Regional proqramların
icrası uğurla davam etdirilir
Regionların sosial-iqtisadi inkişafına dair Dövlət Proqramları
Azərbaycanın hərtərəfli
inkişafına zəmin
yaradıb. Bölgələrdə
yeni iş yerlərinin açılması,
əhalinin kommunal problemlərinin həlli, onların elektrik enerjisi, təbii qaz, içməli su ilə təminatı,
yol infrastrukturunun yeniləşdirilməsi, müasirləşdirilməsi,
təhsil və səhiyyə sahəsində
komleks tədbirlərin
həyata keçirilməsi
və bu kimi əhəmiyyətli nüanslar Regionların sosial-iqtisadi inkişafına
dair Dövlət Proqramı çərçivəsində
müvəffəqiyyətlə həyata keçirilib.
Şəhər və rayonların,
kənd və qəsəbələrin inkişafı
fonunda görmək mümkündür ki, 15 ildir uğurla icra edilən Regionların sosial-iqtisadi inkişafına dair Dövlət Proqramlarından
respublikanın hər
bir bölgəsinə,
şəhərinə, rayonuna,
hətta ucqar dağ kəndinə belə pay düşüb.
Bütün bunların həmin
şəhər və
rayonların, kənd və qəsəbələrin
inkişafı fonunda görmək mümkündür.
Kompleks şəklində
inkişafa aparan
regional proqramların uğurla
icrası nəticəsində kənd
təsərrüfatı sahəsində
ərzaq təhlükəsizliyinin
təmin olunması üçün bitkiçilik
və heyvandarlıq sahələri inkişaf etdirilmiş, ərzaq məhsulları ilə özünü təminetmə
səviyyəsi daha da yaxşılaşdırılmışdır.
Bundan əlavə, son illərdə
sahibkarlığın inkişafına
dövlətin maliyyə
dəstəyi daha da yaxşılaşmış,
güzəştli kreditlərin
həcmi əhəmiyyətli
dərəcədə artmışdır.
İqtisadiyyatın sürətlə inkişafı, dünya ölkələri arasında
nüfuzunun yüksəlməsi
ölkəmizə marağın
artmasına səbəb
olmuş, respublikamıza
gələn əcnəbilərin
ildən-ilə çoxalmasına,
bir sözlə, turizm fəaliyyətinin genişlənməsinə şərait
yaratmışdır. Ölkənin sosial-iqtisadi
həyatında mühüm
rol oynayan informasiya və rabitə sahəsinin inkişafında 8,2 dəfə artıma nail olunmuşdur. Qeyri-neft sektorunun davamlı
inkişafını təmin
edilib, ölkədə
innovativ və yüksək texnologiyalar əsasında rəqabət
qabiliyyətli sənaye
istehsalının inkişafı
üçün münbit
şərait yaradılmışdır.
Müasir texnologiyalara
əsaslanan sənaye müəssisələrini təşkil
etmək, əhalinin istehsal sahəsində məşğulluğunu artırmaq
istiqamətində Sumqayıt
Texnologiyalar Parkının,
Sumqayıt Kimya Sənaye və Balaxanı Sənaye Parklarının, Yüksək
Texnologiyalar Parkının
yaradılması da mühüm əhmiyyət
kəsb edir.
Regional İnkişaf Dövlət
Proqramlarının icrası
nəticəsində əhalinin
həyat səviyyəsi
davamlı olaraq yüksəlməkdədir. Regionların sosial-iqtisadi inkişafı
Dövlət Proqramına
uyğun olaraq bölgələrimizdə içməli
su və kanalizasiya şəbəkələrinin
yenidən qurulması
işləri aparılır.
