Maraqlı tədris vəsaiti
Bu günlərdə
"Ecoprint"nəşriyyatı tərəfindən
görkəmli alimlər Şudeyf İmamverdiyev və
Əlimardan Baxışovun "Kliniki uroginekologiya" dərs
vəsaiti çapdan çixmışdır.Kitabdan
uroloqlar,ginekoloqlar,ümumi cərrahiyyə sahəsində fəaliyyət
göstərən mütəxəssislər istifadə edə
bilərlər.
Bu dərs vəsaitndə alimlərin uroginekoloji problemlərin həlli istiqamətində apardıqları coxillik kliniki nəticələr öz əksini tapmışdır.Azərbaycan və xarici ölkə alimlərinin uroginekologiyanın klassik və ən son nailiyyətləri kitabda böyük yer almışdır.Əsərin əsas məramı və məqsədi təcrübi təbabət olmaqla yanaşı, kliniki tədris vəsaitidir.Bu tədris vəsaiti həmçinin nefroloqlar,qadın məsləhətxanlarının terapevtləri üçün nəzərdə tutmuşdur.
"Kliniki uroginekologiya" kitabının rəyçiləri uroloji mərkəz MMC-nin direktoru,professor,əməkdar həkim K.Abdullayev,Azərbaycan Elmi-Tədqiqat Mamalıq və Ginekologiya İnstitutunun direktoru,tibb elmləri doktoru professor K.Qurbanovdur.
Ən nəhayət kitabın müəliifləri barədə oxuculara məlumat vermək istərdk.Südeyf İmamverdiyev Azərbaycan MEA- nın müxbir üzvü,tibb elmləri doktoru,professor,əməkdar elm xadimi,Azərbaycan Tibb Universitetinin urologiya kafedrasının müdiridir.9 monoqrafiya,7 metodik vəsait,300-dən artıq elmi məqalənin müəllifidir.Onun rəhbərliyi altında tibb üzrə 4 elmlər doktorlugu və 18 fəlsəfə doktorluğu müdafiə olunmuşdur.Yaradıcı elmi,aktiv pedaqoji və gərgin tibbi fəaliyyətinə görə dəfələrlə orden və medallarla təltif edilmişdir.
Əlimardan Bağışov Azərbaycan Tibb Universitetinin Urologiya kafedrasının professoru,tibb elmləri doktorudur.Elmi,tibbi praktik fəaliyyəti operativ uroloğiya və uroginekologiyanın müxtəlif problemlərini əhatə edir.Bir elmi publisistik kitabın,qadın urologiyasına həsr olunmuş bir iri həcmli monoqrafiyanın,6 elmi-metodik vəsaitin,70- dən artıq elmi məqalənin müəllifidir.Avropa Uroloqlar Assosiasyasının üzvüdür.
Professor Əlimərdan
Bağışov ön sözdə yazır:
-Mən,tibbi fəaliyyətimin hər
bir çətin zamanında hörmətli müəllimim
akademik Südeyf İmamverdiyevi yanımda görmüşəm.30
illik birgə kliniki təcrübəmizin bəhrəsi olan bu
kitabda da adımızın yanaşı olmasından şərəf
duyuram adınların saglamlıgına həsr olunmuş bu
kitabın ərsəyə gəlməsində çəkdiyim
əməyi məni dünyaya gətirən,ömrümün
hər anına öz ömrünü baglayan,2000-ci ildə
dünyasını dəyişmiş əziz anam Əsəbnisə
xanımın ruhuna ərməgan edirəm.
"Kitabın
girişi məshur Alim P.Te Lindenin "Qadın
urologiyasını öyrənmədən ginekologiyanın
problemlərini yaxsı dərk etmək mümkün
deyildir"ifadəsi ilə açılır.
Uroginekologiya
nədir?
-Bu
ginekoloji patalogiya ilə
yanaşı qadın sidik sistemi xəstəliklərinin
yaranma səbəbləri,simptomları,müalicə və
praktikasını öyrənən elmdir.Kitabda alimlər bunu
daha ətraflı izah edir:"O,həmçinin müxtəlif
uraloji xəstəliklər zamanı hamiləliyin
gedişi,hamiləlik və doğuşdan sonra
qadınların sidik və cinsiyyət orqanlarında baş
verən dəyişiklikləri ,mamalıq-ginekoloji əməliyyatlar
zamanı sidik orqanlıarının zədələnmələrinin
diaqnostikası və müalıcəsi ilə məşgul
olan bir elm sahəsidir.Qazanılmış xəstəliklərlə
bərabər,cinsiyyət və sidik sisteminin anomaliyaları
çox vaxt bir-birini müşaiyət etdiyindən onların
cərrahi yolla korreksiyası da paralel aparılır".
Dərs vəsaiti 13 fəsildən ibarətdir.Hər bölümü maraqla oxunan,sadə dildə izahını tapan "Qadınlarda sidik sistemi orqanlarının anatoma-funksional xüsusiyyətləri", "Mamalıq və ginekoloji praktikada uroloji simptomların qiymətləndirilməsi", "Uroloji xəstəliklər və hamiləlik", "Mamalıq və ginekoloji əməliyyatlar zamanı sidik orqanlarının müəyyən olunmayan zədələnmələrinin agirlaşmaları", "Fiziki gərginlik zamanı sidik saxlanmazlıgı (stress inkonntinensiyası)" və s. fəsilləri bu sahədə çalışan ginekoloq-cərrahlar üçün əvəzsiz tədris vəsaitidir.
Akademik Südeyf İmamverdiyev və professor Əlimərdan Bağışovun "Kliniki uroginekologiya "dərs vəsaiti çoxillik təcrübəyə əsaslanmış, müəlliflər qarşıya qoydugu məqsədə nail olaraq ana dilimizdə samballı əsər tərtib etmişlər.Bu yolda onlara ugurlar diləyirəm.
Şövkət
Hüseynova
H.B.Zərdabi
mükafatı laureatı
Olaylar.- 2016.- 3-5 dekabr.- S.13.