«Mədəniyyət müəssisələrində boşalan iş yerlərinə ilk növbədə gəncləri götürürük»

Şərqiyyə Şahpələngova: «Saatlının mədəniyyət müəssisələrində kompyuter kursları, texniki yaradıcılıq klubları və dərnəklər təşkil olunub, gənc qızlar üçün ilk tibbi yardım dərnəkləri yaradılıb»

Layhiə çərçivəsində müsahibmiz Saatlı rayon Mədəniyyət və Turizm şöbəsinin müdiri Şərqiyyə Şahpələngovadır: - Saatlı rayon Mədəniyyət və Turizm şöbəsinin tabeliyində rayon Mədəniyyət Evi, Tarix-Diyarşünaslıq Muzeyi, Bülbül adına 7 illik Uşaq Musiqi Məktəbi, 1 Mərkəzi rayon kitabxanası və onun 57 kənd kitabxana filialı, 13 kənd Mədəniyyət Evi, 10 kənd klubu, 3 şəhər klubu fəaliyyət göstərir. Bu müəssisələrdə işləyənlərin ümumi sayı 388 nəfərdir. Saatlı rayon Mədəniyyət və Turizm şöbəsində il ərzində bir çox yaddaqalan mədəni-kütləvi tədbirlər həyata keçirilir. 13-20 yanvar tarixlərində ümumxalq hüzn günü ilə əlaqədar Mədəniyyət və Turizm Şöbəsində, onun ayrı-ayrı müəssisələrində bir sıra silsilə tədbirlər keçirilib. Belə ki, qeyd olunan müddətdə rayon Tarix-Diyarşünaslıq Muzeyinidə Dövlət Rəsm Qalereyası ilə birlikdə sərgi təşkil olunub. Sərgidə Tarix-Diyarşünaslıq Muzeyinin direktoru Sürəyya Zeynalovanın çəkdiyi Saatlı şəhidlərinin şəkilləri nümayiş etdirilib. Bundan əlavə Dövlət Rəsm Qalereyasında Azərbaycanın suverenliyi, istiqlaliyyəti və ərazi bütövlüyü uğrunda şəhid olmuş həmyerlilərimiz barədə sislsilə mühazirələr təşkil edilib. Muzeydə 20 Yanvar faciəsinə həsr olunmuş «Türk qanı ilə yazılmış tarix» səndli filminin nümayişi təşkil edilib. Mədəniyyət və Turizm şöbəsinin bütün müəssisələrində foto-sərgilər, mühazirələr təşkil olunub. Rayonun Şəhidlər xiyabınında rayon sakinlərinin kütləvi yığıncağı keçirilib, bu zaman ümumxalq hüzn günü ilə əlaqədar hazırlanmış ədəbi-bədii kompozisiya göstərilib, şəhidlərin ruhuna ehtiram əlaməti olaraq müxtəlif yazıçı və şairlər tərəfindən yazılmış şerlər səsləndirilib. Bu mövzuda tədbirlər həmçinin rayonun Şirinbəy, Fətəlikənd, Cəfərxan, Dədə Qorqud, Qırağlı mədəniyyət evlərində, Fətəlikənd, Adıgün , Sarıcalar, Varxankənd, Azadakənd, Məzrəli, Nərmankənd kitabxanasında, Qaracalar, Çolpu, Varxankənd, Axundv klublarında da keçirilib. Bu dövr ərzində muzeyin eksponatlarını zənginləşdirmək məqsədilə, Nazirlər Kabinetinin qərarı ilə Qoruq elan edilmiş kəndlərdə arxeoloji abidələrin yerləşdiyi kəndlərdə müəyyən yerlərə baxış keçirilərək kənd sakinləri ilə aparılan fərdi söhbətlər nəticəsində arxeoloji əşyaların toplanaraq Tarix-Diyarşünaslıq Muzeyinə təhvil verilməsinə nail olunub. Hər ayın sonuncu günü muzeydə mühafizə edilən eksponatların gigyenik-profilaktik mühafizəsi üçün mühüm tədbirlər həyata keçirilib. Mərkəzi rayon kitabxanasında, Heydər Əliyev Mərkəzində Xocalı faciəsinin ildönümünə həsr olunmuş silsilə tədbirlər keçirilib, sərgilər təşkil edilib. Yeni Azərbaycan Partiyası Saatlı rayon təşkilatında «20 Yanvar – nəsillərdən- nəsillərə qəhrəmanlıq örnəyi» adlı dəyirmi masa keçirilib. Tədbirdə rayonun müxtəlif sahələrdə işləyən ziyallıları və gənclər iştirak ediblər. Eyni zamanda tədbirdə Ailə, Qadın və Uşaq Problemləri üzrə Dövlət Komitəsinin sədr müavini Sədaqət xanım Qəhrəmanova da iştirak edib.

