İlham Əliyevin sosial siyasətinin

mərkəzində vətəndaş amili dayanır

Bu, ölkə vədəndaşlarında gələcəyə daha nikbin baxışlar formalaşdırır

Dövlətin sosial siyasəti cəmiyyətin həyat fəaliyyətinin sosial iqtisadi şərtlərinin tənzimlənməsinə yönəldilən tədbirlər kompleksindən ibarətdir. O, gəlirlərin bölgüsündəki bərabərsizliyin azaldılmasına, bazar iqtisadiyyatında gəlirlər və mülkiyyət sahəsində fərqlərin zəiflədilməsinə, iqtisadi fəaliyyətin iştirakçıları arasında ziddiyyətlərin yumşaldılmasına və cəmiyyətdəki sosial ixtilafların aradan qaldırılmasına yönəldilmişdir.

Bazar iqtisadiyyatı sistemində sosial siyasət vasitəsi ilə əhalini əmlak sahəsində mövcud olan bərabərsizliyin müəyyən dərəcədə aradan qaldırılmasını nəzərdə tutan və əhalinin bütün təbəqələri üçün eyni başlanğıc şərtlərini təmin edən sosial ədalət prinsipləri reallaşır. Prezident İlham Əliyev hakimiyyətə gəldiyi gündən onun siyasətinin mərkəzində Azərbaycan vətəndaşı dayanır. Xatırladaq ki, İlham Əliyev ilk dəfə prezident seçiləndə ölkədə 600 min yeni iş yerinin yaradılacağını vəd etmişdi. Onda bu rəqəm bəzilərinə xəyal kimi görünürdü. İllər keçdi xəyal hesab edilənlər reallığa çevrildi. Ötən 15 ildə Azərbaycanda 1 milyon 900 min yeni iş yeri yaradıldı. Bu və digər addımların nəticəsi olaraq yoxsulluq 50 faizdən 5 faizə düşdü. Maaşlar 5 dəfədən, pensiyalar isə 8 dəfədən çox artırıldı. Hazırda da əhalinin rifahının yaxşılaşdırılması, sosial problemlərin həlli, insanların müasir səhiyyə xidmətləri ilə təmin olunması istiqamətində ardıcıl addımlar atılır. Son 15 ildə ölkədə minlərə məktəb binası tikildi və ya yenidən quruldu, geniş bazaya malik təhsil infrastrukturu yaradıldı, dörd mindən çox məktəb kompüter avadanlığı ilə təmin edildi. lkədə səhiyyə islahatları da uğurla reallaşır. Bu gün təkcə paytaxtda deyil, bölgələrdə də müasir və ən qabaqcıl tibb avadanlığı ilə təchiz olunmuş müalicə-diaqnostika mərkəzləri, xəstəxanalar tikildi, mövcud səhiyyə ocaqları əsaslı şəkildə yenidən quruldu, bölgə sakinləri birbaşa yerlərdə müalicə olunmaq imkanı qazandı.Prezident İlham Əliyev şəhid ailələri, müharibə veteranları və əlillərinə daim xüsusi qayğı ilə yanaşır. Son 15 il ərzində şəhid ailələrinə və müharibə əlillərinə dövlət hesabına 5500-dən çox fərdi ev və mənzil, 6 mindən çox minik maşını verildi. Azərbaycan Prezidenti bu məqsədlə Prezidentin ehtiyat fondundan 20 milyon manat vəsait ayırıb. Bundan başqa, şəhidlərin vərəsələrinin maddi vəziyyətinin yaxşılaşdırılması məqsədilə onlara dövlət tərəfindən 11 min manat vəsait verilməsi nəzərdə tutulub. Artıq bu vəsaitin verilməsi prosesi başlayıb. Təqribən, 10 minə yaxın ailə dövlət tərəfindən bu pul təminatını alacaq. 