Rum tərəfinin
inadı səbəbindən
həll edilməyən Kipr problem
Yaxud beynəlxalq aləmin Kipr
probleminin həllinə olan biganəliyi
Əvvəli ötən
saylarımızda
Kipr problemi barədə
dünyanın daha yaxından bilgiləndirilməsi, beynəlxalq
aləmin diqqətinin bu problemə cəlb olunması, ən əsası
Şimali Kipr Türk Respublikasının pozulan
haqlarının dünyaya çatdırılması
baxımından rəsmi Lefkoşanın beynəlxalq media
üzərindən fəaliyyəti də təqdir
olunandır. Belə ki, hər il bir neçə dəfə
dünyanın müxtəlif ölkələrində fəaliyyət
göstərən nüfuzlu media qurumlarının təmsilçilərini
Şimali Kipr Türk Respublikasına dəvət edən bu
ölkənin Xarici İşlər Nazirliyi xarici KİV-lər
vasitəsilə beynəlxalq aləmin diqqətini bir daha bu
problemə yönəldir, xarici medianın dllindən dünya
birliyinə Kipr probleminin həlli
çağırışı edir. Elə Azərbaycandan mənim
də qatıldığım bu dəfəki səfərdə
də məqsəd dünyanın dörd bir yanından gəlmiş
KİV nümayəndələrinə Kipr problemini anlatmaq,
media orqanları vasitəsilə bu problemin həllinə diqqəti
artırmaq idi. Şimali Kipr Türk
Respublikasının xarici işlər naziri Tahsin
Ertuğruloğlu ilə xarici ölkələrdən olan
media nümayəndələrinin görüşü də
buna hesablanmışdı. Nazir Tahsin Ertuğruloğlu
media nümayəndələrinə Kipr problemi barədə
geniş və ətraflı bilgi verərək qeyd edib ki, 24
aprel, 2004-cü il tarixində hər iki tərəfdə eyni
vaxtda reallaşdırılan referandumlarda, kiprli yunanların
BMT-nin həll planına chr("39")xeyrchr("39") deməsi
ilə Kipr probleminin həlli istiqamətində davam etdirilən
səylər dörd illik bir durğunluk halına
düşmüşdü. Bu müddət ərzində,
Kiprin türk lideri Mehmet Əli
Tələt
və Kiprin Rum lideri Tassos Papadopulos, 8 İyul 2006-cı ildə
tarixində "iki toplumlu, iki seqmentli və siyasi bərabərliyə
əsaslanan bir federasiya" halında əhatəli bir həll
variantının tapılması və Kipr probleminin
köklü mövzularını müzakirə etmək
üçün işçi texniki komitələrin
yaradılması barəsində razılığa gəldi:
"Bu mistiqamətlərdə liderlər tərəfindən
görəvləndirilən nümayəndələr,
işçi qrupları ilə texniki komitələrin
yaradılması və müzakirələrin
başlamasına xidmət edən görüşməyə
başladılar. Ancaq, bu görüşlər
Papadopoulos liderliyinin uzlaşmaz siyasətləri səbəbindən
bir nəticə vermədi. Kiprin Rum tərəfində
2008-ci ilin fevral ayında reallaşan prezident seçkiləri
və seçki kampaniyasında Hristfoyasın yeni Kipr Rum lideri
seçilməsiylə problemin həlli istiqamətində
aparılan müzakirələrdə yeni proses başladı.
İki lider, əvvəlcə 21 mart, 2008-ci il
tarixində bir araya gələrək, 21 mart
razılığına imza atıldı. 21 mart
razılığına uyğun olaraq, işçi
qrupları və texniki komitələrin yaradılması və
bunların nəticəsində yeni müzakirələrin
başlamasına qərar verildi. 16 aprel, 2008-ci il tarixində isə, idarəçilik,
iqtisadiyyat, Avropa Birliyi, mülkiyyət, torpaq və təhlükəsizlik
zəmanəti üzrə altı işçi qrupu
yaradıldı. Bundan başqa ekologiya, səhiyyə,
iqtisadi və ticari, cinayət və cinayətə
bağlı, humanitar mövzular və mədəni Miras məsələlərini
müzakirə etmək üçün texniki komitələr
elan edilərək işlərinə başladı. 21
mart, 2008-ci il tarixində reallaşan
görüşün nəticəsi olaraq həmin il, aprel
ayının 3-də Lefkoşada piyadalar üçün
keçişi təmin edən Lokmacı qapısı
açıldı. 23 may, 2008-ci il tarixində
iki lider ikinci dəfə bir araya gələrək, yerdə
qalan digər məsələləri elan etdilər. Razılığa əsasən iki seqmentli, iki
toplumlu, BMT Təhlükəsizlik Şurasının qərarlarında
göstərildiyi şəkildə siyasi bərabərlik əsasında
bir federasiya qurulacaqdı". Xarici işlər naziri
deyib ki, 1 iyul, 2008-ci il tarixində üçüncü dəfə
bir yerə gələn iki lider, 1 iyul razılığına
uyğun olaraq, tək suverenlik və tək vətəndaşlıq
prinsipini qəbul edərək sözügedən məsələlərin
görüşlərdə müzakirə edilməsinin
vacibliyini bildirdilər: "25 iyul, 2008-ci ildə isə liderlər,
1 iyul 2008-ci il tarixində əldə edilən
razılaşmaya uyğun olaraq, işçi qrupları və
texniki komitələrin işlərinin sonuncu dəfə nəzərdən
keçirmək və 3 sentyabr, 2008-ci ildə müzakirələrin
başlayacağını elan etdilər. Bu
müddət ərzində, 21 mart razılığı əsasında
qurulan işçi qrupları və texniki komitələr
işlərinə davam etdilər. Texniki
komitələrdə razılığa gəlinən və
liderlər tərəfindən təsdiqlənən qərarlar
elan edildi. İşçi qrupları da
öz növbəsində tərəflərin
yaxınlaşdığı mövzulara bağlı
hesabatlarını liderlərə təqdim etdilər.
