Qitə çempionatından 4 medal

Sloveniyanın Koper şəhərində yeniyetmə oğlan və qızlar arasında cüdo üzrə Avropa çempionatına yekun vurulub. Azərbaycan Cüdo Federasiyasının mətbuat xidmətindən verilən məlumata görə, üç gün davam edən qitə birinciliyində 39 ölkədən 379 idmançı (217 oğlan, 162 qız) mübarizə aparıb. Yarışlara 9 cüdoçu ilə qatılan komandamız 2 gümüş, 2 bürünc medal qazanıb. Oğlanların yarışında Cəlil Cəlilov (66 kq) gümüş, Kamran Bağırov (50 kq) bürünc medala layiq görülüblər. Qızların mübarizəsində isə Xanım Hüseynova (63 kq) və Şəfəq Muradzadə (52 kq) müvafiq olaraq gümüş və bürünc medallara yiyələniblər. Bu nəticə ilə cüdoçularımız ümumi komanda hesabında 9-cu olublar.

Olaylar.-2009.-30 iyun.-S.14.