Avarçəkənlərimizin Avropa uğuru

Almaniyanın Brandenburq şəhərində avarçəkmə üzrə böyüklər arasında Avropa çempionatına yekun vurulub. Azərbaycan Milli Avarçəkmə Federasiyasından verilən məlumata görə, 35 ölkənin qatıldığı yarışda ilk dəfə komandamız da mübarizə aparıb.

Ölkəmizi kayak növündə təmsil edən Ramil Məmmədov 1 nəfərlik qayıqda 200 və 500 metr məsafələrə yürüşdə seçmə mərhələni dəf edə bilməyib. Əvəzində kanoeçilərimiz uğurla çıxış edərək, 1 qızıl, 1 bürünc medal qazanıblar.

Valentin Demyanenko 1 nəfərlik kanoe qayığında 200 və 500 metr, Maksim Prokopenko-Sergey Bezuqlı dueti isə 2 nəfərlik kanoe qayığında 500 və 1000 metr məsafələrə yürüşdə seçmə mərhələni keçərək, finala vəsiqə qazanıblar. Demyanenko 200 metrlik məsafəyə yürüşün həlledici mərhələsində də birinci yeri tutaraq, Avropa çempionu olub. Lakin o, 500 metrlik məsafəni 9 iştirakçı arasında sonuncu başa vurub.

Prokopenko-Bezuqlı dueti isə 500 metrlik məsafəni 1 dəqiqə 41 saniyə 876 mikrosaniyəyə qət edərək, üçüncü yeri tutub. Almaniya və Polşa komandasından geri qalan avarçəkənlərimiz Rusiya, Litva, Belarus, Rumıniya, Ukrayna və Macarıstanı yığmalarını qabaqlayıblar. 1000 metrlik məsafəyə yürüşdə mükafatçılar sırasına düşməsinə 806 mikrosaniyəsi çatmayıb. Həticədə finişə 3 dəqiqə 37 saniyə 706 mikrosaniyəyə çatan Prokopenko-Bezuqlıy dueti 4-cü pillədə qərarlaşıb. Komanda hesabında millimiz Ukrayna ilə 9-10-cu yerləri bölüşdürüb. Yığmmız keçmiş SSRİ məkanında Belarus, Rusiya və Litvadan sonra 4-cü olub. Beləliklə, müstəqil Azərbaycanın avarçəkmə tarixində kanoeçilərimiz ilk mötəbər yarışda uğurla çıxış etməyi bacarıblar.

Olaylar.-2009.-30 iyun.-S.14.