Dörd illik ara məsafəsindən sonra
müzakirələr 3 sentyabr, 2008-ci il tarixində, BMT baş
katibinin şəxsi nümayəndəsi Aleksandr Dounerinin
iştirakı ilə başladı. Hər iki
liderlərin nümayəndələrinin
başçılığı ilə keçirilən
görüşlərdə qarşılıqlı anlaşma
əldə edilən mövzular və üzərində daha
çox müzakirəyə ehtiyac duyulan məsələlər
təsbit edilərək, üç ana başlıq
üçün ümumi 30 ortaq mətn hazırlandı.
2010-cu ilin yanvar ayından isə iki mərhələdə
gərgin müzakirələr gerçəkləşdi".
Şimali Kipr Türk Respublikasının xarici siyasət idarəsinin
rəhbəri onu da xatırladıb ki, 2010-cu ilin fevral
ayında BMT Baş katibi Ban Ki-moon adanı ziyarət edərək
həm hər iki tərəfin liderlərilə
ayrı-ayrılıqda görüş keçirimiş, həm
də ortaq bir yığıncaqda iştirak etmişdir:
"BMT Baş katibi həmin səfəri zamanı aradan
keçən zaman ərzində problemin həllində ciddi irəliləyiş
əldə edilmədiyini təssüf hissi ilə qeyd etməklə
yanaşı, bu istiqamətdə səylərin
artırılmasının vacibliyini də vurğuladı.
Şimali Kipr
Türk
Respublikasında keçirilən prezident seçkiləri ərəfəsində
30 mart, 2010-cu ildə Mehmet Əli Tələt və Hristofyas
son dəfə bir araya gələrək liderlərin
müzakirələrdə əldə olunan mərhələylə
bağlı öz cəmiyyətlərini məlumatlandırmaq
istiqamətində razılıq əldə etdilər. Bu məqsədlə Şimali Kipr Türk
Respublikasının lideri Mehmet Əli Telet 1 aprel, 2010-cu ildə
aparılan müzakirələrlə bağlı cəmiyyətin
bilgiləndirilməsi məqsədilə geniştərkibli mətbuat
konfransı təşkil etdi". Tahsin
Ertuğruloğlu xarici media nümayəndələrinin diqqətinə
onu da çatdırıb ki, Şimali Kipr Türk
Respublikası hər zaman müzakirələr tərəfdarı
olub və ölkəyə kimin rəhbərlik etməsindən
asılı olmayaraq daima Kipr probleminin həlli məqsədilə
görüşlərdə yaxından iştirak edib.
