“Nəsimi rayonunun sosial-iqtisadi inkişafı: real
vəziyyət və perspektivlər”
Dövlət başçısının rəhbərliyi
altında ölkədə həyata keçirilən siyasi və iqtisadi islahatlar nəticəsində Azərbaycan bu gün dünyada
ən sürətlə inkişaf edən
dövlətə çevrilib. Azərbaycanın
əldə etdiyi bu inkişaf modeli dünya dövlətləri və beynəlxalq
təşkilatlar tərəfindən öyrənilir. Ölkəmizin
inkişafında həyata keçirilən dövlət proqramlarının
böyük rolu var.
Prezident
İlham Əliyevin sədrliyi ilə Nazirlər Kabinetinin
2012-ci ilin birinci yarısının sosial-iqtisadi
inkişafının yekunlarına və qarşıda duran vəzifələrə
həsr olunmuş iclasında çıxışı
zamanı dövlət başçısı bildirib ki,
altı ayda ölkə iqtisadiyyatı uğurla inkişaf edib:
“Ümumi daxili məhsul 1,5 faiz artmışdır. Bu rəqəm əvvəlki dövrlərlə
müqayisədə o qədər də böyük rəqəm deyildir.
Ancaq ölkəmizin ümumi
iqtisadiyyatı artdıqca hər bir faizin daha da
böyük qiyməti və dəyəri
vardır. Onu qeyd edə bilərəm ki, iqtisadiyyatın hər bir
faizi təxminən 700 milyon
dollara bərabərdir və
iqtisadiyyatımızın 1,5 faiz
artımı onu göstərir ki, keçən ilin müvafiq dövrü ilə
müqayisədə ölkədə 1 milyard
dollar dəyərində çox
məhsul istehsal edilmişdir. Ancaq bizi daha çox
sevindirən qeyri-neft
iqtisadiyyatımızın inkişafı olmuşdur.
Bu, demək olar ki, iqtisadi siyasətimizin əsas
istiqamətidir və altı ayda qeyri-neft iqtisadiyyatımız 11,3 faiz artmışdır. Bu,
hesab edirəm ki, dünya miqyasında ən yüksək göstəricidir”.
Sənaye
məhsulu istehsalı 32,2 faiz artıb
Ölkəmizin
bu inkişafında paytaxt rayonlarının öz yeri var. Bakı
şəhərinin mərkəzi rayonlarından biri olan Nəsimi rayonu da son
illər əldə etdiyi sosial-iqtisadi
uğurlarla ölkədəki ümumi inkişafa öz töhfəsini verir.
Nəsimi rayonunda cari ilin birinci rübünün
sosial-iqtisadi inkişafının
yekunları göstərir ki, rayonda qarşıya qoyulan
bütün vəzifələr uğurla icra edilib. Rayon ərazisində
27 iri sənaye müəssisəsi, 4
elmi-tədqiqat və layihə institutu, 18 bank və onların filialları, 9 rabitə
müəssisəsi, 12 mehmanxana fəaliyyət
göstərir. Cari ilin
yanvar-mart aylarında rayonun
sənayesində 83 mln. 700 min
manatlıq və ya əvvəlki ilin səviyyəsindən
32,2% çox sənaye məhsulu istehsal
edilib və xidmətlər göstərilib.
Sənaye istehsalının 32.3%-i məhsul istehsalının,
67.7 % sənaye xarakterli xidmətlərin
payına düşür. Sənayenin
dövlət sektorunda 31 mln.100 min manatlıq və ya ümumi istehsalın 37.2 %-i
qədər, qeyri-dövlət sektorunda isə
52 mln. 600 min
manatlıq və ya ümumi
istehsalın 62.8%-i səviyyəsində sənaye məhsulu istehsal edilib və xidmətlər
göstərilib. İlin birinci
rübündə istehlakçılara 86 mln. manatlıq və ya bütün sənaye
istehsalının 102.7%-i qədər sənaye məhsulu
göndərilib. 2012-ci ilin aprel ayının 1-i vəziyyətinə sənaye
müəssisələrinin anbarlarında hazır məhsul
qalığı 900 min manat
olub. 2012-ci ilin I rübündə istehlak bazarı dinamik inkişaf etməkdə
davam edib və rayon əhalisinə 260 mln.
700 min manatlıq geniş
çeşidli istehlak
malları satılıb və pullu xidmətlər
göstərilib. İlin I rübündə
rayonda rabitə müəssisələri
tərəfindən hüquqi və fiziki şəxslərə faktiki
qiymətlərlə 5 milyon
manatlıq rabitə xidməti göstərib. Nəqliyyat
sektorunda fəaliyyət göstərən
müəssisələr tərəfindən isə 93 mln. 800 min manatlıq iş görülüb və
xidmətlər göstərilib ki, bu da əvvəlki ilin səviyyəsindən 33.2% çoxdur.
İlin birinci
rübündə rayonda iqtisadi
və sosial sahələrin
inkişafı üçün bütün maliyyə mənbələrindən
əsas kapitala 57 mln.
