20 yaşlı Cəfər Cabbarzadənin

"Bakı müharibəsi"

Facebook dostumuz hörmətli adaşım-Nazim Muradovun maraql bir məlumatını daha geniş məkana çıxararaq, məlumatın tarixdə qalması, dünya kitabxanalarının kataloqlarına düşməsi üçün oxucularla bölüşmək qərarına gəldim..

Bu informasiya uzun illər ehtiyatla danışılan bir xəbərin təsdiqinə inamı artırır. Söhbət 20 yaşlı Cəfər Cabbarlının yazdığı "Bakı müharibəsi" draması (dramı-N.N.) ) haqqındadır. Facebook məktubunda əsərin Bakı Dövlət Teatrında iki gecə göstəriləcəyi xüsusilə vurğulanır.

Əsərin təqdimatında "Bakı müharibəsinin janrı "tarixi dram" kimi təqdim edilsə də, sonrakı sətirlərdə onun "faciə" olduğu göstərilir.

Bəlkə də bu fikir daha ağlabatandır. Onsuz da, ədəbiyyatşünaslıqda hələ də bu və ya digər əsəri tədqiqatçının təqdimi ilə verilməsinə,tanıdılmasına,demək olar ki, etiraz edən yoxdur.

Məsələn, M.F.Axundovun dram əsərlərini gah alti komediya, gah da beş komediya, bir dram kimi tanıdırlar.

Şah İsmayıl Xətayinin iri həcmli əsərlərinin janrının təyini də tədqiqatçı istəyinin təsdiqi kimi qəbul olunmuşdur.

Təəssüf ki, Facedbook səhifəsində hörmətli alim dostumuz Cəfər Cabbarlınin "bakı müharibəsi" dramı haqqında verilən məlumatın dəqiq mənbəyini göstərmir. İnformasiyanı olduğu kimi , müəyyən izahlarla latın qrafikasına tracliterasiya edirik.

" Axşam tamaşaları * Tazə tarixi dramalar * axşam tamaşaları

Azərbaycan dövlət tiyatrosunda

Zilhiccənin (ərəb qəməri aylarından on ikincisi-N.N.) 20-si,

sentyabrın16-sında(on altısında-N.N.)

Bakü-Türk səhnəsi aktyorlarının iştirakı ilə

artist Abbas Mirzə Şərifzadənin

təhtı- idarəsində (rəhbərliyialtında - N.N.)

Azərbaycanımızın paytaxtı Bakı şəhərinin mart hadisəyi- ələməsindən (mart ələmli, kədərli hadisələrindən- N.N.) sonra düşmənlər əlində qalıb, sonradan qəhrəman Türk ordusu tərəfindən mühasirə edilib. Xilas olmasının bir illiyi münasibətiylə gənc şair və mühərrirlərimizdən Cəfər Cabbarzadənin yeni yazmış olduğu "Bakü Müharibəsi" draması, mövqeyi- təmaşaya qoyulacaqdır.

5 pərdədə, 7 şəkildə.

Həmin faciədə, Bakı şəhərində mart hadisəyi -ələməsindən

(ələmli,kədərli hadisədən-N.N.) sonra müsəlmanlara edilən zülm göstəriləcəkdir.

Faciədə iştirak edəcəklər:

Nuri Paşa, Mürsəl Paşa, Məhəmməd Tofiq bəy.

Nuri Paşanın cəbhədə olması və Bakıya hücum planı yapılması

göstəriləcəkdir. Bu faciədə Bakının mart hadisəyi- ələməsindən ta xilas olana qədər nə günlər gördüyü müfəssəl surətdə göstəriləcəkdir". İnanırıq ki,yeni dərsliklər yazılarkən, informasiyanın mənbəyi dəqiq müəyyənləşdiriləndən sonra bu maraqlı fakt alim və dərrslik müəlliflərinin diqqətindən yayınmayacaqdır.

Nazim Nəsrəddinov,

Azərbaycan Respublikasının

əməkdar müəllimi

Olaylar.- 2017.- 5 aprel.- S.11.