«Salyanda
əhalinin mədəni tələbatını ödəmək
üçün müxtəlif tədbirlər
keçiririk»
Lətif Zərbəliyev:
«Teatrın kollektivi tamaşaları ilə uşaqların mənəvi
tərbiyəsində, onların mədəni səviyyəsinin,
dünya görüşlərini formalaşmasında
böyük rol oynayır»
Layihə
çərçivəsində müsahibmiz Salyan rayon Mədəniyyət
və Turizm Şöbəsinin müdir əvəzi Lətif Zərbəliyevdir.
O, qəzetimizə müsahibəsində rayonun mədəniyyət
müəssisələri haqqında məlumat verməklə
başladı:
-
Salyan rayon Mədəniyyət və Turizm şöbəsi tabeliyində 109 mədəniyyət
müəssisəsi fəaliyyət göstərir. Onlardan 16 Mədəniyyət
evi (1 rayon Mədəniyyət evi, 1 qəsəbə Mədəniyyət
evi, 14 kənd Mədəniyyət
evi), 30 klub (25 kənd klubu, 5 şəhər klubu), 2 muzey (
Tarix-Diyarşünaslıq
muzeyi, Heydər Əliyev
muzeyi), 55 kitabxana, Dövlət
Kukla Teatrı, kinoteatr,
Dövlət Rəsm
Qalereyası, Mədəniyyət və İstirahət
parkı, salyanlıların musiqi zövqünün
formalaşmasına dəstək olan 2 musiqi mərkəzi fəaliyyət göstərir. Bu
müəssisələrdə 480 nəfər işçi
çalışır ki, onlardan 105 nəfəri ali, 163 nəfəri
orta ixtisas, 94 nəfəri orta musiqi təhsillidir. 118 nəfər isə texniki
işçidir. Rayonun mədəni həyatı çox zəngindir.
Mədəniyyət müəssisələrimiz fəaliyyətləri,
keçirdikləri tədbirlərlə rayon əhalisinin mədəni
tələbatının ödənməsinə
çalışırlar. Ötən il şöbəmizin xətti
ilə rayonda 113 mədəni-kütləvi tədbir
keçirilib ki, bunların da 16-sı respublika miqyaslı tədbirlər
olub. Bu il Bakıda keçirilən Novruz şənliklərində
rayon Mədəniyyət Evinin 3 xalq kollektivi «Cəngi», «Mahirlər»
ailə ansamblı, «Hünər» incəsənət kollektivi
də çıxış edib. 13 adda Salyan məhsulu və qədim əl işləri
nümayiş etdirilib. Rayonun kənd mədəniyyət evləri
də daxil olmaqla əksək mədəniyyət müəssisiəlirndə
dövlətçilik mövzusunda şeir, mahnı və rəsm
əsərləri üzrə 3 ay davam edən müsabiqə
keçirilib. Həmin müsabiqədə 984 nəfər
iştirak edib. Yekunda 32 nəfər
mükafatlanırılıb. İlk 3 yeri tutanlar isə mədəniyyət
müəssisələrində işlə təmin olunublar. Aşıq
Ələsgərin yubilyeinə həsr olunmuş
və Respublika arasında keçirilən
tədbirdə rayonumuzun kollektivləri də
iştirak ediblər. «Paytaxtdan
bölgələrə» adlı rəsm sərgisi rayon Dövlət Rəsmi Qalereyasında 10 gün davam edib və şöbənin sifarişi
ilə 180 nüsxə rəsm kataloqu tərtib
olunub. AMEA-nın
professor-müəllim heyətinin iştiakı ilə
keçirilən 2 günlük elmi-praktiki konfransda
Salyanın yaşayış yeri kimi 2800 illik tarixi qeyd olunub.
Şöbənin sifarişi ilə
Salyanın tarixini özündə əks
etdirən 200 nüsxədən ibarət kitab
çap edilərək konfras
iştirakçıların paylanıb.
