Sosial siyasətin real uğurları
Milli Məclisin Sosial
siyasət komitəsi sədrinin müavini, millət vəkili Musa Quliyev: “Neft kapitalını qeyri-neft sektoruna yatırmaq və regionları inkişaf etdirmək, son nəticədə bu inkişafı insan kapitalına yönəltmək
uğurla öz təsdiqini tapır”
Müsahibimiz Milli Məclisin Sosial siyasət komitəsi sədrinin müavini, millət vəkili Musa Quliyevdir. Musa müəllim
bizimlə söhbətinə
ölkədə həyata
keçirilən sosial
siyasətin nəticələri
barədə məlumat
verməklə başladı:
- Hər bir dövlətin
sosial siyasətinin başlıca məqsədi
əhalinin sosial rifah halının yaxşılaşdırılmasıdır. Dünyada bununla bağlı bir sıra göstəricilər
var ki, bunlar
inkişaf etmiş ölkələrdə əhalinin
rifah halının səviyyəsini göstərir.
Azərbaycanda son on ilin
göstəricilərinə nəzər salanda görürük ki, insan inkişafı indekslərində biz hər
il pillə-pillə
irəliləməkdəyik. Azərbaycan müstəqilliyini
çox az müddətdir ki əldə edib, torpaqlarımızın 20 faizi
hələ də işğal altındadır,
ölkəmizdə qaçqın
və məcburi köçkünlər problemi
var. Bütün bunlara
baxmayaraq, Azərbaycanda
sosial-iqtisadi inkişafın
davamlı hal alması, müstəqil, balanslaşdırılmış siyasətin aparılması,
iqtisadiyyatın diversifikasiyası
siyasətinin uğurla
həyata keçirilməsi
imkan verir ki, sosial rifah
halımız ildən-ilə
yüksəlsin. Rifah halının
yüksəlməsi ilə
bağlı həm rəqəm göstəricilərinə
müraciət etmək
olar, həm də real həyat müşahidələri bunu
parlaq göstərir.
Azərbaycanda son on ildəki intensiv
və sürətli inkişaf göz qabağındadır. Bunu
təkcə ölkə
daxilində müşahidə
etmək və deməklə iş bitmir, həm də beynəlxalq aləmdə sosial rifah məsələləri
ilə məşğul
olan institutlar, beynəlxalq təşkilatlar,
Azərbaycanla maraqlanan,
bizi istəyən və istəməyən qüvvələr bizim
bu yöndəki ciddi uğurlarımızı
və nailiyyətlərimizi
etiraf edirlər. Təkcə
son on iki ildə bizim büdcəmiz iyirmi dəfə artıb. Əgər 2000-ci ildə büdcəmiz
1 milyard dollar idisə,
indi artıq 21 milyard dollardır. Ümumdaxili məhsul da təxminən bir o qədər artıb, əhalinin pul gəlirləri dəfələrlə
artıb. 90-cı illərin sonlarına qədər əmanət banklarında əhalinin demək olar ki, pulları yox idi, çünki
birincisi, əhalinin banklara qoymağa pulları yox idi, ikincisi isə
banklar bir o qədər də etibarlı sayılmırdı.
İndi isə banklarda 15 faizə qədər əhalinin əmanət pulları qoyulub. Bu da
o deməkdir ki, əhalinin həm pulları artıb, həm də bank sistemi təkmilləşib.
2003-cü ildən bu yana işsizlik
göstəricisinin aşağı
salınması, məşğulluğun
artırılması yönündə
çox ciddi uğurlar əldə edilib. Həmin dövrdən bu yana ölkədə
bir milyon civarında yeni iş yerləri açılıb. Belə bir
göstərici dünyanın
heç bir ölkəsində yoxdur.