300 min manat məbləğində
investisiya yönəldilib. Cari ilin
yanvar-fevral aylarında rayon
üzrə işçilərin sayı 136 min
735 nəfər olub. İlin
I rübündə əvvəlki ilin müvafiq dövrü ilə
müqayisədə işçilərin orta
aylıq nominal əməkhaqqının səviyyəsi 8.0 faiz
artaraq 409 manat 30 qəpik
olub.
Birinci
rübdə 696 yeni iş yeri açılıb
İlin birinci rübündə rayonda 696 yeni iş yeri açılıb ki, bunun 69-u yeni yaradılan, 107-si mövcud müəssisə və təşkilatlarda, 520-si fiziki şəxslər üzrə olub. 2012-ci ilin 3 ayı ərzində Məşğulluq Mərkəzinə 1296 nəfər müraciət edib. Müraciət edənlərdən 226 nəfəri daimi işlə təmin edilib ki, bu da keçən illə müqayisədə 42 nəfər çoxdur. Sosial müdafiəyə daha çox ehtiyacı olan işaxtaran və işsiz vətəndaşların, o cümlədən qaçqın və məcburi köçkünlərin, gənclərin, qadınların, əlillərin sosial müdafiəsinin gücləndirilməsi məşğulluq xidmətinin daim diqqət mərkəzindədir. İşlə təmin olunanların 55,7%-i və ya 126 nəfəri, peşə kurslarına cəlb olunanların 75%-i və ya 60 nəfəri, işsizlik müavinəti alanların 31,3%-i və ya 26 nəfəri gənclər, işlə təmin olunanların 123 nəfəri və ya 54,4%-i, peşə hazırlığı kurslarına cəlb olunanların 45%-i və ya 36 nəfəri qadınlar olub. Keçən dövr ərzində ünvanlı dövlət sosial yardımı sisteminin tətbiqindən aztəminatlı qaçqın və məcburi köçkün ailələri də diqqətdən kənarda qalmayıb. Belə ki, 171 ailə, o cümlədən 2012-ci ilin 3 ayı ərzində 46 qaçqın və məcburi köçkün ailəsi ünvanlı dövlət sosial yardımı ilə təmin olunub. 359 nəfər tənha, ahıl və əlilə evlərdə sosial məişət xidməti göstərilib. Məcburi köçkünlərin mənzillərdə və məskunlaşdığı yataqxanalarda qaz, su, istilik, enerji problemi olduqda Rayon İcra Hakimiyyəti tərəfindən vaxtında aradan qaldırılıb.
Genişmiqyaslı
abadlıq və yenidənqurma işləri
Ölkəmizin
hər yerində olduğu kimi, Nəsimi rayonunda da
genişmiqyaslı abadlıq və yenidənqurma işləri
həyata keçirilir. Vaqif pr. 3, 5, Azadlıq pr. 89a, 91, 97, Nizami
küçəsi, 118, Süleyman Rüstəm
küçəsi, 55 binalarının fasadlarında təmir
işləri, Nizami, Zorge,
Xəqani və digər küçələrində əsaslı
təmir işləri aparılır. Bakı
Şəhər İcra Hakimiyyəti tərəfindən
Azadlıq və Vaqif prospektləri
genişləndirilərək əsaslı təmir olunur və bordyurlar dəyişdirilir,
28 May və Ənvər Qasımzadə
küçələri əsaslı təmir olunur
və bordyurlar dəyişdirilir, Səməd
Vurğun küçəsinin Füzuli küçəsindən Şamil Əzizbəyov küçəsinə
qədər hissəsi isə genişləndirilib və əsaslı
təmir olunub. Rayon ərazisində 18
küçənin genişləndirilməsi ilə
bağlı Nəqliyyat Nazirliyi
qarşısında məsələ qaldırılıb.
Əhalinin istirahəti və asudə vaxtının səmərəli
keçirilməsi məqsədilə rayonda
12 istirahət parkı, 1 mədəniyyət evi,
5 kinoteatr, 6 kitabxana fəaliyyət
göstərir. Bütün bunlardan əlavə Heydər
Əliyev Sarayı, Heydər Əliyev adına İdman
Konsert Kompleksi,
Bakı Dəmir Yolu Vağzalı,
Bakı Beynəlxalq Dəniz Ticarət Limanı, 28 May, C.Cabbarlı, 20 Yanvar və
Memar Əcəmi metrostansiyaları Nəsimi
rayonunun əraisində yerləşir.Bu ilin mayın 9-da dövlət
başçısının iştirakı ilə Nəsimi
Rayon İcra Hakimiyyətinin
yeni inzibati
binasının açılışı olub.
Yeddi mərtəbədən ibarət yeni bina ən müasir tələblər səviyyəsində
inşa edilib. Ümumi sahəsi 5 min kvadratmetr olan bina bütün lazımi
avadanlıq və sistemlərlə təchiz edilib.
