Ağladı Azərbaycan!

Ulu Öndər Heydər Əliyevin

əbədiyaşar xatirəsinə

Bir atanın evində yarandı şux kəhkəşan,

İllərlə böyüyərək, boy atdı o durmadan.

Səpələdi hər yana ulduzların bir zaman,

Alim, rəssam, kimyaçı oldular çox çalışqan.

***

Ulduzlardan birini gur parlatdı yaradan,

Vüqarı, əzəməti hamını etdi heyran.

Müdrik siyasətiylə xalqı etdi yuxudan,

Onun gur şöləsinə aqil oldu toplaşan.

***

Baxmayaraq çox oldu, ayağına dolaşan,

Çox çalışdı, xalqını etmədi O, pərişan.

Böyük şəxsiyyət idi "HEYDƏR" adlı qəhrəman,

Ulu Öndərimizdir, əbədiyaşar insan.

***

Ömür vəfa vermədi, belə yazıbmış yazan,

Dünyasını dəyişdi, qəlblərdə olan insan.

Küçələrdə izdiham, Onunla vidalaşan,

Təkcə insanlar deyil, ağladı Azərbaycan!

Gülnarə Əlibalayeva

Cəfər Cabbarlı ev-muzeyinin

böyük elmi-işçisi, jurnalist

Olaylar.- 2022.- 9-15 dekabr.- S.24.