- Gənclərimizin milli mənəvi dəyərlərimiz ruhunda təribiyə olyunmasında mədəniyyət müəssisləri necə iştirak edir?

- Keçirdiyimiz tədbirdə natiqlər müasir gənclərlə bağlı problem məsələllər, gəncləri düşündürən və narahat edən məsələlər haqqında müzakirələr aparır, gənc nəslə istiqamətlər verirlər. Gənclərin vətənpərvərlik, milli-mənəvi dəyərlərimizə sevgi və hörmət ruhunda tərbiyə olunması gündəlik işimizin bir hissəsini təşkil edir. Bu mənada Heydər Əliyev Mərkəzinin təşkil etdiyi «Milli ruh və vətəndaşlıq tərbiyyəsi» adlı masa gənclər tərəfindən çox maraqla qarşılanıb, «Gənc nəslin siyasi elminin inkişafında, dünyagörüşünün formalaşmasında Heydər Əliyev məktəbinin rolu» mövzusunda aparılan müzakirələr gənclərimiz üçün böyük töhvə olub.Rayon Mədəniyyət Evində «Qızlar gələcəyin anasıdır» mözusunda ədəbi–bədii diskussiya keçirilib. Dəyirmi masa arxasında baş tutan tədbirə dəvət olunanlar çıxış edərək qızlarımızın əsl ana olmağından, ailə qurmağın yollarından danışıblar.Onlar həmçinin öz çıxışlarında nümunəvi qadınlarımızın portretlərindən söz açıblar. Dövlət başçısı «Azərbaycan gəncliyi 2011 – 2015 illərdə Dövlət Proqramı» barəsində tarixi bir sərəncam imzalayıb. Bu tarixi proqramın həyata keçirilməsi ilə əlaqədar Mədəniyyət və Turizm Şöbəsi gənc nəslin inkişafında, onların təlim-tərbiyəsində, dünyagörüşünün formalaşmasında mədəniyyət müəssisələrinin rolununun böyük olduğunu yaxşı bildiyindən xeyli zəruri tədbirlər görüblər. Hər il Gənclər Günü rayonda təntənəli şəkildə təşkil olunur. Tədbirlərdə gənclərin bir çox sahələrdə qazandığı uğurlar sadalanır, cəmiyyətdə onların rolu işıqlandırılır, yaşlı nəslin nümayəndələri gənclərə özlərinin öyüd - nəsihətlərini verir, gəncləri düşüdürən problemlər, həlli müşkül olan məsəllərlə bağlı dəyərli məsləhətlər verilir. Yeni qurulmuş gənc ailələrlə mütamadi iş aparılır. Bütün bunlarla yanaşı mədəniyyət müəssələrində iş yerləri boşalarkən bu barədə onlara məlumatlar verilir, onlar işə dəvət olunurlar. Müəssisədə Həmkarlar Komitəsi ilə birgə gənc ailələrin məişət problemləri öyrənilir, onlara imkan daxilində köməklik göstərilir. Rayon rəhbərliyinin iştirakı ilə gənclərlə yaşlı nəslin görüşü keçirilib. Natiqlər çıxış edərək hazırkı dövrdə gənclərin rolundan və onların fəallığının artırılmasından danışıblar. Mədəniyyət evləri, klub, kitabxana, Tarix-Diyarşünaslıq Muzeyi , Dövlət Rəsm Qalereyası və Uşaq Musiqi Məktəbində hər il gənclərə həsr olunmuş müxtəlif silsilə tədbirlər həyata keçirilir. Gənclərin hərbi xidmətə yola salınmasında mədəniyyət işçiləri gənclərdə Vətənə bağlılıq, torpağa məhəbbət hissini aşılamaq üçün müxtəlif dram və bədii əsərlərdən geniş istifadə edirlər. Mədəniyyət və Turizm Şöbəsinin rəhbərliyi gənclərin irəli çəkilməsini həmişə diqqət mərkəzində saxlayır. Belə ki, Mədəniyyət və Turizm Şöbəsində və onun müəssisələrində işləyənlərin əksəriyyəti