Təhsil və Karyera sərgisi başladı
"Hilton Bakı"da
yerləşən "eforea"
məftunedici şəhər
və dəniz mənzərəsi təklif
etməklə dörd
qitəni əhatə
edəcək"
Bakıda 5-ci Yubiley Azərbaycan
Beynəlxalq Təhsil
və Karyera sərgisi öz işinə başladı.
Ənənəvi olaraq,
bu sərgi Təhsil Nazirliyinin dəstəyi ilə keçirilir. Sərginin təşkilatçıları qismində "Iteca Caspian
LLC" şirkəti və
onun tərəfdaşı
"ITE Group PLC" şirkəti çıxış edir.
2011-ci il sərgilərinin
tərəfdaşları isə
"AZAL", "Azerfon-Vodafone",
"Greenwich Travel Club" və "Caspel" şirkətləri,
habelə "Qafqaz Poynt" mehmanxanasıdır.
Bakıda fəaliyyətə başlayacaq
otel komplekslərinin hərəsi 350-370 iş yeri təklif edir
Sərginin açılışında çıxış edən
təhsil nazirinin müavini Qulu Novruzov sərgidə 15 ölkədən 103 təhsil
müəssisəsi və
təhsil qurumunun iştirak etdiyini bildirdi. O, Azərbaycan şagirdləri, tələbələri
üçün xaricdə
təhsil imkanı yaradan bütün qurumlara öz təşəkkürünü bildirdi. Q.Novruzovun sözlərinə görə,
sərgidə təhsil
imkanları təklif edən ali təhsil
müəssisələri ilə
yanaşı Azərbaycan
universitetlərinin məzunlarına
iş təklif edən şirkətlər
də var: "Çox sevindiricidir ki, Bakıda fəaliyyətə başlayacaq
otel komplekslərinin hərəsi 350-370 iş yeri təklif edir. Onlar Azərbaycanda
turizm proqramları üzrə kadr hazırlayan müəssisələrin
məzunlarına üstünlük
verirlər. Bu qədər
təhsil və iş imkanlarının təklif olunması gənclərimizə xaricdə
təhsil baxımından
yaxşı seçim
etmək imkanı verir". Nazir müavini qeyd etdi ki, ötən
illərlə müqayisədə
bu il sərgidə
iştirak edən şirkətlərin coğrafiyası,
həm də karyera və təhsil imkanları təklif edən şirkətlərin sayı
xeyli artıb. Ümid edirəm ki, həm təhsil,
həm də karyera sahəsində ziyarətçilər istədiklərini
əldə edəcəklər".
Nazir müavini onu da bildirdi
ki, bu gün
Azərbaycanda daha çox ehtiyac duyulan ixtisaslar üzrə kadr hazırlığına üstünlük
verilir. Bunlara təbiət, mühəndislik,
tibb, kənd təsərrüfatı və
turizm ixtisasları daxildir.
"İteca Caspian LLC" şirkətinin
direktoru Fərid Məmmədov isə bildirdi ki, sərgiyə
qatılanların 40 faizi
yeni iştirakçılardır.
Sərginin ümumi ekspozisiyasının 70 faizini
xarici təhsil müəssisələri, 30 faizini
isə yerli iştirakçılar təmsil
edir. Ümumilikdə sərginin ekspozisiyasına
75-dən çox ödənişli
və ödənişsiz
fakültə daxildir.
Sərgi daha çox yaşı 16-dan yuxarı olan ziyarətçilər üçün
nəzərdə tutulub.
