Soçi və Aşqabaddan İrəvana

vurulan diplomatik zərbə

Ermənistan rəhbərliyi son on gün ərzində bir-birinin ardınca iki diplomatik zərbə alaraq huşunu itirmiş vəziyyətə düşüb. Soçi şokunu aradan qaldırmamış Aşqabadda daha bir diplomatik zərbə alan Ermənistan baş naziri Nikol Paşinyan indi ciddi cəhdlə aldığı zərbələri zərərsizləşdirməyi, həm daxildə, həm də beynəlxalq aləmdə onsuz da aşağı səviyyədə olan nüfuzunu bir qədər qaldırmağı qarşıya məqsəd qoyub. Lakin hazırda istər daxili, istər beynəlxalq proseslər Ermənistan rəhbərliyininn ziyanına işləyir.

Bütün bunların Ermənistan rəhbərliyinin yarıtmaz siyasəti səbəbindən baş verdiyini diqqətə çatdıran millət vəkili Nəsib Məhəməliyev bu günlərdə Türkmənistanın paytaxtı Aşqabadda keçirilən MDB ölkələrinin dövlət başçılarının sammitinə və orada Azərbaycan Respublikasının Prezidenti Cənab İlham Əliyevin geniş və məzmunlu çıxışına diqqət çəkib. Millət vəkili qeyd edib ki, Türkmənistanın paytaxtı Aşqabad şəhərində keçirilən, MDB ölkələri başçılarının sammiti, əvvəlkilərdən fərqli olaraq bəzi tarixi həqiqətlərin açıqlanmasına səbəb oldu. Nəsib Məhəməliyevin sözlərinə görə, adətən bu tipli toplantılar, hər hansı bir gərginlik olmadan, hətta kəskin fikir ayrılığı olsa belə, qarşılıqlı hörmət şəraitində keçirilir: "Sədrlik edən MDB üzrə icraçı direktor Lebedev ilk sözü Azərbaycan prezidentinə verdi və cənab İlham Əliyev gündəliyə uyğun olaraq, Böyük vətən müharibəsində xalqımızın 600 mindən çox nümayəndəsinin cəbhəyə yollandığı, onlardan tam yarısının həlak olduğu, yüzdən yuxarı insanın Sovet İttifaqı qəhrəmanı, on minlərlə insanın müxtəlif orden və medallarla təltif olunması, Bakı neftinin, alimlərimizin rolu və s. barədə ətraflı məlumat verdi. Məruzənin davamı olaraq, heç kimin gözləmədiyi halda, Rusiya Xarici İşlər və Müdafiə nazirliklərinin ikinci dünya müharibəsi ilə bağlı hazırladıqları hesabatlara əsaslanaraq, tarixi faktlarla, iki il bundan öncə Ermənistanın əvvəlki rəhbərliyinin, Hitlerin silahdaşı faşist generalı Qaregin Njdeyə ucaldılan heykəli barədə danışdı. Prezident haqlı olaraq faşizmin qəddar cəlladlarının, qəhrəmanlaşdırılmasının olduqca ziyanlı olduğunu və xalqa qarşı təhqir hesab olunduğunu bildirdi və Ermənistanın yeni hakimiyyəti tərəfindən, heykəlin sökülməsi ilə əlaqədar heç bir tədbirin görülmədiyini dövlət başçılarının nəzərinə çatdırdı".

Millət vəkili bildirib ki, diqqət çəkən məqamlardan biri də, küçədən hakimiyyətə gəlmiş Nikol Paşinyanın acınacaqlı görüntüsü idi: "Hiss olunurdu ki, Azərbaycan prezidentinin gözlənilməz çıxışı onu şoka salıb.