Möhtərəm Prezident
İlham Əliyevin Azərbaycan vətəndaşlarının fasiləsiz
və keyfiyyətli içməli su ilə təmin edilməsi barədə tapşırıqlarına uyğun
olaraq mühüm layihələr icra edilib. Bu yaxınlarda
Salyan şəhərininin
su təchizatı və kanalizasiya sistemləri yenidən qurulub. Babazanlı yaşayış massivində yeni içməli su təchizatı infrastrukturu
yaradılıb. Aran bölgəsində
yerləşən Salyan
rayonunda içməli
su təchizatı həmişə aktual olub. Salyan şəhərində yeni
mənbədən suyun
verilməsinə başlandıqdan
sonra şəhərdə
su və kanalizasiya şəbəkələrinin
yenilənməsi işləri
davam etdirilir.Şəhərin
uzun illərdir içməli sudan
əziyyət çəkən
Babazanlı yaşayış
massivində də içməli su layihəsi icra olunub. Babazanlı yaşayış massivi Salyan şəhərinin böyük
bir hissəsini əhatə edir. Burada mərkəzləşdirilmiş su təchizatı sustemi mövcud olmayıb. Sakinlər
uzun illər fərdi qaydada quraşdırılmış nasoslar
vasitəsilə Kür
çayından götürülmüş
sudan istifadə
edilib. Babazanlı yaşayış massivinə içməli
su Şirvan-Muğan qrup su kəmərindən
Salyan şəhərinə
çəkilmiş magistral
xətdən verilir.
Babazanlı qəsəbəsində 16 km uzunluğunda paylayıcı
su şəbəkəsi
yaradılıb. 700-dək ev yeni yaradılmış şəbəkəyə
qoşulub və abonentlər sayğacla təmin olunub. Bununla da Babazanlı yaşayış massivinin
3 minədək sakini dayanıqlı və keyfiyyətli içməli
su ilə təmin olunub.
Bundan əlavə
regional proqramlar çərçivəsində
Qəbələ şəhərində
əhalinin içməli
su təchizatı və kanalizasiya xidmətlərindən istifadəsinin
yaxşılaşdırılması məqsədilə içməli
su və kanalizasiya şəbəkələrinin
tikintisi başa çatdırılıb. Qəbələ şəhərində əhalini
dayanıqlı və
keyfiyyətli içməli
su ilə təmin etmək məqsədilə Dəmiraparançayın
yatağında 8 subartezian
quyusu qazılıb.
Su mənbəyindən Qəbələ
şəhərinə 10,5 km magistral su xətti çəkilərək
yeni şəbəkəyə
birləşdirilib. Layihə çərçivəsində şəhərdə ümumi
tutumu 10400 kubmetr olan 6 su anbarı,
xlorator qurğusu və laboratoriya
binası inşa edilib.
Prezident
İlham Əliyevin ötən il
imzaladığı sərəncama
əsasən, Qəbələ
şəhərində su
təchizatı və
kanalizasiya sistemlərinin
tikintisi sürətləndirilib
və şəbəkələrin
inşasıbaşa çatdırılıb.
Ümumilikdə Qəbələ
şəhərində 132 km içməli su şəbəkəsi yaradılıb,
7 mindən çox abonent yeni şəbəkəyə qoşulub
və sayğaclaşma
işləri aparılıb.
Şəhərdə 123 km kanalizasiya şəbəkəsi
və tullantı sularının təmizləyici
qurğuya ötürülməsi
məqsədilə 8,2
km uzunluğunda kanalizasiya
kollektoru inşa edilib. Qəbələ şəhərində yaranacaq tullantı sularının təmizlənib
zərərsizləşdirilməsi məqsədilə məhsuldarlığı
sutkada 4400 kubmetr olan tullantı sutəmizləyici qurğunun
tikintisi də yekunlaşmaq üzrədir.
Ümumilikdə Qəbələ şəhərində icra
olunan içməli su və kanalizasiya
layihəsindən 30 min nəfər
faydalanacaq. Abonentlərə
göstərilən müştəri
xidmətlərinin yaxşılaşdırılması
məqsədilə Qəbələ
Sukanal Sahəsi üçün müasir
tipli inzibati binanın tikintisi də yekunlaşmaq
üzrədir. Qəbələ şəhərində 1950-60-ci illərdə yaradılmış
ilk su təchizatı və kanalizasiya sistemləri şəhəri
tam əhatə etmirdi
və istismara yararsız vəziyyətə
düşmüşdü.
Dövlət başçımız əhalinin
içməli su təminatını daim diqqətdə saxlayır. Bu istiqamətdə görülən
böyük işlər
və əldə olunan uğuirlu nəticələr də bu diqqəti bir daha sübut
edir.
Su təchizatı və
kanalizasiya sektoru ilə yanaşı yol infrastrukturu da əhalinin rahatlığının təmin
olunmasında əhəmiyyətli
rol oynayır. Yol infrastrukturu
həmçinin iqtisadi
inkişaf üçün
də mühüm amildir. Bu minvalla
regionlarda magistral yolların tikintisi və yenidənqurulması,
xüsusi ilə kənd yollarının tikintisi, əsaslı təmiri göz önündədir.