Bu il Azərbaycanda
"Turizm ili" olduğundan sərgidə
23 təhsil müəssisəsi
turizm sahəsi üzrə ixtisasları təqdim edir. F.Məmmədovun sözlərinə
görə, Azərbaycan
xaricdə təhsilə
xüsusi əhəmiyyət
verir və gənclərin xarici ölkələrdə təhsili
üzrə dövlət
proqramı buna dəlalət edir: "Hazırda on min nəfərə
yaxın azərbaycanlı
tələbə xaricdə
təhsil alır. Azərbaycanda təhsil alan əcnəbilərin sayı isə yeddi min nəfərdən
çoxdur. Xaricdə
dövlət hesabına
təhsil alan tələbələr birinci
dərəcəli kadr
ehtiyatları siyahısına
daxil edilir və öz ixtisaslarına uyğun dövlət işi ilə təmin olunurlar. Bununla əlaqədar, sərginin
aktuallığı daha
da artır. Belə ki, bu
sərgidə maraqlanan
hər bir kəs xarici ölkələrin aparıcı
kollec və ali təhsil müəssisələrinin nümayəndələri
ilə şəxsən
görüşərək onu maraqlandıran sualları verə, bu və ya
digər ali təhsil müəssisəsinə
qəbul olmaq və orada təhsil
almaq üçün
müəyyənləşdirilmiş şərtlər haqqında
dürüst məlumatlar
əldə edə və ya hansısa
təhsil kursunda iştirak etmək üçün yer sifariş edə bilər. Bu baxımdan, sərgi unikal imkanlar yaradan görüş meydançasıdır.
Sərgi həyatda öz yerini axtaran gənclərə təhsil istiqamətini səmərəli şəkildə
seçərək karyeraya
doğru ilk addım atmaqda kömək edir. Beləliklə, bu sərgi Azərbaycanda
yeni nəsil sahibkarların formalaşmasına
kömək etməklə
yanaşı, bütövlükdə
ölkədəki təhsil
səviyyəsinin yüksəlməsinə
də təkan verir".
Qeyd edək ki, sərgidə
Böyük Britaniya, Almaniya, Yunanıstan, Litva, Türkiyə,
ABŞ, BƏƏ, İsveçrə, Çexiya və digər ölkələrin
təhsil müəssisələri
və təşkilatları
öz imkanlarını
nümayiş etdirirlər.
Bu sərgidə 18 universitet
ilə təmsil olunan Litva, 14 ali təhsil müəssisəsi ilə
təmsil olunan Türkiyə, 7 universitet ilə təmsil olunan Böyük Britaniya, 4 ali təhsil müəssisəsi
ilə təmsil olunan Kipr və
s. öz geniş tərkibli təhsil heyətləri ilə iştirak edirlər.
Sərgidə təmsil olunan ali təhsil müəssisələrindən biri Türkiyənin Maltepe Universitetidir. Bu təhsil ocağının
direktoru, professor Yusuf Aksar
bildirdi ki, adıçəkilən
Vakf universitetində
89 fakültə var. İllik
olaraq fakültələrin
müxtəlif ödəniş
qiymətləri var. Məsələn,
tibb fakültəsinin
ödənişi 25 min dollar, bioloji sahədə 12 min, hazırlıq oxumaq istəyənlər isə
10 min dollar ödəməlidirlər. Universitet şəhər mərkəzinə çox
yaxındır və oteli, sağlamlıq mərkəzi, yeməkxanası
var. Eyni zamanda tibb fakültəsində oxumaq istəyənlər üçün ayrıca
xəstəxana fəaliyyət
göstərir. Çox
güclü müəllim
kollektivi var. Bildirildi ki, bu təhsil
ocağının bəzi
dövlət universitetlərindən
sosial imkanları çox genişdir: "Adıcəkilən təhsil
ocağında təhsil
alan çox sayda azərbaycanlı tələbələr də
var. Xüsusilə də
onlar tibb fakültəsinə üstünlük
verirlər. Biz hər
il Bakıda keçirilən təhsil
və karyera sərgisində iştirak
edirik. Ziyarətçi
gənclər də bizm universiteti çox maraqla qarşılayırlar. Növbəti
sərgidə də iştirakı nəzərdə
tuturuq".