gənclərdir. Gənclərdə peşəsinə vurğunluq və məhəbbət yaratmaq üçün onlar istehsalatda çalışa- çalışa kurslara göndərilir. Gənçlər bizim gələcəyimizdir, onların düzgün istiqamət götürməsi , layiqli vətəndaş və kadr kimi yetişməsi üçün bütün imkanlardan istifadə olunur. Elm, texnika əsri olduğu üçün mədəniyyət müəssisələrində kompyuter kursları, texniki yaradıcılıq klubları və dərnəklər təşkil olunub, biləvasitə gənc qızlar üçün ilk tibbi yardım dərnəkləri yaradılıb. Gənclərlə bağlı Dövlət Proqramı ilə bağlı Mədəniyyət və Turizm Şöbəsi gənclərin asudə vaxtlarının səmərəli və mənalı keçirmələri üçün səy və bacarıqlarını əsirgəmir. Yen də deyirəm ki, Mədəniyyət və Turizm Şöbəsində boş iş yeri olarkən ilk növbədə gənclər işə qəbul olunurlar.Mərkəzlədirilmiş Kitabxana Sisteminin 6- şöbəsindən 4- nün müdiri gəncdir. Rayon Mədəniyyət Sarayında, klub və mədəniyyət evlərində gənclər üçün maraqlı, rəngarəng tədbirlər keçirilir.Onu da qeyd edim ki, Saatlı rayon Mədəniyyət və Turizm Şöbəsində dövlət başçısının şəffaflığın artırılması və korrupsiyaya qarşı mübarizə üzrə milli strategiyanın təsdiq edilməsi barədə müvafiq sərəncamı ilə əlaqədar müvafiq komissiya yaradılıb. Bu sərəncam mədəniyyət işçilərinin seminar müşavirəsində geniş müzakirə edilib. Mədəniyyət ocaqlarında bu ictimai bəla ilə əlaqədar sərgilər, fotomontajlar, şüarlar təşkil edilib. Bu işin əhali arasında təbliği məqsədi ilə «Korrupsiyaya qarşı mübarizə aparaq», «Onlara aramızda yer yoxdur» mövzusunda mühazirələr, məruzələr təşkil edilmiş, əhali arasında mütəmadi fərdi söhbətlər və təbliğat işləri aparılır. Rayon Mərkəzləşdirilmiş Kitabxana sistemində, Tarix-Diyarşünaslıq Muzeyində, Uşaq Musiqi Məktəbində, Mədəniyyət Sarayında bu məqsədlə silsilə tədbirlər keçirilib və keçirilməkdədir.Sevindirici haldır ki, bu ictimai bəla ilə əlaqədar milli strategiyanın qəbul edildiyi vaxtdan keçən dövr ərzində Mədəniyyt və Turizm Şöbəsinin maliyyə –təsərrüfat fəaliyyəti Maliyyə Nazirliyinin yoxlama briqadasının əməkdaşları tərəfindən bir neçə dəfə yoxlanılmış, lakin ciddi maliyyə pozuntuları və korrupsiya halları müəyyən olunmayıb. Eyni zamanda, əmək müfəttişlərinin regional ərazi üzrə əməkdaşları tərəfindən Mədəniyyət və Turizm Şöbəsi və onun müəssisələri yoxlanılıb, ciddi qanun pozuntuları olmadığı müəyyən edilib. Korrupsiyanın iqtisadi inkişafa ciddi maniyələr törətdiyini dərindən başa düşən şöbənin əməkdaşları, şəffaflığı təmin etmək məqsədi ilə korrupsiya və rüşvətxorluq hallarının baş verməməsi üçün hər il Mədəniyyət və Turizm şöbəsinin mal-materialları, eləcə də inventar və avadanlıqlar komissiya vasitəsi ilə yoxlanılır.Sosial müavinətlər, pensiya, uşaq pulu, əməkhaqları və digər ödənclər artıq üç ilə yaxındır ki, plastik kartlar vasitəsi ilə həyata keçirilir. Bu kimi tədbirlər həyata keçirilərkən ictimai işlərdə fəallığı ilə seçilən işçilərin qüvvəsindən istifadə olunur.

