deyildi ki, münaqişələr dondurulmuş qalsın. Məqsəd o idi ki, tezliklə beynəlxalq təşkilatların gücü ilə birgə bu məsələlər həll olunsun. Yəni, Azərbaycan torpaqları, 7 rayonumuz, eləcə də Dağlıq Qarabağ geri qaytarılsın və Azərbaycan xalqı öz ata-baba yurduna dönsün. Bundan sonra Qarabağın status məsələsinə baxılmalı idi. Ümumilli liderimiz də o vaxt bu məsələni qaldırdı və bildirdi ki, 7 rayon işğaldan azad edildikdən sonra Qarabağdakı ermənilərə dünyadakı mövcud olan ən yüksək muxtariyyəti verəcəyik. Onun davamçısı cənab Prezident İlham Əliyev də dəflələrlə tribunalarda çıxışı zamanı qeyd edib ki, biz erməni xalqının əleyhinə deyilik. Biz istəyirik ki, Azərbaycan və Erməni stan xalqı bir yerdə yaşasın. Ancaq Ermənistan qeyri-konstruktiv mövqe tutur. Bu gün Ermənistan mövcud status-kvonun dəyişməsinin tərəfdarı deyil. Sözsüz ki, son hadisələrin baş verməsi ondan irəli gəldi ki, demək olar ki, cəbhədə hər gün Ermənistan atəşkəsi pozur, itkilər olur. Yenəd də, yəni aprelin əvvəlində Ermənistan bir neçə kəndimizi dağıtdı. Sözsüz ki, Azərbaycan Ordusu bütün bunlara layiqli cavab verdi. Ermənilər elə fikirləşirdilər ki, Azərbaycan yenə susacaq. Bi müəyyən yüksəklikləri azad etdik. Bu məsələdə bir çox ölkələr, xüsusilə də ATƏT-in Minsk qrupunun həmsədrləri yenə də liberal mövqe tutdular. Ermənistan özü Azərbaycana müraciət edib bildirdi ki, danışıqlara hazırdır. Rusiya prezidenti Vladimir Putin bildirdi ki, danışıqlıqlar aparılsın və bu məsələ sülh yolu ilə həll olunsun. Bu gün də gözləyirik ki, bütün bu məsələlər nə zaman həll olacaq. Bu hadisələr olanda Azərbaycanda kiçikdən böyüyə, qadın və kişilər, hamı ayaq üstə idi ki, kömək etsinlər. Son 10 ilin içərisində gənclərdə o qədər vətənpərvərlik ruhu yaranıb ki, insan valeh olur. Fəxr edirəm ki, bəli, budur bizim Azərbaycan gəncliyi. Əvvəllər bəlkə də hərbə getməyə qorxurdular. Indi isə əlinə silah alan müharibəyə, ön cəbhəyə getməyə can atır. Özü də təkcə oğlanlar yox, qızlarımız da getməyə hazırdırlar. Bakıda, ayrı-ayrı rayonlarında, universitetlərdə də gənclərin tədbirləri oldu. Gənclər ölkə prezidentinin, Ali Baş Komandının əmrini gözlədiklərini və bir nəfər kimi silaha sarılıb düşmənə qarşı vuruşmağa hazır olduqlarını bildirdilər. İnsanların səbr kasası dolub və daşır. Bəzi gənclərimiz heç Şuşanı, Laçını, Kəlbəcəri görməyib. Ancaq onlar bu torpaqları çox sevirlər və o yerlərə getmək istəyirlər”. Millət vəkili əlavə edib ki, beynəlxalq təşkilatlar qarşısında bu məslələr artıq qabarıq şəkildə Azərbaycan nümayəndə heyətləri, eləcə də Azərbaycan səfirləri tərəfindən qaıldırılıb: “Səfirlərimiz Polad Bülbüloğlu, Emin Süleymanov, Elin Əmirbəyova sağ olun, deyirik. Hətta Fransada olan Ermənistan səfiri bizim səfirlə debatdan qaçdı. Baxmayaraq ki, heç bizim səfirin səviyyəsindı deyildi, ancaq Elçin Əmirbəyov Fransada erməni diaspor