Kadrlardan göründüyü kimi, əvvəldən də rus dilində çox kobud danışan baş nazir, Njde kimi "qəhrəmanın" cinayətlərini belə bir səviyyədə açıqlanmasından sonra, çıxış üçün ona söz veriləndə hiss olunurdu ki, həyəcanın təsirindən İlham Əliyevin dediklərini tam həzm edə bilməyib. Ona görə də rabitəsiz, absurd fikirlər səsləndirməklə, özünün o tərkibdə necə təsadüfi bir adam olduğunu sübut etmiş oldu. Onun çıxışından sonra Prezident İlham Əliyev təkrar söz alaraq, baş nazirin, onun çıxışının mahiyyətini başa düşmədiyini, ermənilərin o ləkənin üzərlərindən götürməli olduqlarını bir daha bildirdi. Yəqin ki, bu sammitdən sonra, ermənilər belə bir yetişməmiş baş nazirləri olduğuna görə xəcalət hissi keçirirlər. Hiss olunur ki, Ter Petrosyandan sonra onlarda ciddi kadr problemi yaşanır. Əks halda, bu səviyyədə cırlaşma olmazdı. Paşinyan hakimiyyətə gələndən sonra kobud silsilə səhvlərə yol verdi. Hesab etdi ki, küçədə etdiyi həyasızlıqlar hakimiyyətdə də keçərlidir. Qarabağda beş altı separatçının qarşısındakı "nöqtədən" sonra cəzasız qalacaq. Həm Soçidə, həm də Aşqabadda İlham Əliyev mahir qrossmeyster kimi, onu öz silahı ilə vurdu. Hər kəs üçün bəllidir ki, məlum səbəblərdən ordunun gücü ilə torpaqların azad olunmasına mane olan qüvvələr var. Ancaq, gün gələcək, o qüvvələr də sammitdə olduğu kimi ermənilərin iç üzünü tam dərk edəcəklər. Qarabağ mütləq azad olacaq. Öz tərəfimdən prezident İlham Əliyevə, onsuz da çox xırda olan Nikolu daha da kiçiltdiyinə görə təşəkkür edirəm".

Politoloq Ramiyə Məmmədova isə qeyd edib ki, Böyük Vətən müharibəsinin 75 illiyi münasibəti ilə MDB ölkələrinin Prezidentlərinin Aşqabaddakı növbəti yiğıncağında etdiyi cıxış Valday klubunda olduğu kimi yenə də İlham Əliyevin Paşinyana endirdiyi növbəti zərbə kimi yadda galdı. Onun sözlərinə görə, prezident öz cıxışında Ermənistanın faşistlərin adını əbədiləşdirməsinə qəti etirazını bildirdi: "Prezident dəfələrlə bu məsələnin qaldırıldığını bildirdi və bu barədə də Rusiyanın 2019-cu ilin mayında Rusiya Xarici İşlər Nazirliyinin "Nasizmin qəhrəmanlıq kimi qələmə verilməsi, neonasizmin yayılması və irqçiliyin, irqi ayrı-seçkiliyin, ksenofobiyanın və onlarla bağlı dözümsüzlüyün müasir formalarının yayılmasına şərait yaradan praktikanın digər növləri ilə bağlı vəziyyət haqqında" qərarını misal kimi qöstərdi. Bu məruzədə İlham Əliyev Böyük Vətən Müharibəsi zamanı faşistlərlə qulluq edən Garigen Njdenin Ermənistanda xatirəsinin əbədiləşdirilməsi və heykəlinin ucadılmasını qəti şəkilində pislədi". Ramiyə Məmmədova deyib ki, əslində bu cıxışın hər bir cümləsi Azərbaycanın Ermənistan üzərində tarixi siyasi qələbəsinin bariz göstəricisidir: "Prezidentin sübüt kimi göstərdiyi faktların özü Ermənistanın baş naziri Nikol Paşinyanın cıxılmaz vəziyyətə düşməsinə şərait yaradırdı ki, bu da həmin görüşdə onsuz da hər kəsə bəlli olan erməni vandalizmini tədbir iştirakcılarına bir daha sübüt etmiş oldu. Valdaydan sonra ikinci dəfə nokaut vəziyyətinə düşən Paşinyan yəqin ki, üçüncü dəfə alacağı siyasi zərbədən sonra ətrafında olanların da onun ətrafından yavaş-yavaş cəkildiyinin fərqinə varacaq və ona verilən axrıncı şansı lazımınca dəyərləndirəcək. Ermənilərin xasiyyətinə uyğun olaraq satqın və quldur kimi tarixdə qalan Garigen Njdenin tarixi varisi olan Paşinyanın və ondan əvvəlki rəhbərlərinin insanlığa qarşı törətdikləri vəhşilikləri bir daha ictimaiyyətə catdıran İlham Əliyev ermənilərin nə olursa olsun, məkana və şəraitə baxmayaraq hec vaxt dəyişməyəcəyini də dolayı yolla da anlatdı. Paşinyanın verdiyi cavabda düşdüyü cıxılmaz vəziyyətə baxmayaraq, yenə də özünün erməni sifətini göstərərək vəziyyətdən cıxmağa calışsa da Rusiyada Prezidenti Vladimir Putinə kitab təqdim edərkən əslində necə diletant bir siyasətci olduğunu bir daha göstərdi".

Süleyman

Olaylar.- 2019.- 15-16 oktyabr.- S.7.