- Rayonun mədəniyyət müəssisələrində bədi özfəaliyyət işi necə qurulub?

- İstər əhalinin estetik zövqünün formalaşdırılmasında istərsə də asudə vaxt problemlərinin həllində özfəaliyyət kollektivlərin əhəmiyyəti böyükdür. Tarixi, siyasi və ədəbi - bədi tədbirlər keçirilərkən istər özfəaliyyət kollektivlərinin gücündən istərsə də xalq yaradıcılığının nümunələri sayılan folklor və folklorçuluğun butün imkanlarından istifadə edilir. Əsasən xalq yaradıcılığı nümunələri, xalq mahnı və rəqsləri ön plana çəkilir, incəsənətin bu mühüm sahəsindən bacarıqla, səmərəli surətdə istifadə olunur. Xüsusilə xalq yaradıcılığının məhsulu olan folklor və folklorçuluq rayonda getdikcə genişənir və inkişaf edir. Əvvəllər rayonda təkcə Adıgün və Nəsimikənd mədəniyyət evləridə folklor və folklorçuluq inkişaf etmişdisə, hazırda rayonun Şirinbəy, Varxankənd, Fətəlikənd Klub və Mədəniyyət evlərində milli bayram tədbirlərində xalq yaradıcılığı nümunələri repertuarları zənginləşdirir.Hazırda Cəfərxan, Sarıcalar, Mirzə Fətəli Axundzadə adına klubda, Əlisoltanlı, Mircəlalkənd, Xanlarkənd, Nərmankəd, Dədə Qorqud kənd klub və mədəniyyət evlərində bir çox bədii özfəaliyyət kollektivləri mövcuddur. Rayonda çoxlu sayda xırda xalqlar, etnik qruplar vardır. Folklor, folklorçuluq, eləcədə, unudulmuş milli ənənələrin təbliği, milli rəqslərin yaranıb xalqa çatdırılması kimi işlərin xüsusilə kənd yerlərində genişlənməsinə həmişə lazımi köməklik göstərilir. Milli musiqi alətləri ifaçılarının V Respublika müsabiqəsində Mircəlalkənd Mədəniyyət Evinin bədii özfəaliyyət kollektivinin üzvü Səfərov Əziz Habil oğlu uğurla iştirak edib. Uşaq Xor Kollektivlərinin VII Respublika müsabiqəsində isə Saatlı rayon “Bülbül” adına Uşaq Musiqi Məktəbi iştirak edib və Fəxri Fərmanla təltif olunub. Saatlı rayon Mədəniyyət və Turizm Şöbəsi Nəsimikənd Mədəniyyət Evinin «Adıgün» rəqs qrupu Azərbaycanda yaşayan azsaylı xalqların III-cü Respublika festivalında yüksək nailiyyətlər əldə edib. Rəqs qrupu İctimai Televiziyanın canlı efirində bütün ölkəyə öz məharətlərini nümayiş etdirib. Opera və Balet Teatrında keçirilən yekun konsertində rəqs qrupunun çıxışı iştirakların böyük alqışı ilə qarşılandı. Nəsimikənd Mədəniyyət Evi «Vətən» cəmiyyətinin xətti ilə keçirilən Mədəniyyət Günlərində Azərbaycanda yaşayan azyaşlı xalqların mədəniyyət və folklor nümunələrinin nümayişində uğurla təmsil olunub. «Mədəniyyət» qəzetində Saatlı rayon Nəsimikənd Mədəniyyət Evinin fəaliyyəti və qazandığı uğurlar barədə geniş məqalə dərc olunub. İctimai