rəhbəri ilə teledebata çıxdı və sözün həqiqi mənasında o erməni biabır oldu. Səfirimizin arqumentli çıxışları qarşısında adam özünü itirdi. Biz hər zaman faşistləri pisləyirik. Ancaq II Dünya Savaşında almanlar mülki əhaliyə toxunmurdular. Ermənilərin isə əsas hədəfi mülki insanlar, uşaqlar, qocalardı. Ermənistan Azərbaycan torpaqlarını tutmaqla bərabər, etnik təmizləmə apardı. Kəlbəcərdə, Zəngilanda, Şuşada, Ağdərədəvə digər işğal edilmiş bölgələrdə bir nəfər azərbaycanlı qalıbmı? Bundfan sonra onlar referendumdan danışırlar. Mənim üçün çox maraqlıdır. Onlar nece referendum keçirirlər? Referendum keçirmək üçün Qarabağda yaşayan azərbaycanlılar öz yerlərinə qayıtmalıdırlar, tarazlıq yarandıqdan sonra onlar referendum keçirməlidirlər. Məslənin başqa tərəfi isə odue ki, bu referendum Azərbaycan Konstitusiyasına ziddir”. Onun sözlərinə görə, gənclərimiz Vətən torpaqlarının azad olunması yolunda müqəddəs savaşa hazırdır: “Təbii ki, bu savaş qansız, qadasız, itkisiz ötüşməyəcək. İndi Şəhidlərimizin ata-analarını gözlərində yaş olsa da, deyirlər ki, oğlum Vətən yolunda həlak olub. “Vətən sağ olsun!”. O atalar, analar əsgrlərə müraciət edirlər ki, oğullaımızın qanını yerdə qoymayın, torpaqlarımızı azad edin. Dəfn mərasimlərində istər Milli Ordunun rəhbərliyi, istər icra hakimiyyətləri , istərsə də millət vəkilləri, sadə insanlar, hamı iştirak edir. Ananın ürəyində qübar olsa da, oğlu şəhid olsa da, deyir ki, Allah ona rəhmət eləsin! Vətən sağ olsun! Biz bu şüari Türkiyədə görürdük. Bu gün isə Azərbaycanda şahidi oluruq. Bu gün Azərbaycan gənclərinin ən böyük arzuları torpaqalarımızı azad etməkdir. Son hadisələrdən sonra hisslərimi sizinlə bölüşmək istəyirəm. Azad olmuş yerlərimizə baxanda müəyyən hisslər keçirməyə başladım. Hiss etdim ki, yalnız Insan əsir, girov düşmür. Bu dəfə mən hiss etdim ki, bizim torpaqlarımız əsirlikdədir, girovluqdadır. Biz bəlkə də torpağa cansız varlıq kimi baxırıq. Amma heç də elə deyil. Torpaq da canlıdır. İndi geri alınmış torpaqlara baxıram, orada heç nə bitməyib. Ağac yox! Ot yox! Heç quşların səsini də eşitmirik. Demək torpaq girovluqda olanda yaşamır. Düşünürəm ki, bizim torpaqlarımız əsirlikdədir. O torpaqlar Azərbaycan əsgərlərini, Azərbaycan gəncliyini gözləyir. Mən əminəm ki, ölkə prezidentimiz, İlham Əliyev cənabları, Ali Baş Komandanımız nə vaxt əmr verərsə, inanın ki, 17 yaşından 77 yaşına qədər hər bir vətəndaş əlinə silah alıb Vətən torpağını azad etmək üçün çox böyük həvəslə cəbhəyə getməyə hazırdır. Mən bu məsələlərlə əlaqədar tələbələrlə görüş keçirdim. Gənclərin dillərindən Qarabağ düşmür. Tələbələrlə görüşdə dedim ki, mən bu gün sizin rektorunuzam. Amma Ali Baş Komandanımız əmr verərsə, sizə söz verirəm, ehtiyatda olan zabit kimi sizinlə bir yerdə Qarabağı azad etməyə hazıram. Vətən yolunda şəhid olmaq kimi müqəddəs işə hazırıq”.