Xarici siyasət idarəsinin rəhbəri deyib ki, 18 aprel,
2010-cu il tarixində Şimali Kipr Türk Respublikasında
keçirilən prezident seçkilərində qələbə
qazanan Dərviş Əroğlu da BMT Baş katibi Ban Ki-moona
göndərmiş olduğu 23 aprel, 2010-ci il tarixli məktubunda
Kipr probleminin həlli istiqamətində aparılan müzakirələrə
qalmış olduğu yerdən davam etməyə hazır
olduğunu ifadə edərək Kipr Türk tərəfinin
daha əvvəl əldə olunan yazılı
razılaşmalara da sadiq qalacağını
vurğulayıb: "Dərviş Əroğlu və
Hristofyas bu istiqamətdə ilk görüşlərini 26 may,
2010-cu il tarixində reallaşdırdı. Prosesin
irəliləməsi məqsədilə BMT-nin baş katibi
müzakirələrdə önə çıxan bir sıra
problemlərin həll edilməsi üçün liderləri
bir üçlü formatda görüşə
çağırdı. Bu müddət ərzində tərəflər
arasında həyata keçirilən beş üçtərəfli
formatda görüşdən birincisi 18 noyabr, 2010-cu ildə
Nyu-Yorkda, ikincisi 26 yanvar, 2011-ci ildə Cenevrədə,
üçüncüsü 7 iyul 2011-ci ildə yenə də
Cenevrədə, dördüncüsü 30-31 oktyabr, 2011-ci il
tarixlərində Nyu-York və beşincisi 23-24 yanvar 2012-ci ildə
yenə də eyni şəhərdə baş tutdu. BMT baş
katibi 6 yanvar, 2012-ci il tarixində liderlərə
göndərmiş olduğu məktubda problemin həlli istiqamətində
aparılan danışıqların son mərhələyə
girdiyini bəyan edərək bu məqsədlə çoxtərəfli
bir konfrans keçirilməsinin önəmli olduğunu ifadə
etmişdi. Bununla yanaşı baş katib Kipr
Rum tərəfinin 1 İyul, 2012 tarixində Avropa Birliyinin sədrlik
postuna sahib çıxmasının problemin həlli istiqamətində
aparılan müzakirələri zəiflədəcəyi barədə
naraatçılığını da ifadə etmişdi.
25 yanvar, 2012-ci il tarixində Nyu- Yorkda
reallaşan sammitin ardından verdiyi açıqlamada BMT
baş katibi son razılığa gəlmək
üçün liderlərin qərarlı addımlar
atmalı olduğunu bildirmişdi. Ancaq, Rum rəhbərliyinin
1 İyul, 2012-ci il tarixində Avropa Birliyinin dönəm
başqanlığına rəhbərlik etməsi ilə
müzakirələrdə Kipr Türk tərəfinin arzu
etdiyi nisbətdə bir irəliləmə qeydə
alınmadı. Rum tərəfi müzakirələrin son mərhələsini
başa çatdırmaq üçün adadakı iki tərəf
ilə qarant ölkələr olan Türkiyə, Yunanıstan
və Böyük Britaniyanın iştirakı ilə
reallaşacaq yüksək səviyyəli toplantı daxil
olmaqla, prosesin önünü aça biləcək mərhələlərin
həyata keçirilməsini rədd etməyə
başladı. Beləliklə, 2013-cü ilin
fevral ayında Rum tərəfində reallaşdırılan
prezident seçkisinin yaxınlaşmasından dolayı Kipr
probleminin həlli istiqamətində keçirilən
müzakirələr bir durğunluq dövrünə girdi.
Cənubi Kiprdə reallaşan prezident
seçkilərində, Nikos Anastasiades yeni Kipr Rum lideri olaraq
seçildi. Anastasiades isə Dərviş
Əroğludan fərqli olaraq müzakirələrə
qaldığı yerdən sürətlə başlamağa
hazır olduğu istiqamətində bir açıqlama verməkdən
yayındı. Buna rəğmən BMT
2008-ci ildən etibarən tərəflər arasında əldə
olunan bütün yaxınlaşmaları özündə
ehtiva edən 77 səhifəlik bir sənəd hazırlayaraq
2013-cü ilin aprel ayında tərəflərə təqdim
etdi". Xarici işlər naziri qeyd edib ki, BMT-nin tərəflərə
təqdim ediyi sənəd, eləcə də Kipr Türk tərəfinin
müzakirələrin qaldığı yerdən bir an əvvəl başlaması istiqamətində
çoxsaylı çağırışlarına baxmayaraq tərəflər
arasında
görüşlərin yenidən başlaması təxminən
bir illik bir ara məsafəsindən sonra davam etdi: "Kipr Rum
tərəfi, daxili iqtisadi çətinliklər, Kipr Rum Milli
Şurası ilə məsləhətləşmələr
aparmaq, ekspert təyin edilməsi kimi bir çox bəhanələrlə
müzakirələrin yenidən başlaması
üçün iki tərəfin bir ortaq açıqlama
üzərində razılığa gəlməsinin lazım
olduğunu irəli sürmüşdü. Təxminən 5 ay
davam edən danışıqlar və diplomatik cəhdlərdən
sonra, Kipr Türk liderliyinin quruluşçu addımları nəticəsində
11 fevral, 2014-cü il tarixində ortaq açıqlama mətni
üzərində razılıq əldə olundu".
Ardı var
Süleyman İsmayılbəyli
Bakı-İstanbul-Lefkoşa-Bakı
Olaylar.- 2016.- 24 noyabr.- S.12.