Televiziya və «Sehirli Aləm» Cəmiyyəti istedadlı uşaqlar arasında «Pöhrə» müsabiqəsinin televiziya lahiyəsində Saatlı rayon Mədəniyyət və Turizm şöbəsi uğurla çıxış edib. Şirvan şəhərində keçirilən «İstedadlı uşaqlar» müsabiqəsində Saatlı Uşaq Musiqi Məktəbi yüksək səviyyədə təmsil olunub. Ümumiyyətlə, şöbədə bütün mədəniyyət evləri , klublarda bədii özfəliyyət kollektivləri mövcuddur. İstər rayonda, istərsə də respublika əhəmiyyətli tədbirlərdə rayonun bədii özfəaliyyət kollektivləri fəal iştirak edirlər. Keçirdiyimiz tədbirlər zamanı istər rəsmi, istərsə də bədii hissələr zamanı mədəniyyət müəssisələrinin özfəaliyyət kollektivləri fəal iştirak edirlər. Mərkəzləşdirilmiş Kitabxana Sistemində daimi olaraq şair və yazıçıların əsərlərinin sərgisini təşkil edirik. «Gənclər bizim gələcəyimizdir», «Biz sizdən öyrəndik qəhrəmanlığı», «Gənclər sözüm sizədir», «Novruz gəldi, yaz gəldi», yazıçı, dramaturq Mirzə Fətəli Axundzadənin anadan olmasının 200 illiyi, Mirzə Ələkbər Sabirin 150 illiyi, yazıçı Əlfi Qasımovun 85, Vidadi Babanlının anadan olmasının 85 illiyi, türk dünyasının böyük oğlu Nazim Hikmətin 110 illiyi, İsmayıl Şıxlının anadan olmasının 90 , Məmməd Səid Ordubadinin anadan olmasının 140 illiyi müxtəlif tədbirlər, ədəbi- bədi gecələr, disput, oxucu konfransları , sərgilər vasitəsilə qeyd olunub. Milli bayramımız olan Novruz bayramı da müəssisələrdə yüksək fəallıq şəraitində keçirilib.Xüsusilə, rayonun Şirinbəy, Adıgün, Sarıcalar, Qara Nuru, Nəsimikənd mədəniyyət evlərində, Uşaq Musiqi Məktəbində, Mərkəzi rayon kitabxanasında, Tarix-Diyarşünaslıq Muzeyində, Dövlət Rəsm Qalereyasında, Qırağı, Varxankənd, Adıgün, Cəfərxan, Şirinbəy, Sarıcalar kitabxanalarındada bu el şənliyi fəallıq şəraitində keçirilib. Kitabxana-informasiya sahəsi ilə bağlı dövlət başçısı tərəfindən Dövlət Proqramı qəbul edilib. Bununla əlaqədar olaraq rayon kitabxanalarında mühüm islahatlar aparılıb, mərkəzi rayon kitabxanasında 2 yeni şöbə-Kitabxana–Resurs Mərkəzi və Kitabxana işininin avtomatlaşdırılması şöbəsi yaradılıb, kənd kitabxanalarında fəaliyyəti zəif, bina şəraiti əlverişsiz, müasir tələblərə cavab verə bilməyən 6 kitabxana kənddə fəaliyyət göstərən digər kitabxana ilə birləşdirilib, bir kitabxana isə ləğv edilib. Bu istiqamətdə işlər hazırda da davam etdirilir, 2012- ci ilin sonunadək ölkə başçısının bu mühüm sərəncamını layiqincə icra etmək üçün Mərkəzləşdirilmiş Kitabxana Sisteminə «İRBİS» proqramının alınması üçün işlər davam etdirilir.

- Hərbi hissələrlə əməkdaşlıq edirsinizmi?

