Elm mədəniyyətin
inkişafında vacib
amildir
Layihə çərçivəsində müsahibimiz AMEA Polimer Materialları İnstitutunun
laboratoriya müdiri, kimya elmləri doktoru, professor Məmməd Vəliyevdir.
Məmməd müəllim bizimlə
söhbətində elmin
mədəniyyətin inkişafına
verdiyi töhfələrdən,
geniş mənada götürülmüş mədəniyyətin
vacib bir elementi kimi elmin
cəmiyyətin inkişafındakı
rolundan. Azərbaycanda
bu sahədə həyata keçirilən
tədbirlərdən danışdı.Professor
qeyd edir ki, Azərbaycan dövlətinin iqtisadi inkişafı mədəniyyətimizin,
təhsilimizin və elmimizin inkişafını
təmin edib: “Respublikanın artıq 20 illik dövlətçilik
təcrübəsi var. Ümumiyyətlə,
Azərbaycan elmi və mədəniyyəti
qədim köklərə
malikdir. Son illər respublikamızda demək olar ki, mədəniyyət,
elm və texnika sahələri çox sürətlə inkişaf
edir və bütün sahələrdə
təşkilatçılıq həyata keçirilir.Mədəniyyət,
elm və təhsil adamları daha çox stimullaşdırılmaqdadırlar,
onların təşəbbüsləri,
layihələri dəstəklənir
ki, bu da
geniş mənada Azərbaycan mədəniyyətinin
hərtərəfli inkişafına
ciddi təkan vermiş olur. Elmin sivilizasiyanın inkişafına
xidmət etməsi məsələsi bizdə
həmişə önəm
kəsb edib və son zamanlarda elm sahəsinə ayrılan diqqət, küllli miqdarda vəsaitlər elmin cəmiyyətin inkşafında, modernləşməsində,
mədəni səviyyəsinin
yüksəlməsində rolunu
daha da artırıb.
Elm geniş mənada
götürülmüş mədəniyyətin, yaxud
sivilizasiyanın müasir
dövrdə ən vacib elementlərindəndir.
Bu baxımdan son dövrlərdə
ümumi inkişaf naminə elmə diqqətin artırılması
çox əhəmiyyətlidir.Məsələn,
Azərbaycan Respublikasının
Prezidenti İlham Əliyev tərəfindən
imzalanan “Azərbaycan Respublikasında 2009-2015-ci illərdə
elmin inkişafı üzrə Milli Strategiya”nın və “Azərbaycan Respublikasında
2009-2015-ci illərdə elmin
inkişafı üzrə
Milli Strategiyanın həyata keçirilməsi
ilə bağlı Dövlət Proqramı”nın
təsdiq edilməsi (4 may 2009-cu il),
Azərbaycan Respublikasında
elmi qurumların strukturunun müəyyənləşdirilməsini,
tədqiqatların müasir
standartlar səviyyəsində aparılmasını
və maliyyələşdirilməsini,
ölkənin elmi kadr potensialının artırılmasını və
onların sosial müdafiəsinin gücləndirilməsini
müəyyən edir.
Bütövlükdə elmin inkişafı
üzrə milli strategiyanın həyata keçirilməsi və Azərbaycan elminin beynəlxalq elmi mühitə inteqrasiyasının
təmin olnumasını
sürətləndirmək, elmdə aparılan islahatlar çərçivəsində
elmi fəaliyyətin yenidən qurulması və inkişaf etdirilməsi məsələsini
zəruri edir. Bütün bunlar isə müxtəlif mədəniyyətlərin
və sivilizasiyaların
təmasda olduğu, bəzən isə qarşı-qarşıya gəldiyi
dünyada çox vacib amillərdəndir”.
Diqqətçəkən haldır ki,
dövlətimiz elmi kontekstdə mədəniyyətlərin
ünsiyyəti və
dialoqu məsələlərinə
xeyli diqqət ayırır. Məsələn, İslam Əməkdaşlıq
Təşkilatının üzv
dövlətlərin beyin
mərkəzlərinin III Forumunun
ölkəmizdə keçirilməsi
buna parlaq misaldır. Ölkəmiz
artıq bu cür yüksək səviyyəli tədbirlərə
ev sahibliyi etməyə başlayıb
ki, bu da
Azərbaycan alimlərinin,
müvafiq sahə mütəxəssislərinin qarşısında
zamanın tələbindən
doğan yenu tapşırıqlar və
məsələlər qoyur.
