“Hollandiyada
əmindirlər ki, Azərbaycan “Eurovision”a ev
sahibliyi etməklə bütün
dünyanı təəccübləndirəcək”
“Çox fəxr edirik ki, bir
çox ölkələrdən nümayəndələr
gündən-günə gözəlləşən
Bakının qonağı olaraq mədəniyyətimizlə
tanış olacaq, mükəmməl milli mətbəximizin ləziz
yeməklərini dadacaqlar”
Layihə çərçivəsində növbəti müsahibimiz “Ana Vətən” Avropa Azərbaycanlı Qadınlar Birliyinin sədri, Azərbaycan və Niderland Yazıçılar Birliklərinin üzvü, Niderland Ssenaristlər və Kinematoqrafçılar İttifaqının üzvü, Azərbaycan Respublikasının Əməkdar mədəniyyət xadimi Gülşən Lətifdir:
- Mədəniyyətimizin
inkişafında diasporun rolunu necə qiymətləndirirsiniz?
- Bir
hələ bir neçə il öncə
düşdüyümüz mühitlərdə antitəbliğatla
üz-üzə gəldik. Buna görə də biz yeni bir strategiya
düşünməli idik. Unutmamalıyıq ki, diasporumuz
ölkəmizi təmsil edən xalq diplomatlarıdır.
1950-60-cı illərdə oraya isci quvvəsi kimi gələn
basqa ölkələrin nümayəndələrindən fərqli
olaraq bizim diaspor üzvlərin arasında ziyalı təbəqəsi
çox idi. Azərbaycandan gələn insanların ziyalı
olması bizim böyük bir şansımızdır. İstər
tariximiz, istər mədəniyyətimizlə bağlı
diasporun gördüyü işlər çox
mühümdür. Məsələn, cəmiyyətimizin
strategiyasi bu idi ki, qadınlar bir araya gələrək mədəniyyətimizi
təbliğ edəcək. Biz sərgilər, mili bayramlar, təqdimatlar,
konfranslar keçirirdik. Hazırda orada öz fəaliyyəti
ilə seçilən sənətkarlarımız var. Məsələn,
bizim cəmiyyətin üzvü olan rəssamlarımız var
ki, onların sərgiləri təşkil olunanda, böyük
maraqla qarşılanır. Vəfa Rüstəmova, Elman Əliyev,
Rasim Hüseynov kimi rəssamlarımızın adınə
çəkmək istəyirəm. Eyni zamanda orada Firəngiz
Bağırova kimi sənətkarımız var ki, “Sarı gəlin”
xalq mahnısını Holland xoru ilə ifa edib. Həmçinin,
Elxan Rzayev kimi istedadlı bəstəkarımız var, hansi
ki, öz fəaliyyəti ilə hollandları Azərbaycan
musiqisinə məftun edib. Bunlar hamısı gözə
görünməyən bir iş olsa da mühüm işlərdir.
Eləcə də orada bir neçə jurnalistimiz fəaliyyət
göstərir ki, hər məqalələrində Azərbaycanla
bağlı reallıqları çatdırmağa
çalışırlar, tariximizi, mədəniyyətimizi təbliğ
edirlər. Orada ssenaristlər, yeni böyüyən gənc nəsil
var ki, çox istedadlıdırlar və onlar musiqi bəstələyirlər,
film çəkirlər, festivallara gedirlər. Azərbaycan deyəndə
tanınmış simalar var ki, biz onlarla fəxr edirik. Elm
adamlarımız var ki, azərbaycançılıq
ideyasının mənbəyində mədəniyyət
dayanır.
- Azərbaycan “Eurovision” mahnı
müsabiqəsinə ev sahibliyi edəcək. Hollandiyada
ölkəmizdə keçiriləcək bu müsabiqəyə
münasibət necədir?
