"Etdiyi yaramazlıq

üstümə yaxılardı"

Mən balaca olanda,

Qonşudakı bir qızın gözəl anası vardı.

Yapdığı pislikləri, anası örtüb basdırardı

Etdiyi yaramazlıq üstümə yaxılardı

Mən hər zaman müqəssir...

O tərtəmiz çıxardı!

O vaxtdan öyrənmişəm

Həyatın qanununu!

Arxalı köpək qurd basar,

Əzbərləmişəm bunu.

Amma geci-tezi var

Çox da gizli qalmayıb, üzə çıxıb yalanlar

Heç vaxt xeyir tapmayıb, kiməsə quyu qazanlar

Ola bilər müvəqqəti hər şey yerində, hazır,

Sən yazdığını yaz

Bax gör Allah nə yazır

Aldığım bu dərslərin

Xeyri də az olmadı

Güvəndim tək özümə, uman yerim qalmadı

Qartal uçar göylərdə

Səmada o da Təkdir

Arxası bərk olsa da

Köpək yenə köpəkdir

Bu həyat məktəbinin bir də yararı oldu

Köpəklərdən qorunmaq qəlbin qərarı oldu

Elə o vaxtdan sevdim, canavar qüdrətini

Qürürlu duruşunu, dürüst əzəmətini.

Brilliant Dadaşova

Xalq artisti

Olaylar.- 2022.- 28 yanvar-3 fevral.- S.24.