Binadakı otaqların hamısı müasir
tələblər səviyyəsində qurulub.
Burada həmçinin üç
müşavirə zalı, arxiv, rabitə
otaqları, yeməkxana, 25 avtomobillik
yeraltı qaraj da
yaradılıb. Binada elektron idarəetmə və məlumat
bazası quraşdırılıb. Ölkə
başçısının “elektron
hökumət”in yaradılması barədə
tapşırıqlarına uyğun olaraq İcra Hakimiyyətinin
elektron idarəetmə və məlumat
bazasında vətəndaşların ərizə və
şikayətlərinin qəbulu da
reallaşır. Rayonun hər bir sakini İcra
Hakimiyyətinin binasına gələrək bu
sistem vasitəsilə elektron
ərizə yaza və müvafiq
şöbəyə göndərə bilər. Bununla yanaşı vətəndaşlar bu sistemdən internetlə Rayon
İcra Hakimiyyətinin rəsmi saytına
və ya bu bazaya daxil olaraq
evlərindən birbaşa müraciət
edə bilərlər. Vətəndaşların qəbulunu operativ və səmərəli həyata
keçirmək üçün vətəndaşların
qəbulu otağında geniş imkanlar var. Binada
ekspo-mərkəz də var. Mərkəzdə
paytaxtımızın keçmiş və
müasir vəziyyətini əks etdirən
maraqlı fotolar yerləşdirilib. Gələcəkdə
burada rayon məktəblilərinin
müxtəlif sərgilərinin keçirilməsi nəzərdə
tutulur. Operativ idarəetmə
mərkəzində yaradılan rayonun maketi xüsusi proqramla təchiz edilib. Rayon ərazisində yerləşən bütün tikililər barədə proqram vasitəsilə məlumat almaq mümkündür. Xüsusi proqram
rayondakı bütün mənzil-istismar
sahələrinin ərazilərinin bölgüsünü
aydın göstərir. Təbii fəlakətlərin, istehsalat qəzalarının,
dağıntıların yaranması təhlükəsi baş verəcəyi təqdirdə mərkəzdə
idarəetmənin, xəbərdarlığın və rabitənin
təşkili sxemi də yaradılıb. Rayon ərazisində hər hansı bir hadisə baş verdikdə
mərkəzdə yaradılan şərait birbaşa
xüsusi proqram vasitəsilə
aidiyyəti orqanlarla qısa zamanda videoəlaqənin yaradılmasına imkan verir. Yeni
inzibati binanın
qarşısındakı park da əsaslı təmir edilib.
Əhaliyə satılan istehlak
mallarının keyfiyyətinə nəzarət edilir
Dövlət başçısı keyfiyyətsiz məhsullar və süni qiymət artımına qarşı ciddi mübarizə aparılmasını müvafiq dövlət orqanları qarşısında bir vəzifə olaraq qoyub. Prezidentin bu göstərişini rəhbər tutan Nəsimi Rayon İcra Hakimiyyəti başçısının sərəncamı ilə rayon ərazisində istehsal olunan və satılan istehlak mallarının keyfiyyətinə nəzarəti gücləndirmək məqsədilə komissiya yaradılıb. Rayon ərazisində bu istiqamətdə çoxsaylı reydlər keçirilir və nəticələr barədə İcra Hakimiyyətinin başçısına mütəmadi olaraq məlumat verilir. Bazarlarda kənd təsərrüfatı məhsullarının satış qiymətlərinin bahalaşması, onu doğuran səbəblər və eləcə də onların qarşısının alınması yollarından biri kimi Bakı şəhərində kənd təsərrüfatı məhsullarının satış yarmarkalarının təşkil edilməsi qərara alınıb. Həmin qərara uyğun olaraq Nəsimi rayonunda nümunəvi, müasir tələblərə uyğun «Təzə Bazar» MMC-nin və 3-cü mikrorayon ərazisində yerləşən «Kəndli yarmarkası»nın ərazisində kənd təsərrüfatı məhsullarının satış yarmarkası təşkil edilir. Yarmarkada bazar qiymətlərindən aşağı qiymətə kənd təsərrüfatı məhsullarının satılması əhalinin rifah halının yaxşılaşmasına, süni qiymət artımının qarşısının alınmasına xidmət edir və İcra Hakimiyyəti əməkdaşları tərəfindən daimi nəzarətdə saxlanılır. Dövlət başçısının tövsiyyə və göstərişlərini rəhbər tutaraq rayon rəhbərliyinə edilən müraciətlərin heç biri cavabsız qalmır və vətəndaşların problemlərinin aradan qaldırılması üçün mütəmadi işlər görülür. "Azərbaycan Respublikası regionlarının sosial-iqtisadi inkişafı Dövlət Proqramı (2011-2013-cü illər)"nın icrası ilə əlaqədar Nəsimi rayonunda tədbirlər davam etdirilir və görülən işlər rayon rəhbərliyinin daim nəzarətindədir.
Anar Miriyev
Palitra.-2012.-13 iyul.-S.11.