Azərbaycanda elm və onun təşkilati formaları
Azərbaycan Fəlsəfə və Sosial-Siyasi Elmlər Assosiasiyasının İdarə
Heyətinin sədri,
AMEA-nın müxbir üzvü, professor Səlahəddin
Xəlilovun “Azərbaycanda
elm və onun təşkilati formaları”
adlı kitabı çapdan çıxıb.
Kitabda müasir mərhələdə
Azərbaycanda vahid elm
və təhsil siyasətinin həyata keçirilməsi, fundamental və
tətbiqi elmlərin spesifik təşkilati strukturu və bu sahədə aparılmalı olan optimal
islahatın mümkün
variantları nəzərdən
keçirilir.
Kitabda elmin missiya və funksiyalarından söhbət açılır.
Bildirilir
ki, elmin funksiyalarını ancaq iqtisadi səmərə ilə məhdudlaşdırmaq
olmaz. Elmin həm də humanitar missiyası və dünyagörüşünün
formalaşdırılması baxımından mühüm
əhəmiyyəti var:
“Cəmiyyətdə nüfuzlu
elm adamlarının, böyük
intellekt sahiblərinin
fikri nə qədər çox nəzərə alınsa,
bir o qədər yaxşıdır”.
Qeyd edilir ki, hazırda bir sıra hallarda
əsl elmin əvəzinə, onun ancaq adından və nüfuzundan bəhrələnməklə psevdoelmi
təşkilatlar və
qurumlar yaradılır:
“Yeni yaranan burjuaziya elmi tədqiqat sahələrinə
investisiya qoymaq haqqında düşünmür.
Elmi adlar altında cəfəng məzmunlu və ya çoxdan
məlum olan biliklərdən ibarət
qalın-qalın kitablar
buraxılır, müxtəlif
elmi titullar, fəxri adlar, mükafatlar təsis edilir. Nəticədə kapital həqiqi
elmin inkişafı naminə nə isə etməyə tələsməsə də,
onu psevdoelmi mühitlə əvəz etməyə çalışır
və onu müasir reklam lövhəsinə söykənən
zəngin, zahirən dəbdəbəli üz qabığının parıltısında
itirib-batırır. Kim isə ingilis dilini bildiyinə görə xarici ölkələrdən sertifikatla
qayıdır, kim isə internetin imkanlarından istifadə edib yeni-yeni informasiyalarla əsl alimləri belə mat qoyur, kim isə sadəcə
pulu olduğuna görə öz adına bu informasiyaların
tərcüməsindən ibarət
qalın kitablar buraxdırır...”
Qeyd edilir ki, keçid dövründə elmin ictimai şüurda pozitiv bir hadisə
kimi hələ də saxlandığı,
lakin ictimai-iqtisadi bir hadisə kimi öz yerini
tapa bilmədiyi bir şəraitdə elmin imitasiyasına ehtiyac yaranır: “Bəziləri köhnə
elmin təşkilati formalarını, bəziləri
hətta bu təşkilatların yerləşdiyi
binaları və öz əvvəlki funksiyalarını çoxdan
itirmiş laboratoriyaları,
bəziləri üstündə
monoqrafiya və ya elmi məcmuə
yazılmış kitabları,
bəziləri elmi titul və adları,
bəziləri elmi idarələrdə çalışan
və orada rəsmi maaş alan adamları elmin özü ilə qarışıq salırlar”.
Elmin əslində
planetar, ümumbəşəri
bir hadisə olduğu qeyd edilir: “Vahid böyük elm prosesinə
daxil ola
bilməyən, sanki özü üçün
yaradılmış lokal
elm strukturları isə
əsl elm deyil. Böyük elmə daxil olmağın öz şərtləri var. Bunlardan
biri dünya miqyasında əldə olunmuş yeni biliklərin və elmi axtarışların ön cəbhəsində
olmaqdır. Cəbhə
xəttindən geridə
qalanlar müasir elmi prosesə qoşulmayaraq, artıq keçilmiş yolların
künc-bucağında hansı
isə tədqiqatla məşğul ola
bilərlər, lakin bu, elm hesab edilə
bilməz”.
Kitabda elmi potensialın qorunub saxlanması zərurətindən
də bəhs edilir: “Bu gün dövlətin və cəmiyyətin qarşısında
duran əsas vəzifələrdən biri
elmi potensialın qorunub-saxlanması və ondan milli inkişaf
naminə maksimum səmərə ilə istifadə olunmasıdır:
“Əgər bu, Elmlər Akademiyasının
ənənəvi strukturunu
saxlamaq və buradakı elmi mühiti bərpa etmək hesabına mümkündürsə, bütün
qüvvələri bu
istiqamətə yönəltmək,
AMEA-nı hər vasitə ilə dirçəltmək və
onu işlək mexanizm vəziyyətinə
qaytarmaq lazımdır.
Lakin bunun üçün böyük təşkilatçılıq
işi və büdcədən böyük
miqdarda vəsait ayrılması tələb
olunur”. Elmin maliyyələşdirilməsi ilə bağlı məsələ üzərində
də dayanılır.