Yeri gəlmişkən qeyd edək ki, Prezident İlham Əliyevin sərəncamı ilə erməni işğalçılarının 2016-cı il aprelin 2-dən 5-nədək qoşunların təmas xəttində törətdikləri silahlı təxribatların qarşısının alınması və düşmənin dinc əhaliyə hücumlarının dəf edilməsi zamanı göstərdiyi qəhrəmanlığa görə, şəhid mayor Samid Gülağa oğlu İmanov ölümündən sonra Azərbaycanın Milli Qəhrəmanı adına layiq görülüb. Mayor Samid İmanov 1981-ci ildə Neftcala rayonunun Sovetabad qəsəbəsində dünyaya göz acıb. 1998-ci ildə Neftcala rayonunda 1 saylı orta məktəbi bitirib və həmən il Ali Hərbi Məktəbə daxil olub, 2003-cü ildə Ali Hərbi Məktəbi fərqlənmə ilə başa vurub.Türkiyə Cumruhiyyətində “daxili təhlükəsizlik əməliyyatlarının planlaşdırılması və icrası” komando təlimi və “paraşütdən sərbəst atlayış” kurslarında, habelə “Anadolu-2007″ ,”Anadolu Qartalı -2007 birgə taktiki təlimlərində”, Pakistanda “Ləpirçi” və “Antiterror” kurslarında, İsveçrə krallığında “Dağ təlimi “kursunda, Rumuniya Respublikasında “dağa dırmanma üzrə təlimatcı” kursunda iştirak edib. 2004-cü ilin iyun ayından xüsusi təyinatlı hərbi hissədə qrup komandirinin muavini, qrup komandiri, bölük komandiri, dəstə komandiri və hərbi hissənin qərargah rəisi-hərbi hissə komandirinin müavini vəzifələrində xidmət edib. Xidməti müddətində 6 medalla təltif olunan az sayda hərbçilərdən biri olub. Məlumata görə, o, bir müddət müdafiə naziri Zakir Həsənovun muhafizə xidmətinin rəisi olub, daha sonra öz istəyilə yenidən xüsusi təyinatlı hərbi hissəyə qayıdıb, hərbi hissənin qərargah rəisi və xüsusi təyinatlı qoşunun komandanının köməkçisi vəzifəsini icra edib. Samid İmanov göstərdiyi qəhrəmanlıqlara görə iki dəfə ölkə rəhbərliyi tərəfindənqəbul edilərək mükafatlandırılıb. Mayor Samid İmanovun başçılıq etdiyi dəstələr onun yüksək komandirlik bacarığının sayəsində düşmənə ağır zərbələr vurub, dəfələrlə düşmənin arxasına kecib, komandanlığa cox vacib materiallar gətirib. O, Silahlı Qüvvələrin ən bacaraqlı zabitlərindən biri olub. 2014-ci il avqust ayında erməninin təxribatının qarşısın almaq ücün Samidin dəstəsi əməliyyat kecirib, 20-yə yaxın ermənini məhv edərək geriyə qayıdıb. 2016-ci ilin aprelin 3-dən 4-nə keçən gecə zabitimizin son döyüşü olub.Tərtərin Talış kəndi ətrafındakı atışmada yaralanan cəsur komandir əsgərlərinin onu döyüş meydanından cıxarılmasına etiraz edib, yaralı əsgərinin (gizir) xilas edilməsi əmrini verib. Əsgərlərinin etirazına baxmayaraq, əmrin icra edilməsi ücün qəti göstəriş verib. Ərazidən uzaqlaşan qrup qısa zamanda təhlükəli olmasına baxmayaraq yenidən qayıdıb, amma komandiri yerində tapa bilməyiblər. Samid İmanov əsgərləri ərazidən uzaqlaşandan sonra ələ keçməmək ücün ordan aralanıb, lakin aldığı yaralardan qanaxma nəticəsində dünyasını dəyişib.

Azərbaycan Respublikası Prezidenti yanında KİV-in İnkişafına Dövlət Dəstəyi Fondunun maliyyə dəstəyilə çap edilmişdir

Olaylar.- 2016.- 21 aprel.- S.15.