ALIN YAZIM - ŞƏHİDLİK

Adi insanlar ölür. Şəhidlər əbədiyyətə qovuşur. Hər bir şəhidin ömrü nə az,nə çox,uğrunda can qurban etdiyi torpağın yaşı qədərdir. Sağ qalsaydılar, hərəsi bir-birinə qətiyyən bənzəməyən tale yaşayacaqdılar. Fəqət indi onların hamısının alın yazısının cəmi bircə kəlməsi var.Şəhidlik!

Əgər xalq bircə nəfəriylə şüurlu ölüm zirvəsinə yüksələ bilirsə, deməli o xalq ləyaqət haqqına sahibdir!

Onlar bizə Vətəni ürəkdən sevməyi, mərdanəliyi, ən başlıcası isə yurd uğrunda necə ölməyi öyrətmişlər. Düşmən ordularını diz çökdürən, hər qarışı igidlər qanı ilə suvarılan torpağımızın qəhrəmanlıq yaddaşını yenidən oyatmışlar. Onlar sənin, mənim, hər birimizin əvəzinə ölümə gediblər;onlar,c əbrayıllı şəhidlər!

Şöhrət igidlərin

Ömür yelkəni,

Həyatın mənası

Kim deyər nədir ,

Şəhidlik ucalıq ,

Şəhidlik həyat

Şəhidlik ucadan

Uca zirvədir.

İnsan hardasa bənzərsiz yarandığından onun alın yazısı da ovcumuzdakı tale xəttləri kimi sirrlərini hər yetənə açmır.

Hər kəs öz bəxtinə, qismətinə düşən bir baxım işıqdan boylanır bu dünyaya... Gəlişi ilə ata ocağına bir dünya sevinc gətirmişdi Məhəmməd... Ulu dağların qüzey üzündən boylanan çinarlı Cəbrayıl onun nəzərində kiçik bir əyalət şəhəri deyildi.

O taylı bu taylı Azərbaycanımızın nəğçə ilə döyünən ürəyi idi .Sənin 24 illik ömrün nağıla bənzəyir ...

Bu nağılın qəhrəmanı divlərlə üz - üzə gəlib onları məğlub edən Məlikməmmədi də, mərdi-mərdanə şərin üstünə gedən Ağatlı oğlanı da sən özünsən...

Qarqarım, Arazım, Kürüm də sənsən

Gor evim, ocağım, pirim də sənsən,

Kəpəzim, Murovum, Dirim də sənsən,

Namusum, ismətim, qeyrətim Vətən.

Məhəmməd Xasay oğlu Rüstəmov 18 avqust 1969-cu ildə Cəbrayıl rayonu Şükürbəyli kəndində anadan olub. Şükürbəyli kənd orta məktəbini bitirdikdən sonra İrkutskda və Litvada əsgəri xidmətdə olub.

Hərbi hissənin komandirlərinin imzasıyla evlərinə ünvanlanan təşəkkür məktubları atası Xasay kişini, Qızbəs ananı ,qardaş bacılarını qanadlandırıb .

Bax beləcə qulluq etdiyi hərbi hissədə hərbi intizamı ilə özünə böyük xətir hörmət qazanıb Məhəmməd...

Vətənə qayıtdıqdan sonra rayondakı təmir - tikinti idarəsində işləyib .Sonra tale onu sərhəd oşunları sisteminə aparıb.

ALIN YAZIM - ŞƏHİDLİK1991 - 1992-ci illərdə burada çavuş rütbəsi ilə qulliq edən Məhəmməd Rüstəmov erməni işğalçılrından qisas almaq üçün rayon hərbi alayına üz tutub .

Sirik, Quşçular, Sur, Daşbaşı, Dolanlar kəndləri uğrunda gedən döyüşlərdə Məhəmməd mərdliklə düşmənlərlə vuruşub.

Doxsan üçüncü ilin avqust ayının 3 - də tale onun ömür kitabıa son nöqtəsini qoydu. Döyüşdə ayağının birini itirən və bədəni qəlpələrdən didim - didim olan bu cəsur igidimiz xəstəxanaya şatmamış dünyasını dəyişib .

1993-cü ilin payızından qaçqınlıq taleyinə sığınan Rüstəmovlar ailəsində döyüş yoldaşları, komandirləri ilə görüşürəm.

O vaxtlar 896 saylı hərbi hissənin arteleriya divizionunun komandiri olmuş İlham Məmmədov danışır: "İgidlikdə tayı bərabəri yox idi onun. Əsgər yoldaşları arasında mahir topçu sayılırdı. Şəhid olduğu günə kimi Cəbrayıl torpaqlarındakı Quşçular, Sirik, Daşbaşı postlarında el-obamızı etibarla qoruyur, döyüşlərdə düşmənin başına od yağdırırdı Məhəmməd..."