-
Ümumiyyətlə, “Eurovision” Hollandiya üçün
çox incə məsələdir. Çünki, Hollandiya
uzun müddətdir ki, bu mahnı müsabiqəsində irəli
çıxa bilmir. Bu müsabiqədə heç
tanınmamış bir ölkənin burada iştirakı ilə
bir neçə ilin içində III,V ve VII yerləri alaraq
onluğa düşməsi və nəhayət ki, ötən
il 1-ci yeri qazanaraq qalib olması böyük bir şokdur. Nəinki
Hollandiya, bütün Avropa üçün bu, Azərbaycanı
yeni bir rakursda tanımaqdır. Bizim üçün də
böyük bir fəxrdir. Biz bu qələbəni çox
gözlədik. Hələ ötən müsabiqədə
Aysel Teymurzadə ilə Araş çıxış edəndə
qalib olmağı düşünürdük. Ancaq hər
halda Rıbakın mahnısı daha üstün səs
topladı və halbuki bizim mahnı heç də ondan zəif
deyildi. Nəhayət, ötən il biz birincilik qazananda
sevincimizin həddi-hüdudu yox idi. Düşünürük
ki, biz sözün həqiqi mənasında bu
yarışmayı qazandıq. Çünki Azərbaycan
çox gözəl musiqilərilə, ifaları ilə yadda
qaldı. Azərbaycan artıq dillərdədir. “Eurovision” namizədləri içərisində
favorit oldu. Biz çox fəxr edirik ki, bir
çox ölkələrdən nümayəndələr
Azərbaycana gələcək. Gündən-günə
gözəlləşən Bakının qonağı olacaqlar, mədəniyyətimizlə
tanış olacaq, mükəmməl, dünyada ən gözəl olan
milli mətbəximizin ləziz yeməklərini
dadacaqlar. Günəşli ölkəmizi
ziyarət edəcəklər və bu,
hamımızın fəxridir. Hollandiya Azərbaycanın təmsil olunduğu bütün “Eurovision” mahnı müsabiqələrində bizim ölkəyə səs verdi
və bu, bizim diasporun roludur, çünki mövcud olan diasporumuz çox vətənpərvərdir. Diasporumuz Vətən üçün
canından keçməyə hazırdır. Mən azərbaycanlı
ailələr tanıyıram ki, məhz “Eurovision” zamanı öz
maaşlarını kartlara verib, durmadan ölkəmizə
səs verirlər. Lakin təkcə azərbaycanlılar səs verməklə
bu qədər yüksək səs toplamaq mümkün
olmazdı. Orada 17 milyonluq
xalq yaşayır və onlar
da öz səslərini
veriblər. Ümumiyyətlə, bizi orada dəstəkləyən yerli
xalqdır və onlar da
bu gözəl musiqiyə səs verir. Bizim musiqimiz
də həqiqətən gözəldir. Azərbaycanın
dostları Hollandiyada gündən-günə
çoxalır, artır. Hazırda səbirsizliklə
müsabiqəni gözləyirlər. Çox
böyük bir
hazırlıq aparırlar. Bu dəfə
müsabiqəyə ilk dəfə olaraq çox ciddi yanaşırlar. Müsabiqəyə
göndərdikləri nümayəndəni dəqiqliklə
seçiblər. Artıq finala
çıxmaq istəyirlər və inanırlar ki, Azərbaycanda bu olacaq. Azərbaycan “Eurovision”a ev sahibliyi
etməklə bütün dünyanı təəccübləndirəcək.
Biz bunu gözləyirik.
- Hollandiyada Azərbaycan mədəniyyəti
ilə bağlı tədbirlər necə
qarşılanır?