Professor qeyd edir: “Prezident İlham Əliyev bu tədbirdə belə bir əlamətdar fikir səsləndirib: “Hər bir dövləti
rifah və yüksəlişə aparan
yol elm və innovasiyalara əsaslanan inkişafdan keçir. Bu sahədə uğurların
əldə edilməsi
müxtəlif dövlətlərin
alim və tədqiqatçıları arasında
regional və beynəlxalq
əməkdaşlığın intensivliyindən və davamlı olmasından asılıdır.” İnsanlar, onların
ağlı və intellektual–mədəni səviyyəsi
yüksək olmaqla milləti yaşadırlar.
Qeyd etmək lazımdır ki, Avropanın texnologiyasını, təbabətini,
elmini respublikamıza gətirməklə yanaşı,
bunlardan düzgün nəticə çıxarmaq,
Azərbaycanın elmini
inkişaf etdirmək və nəticədə cəmiyyətin hərtərəfli
inkişafını, mədəni
səviyyəsinin yüksəldilməsini
təmin etmək lazımdır”. Alim bildirir ki, elmi
biliklərin, o cümlədən
təhsilin səviyyəsinin
yüksəldilməsini respublikamızda
ümumi inkişafın
əsas şərtlərindən
hesab etmək olar: “Bu sahədə Azərbaycan Respublikası Prezidenti Administrasiyasının rəhbəri,
akademik Ramiz Mehdiyevin mətbuatdakı məqalə, müsahibə
və kitablarının
böyük əhəmiyyət
kəsb etdiyini qeyd etmək olar. Akademik Ramiz Mehdiyevin
əsərləri və
fikirləri sözügedən
mövzuda ictimai rəyin formalaşmasında,
aktual elmi məsələlərin müzakirəsində
böyük rol oynayır, çünki bu əsər və fikrlərdə cəmiyyətin elmi-mədəni
inkişafı ilə
bağlı innovativ ideyalar təqdim edilir. Bu məqalələrdə
akademik Ramiz Mehdiyev elm sahələrinin
vəzifələrini müəyyənləşdirib
və gələcək
inkişafının konkret
yollarını göstərməklə
elmi ictimaiyyətin diqqətinin bir daha elmin problemlərinə
yönəldilməsində çox mühüm rol oynayaraq elmin
gələcək inkişafı
ilə bağlı müzakirələr yaradır.
Eyni zamanda akademik Ramiz Mehdiyev öz məqalələrində
və çıxışlarında
ölkə iqtisadiyyatında
keçid dövrünün
başa çatması
ilə əlaqədar
yeni məqsədlərin
müəyyənləşdirildiyinin, əsas məqsədin isə yaxın illərdə, elmdə, təhsildə və ümumiyyətlə, intellektual
sahədə əsaslı
dəyişikliklərin həyata
keçirmək olduğunu
göstərib. Qeyd olunanlarla
əlaqədar birinci növbədə insan kapitalının inkişaf
etdirilməsi lazımdır.
Azərbaycan Respublikası Prezidenti
İlham Əliyev “neft kapitalı insan kapitalına çevrilməlidir” müddəası
bu gün çoxistiqamətli bir şəkildə müasir,
dünya çağırışlarına
və tələblərinə,
qabaqcıl toplumlar arasındakı rəqabətə
qabil cəmiyyətin formalaşdırılmasını şərtləndirir. Bu zaman, həmçinin modernləşmiş infrastrukturun
idarə edilməsi məqsədilə müasir,
güclü elmi bazaya malik milli
kadr potensialı, insan kapitalı formalaşdırılır. İnsan kapitalının formalaşması
məsələsində elmi-texniki
sahənin inkişafı
və modern texniki ixtisaslara kütləvi yiyələnmə də əsas məsələlərdən
hesab olunur. Ölkəmizin hazırkı inkişafı
və gələcək
perspektivləri elmi-texniki
sahələrin inkişafına
və bu sahədə müasir kadrların hazırlanmasına
zərurət yaradır.
Buna misal olaraq
respublikamızda neft-qaz
yataqlarının işlənməsini,
neftin dünya bazarlarına nəql olunmasını, neft-kimya sənayesini və sairəni misal göstərmək olar.
Bununla belə, bu sahələrin daha da
inkişaf etdirilməsi, yaxın gələcəkdə
metallurgiya, qida, elektrik, su təchizatı, ekologiya və
başqa istehsal və nəzarət sahələrinin
inkişafı üçün əsas yaradır. Bununla
yanaşı ölkənin elmi-texniki bilik mərkəzinə
çevrilməsi və texnologiya ixrac etməsi üçün yeni texniki sahələrə
daha çox diqqət artırılması tələb olunur. Prezident İlham Əliyev dəfələrlə
öz çıxışlarında qeyd edib ki, hər bir
dövlətin inkişafı onun təbii sərvətlərinə
deyil, intellektual potensialına bağlıdır. Beləliklə, Prezidentin təşəbbüsü
ilə reallaşan hər bir proqram və ya layihə insan
kapitalının inkişaf prinsiplərini özündə əks
etdirir. Bu isə ümumilikdə yüksək ictimai və
mədəni səviyyəyə nail olmaq deməkdir”.
