Avropa otelçiliyi tarixində yenilik

"Hilton Bakı"da yerləşən "eforea" məftunedici şəhər və dəniz mənzərəsi təklif etməklə dörd qitəni əhatə edəcək"

"Hilton Mehmanxanaları və Rezortları" bu ay Azərbaycanda açılmış, brendin ilk mehmanxanası olan "Hilton Bakı"da Avropa "eforea"sını - innovativ qlobal spa konsepsiyalı "Hilton spa"sını təqdim edir. Dünən spa mediaya təqdim edildi.

Qeyd edək ki, spa yeni mehmanxananın Xəzər dənizinə və Bakı şəhərinin ətrafına açılan mənzərəli 23-cü mərtəbəsində yerləşir. "Eforea" - Hilton" məkanlarında spa bütün dünya miqyası üçün açılır. Bu, "Hilton Mehmanxanaları və Rezortları"nın Avropadakı ilk spa məkanı sayılır.

"Avropadakı ilk məkanımız bizim üçün daha bir mühüm mərhələdir" deyə "Hilton Mehmanxanaları və Rezortları"nın qlobal rəhbəri Deyv Horton bildirib. O qeyd edib ki, "Hilton Bakı"da yerləşən "eforea" məftunedici şəhər və dəniz mənzərəsi təklif etməklə dörd qitəni əhatə edəcək: "Bu spa qonaqlara təravətlənmək, gəncləşmək və daha parlaq görünmək üçün dünya səviyyəli istirahət mühiti təqdim edəcək".

Məlumat üçün onu da bildirək ki, Hilton spası 2010-cu ilin oktyabr ayında "Hilton Mehmanxanaları və Rezortları" tərəfindən ilk qlobal spa konsepsiyası kimi "Hilton" dünya brendinin bayraqdarı olaraq fəaliyyətə başlayıb. Hazırda Amerika Birləşmiş Ştatlarında, Avstraliyada, Çində, Yeni Zelandiyada və Tailandda 93 "Eforea: Hilton spaları" mövcuddur və açılmaqda davam edir.

"Hilton Bakı"nın spası həm müalicə menyusu, həm də fərdi sahədə dünyanın bir sıra ən gözəl spa brendlərini təqdim edəcək. Media təmsilçilərinə bu barədə məlumat verən spa meneceri bildirdi ki, "Kerstin Florian" dəniz yosunları, palçıq, bitki ekstraktları, termal mineral sular və mühüm yağlar da daxil olmaqla, təbii mənbələrdən hazırlanmış Avropa üz, bədən və vanna məhsulları və nəticəyə hesablanmış müalicələr üzrə zəngin çeşidlər təklif edir. Məsələn, "LITYA" unikal spa təcrübəsi nümayiş etdirmək üçün Avstraliyanın milli ehtiyatlarının bərpaedici və yenidən canlandırıcı gücündən istifadə edilir. "VitaMan" kişilər üçün Avstraliyada hazırlanmış təbii spa və təmizləyici məhsullar üzrə müfəssəl xidmətlər təmin edir. "Peter Thomas Roth" ilin sonuna qədər bütün dünyada "Hilton Mehmanxanaları və Rezortları" məkanlarında yeni otaq - hamam kolleksiyasına öz məhsullarını və siqnatura müalicələrini təqdim etməklə "eforea"nı tamamlayacaq.

Qeyd edək ki, "Hilton Bakı"nın 1500 kvadratmetrlik spası hər biri özəl duş və geyim otağına malik olan səkkiz möhtəşəm müalicə otağını təqdim edir. Lüks dəyişən sahələr, istirahət üçün keçid zalları, cakuzi içərisində bütün bədən üçün hidromasaj masaları və ənənəvi hamamlar "Hilton Bakı" "eforea"sının tərkib hissəsidir. Prezident spa otağı özəl par otağı və sauna, 2 müalicə yatağı, yataq- divanlara və Bakının ən möhtəşəm mənzərəsinə malikdir. Spanın bütün sahələri fitnes mərkəzi və yoqa otağından dalğaları seyr etmək və günəşin doğma panoramasını maksimallaşdırmaq üçün dizayn olunub. Bu məkanlara həm də 18 metrlik dairəvi üzgüçülük hovuzu da daxildir.

"Hilton Bakı" hazırda "Eforea-Hilton spa" konsepsiyasına malik olan "Hilton Mehmanxanaları və Rezortları"nın artan kolleksiyasına qoşulur ki, bunlara da hələki aşağıdakılar daxildir: "Hilton Short Hills" (Nyu Cersi, ABŞ; 2010-cu ildə açılıb); "Millennium Hilton Banqkok" (Tailand, 2011-ci ilin mart ayında açılıb): "Hilton On The Park Melbourne" (Avstraliya, 2011-ci ilin aprel ayında açılıb); "Hilton Pattaya" (Tailand, 2011-ci ilin may ayında açılıb); "Hilton Queenstown" (Yeni Zelandiya, 2011-ci ilin may ayında açılıb) və "Hilton Surfers Paradise" (Avstraliya, 2011-ci ilin sentyabr ayında açılıb). Bu il açılması nəzərdə tutulan digər məkanlara "Hilton Guangzhou Tianhe" (Çin), "Hilton Sedona Resort & Spa" (Arizona, ABŞ), "Hilton Doha" (Qatar) və Çində ikinci "Hilton Hangzhou Qiandao Lake Resort" daxildir. Ətraflı məlumat üçün bildirək ki, spa mərkəzində qeyd edilənlərdən əlavə trenajor zalı, üzgüçülük hovuzu, türk hamamı, saunalar, aerobika, akvaaerobika və yoqa dərsləri spa üzvlərinin xidmətinə veriləcək. Spaya üzvlük qiymətləri aşağıdakı kimidir: normal üzvlük- illik 3000 AZN və əlavə 300 AZN qoşulma haqqı ödənilir. Şirkətlər üçün 15 nəfər olmaqla adama 2200 AZN və əlavə 220 AZN qoşulma haqqı ödənilir. Hazırda üzvlüyə qoşulma kampaniyası davam edir. Oktyabrın 12-ə qədər üzv olanlar bir ay pulsuz üzvlük və bir spa proseduru hədiyyə alacaq və ondan heç bir qoşulma haqqı tələb edilməyəcək. Bu xidmətlərdən əlavə digər spa prosedurları da təklif olunur ki, buna üz və bədənə qulluq, masajlar daxildir. Mərkəzdə Avstraliyanın aborogen ənənələri ilə hazırlanmış məhsullardan istifadə olunur. Həmçinin hazırda müştərilərə bir illik üzvlük təqdim olunur. Məlumat üçün qeyd edək ki, Hilton spası haqqında daha ətraflı məlumat əldə etmək üçün www.hiltonglobalmediacenter.com/eforea və ya www.hilton.com/eforea internet səhifəsinə daxil olmaq mümkündür.

İlkin AĞAYEV

Palitra.-2011.-7 oktyabr.-S.11.