Yoxsulluğun aşağı salınması
məsələsində də
çox ciddi nəticə əldə olunub. Əgər
2000-ci illərin əvvəlində
yoxsulluq göstəricisi
49 faiz təşkil edirdisə, indi yoxsullar ölkədə cəmisi 7,6 faiz təşkil edirlər. Bu da
dünyada bu məsələdə analoqu
olmayan ciddi bir göstəricidir.
Digər
bir məsələ isə orta aylıq
əməkhaqqı və
orta aylıq pensiyanın artımıdır
ki, bu da
çox vacib bir məqamdır. Bunlar da əhalinin sosial rifah halını
müəyyən edən
əsas faktorlardan biridir. Ola bilər ki, bir sıra
ölkələrlə müqayisədə
bu maaş
və pensiya göstəriciləri çox
da böyük görünməsin. Amma əsas məsələ istehlak mallarının qiymətinə nisbətən
maaş və pensiyaların ildən-ilə daha çox artmasıdır. Bizdə istehlak mallarının
qiyməti o qədər
də artmır.
Bu, inflyasiyanın dərəcəsindən də
görünür. Bu isə o deməkdir ki, əhalinin sosial rifah halı
yüksəlir. Bu gün bizdə orta aylıq əməkhaqqı artıq
400 dolları ötüb.
Sosial harmoniyanın başqa bir çox ciddi indekslərindən biri orta aylıq
əmək haqqı ilə orta aylıq
pensiyanın nisbətidir.
Hər bir ölkə bu baxımdan o vaxt inkişaf etmiş ölkələr
sırasına düşə
bilir ki, o ölkədə orta aylıq pensiyanın orta aylıq əməkhaqqına nisbəti
qırx faiz olsun. Yəni orta aylıq pensiya orta aylıq
əməkhaqqının qırx
faizindən az
olmasın. Azərbaycan
artıq ötən il bu göstəriciyə nail oldu.
Onu da xüsusi vurğulamaq lazımdır
ki, postsovet ölkələrindən yalnız
Azərbaycan və Qazaxıstan bu göstəriciyə nail olub,
digərləri isə
hələ bu səviyyəyə çatmayıblar.
- Ölkədə aztəminatlı
insanlarla bağlı tədbirləri necə qiymətləndirmək olar?
- Başqa
bir məsələ isə odur ki, bütün ölkələrdə
və zamanlarda olduğu kimi, Azərbaycanda da aztəminatlı
insanlar var. Bu aztəminatlı insanların sosial rifah halının
yaxşılaşması, ən azı güzəranının
pisləşməsinin qarşısının alınması
üçün dövlət qanunları çərçivəsində
siyasət həyata keçirilir. Bu siyasətin əsas istiqamətlərindən
biri 2006-cı ildən bəri uğurla tətbiq olunan dövlət
ünvanlı sosial yardım layihəsidir. 2006-2007-ci illərdə
bu layihə təxminən 1 milyona qədər insanı əhatə
etmişdisə, indi bu layihə çərçivəsində
600-550 min nəfər insan ünvanlı dövlət sosial
yardımı alır. Bu o demək deyil ki, dövlət
ünvanlı sosial yardımın miqdarını azaldıb.
Bu o deməkdir ki, həmin aztəminatlı insanların əhəmiyyətli
bir qismi artıq yoxsulluq həddindən çıxıblar və
onların rifah halı yüksəlib. Onlar işlə, məşğulluqla
təmin olunurlar və artıq dövlət sosial
yardımına ehtiyacları qalmayıb. Dövətin bu
yardım proqramının davamı olaraq hazırda başqa
formada yardım həyata keçirilir. Əgər birinci mərhələdə
dövlət yaşayış minimumundan aşağı səviyyədə
olan insanlara pulla dövlət yardımı göstərirdisə,
indi artıq bu cür ailələrin bir çoxu işlə
təmin olunur, ya da onlar üçün kiçik sexlər,
iş obyektəri açılır. Eləcə də kənd
yerlərində yaşayanlar üçün inək, davar,
qoyun və sair vasitələr alınır ki, təsərrüfatlarını
formalaşdırsınlar və güzəranlarını
yaxşılaşdırsınlar. Həmçinin dövlət
vəsaiti hesabına bu cür insanlar və ailələr
üçün dərzi sexi, çörəkbişirmə
sexləri, parixmaxer və sair obyektlər açılır və
fəaliyyət göstərir. Yəni burada söhbət
artıq aztəminatlı insana “balıq” verməkdən yox,
“balıq tutmağı öyrətməkdən” və
“balıq tutmaq üçün şərait yaratmaqdan” gedir.