Ümumiyyətlə, respublikamızda fundamental elm sahələrinin
inkişaf etdirilməsi elmin praktiki cəhətdən də
inkişaf etdirilməsini labüd edir: “Belə ki, fundamental
elmlərlə tətbiqi elmlər arasında bir vəhdətin
və uyğunluğun olması burada əsas
götürülür. Elmi nəticələrin
iqtisadiyyata tətbiqi geniş planlaşdırma tələb
etməklə digər tərəfdən də innovasiyanı
təmin etməyi planlayır. İnnovasiya,
elmi kəşfin bazara, iqtisadiyyata tətbiqi nəticəsində
əldə olunan nəticədir. İnnovasiyaların
tətbiqi, inkişafı müasir Azərbaycan dövlətinin
qarşısında duran əsas məsələlərdəndir.Respublikamızda
elm, təhsil və mədəniyyət sahələrində
böyük potensiala malik olan mütəxəssislər
olduğu üçün çalışıb bu
potensiallardan maksimum şəkildə bəhrələnilməlidir”.
Alim onu da qeyd edir ki, son illərdə mədəniyyətimizin,
xüsusilə folklorumuzun, muğam,aşıq
sənətinin dünyada təbliği istiqamətində
mühüm işlər görülür. Ümumiyyətlə,
Azərbaycan mədəniyyətinin inkişafında və
irsinin dünyaya çatdırılmasında Heydər Əliyev
Fondunun prezidenti Mehriban Əliyevanın rolu danılmazdır.
Bu gün dövlət
xətti ilə yüzlərlə gənc
dünyanın nüfuzlu
ali məktəblərində
və elmi mərkəzlərində təhsil
almaqla bərabər ixtisaslarını da artırırlar ki, bu da dövlətimizin
bu sahəyə nə qədər böyük önəm verdiyini göstərir.Azərbaycan
Respublikasında elmin inkişafında mövcud
olan problemlərin həlli istiqamətində
Azərbaycan Respublikasının
Prezidenti yanında Elmin İnkişafı Fondu yaradılıb: “ Bu fondun əsas məqsədi isə elmin müxtəlif sahələrində aparılan
tədqiqatların aktivliyinin
təmin edilməsi və Azərbaycan elminin beynəlxalq səviyyədə layiqincə
təmsil olunmasıdır.
Elmin İnkişafı Fondunun keçirdiyi müsabiqələr
respublikamızda elmin inkişafına öz töhfəsini verməyə
başlayıb. Qeyd
etmək olar ki, Azərbaycan Respublikasının Prezidenti
İlham Əliyevin təşəbbüsü ilə
26 may 2011-ci il tarixdə AR Dövlət Neft Şirkətində də Elm Fondu təsis edilib ki, onun da
əsas məqsədi
AMEA-da fundamental və
təcrübi elmi istiqamətlərini müxtəlif
müsabiqələr keçirməklə
inkişaf etdirməkdən
ibarətdir. Həmçinin fond cəmiyyətin humanitar-mədəni sahələrinin
elmi tədqiqi ilə bağlı layihələri də maliyyələşdirir ki,
bu da sözügedən
sahənin inkişafına
dəstəkdir”. Azərbaycanda
müşahidə olunan
islahatlar, yeniləşmə
və modernləşmə
prosesləri ölkəmizin
inkişafının fundamental əsası kimi qəbul olunaraq Azərbaycanın gələcək
inkişafının əsasını
formalaşdırılmış olur: “Bu mənada Prezident İlham Əliyevin ölkəmizin
2020-ci ilə istiqamətlənmiş
inkişaf konsepsiyası
ilə əlaqədar
çox əhəmiyyətli
sərəncamını qeyd
etmək olar. Bu inkişaf konsepsiyasında
əhəmiyyətli yer
tutan Azərbaycanın
elmi, təhsili və mədəniyyətidir.
Son illərdə respublikanın istər iqtisadi, istərsə də elmi və
mədəni həyatında
xeyli müsbət dəyişikliklərin baş
verməsi yuxarıda qeyd olunanları bir daha təsdiq
edir. Beləliklə, elmin yüksək
səviyyədə olması
rəqabətə davamlı
texnologiyalar formalaşdırır
ki, bunun da nəticəsində cəmiyyətin yüksək
tərəqqisi baş
verməklə, insanların
rifahı və həyati, mədəni səviyyəsi yüksələrək
yaxşılaşır”.
İlkin
AĞAYEV
Palitra.- 2012.- 4 aprel.- S.6.