Sərginin digər iştirakçısı
isə Şimali Kipr Cümhuriyyətinin Lefke Avropa Universitetidir.
Bu təhsil ocağı
Dünya Gənclər
Bankı Regional Ofisinin
(DGBRO)təmsilçiliyi ilə
təqdim olunur. Ofisin nümayəndəsi
Nailə İsmayılova
bildirdi ki, 1990-cı ildə təsis olunan bu təhsil
ocağında müəyyən
güzəştlər var. Orada yüksək bal toplayan gənclər 50 faiz həcmində ödəniş edir, ən yüksək bal toplayan isə ödənişdən azad
olunur. Təhsil ingilis dilindədir. Sənəd qəbulu və imtahanlar Azərbaycanda keçirilir. Oktyabrın
25-dən sənəd qəbulu
başlayır və dekabr ayında isə qəbul imtahanı keçiriləcək.
Bildirildi ki, imtahan onlayn vasitəsilə keçirilir
və valideyn də övladı ilə birgə bu imtahanı izləyə bilər:
"Bir saat ərzində cavab təqdim olunacaq ki, abituriyent hansı balı toplayıb. Bu ali təhsil ocağının
digər ali təhsil ocaqlarından fərqi odur ki, burada qəbul
imtahanı verən uşaq şəhid ailəsi, yaxud müharibə veteranı ailəsindəndirsə onlara
güzəştlər olacaq. Bu ayın 19-da təqdimat olacaq. Qiymətlər isə əsasən ildə 3500
-1500 dollar arasındadır. Bakıda qəbul olunduqdan sonra təhsillərini Şimali
Kiprdə davam etdirəcək gənclər
müəyyən hazırlıq
kursu keçib ingiliscə oxuyacaq. Gələcəkdə yəqin
ki, distant təhsil də nəzərdə tutulur".
Sərgidə təmsil olunan yerli ali təhsil
ocaqlarından biri Azərbaycan Diplomatik Akademiyası (ADA) idi. ADA-nın stendində təhsil ocağının
bu il başlayan
beynəlxalq münasibətlər
və biznesin idarə olunması üzrə bakalavr proqramları, 2009-cu ildən
həyata keçirilən
diplomatiya və beynəlxalq münasibətlər
üzrə magistr proqramı (MADİA), ixtisasartırma
layihələri (Xarici
siyasət proqramı və Xəzər hövzəsi ölkələrinin
öyrənilməsi proqramı)
barədə ətraflı
məlumat əldə
etmək mümkündür.
Digər yerli təhsil müəssisələri
sırasında Azərbaycan
İqtisad Universiteti, Bakı Biznes Universiteti, "Azərbaycan"
Universiteti, Azərbaycan
Turizm İnstitutu və s. bu kimi
ali təhsil müəssisələri, habelə
xaricdə təhsilin təşkili sahəsində
fəaliyyət göstərən
agentliklər təmsil
olunurlar. Sərgidə
əsas diqqət yaşı 16-dan yuxarı
olan ziyarətçilər
üçün nəzərdə
tutulmuş "ali təhsil" və "dil bacarıqlarının
təkmilləşdirilməsi" sektorlarına yönəldilib.
Universitet proqramlarının
müxtəlifliyi, bakalavr,
magistr dərəcələrinə
yiyələnmək imkanı,
eləcə də
"summer schools" adlanan yay məktəbləri və xarici dil kursları sərgi ekspozisiyasının
əsasını təşkil
edir. Builki sərgidə "Karyera"
sektoru var ki, iştirakçılar
Azərbaycan ərazisində
fəaliyyət göstərən
və öz şəbəkələrində işləyəcək ixtisaslı
işçiləri sərgidə
seçərək işə
götürməyi planlaşdıran
dünya şöhrətli
otel və mehmanxanalardır.
Nigar
Palitra.-2011.-7 oktyabr.-S.10.