O vaxtlar 896 saylı hərbi hissənin arteleriya divizionunun 2 -ci batareyasının komandiri olmuş Hüsüynov Kərəm Ərşad oğlu isə deyir: "O , düşmənə qarşı barışmaz oldüğu kimi, vətəninə qarşı da canıyanan ,sədaqətli idi. Sovet ordusunda xidmətinə görə əsgər yoldaşları öz aralarında onu SNQ Məhəmməd çağırardılar."

ALIN YAZIM - ŞƏHİDLİKArteleriya divizionunun feldşeri Səfərov İsgəndər Şamil oğlu söhbətə qoşulur: "Cəbrayılın üstünü ölüm kabusu almışdı. Quşçular kəndi uğrunda qanlı döyüşlər gedirdi o gün. Xeyli şəhid olan, yaralanan var idi orada. Məhəmmədin yaraları ağır olduğundan Bakıya yola saldılar onu.. Məhəmməd səmanın mavi ənginliklərində dəyişdi dünyasını. Qartallar zirvədə doğulur, zirvədə köçür dünyadan deyiblər."

Döyüş yoldaşları Hüseynov Mustafa Hüseyn oğlu və Quliyev Əliəkrəm Rəşid oğlu isə belə danışırlar: "Cəmi 24 il ömür sürdü Məhəmməd. Onun gənc qəlbi xalqı üçün böyük işlər görmək eşqilə döyünürdü. Vaxtsız ölüm buna imkan verməsə də, o əbədiyyətə qovuşması ilə ən böyük istəyinə - Vətənə əsl oğul olmaq şərəfinə çatdı. Bundan da şərəfli nə ola bilər?

Şairimiz demişkən, Vətən sənə oğul dedi - daha nə dərdin... Belə xoşbəxtlik hər adama nəsib olmur. Sən dillər əzbəri olan igidliyinlə həmişəlik heykəlləşdin."

Şəhidin qardaşları Möhübbət və Hümbətin söylədikləri: "Məhəmməd ölümüylə sinəmizə sağalmaz dağ çəksə də, təsəllimiz odur ki, o, el yolunda, vətən yolunda şəhid olub. Nə yaxşı ki, dar ayaqda Vətənə arxa olan qala timsallı oğullarımız var. Fəxr edirik ki, qardaşımız Məhəmməd onların sırasındadır"

Bacısı Mətanət Rüstəmova deyir: "El-obamız yerində olsaydı nə dərdim var idi.. Təkcə Məhəmməd şəhid olmayıb ha..

Minlərlə ailənin oğlu Vətən yolunda canından keçib. Ancaq dözülməz dərd budur ki, qardaşımın məzarı düşmən əsirliyində qalıb..

Onun Şükürbəylidəki haray çəkən ruhu ilə təkcə yuxularımda görüşürəm indi.

Digər bacısı Pərvanə Rüstəmovanın dedikləri: "Deyirlər Allah hər yetəni sevmədiyi kimi, hər adama da şəhidlik haqqı vermir .. Bu haqqa o kəsləri çatdırır ki ,onlar öz sevgiləri ilə el -obaya başucalığı gətirirlər."

Xeyli vaxtdır torpaq nisgili, oğul dərdi göynədir Qızbəs ananı.

Ay gedib batmır Allah

Dərdlilər yatmır Allah,

Oğlumun məzarına

Əllərim çatmır Allah.

ALIN YAZIM - ŞƏHİDLİKŞəhid anası deyir - Arzumuz budur ki, torpaqlarımız işğaldan azad edilsin. Son dövrdəki 2 -5 aprel tarixlərindəki ordumuzun əldə etdiyi uğurlar da bir daha bizdə bu ümidlərimizi artırır. Cəbrayılımız düşmənlərdən geri alınsın. İnanırıq ki, prezidentimizin apardığı məqsədyönlü siyasət öz bəhrəsini verəcək.

Ordumuz şanlı qələbəsini uğurla başa çatdıracaqdır. Çox istərdim ki, şəhid oğlumun adı yaşadığımız Binəqədi rayonundakı adsız küçəyə verilsin, xatirə barelyefi qoyulsun, igidliyinə görə fəxri ad ilə təltif edilsin."

Bu işlərin görülməsi düşünürəm ki, Binəqədi rayonunda yaşayan gənc nəslin vətənpərvərlik ruhunu daha da artırar.

Ərləimiz, ərənlərimiz hər zülmət gecənin bir nurlu işıqlı sabahı olur deyiblər. Ulu Tanrının və bir də əlləri silah tutan igid oğullarımızın sayəsində inşaallah torpaqlarımız tezliklə azad olacaq. Bax, onda Qızbəs ana da öz doğma el - obasına qayıdıb oğlu Məhəmmədin şəhid qəbrini bağrına basıb, ürəkdən deyəcək -Əsgər yoldaşların doğma yurdyerlərimizdən düşməni qovub Sənin və şəhid dostlarının qisasını aldılar. Təki tez görəydik o günü...

Rəna Hacıyeva

Məqalənin hazırlanmasında "QƏM LEYSANI"

kitabına istinad edilmişdir

Olaylar.- 2016.- 2 dekabr.- S.12.