Ötən il dövlət müstəqilliyinin
bərpa edilməsinin 20 illiyi ilə
bağlı müxtəlif tədbirlər, sərgilər,
foto-stendlər təşkil edilib, Dövlət
Rəsm Qalereyasında qədim musiqi alətlərinin
sərgisi, Şərq ölkələrinin adət-ənənələrini
əks etdirən əşyalar və geyimlər nümayiş olunub. Rayonun
memarlıq abidəsi olan 19-cu əsrə aid «Cümə» məscidi Kür
çayının daşması, qrunt
sularının sızması nəticəsində yararsız hala düşmüşdü.
Mədəniyyət və Turizm Nazirliyinin dəstəyi ilə abidə əsaslı
təmir edilərək istifadəyə verilib.
Nazirliyin xətti ilə keçirilən
müsabiqələrdə rayonumuzun
kollektivləri fəal iştirak edirlər.
Sumqayıtda keçirilən «Şəhər
günü»ndə rayonumuzun 2 kolletivi fəal iştirak edib diplomla
mükafatlandırılıblar. Şöbəmizin
tabeçiliyində olan müəssisələrimizin
maddi-texniki bazasının möhkəmləndirilməsi
istiqamətində il ərzində
müntəzəm iş aparılır.
- Mədəniyyət müəssislərinin
fəaliyyəti necə qiymətləndirirsiniz?
- Mədəniyyət
müəssisələrimizdən kitabxanamız haqqında onu
bildirim ki, 1975-ci ildə Salyan Rayon Kitabxanası Mərkəzləşdirilmiş
Kitabxana Sisteminə çevrilib. 1978 –ci ildə kitabxana
nümunəvi xüsusi layihə əsasında tikilən yeni
binaya köçürülüb. Müstəqillik illərində
isə ümummilli liderimiz Heydər Əliyev kitabxanaların
daha da inkişaf etdirilərək müasir tələblərə
uyğunlaşdırılmasına xüsusi diqqət və qayğı
göstərirdi. Belə ki 1996-cı ildə “Azərbaycan
Respublikasında kitabxana işinin vəziyyəti və onu
yaxşılaşdırmaq tədbirləri haqqında” qərar,
1999-cu ildə “Kitabxana işi haqqında” qanun qəbul edildi.
Bu qanunlara uyğun olaraq Nizami Gəncəvi adına Mərkəzi
Kitabxana yenidən və yüksək səviyyədə təmir
olunub həmçinin yeni avadanlıqlarla təchiz edilib.
Prezident İlham Əliyev də rəhbərlik etdiyi ölkənin
vətəndaşlarının maariflənməsi işinə
diqqətlə yanaşır. Bu üzdən də “Azərbaycan
dilində latın qrafikası ilə kütləvi nəşrlərin
həyata keçirilməsi haqqında ” 2004-cü il 27 dekabr
tarixində sərəncam imzalayır. Sərəncama əsasən
kitabxananın kitab fondunun yenilənməsi və əlavə
kitabların gətirilməsi ilə zənginləşdirilməsinə
başlanıldı. Proses hazırda da davam etdirilir. Artıq
12 395 nüsxə latın qrafikalı kitablar kitabxananın
kitab fonduna daxil edilib. Salyan rayon Mərkəzləşdirilmiş
Kitabxana Sistemində də islahatlar aparılıb, 7 kitabxana
filialı birləşdirilib, bəzi ştatlar yeniləri ilə
əvəzlənib, kitabxanada RESUS şöbəsi
yaradılıb. Ötən il bu mərkəz 507 istifadəçiyə
xidmət göstərib. Ötən il Uşaq Kitabxanası
istifadəyə verilib, yeni Heyər Əliyev Mərkəzinin
təməli qoyulub, Mərkəzi Kitabxana, incəsənət
və Yenikənd 7 illik uşaq musiqi məktəbləri təmir
edilib, Qarabağlı kənd mədəniyyət evi yeni
uyğunlaşdırılmış yeni binaya
köçürülüb, 3 kənd kitabxanası, 2 kənd
mədəniyyət evi, 3 klub yerli bələdiyyələrin
hesabına təmir edilib. Digər mədəniyyət müəssisələrindən
Salyan Dövlət Kukla Teatrını misal göstərə
bilərəm. İlk illərdə bədii özfəaliyyət
dərnəyi kimi fəaliyyət göstərən, sonralar hər
yerdə tanınacaq bu kollektiv əslən Salyandan olan, Cahangir
Qaraşovun təşəbbüs və dəstəyi ilə
yaradılıb. 1975-ci ildə “Xalq
kollektivi” adına layiq görülüb. Teatrın
kollektivi festivallarda, müsabiqələrdə,
şəhər və rayonlarda tamaşaçılar
qarşısında layiqincə çıxış edərək müxtəlif mükafatlarla
yanaşı geniş tamaşaçı auditoriyasının
sevgisini qazanıb. Sənət
aləmində özlərini kifayət qədər
doğruldan kollektivə
1994-cü ildə Dövlət Teatrı statusu verilib. Teatr kollektivi rayonda keçirilən mədəni-kütləvi tədbirlərdə
hər zaman yaxından iştirak edir. Teatrın kollektivi
öz tamaşaları ilə
uşaqların mənəvi tərbiyəsində, onların
mədəni səviyyəsinin, dünya görüşlərinin formalaşmasında
böyük rol oynayırlar.