Bu isə dövlət ünvanlı sosial yardımı sahəsində
artıq keyfiyyətcə yeni bir mərhələ və
inkişaf etmiş ölkələrə xas olan bir xüsusiyyət
hesab olunur. Bütövlükdə
dövlətin son illərdə apardığı siyasətin
əsas məqsədi həm də xalqın sosial
rifahını yaxşılaşdırmaqdır. Azərbaycanın
hər bir vətəndaşı da bu siyasəti, təminatı həyatında hiss
edir. Buna görədir ki, ölkəmiz son illərdə əhəmiyyətli
dərəcədə müsbət dəyişkliklərlə
yadda qalıb. Məsələn, 80-ci, yaxud 90-cı illərin kadrlarına diqqət
yetirsək, görərik ki, istər ölkənin
görünüşü, istərsə də insanların həyat
səviyyəsi, güzəranı nə qədər dəyişib.
Şəhərlərimiz, kəndlərimiz, yaşayış
məntəqələrimizin görkəmi də kökündən
dəyişib. Bütün bunlar ümumi inkişaf və
insanlarımızın həyat səviyyəsinə yönəldilmiş
məqsədyönlü siyasət nəticəsində
baş verib. Bu inkişafın və dəyişikliyin bir
sıra əsas göstəricilərini isə yuxarıda
sadaladım.
- Azərbaycan
sosial rifah halının yüksəldilməsi tədbirlərini
bütün qlobal böhranlar zamanı da dayandırmadı və
səngitmədi. Bunu necə xarakterizə edərdiniz?
- Bəllidir
ki, iqtisadi inkişafın Azərbaycan modeli artıq dünya
gündəmindədir. Dünyanın bir çox iqtisadiyyat
institutları bu modeli öyrənməklə məşğuldurlar.
Azərbaycan modeli birinci növbədə iqtisadi
proqnozlaşdırma, iqtisadi-maliyyə böhranını
önləyəcək tədbirlər həyata keçirmək
və bunun üçün də iqtisadiyyatın
diversifikasiyasını təmin etməklə xarakterizə
olunur. Məlumdur ki, Azərbaycanın ən böyük sərvəti
onun nefti və qazıdır. Amma nefti və qazı olan bir
çox ölkələrdə çox ağır şərait
və təlatümlər, hətta faciələr olduğunu
görürük. Onların əhalisi də varlı həyat
sürə bilmir və xaosa
bürünüb. Deməli, neftin və qazın
çoxluğu hələ həmin ölkənin sosial-iqtisadi
durumunun yaxşı olması demək deyil. Bunun
üçün düzgün sosial və eləcə də
iqtisadi siyasət həyata keçirmək lazımdır. Bu sərvətlərdən
düzgün, rasional şəkildə və gələcəyi
düşünərək istifadə etmək lazımdır.
Azərbaycanda cənab Prezidentin göstərişi ilə belə
bir siyasət hazırlanıb və həyata keçirilir.
Neft kapitalını qeyri-neft sektoruna yatırmaq və
regionları inkişaf etdirmək, son nəticədə bu
inkişafı insan kapitalına yönəltmək əsas hədəflər
sırasındadır və bu siyasət uğurla öz təsdiqini
tapmaqdadır. Bu siyasət çox uğurla və real nəticələrlə
start götürüb.
İlkin AĞAYEV
(ardı var)
Palitra.-2012.-22 fevral.-S.5.