- Mədəniyyət və Turizm Nazirliyinin respublikanın teatr-konsert müəssisələri və Mədəniyyət və Turizm şöbələrinin hərbi vətənpərvərlik və mədəni hamilik sahəsində gördüyü işin vəziyyəti haqqında əmrinin icrası ilə bağlı Mədəniyyət və Turizm Şöbəsində əlavə tədbirlər planı tutulub, teatrların, mədəniyyət evlərinin, klubların bədii özfəaliyyət kollektivləri, xalq kollektivləri cəbhə bölgələrində olur, əsgər və zabitlər qarşısında maraqlı konsert proqramları ilə çıxış edirlər. Mədəniyyət və Turizm Şöbəsinin işçiləri rayonumuzda yerləşən hərbi qospitalda ayda iki dəfə maraqlı konsert proqrammı ilə çıxış edir, əsgərlərimizdə vətənpərvərlik hissini qüvvətləndirir, döyüş əzmini möhkəmləndirir. Şöbəmiz Beyləqanda yerləşən «N» saylı hərbi hissəni hamiliyə götürüb. Rayon Mədəniyyət Sarayının bədii özfəaliyyət kollektivi Tovuzda yerləşən hərbi hissədə geniş proqramla konsert verib və bu hərbi hissəni də hamiliyə götürmüşük.

- Hansı problemləriniz var?

- Bütün görülən işlərlə əlaqədar olaraq, Mədəniyyət və Turizm Şöbəsində həllini gözləyən bir sıra problemlər qalmaqdadır. Belə ki, ayrılan vəsaitlər az olduğu üçün mədəniyyət müəssisələrini inventar və avadanlıqlarla tam təhciz edə bilmirik. Müəssisələrdə işləyən işçilərin əksəriyyətinin ixtisas təhsili yoxdur. Bu isə görülən işlərə mənfi təsir edir, onun keyfiyyətini aşağı salır. Mədəniyyət və Turizm Şöbəsinin tabeliyində olan mədəniyyət obyektləri mərkəzdən xeyli uzaqda olmasına baxmayaraaq, heç bir xidməti nəqliyyat vasitəsinin olmaması işimizdə müəyyən problemlər yaradır. Mədəniyyət evlərinin və klubların 2-li tabelliyi , yaxud paralelçiliyin aradan qaldırılması kimi hələ də problem məsəllələr qalmaqdadır.Regionlarının sosial- iqtisadi inkişafı Dövlət Proqramının uyğun olaraq uzun illər rayonda fəaliyyət göstərən bir sıra sosial- mədəni obyektlərin tikintisi nəzərdə tutulub. Bu mühüm dövlət tədbirinin həyata keçirilməsi üçün şöbədə tədbirlər planı tutulub. Tədbirlər planına uyğun olaraq əlaqədar təşkilatlar qarşısında məsəllələr qaldırılmış, tədricən problem məsəllər həllini tapmaqdadır. Belə ki, 1985- ci ildən fəaliyyət göstərən 10 000 – dən artıq eksponatı olan Tarix- Diyarşünaslıq Muzeyi və Dövlət Rəsm Qalereyası üçün birtipli lahiyə əsasında bina tikintisi reallaşır. Bundan başqa Gənclər Mərkəzi, rayon Mədəniyyət Sarayının əsaslı təmiri, 100000 min cildlik Mərkəzi rayon kitabxanası üçün yeni binanın tikilməsi üçün tədbirlər görülür. Regionların sosial iqtisadi inkişafı üzrə Dövlət Proqramı rayon iqtisadiyyatına , təhsil,mədəniyyət və səhyyə sistemi üçün bir çox yeniliklər gətirməklə yanaşı çoxsaylı istehsal sahələrinin yaradılması, sosial- mədəni obyektlərin tikintisi kimi işlərin reeallaşdırılması ilə nəticələnməkdədir. Bütün bunlara baxmayaraq, Saatlı rayon Mədəniyyət və Turizm şöbəsinin rəhbərliyi var qüvvə ilə çalışır ki, ölkə başçısının, rayon rəhbərliyinin və Mədəniyyət və Turizm Nazirliyinin qarşımıza qoyduğu tələbləri vaxtında və keyfiyyətlə icra edərək ki, rayon əhalisi mədəniyyət naliyyətlərinsdən maksimum yararlansınlar.

Anar Miriyev

Palitra.-2012.-24 aprel.-S.11.