Bildirilir ki, kiçik bir ölkə elmin bütün sahələrində
aparıcı mövqe
tuta bilməz: “Ona görə də elmin maliyyələşməsi
üstün istiqamətlər
(prioritetlər) prinsipi
ilə həyata keçirilməlidir”.
Qeyd edilir ki, “elm” anlayışı
ilə əhatə olunan tədqiqat sahələri praqmatiklik prizmasından, habelə
son nəticənin milli
və ümumbəşəri
dəyərlərlə əlaqəliliyi
baxımından üç
qrupa bölünə
bilər: “Birincisi, tətbiqi elmlərdir ki, onların da real fayda gətirməsi
yaxın və uzaq məqsədlərə
xidmət baxımından
iki cür olur. Müəyyən bir əməli
fəaliyyət sahəsinin
elmi əsaslarla qurulması, konkret bir istehsal müəssisəsinin
texniki təchizatının
yeni elmi biliklər əsasında təkmilləşdirilməsi və
ya lokal bir sahədə yeni elmi ideya
əsasında daha
optimal texnoloji prinsipin
həyata keçirilməsi
sayəsində elm qısa
müddətdə fayda
verə bilər.
Bu halda elmi
biliyin tətbiqinə
çəkilən xərclərlə
tətbiqdən alınan
gəlir arasında müsbət balans yaranır ki, bu da xalis
gəliri müəyyən
edir. Burada çəkilən xərclər
ona görə az ola bilər ki, söhbət yeni elmi biliyin kəşfindən
deyil, başqaları tərəfindən əldə
edilmiş hazır biliklərin sadəcə tətbiq yollarının araşdırılıb tapılmasından
və tətbiq prosesinin texniki icrasından gedir. Daha doğrusu, deyilənlər
elmin özündən
çox, elm ilə istehsal arasındakı əlaqə proseslərinə
aiddir”. O da əlavə edilir ki, “elm” anlayışına
daxil olan tətbiqi elmlər isə istehsalın cari tələblərinə
cavab olmayıb, daha çox dərəcədə ümumi
səciyyə daşıyır.
Tətbiqi elmlər fundamental elmlərin sahəsində
əldə olunmuş
biliklər üzərində
qurulur.
Kitabda maraqlı
məqamlardan biri də odur ki,
burada AMEA-nın - akademiklər birliyinin indiki şəraitdə arxa plana keçmiş,
lakin əslində ən mühüm və hərəkətə
gələ biləcək
funksiyalarından söhbət
açılır. Qeyd
edilir ki, AMEA öz üzərinə götürdüyü əlqələndirici
funksiyasınıi dublyor
qurumlardan xilas olmaqla, prioritet sahələr üzərində,
elmi təşkilatçılığı
istiqamətində qurmaqla
yerinə yetirə bilər: “Çünki bu halda özümünkü
və başqasınınkı
olmayacaq və akademiklər birliyi bütün sahələrə
eyni ucalıqdan baxa biləcək”.
Qeyd edək
ki, kitabda AMEA-nın işləməli olan funksiyaları aşağıdakılar kimi
səciyyələndirilir: 1.Azərbaycanda
aparıcı olan elm sahələrinin müəyyənləşdirilməsi
və təsnifatı,
elmi standartların və tələblərin
müəyyənləşdirilməsi - bu məqsədlə AMEA-nın nəzdində elmşünaslıq institutunun
yaradılması. 2. Universitet
elmi və sahə elmlərinin, ixtisaslaşmış akademiyaların,
“Elmi-Təhsil-İstehsalat” birliklərinin, elmi fəaliyyət istiqamətlərinin
ümumi mənzərəsinin
yaradılması və
elmi işlərin koordinasiyası. 3. Ali Attestasiya Komissiyası və dissertasiya şuralarının, ekspert
komissiyalarının da
işinin bu nüfuzlu qurumla sıx əlaqədə həyata keçirilməsi.
Dissertasiyaların hazırlandığı elmi-tədqiqat mərkəzləri
ilə sıx əlaqə yaradııması,
lakin həlledici sözün AMEA-ya verilməsi. 4. Ölkəmizdə
nüfuzlu elmi jurnalların fəaliyyətinin
və nəşrinin təşkil edilməsi.
5. Ancaq adı qalmış və bir dilçilik qurumuna çevrilmiş Terminologiya Komitəsinin fəaliyyətinin canlandırılması,
bütün ixtisas sahələri üzrə
ən görkəmli mütəxəssislərin bu
işə cəlb edilməsi. 6. Koordinasiya şuralarının formal şəkildə
deyil, gerçək fəaliyyətinin təşkil
olunması və “ictimai əsaslarla” fəaliyyət praktikasından
uzaqlaşaraq, bu iş üçün yetərli dərəcədə
pul ayrılması. 7.
Elmi tədqiqat layihələrinin dəyərləndirilməsi
və bu işin təşkilində
Elmin İnkişafı
Fondu ilə sıx əlaqə yaradılması.
Onu da əlavə edək ki, kitab
elm adamları və elmin təşkilati məsələləri ilə
maraqlanan oxucular üçün nəzərdə
tutulub.
İlkin Ağayev
Palitra. -2010. – 18 iyun. – S.6.