2003-2018-ci illərdə məcburi köçkünlərin problemlərinin həlli sahəsində genişmiqyaslı işlər görüldü, ölkədəki bütün çadır düşərgələri, fin tipli qəsəbələr ləğv edildi, yeni salınmış 100-dən artıq qəsəbə və şəhərcikdə 265 min nəfər məskunlaşdırıldı. Digər məsələ həssas təbəqədən olan insanların sosial reabilitasiyasıdır ki, bu istiqamətdə də davamlı iş aparılır, nəinki, paytaxt Bakı,Sunqayıt,Gəncə MərdəkanNaftalan,Yevlaxda yeni layihələr icra olunur və ya mövbcud sosial obyektlər əsaslı təmir edilir. Bu ilin fevralında bu məqsəd üçün ayrılan 15,2 milyon manatdan çox vəsait belə deməyə əsas verir ki,həmin obyektlərin cari ildə istifadəyə verilməsi gözlənilir. Bütün bunlar isə bir məqsədə xidmət göstərir - ölkədə hər kəsin rifahına nail olmaq və bununla da daha güclü Azərbaycanın gələcəyini təmin etmək. Artıq qətiyyətlə demək olar ki, hazırda Azərbaycan dövlətinin sosial qayğısı cəmiyyətin bütün təbəqələrini əhatə edir. Son illər ərzində sosial müdafiə və təminat xərclərinin dəfələrlə artması, bu məqsədlə icra olunan infrastruktur layihələr, ən əsası həmin siyasətin bütün əhali kateqoriyalarını əhatə etməsi də bunun əyani sübutudur. Təkcə şəhid ailələri, müharibə və 20 yanvar əlillərinin müavinətlərinin artırılması ilə bağlı qəbul olunan qərar dövlətin bu sahəyə diqqətindən xəbər verir. Azərbaycan cəmiyyətində insan dövlətin əsas kapitalıdır və həyata keçirilən hər bir tədbirin mərkəzində də ölkə vətəndaşı dayanır. Çünki dövlət güclü cəmiyyəti hər bir fərdin inkişafında görür və bu hədəf dövlətin strateji hədəflərindən biri kimi müəyyənləşdirilib. Bütün bunlar Azərbaycanın sosial dövlət modeli, hərtərəfli inkişaf strategiyasının reallıqlarını nümayiş etdirir. Bu uğurların təməlində isə ilk növbədə sabitlik və təhlükəsizlik amili dayanır. Çünki sabitlik hər bir ölkənin inkişafı üçün başlıca şərtdir və sabitlik olmayan yerdə heç bir inkişafdan söhbət gedə bilməz. Xalqın güclü dəstək verdiyi bu siyasət isə haqlı olaraq ölkə vədəndaşlarında gələcəyə daha nikbin baxışlar formalaşdırır. Məhz buna prezident İlham Əliyevin yürütdüyü düşünülmüş siyasət və qətiyyətli qərarları nəticəsibdə nail olunub. Ümumiyyətlə, inkişaf edən ölkəmizdə sosial siyasət həyatımızın bütün sahələrinə böyük təsirini göstərməkdədir. Həyata keçirilmiş və yaxın gələcəkdə yerinə yetiriləcək tədbirlər, nəhəng layihələri respublikada əhalinin sosial vəziyyətinin getdikcə daha da yaxşılaşması üçün əsaslı zəmin yaradır. Onu da qeyd etmək yerinə düşərdi ki, insana qayğı, onun maddi, mənəvi tələbatlarının ödənilməsi üçün zəruri şəraitin yaradılması Azərbaycan dövlətinin, Prezident İlham Əliyevin apardığı siyasətin mühüm prinsiplərindəndir. Azərbaycan iqtisadiyyatında ardıcıl müşahidə olunan inkişaf meylləri, ayrı-ayrı sahələrdə əldə edilən müsbət nəticələr dövlətin sosialyönümlü siyasətinin daha da gücləndirilməsinə imkan verir. Eləcə də iqtisadiyyatda həyata keçirilən köklü dəyişikliklər ölkədə iqtisadi sabitliyi təmin etməklə bərabər, əhalinin sosial müdafiəsini gücləndirmək üçün möhkəm zəmin yaradıb. Məsələn, son illər yüzminlərlə yeni iş yeri açılıb ki, bu da işsizliyin aradan qaldırılmasında müstəsna rol oynayır. Bu, bir daha təsdiq edir ki, Azərbaycanda sosial dövlət quruculuğu modeli uğurla həyata keçirilməklə yanaşı, həm də digər ölkələrə göstərilən örnəkdir. Dövlət başçımız xalqın güzəranının yaxşılaşdırılması üçün bütün imkanlardan yüksək səviyyədə istifadə edir və bütövlükdə, son illər ərzində çox ciddi sosial tədbirlərin reallaşdırılması da buna bariz sübutdur.

Nurlan

Olaylar.- 2018.- 25 dekabr.- S.4.