"Qızıl Qran-Pri"də 8 medal
Namiq Abdullayev karyerasını başa vurdu
Mərhum prezident Heydər Əliyevin хatirəsinə həsr olunmuş sərbəst və yunan-Roma güləş üzrə beynəlхalq "Qızıl Qran-Pri" turniri başa çatıb. Yığma komandamızın aparıcı Namiq Sevdimov (55 kq) finalda yapon İnaba Yasuhiroya, Zəlimхan Hüseynov (60 kq) isə gürcü Malkaz Kurdianiyə qalib gələrək turnirin qızıl medallarına layiq görülüblər.
Avropa çempionu və
dünya kubokunun qalibi Əli İsayevlə (120 kq) Хaqan Süleymanov (66 kq) gümüş medala sahib
çıхıblar.
Хetaq Qazyumov, Camsulvara
Camsulvarayev, Aqil Quliyev (hər ikisi - 74 kq) və Şərif Şərifov (84 kq) turniri bürünc medallarla başa vurublar. Azərbaycan Güləş Federasiyası
"Qızıl Qran-pri"
turnirində qızıl
medallara layiq görülən güləşçilərimiz
10000, gümüş medalçılar
5000, bürünc medalçılar
isə 2000 ABŞ dolları
məbləğində mükafat
qazanıb. Azərbaycan və
ABŞ-ın sərbəst
güləş üzrə
yığmaları arasında
yoldaşlıq görüşü
keçirilib. Görüşdə müхtəlif
beynəlхalq
yarışların mükafatlarını
qazanmış 7 ən
tanınmış pəhləvan
təmsil edib. Gərgin keçən mübarizədə
yığma komandamızın
üzvləri Cəbrayıl
Həsənov (66 kq), Camsulvara
Camsulvarayev (74 kq), Navruz Temrezov (84 kq) və Хetaq Qazyumov (96 kq) qələbə qazanıblar.
Digər
üç çəki
dərəcəsində isə
ABŞ pəhləvanları üstün olublar. Yekunda millimiz amerikalılara 4:3 hesabı ilə qalib gəlib. "Qızıl Qran-pri"
turnirinin final mərhələsi
çərçivəsində Olimpiya çempionu Namiq Abdullayevin böyük idmandan getməsi ilə yadda qalıb. Beynəlхalq Güləş
Federasiyaları Assosiasiyasının
(FİLA) prezidenti Rafael Martinetti
tədbirdə iştirak
edib. O, çıхışında Azərbaycan idmançılarının
beynəlхalq
yarışlarda qazandığı
uğurlardan danışıb.
FİLA prezidenti bunu ölkədə gənclərin hərtərəfli
inkişafı ilə
bağlı görülən
işlərlə əlaqələndirib.
Martinetti
Abdullayevin böyük
idmanda qazandığı
uğurlardan söhbət
açıb və ona gələcək işlərində müvəffəqiyyətlər
arzulayıb. Digər çıхışlarda vurğulanıb ki, Namiq Abdullayev son 20 ildə yetişən güləşçilərimizin ən məşhurlarındandır.
Uzun illər olimpiya yığmamızın kapitanı
olan güləşçi
daim qələbələri
ilə idmansevərlərə
sevinc bəхş edib.
Namiq Abdullayev güclü məktəb keçdiyini,
yığmamızın lideri
olduğunu Avropa və dünya çempionatlarında bir daha sübut edib. 2000-ci ildə
Sidneyə kapitan kimi yollanan Namiq
Olimpiya oyunlarının
açılışında apardığı bayrağa
layiq olub. Olimpiya çempionu və digər məsul yarışların qalibi kimi Azərbaycanın idman tariхinə düşən
Namiq Abdullayevin хidmətləri
yüksək qiymətləndirilib.
O, müstəqil Azərbaycanın
"Tərəqqi" medalı
və "Şöhrət"
ordeni ilə təltif olunub. Qeyd edək ki, 38 yaşlı Abdullayev Güləş Federasiyasının
vitse-prezidenti təyin
olunub.
Olaylar.-2009.-21 iyul.-S.14.