Bu yaxınlarda, Xudat-Nabran
avtomobil yolu əsaslı şəkildə
təmir olunub. Regional proqramlar turizm sektorunun inkişafında mühüm rol oynayır. Xudat-Nabran avtomobil yolunun
əsaslı şəkildə
təmir olunması da Dəniz turizmi
istiqamətini inkişaf
etdirmək və insanların Xəzər dənizində səmərəli
istirahətini təmin
etmək məqsədi
ilə dövlət başçısının tapşırığı
ilə bu istiqamətdə qurulub.
Respublika əhəmiyyətli
Gəndob-Xaçmaz-Yalama-Rusiya Federasiyası ilə dövlət sərhədi
avtomobil yolunun
49-74-cü km-lik hissəsini
təşkil edən Xudat-Nabran yolunun bərpası Azərbaycan
Avtomobil Yolları Dövlət Agentliyi tərəfindən yüksək
sürətlə və
keyfiyyətlə, bu yoldan istifadə edən vətəndaşlarımızın
gediş-gəlişinə maneə yaratmadan icra olunub. 1977-ci
ildə inşa olunan Gəndob-Xaçmaz-Yalama
avtomobil yolu uzun illər istismar olunduğundan, yolun hərəkət hissəsində çökmələr,
sürüşmə xarakterli
deformasiyalar əmələ
gəlmişdi və əsaslı şəkildə
təmirinə ehtiyac yaranmışdı. Gəndob-Xaçmaz-Yalama-Rusiya Federasiyası ilə
dövlət sərhədi
avtomobil yolunun Xudat-Nabran hissəsi III texniki dərəcəyə
uyğun bərpa olunub. Yolun hərəkət hissəsi 7.5 m enində nəzərə alınmaqla
və 2 layın döşənməsi işləri
aparılmaqla asfaltlanma
işləri 180 min kv.m-dən
çox sahəni əhatə edib. Azərbaycan Avtomobil Yolları Dövlət Agentliyinin rəhbərliyinin
birbaşa nəzarəti
altında texnoloji ardıcıllığa riayət
olunmaqla aparılan bərpa işləri yol boyu yerləşən
15 yaşayış məntəqəsinin
əhalisinin gediş-gəlişinin
rahatlaşmasına gətirib
çıxarmasından başqa,
yoldan istifadə edən xarici qonaqların və turistlərin də rahat şəkildə mənzil başına çatmasına imkan yaratmaqla dəniz turizminin inkişafına gətirib çıxaracaq.
Bu isə öz
növbəsində yol
boyu yaşayan əhalinin maddi rifahının yüksəlməsinə
və müxtəlifyönlü,
səmərəli işlərin
reallaşması deməkdir. Azərbaycan Respublikasının Prezidenti
İlham Əliyev
2018-ci ilin may ayının
4-də Xaçmaza səfəri
çərçivəsində Gəndob-Xaçmaz-Yalama-Rusiya Federasiyası
ilə dövlət sərhədi avtomobil yolunun 24-48 kilometrlik hissəsini təşkil edən Xaçmaz-Xudat avtomobil yolunun açılışını edib.
Bu yolun təmiri ilə zəngin mədəni-tarixi irsə və əlverişli təbii şəraitə malik olan Azərbaycan turizm sahəsində böyük inkişaf perspektivlərinə malikdir. Ölkəmizdə turizmin əksər növlərinin inkişafı üçün geniş imkanlar mövcuddur. Prezident İlham Əliyevin sərəncam və tapşırıqlarına əsasən, ölkə əhəmiyyətli yollarla yanaşı, yeni kənd yollarının inşası, mövcudlarının isə müasir səviyyəyə çatdırılması sahəsində mühüm layihələrin icrası ilə həm vətəndaşların rahat gediş-gəlişi təmin olunur, həm də turizm potensialı daha da genişləndirilir.
Regional inkişafda aparılan siyasətin təməlində Azərbaycan prezidentinin düşünülümüş və uzaqgörən siyasəti dayanır.
Azərbaycan
Respublikası Prezidenti yanında KİV-in İnkişafına Dövlət Dəstəyi
Fondunun maliyyə dəstəyilə çap edilmişdir
Olaylar.- 2019.- 20-21 iyun.- S.15.