Salyan Dövlət Rəsm Qalereyası isə 1985-ci ildən fəaliyyətdədir.
Qalereyanın ayrıca binası olmadığından fəaliyyətini
ayrı-ayrı binalarda davam etdirib. Bu çətinliklərə
2008-ci ildə Heydər Əliyev
fondunun prezidenti Mehriban xanım Əliyeva son qoydu. Fondun dəstəyi
ilə şəhərin mərkəzində müasir tipli Rəsm Qalereyası tikilərək
istifadəyə verildi. Burada sərgilərin keçirilməsi və dərnəklərin təşkili
üçün hər cür şərait var.
İstedadlı rəsm həvəskarlarının üzə
çıxarılmasında böyük rolu olan, qalereyada 8 nəfər
əməkdaş çalışır. Salyan rayon İncəsənət
məktəbi 1961 ci ildə 7 illik uşaq musiqi məktəbi
kimi fəaliyyətə başlayıb. 1991-ci ildən isə
Mədəniyyət Nazirliyinin qərarı ilə musiqi müəssisəsinə Qulu Əsgərovun
adı verilib və statusunu dəyişdirərək incəsənət
məktəbinə çeviriblər. O vaxtda başlayaraq məktəbin
uğurları daha da artıb. Dərslərin keçirilməsində,
tədris işlərinin yüksək səviyyədə təşkilində
əsaslı dönüş olub. Məktəbin şagird və
məzunları dəfələrlə respublika səviyyəli
müsabiqələrdə dəfələrlə fərqləniblər.
Məlumat üçün bildirək ki Salyan rayon Qulu Əsgərov
adına musiqi məktəbinin məzunlarının
böyük bir qismi respublikanın
ali və orta ixtisas təhsil müəssisələrini
bitirib müxtəlif bölgələrdə fəaliyyət
göstərərək, milli musiqimizin qorunub saxlanması və
təbliği sahəsində yaxından iştirak edirlər.
Hazırda məktəbin məzunlarından 50 nəfərdən
çoxu respublikanın ali və orta ixtisas müəssisələrində
təhsillərini davam etdirirlər. İncəsənət məktəbində
fortepiano, skripka, tar, kamança, saz, qarmon, nağara, xanəndəlik,
təsviri incəsənət ixtisası üzrə
şöbələr fəaliyyət göstərir. Mədəniyyət
və turizm nazirinin icazəsi ilə məktəbdə
Xoreoqrafiya şöbəsi də açılıb. Məktəbdə
xalq çalğı alətləri orkestri, xor kollektivi,
«Kür» qrupu və digər qruplar da fəaliyyət göstərirlər.
Rayonun Mədəniyyət Evində «Muğan» foto-kino həvəskarları
klubu, “Muğam” xalq musiqisi həvəskarları klubu və 5
xalq kollektivi- “Cəngi” milli nəfəs alətləri xalq
ansamblı, “Mahirlər” ailə xalq ansamblı, “Hünər”
estrada-sirk xalq kollektivi, Q.Əsgərov adına “Gənclik”
xalq çalğı alətləri ansamblı, “Güzgü”
musiqili miniatür xalq teatrı fəaliyyət göstərir.
Anar Miriyev
Palitra.-2012.-1 may.-S.12.