- Artıq Hollandiyada Azərbaycan tanınır, maraqla qarşılanır. Bu sahədə Azərbaycanın Hollandiyada artıq 5 ildən çoxdur ki, bizim fəaliyyət göstərən səfirliyimizin böyük rolu var. Eləcə də bizim diasporumuzun, Holland-Azərbaycan Dostları Cəmiyyətinin mühüm rolu var. Çünki o cəmiyyətdə sırf hollandlar, tanınmış ziyalı insanlar, Azərbaycanı sevənlər təmsil olunub. Azərbaycanı ancaq “Eurovision”la deyil, həm də gördüyü işlərlə tanıyırlar. Məsələn, Niderlandda Məmməd Məmmədov adlı tanınmış azərbaycanlı var ki, Osterweyk şəhərinin düşməndən azad olunması uğrunda mübarizə aparıb. Indi onun şərəfinə park açılacaq. Onunla bağlı film çəkilib, hər kəs bilir ki, o azərbaycanlıdır. Məmməd Məmmədov başqa da bir neçə nəfər azərbaycanlı orada qəhrəmanlıqla döyüşüblər. Yəni, bu cür faktlarla tanımaqla yanaşı Azərbaycan “Eurovision”la diqqət çəkdi və artıq qalib gəldikdə dillərə dastan oldu. Mədəniyyətlə bağlı tədbirlər keçirəndə yerli əhalini cəlb edirik. Diasporumuzun təşkil etdiyi tədbirlərdə daha çox istəyirik ki, yerli əhali gəlsin, mədəniyyətimizlə, insanlarımızla tanış olsun. Bilsinlər ki, bir xalq olaraq biz kimik. Çalışırıq onlarla davamlı əlaqə saxlayaq və tədbirlərimizi universitetlərdə keçirək. Daha çox ətrafımıza gənc tələbəri yığmağa çalışırıq. Hansısa bir aksiyada gənclərdən tələb edirik ki, özü ilə bir nəfər gənc holland dostunu gətirsin və beləliklə, Azərbaycanın dostlarının sayı artar, ölkəmizi daha çox tanıyarlar. Əvvəllər bizim tədbirlərə ehtiyatla yanaşırdılarsa, amma indi artıq Azərbaycan deyəndə cana yaxın insanlar, gülərüz, yumorlu insanlar, yüksək mədəniyyətli ölkə kimi qəbul edirlər.
-Bugünlərdə sizin yeni
kitabınızın təqdimatı oldu. Bu kitabla bağlı
fikirlərinizi bilmək istərdik?
-Mənim
yeni kitabım “Bir çətir altında” adlanır. Kitab
Moskvada nəşr olunub. Mən bir neçə hekayəmi
toplayarq qovluq şəklində Moskvada bir redaksiyaya göndərdim.
Sadəcə, bu hekayələrlə bağlı fikirlərini
bilmək istədim. Ancaq sonra onlardan mənə təklif gəldi
ki, biz bunu kitab halında çap etmək istəyirik. Bildirdilər
ki, bizim rus ədəbiyyatımızın ən gözəl ənənəsi
olan “balaca insan”ın acısını, sevgisini, həyatını
burada açıqlamısınız, eyni zamanda emiqrantlardan
yazmısınız və biz inanırıq ki, kitab
böyük maraq doğuracaq. Kitab çap olunmadan öncə
hekayələri Hollandiyada yaşayan azərbaycanlı rəssamlarımıza
göndərmişdim, cunki oxumaq üçün istəmişdilər.
Onlar bundan təsirlənmişdilər və mənə
illüstrasiyalarını göndərmişdilər. Mən
Moskva nəşriyyatından sadəcə bir şərtim oldu
ki, illüsrasiyaları bizim ressamlar təqdim edəcək. Qəbul
etdilər və illüstrasiyaları bəyəndilər.
Sonra may ayında Moskvada kitabın təqdimatı oldu, təəssüf
ki, səhhətimlə bağlı mən oraya gedə bilmədim.
Amma mən qəzetlərdə oxudum ki, möhtəşəm
bir təqdimat mərasimi olub, Rusiyanın tanınmış
ziyalıları iştirak ediblər. Bundan bir ay sonra mənə
xəbər gəldi ki, həmin kitaba görə mənə “Rusiya xalqlarının XI
Artiadası” incəsənət festivalının “Ədəbiyyat”
nominasiyası üzrə laureatı adını
qazandırıb. Daha sonra holland nəşriyyatı bu kitabla
maraqlandı və orada nəşr olundu. Azərbaycanda təqdimatı
olan olan kitab rus dilindədir. Çox sağ olsun,
Kinoşünaslar İttifaqı Moskvadan kitabı gətirdilər
və özləri təqdimat hazırladılar. Kitab artıq
Azərbaycan dilinə tərcümə olunub.
-Hazırda hansı roman üzərində
işləyirsiniz?
- Mənim
ilk romanım “Nəslimin qızları” olub və bu, “Sağ
ikən ölmə”trilogiyasının birinci hissəsi idi. Bu
yaxınlarda “Yad torpagda” adlanan ikinci hissə də oxuculara təqdim
olunacaq.
Nigar Abdullayeva
Palitra.-25 aprel.-S.13.