«M.F.Axundzadənin
200 illik yubiley tədbirlərin
ilin sonuna qədər
davam etdiriləcək»
Layihə
çərçivəsində müsahibmiz Kürdəmir
rayon Mədəniyyət və Turizm Şöbəsinin
müdiri Vaqif Alıyevdir: - Hazırda Kürdəmir rayon MKS nəzdində
50 kitabxana fəaliyyət
göstərir. MKS–nin kitab fondunda
337989 nüsxə kitab var.
81751 nüsxə kitab latın qrafikası
ilə çap olunmuş
ədəbiyyatlardır. 2012–ci
ilin birinci yarımilində MKS–nin kitab fondundan 24257 nəfər oxucu istifadə edib. Hazırda MKS–nin Elektron kataloqunun “Yeni kitablar” bazasına 929 kitab, “Retro kitablar” bazasına 2099 kitab , “Elektron resurslar” bazasına 149 CD və DVD
disk, “Elektron
kartoteka” bazasına
4620, diyarşünaslıq bazasına 74 məqalə
işlənib. Kürdəmir rayon Mədəniyyət və
Turizm Şöbəsinin
nəzdində fəaliyyət
göstərən parkların
fəaliyyəti nəzarətdə
saxlanılır, vaxtaşırı
müxtəlif səpkili
mədəni kütləvi
tədbirlər təşkil
edilir. Rayon əhalisinin asudə vaxtının səmərəli
təşkili və onların mədəni istirahəti üçün
lazımi şərait
yaradılıb. Rayon mərkəzindəki Heydər
parkında və “Gənc Heydərçilər”
parkında bu istiqamətdə təsirli
tədbirlər görülür.
“Gənc Heydərçilər”
parkında görülmüş
əsaslı təmir
və yenidənqurma işləri bu məkanı əsl istirahət ocağına çevirib. Parkın
ərazisində yaşıllaşdırma,
işıqlandırma işləri
aparılıb, mədəni
kütləvi tədbirlərin
keçirilməsi üçün
səhnə quraşdırılıb,
çoxlu sayda oturacaqlar qoyulub. Kürdəmir Rayon İcra Hakimiyyəti
başçısının təşəbbüsü və
təşkilatçılığı ilə hər həftə parkda konsertlər və əyləncəli tədbirlər
təşkil edilir.
Rayon Mədəniyyət və
Turizm Şöbəsinin
hazırladığı qrafikə
uyğun olaraq hər həftə bir klub müəssisəsi parkda konsert proqramı ilə çıxış
edirlər. Ümumiyyətlə, rayonda mədəni–hərbi
hamilik koordinasiya şurasının xətti
ilə bir sıra tədbirlər həyata keçirilir.
Kürdəmir Hərbi
Qarnizonunda əsgərlərlə
aparılmış iş
daim diqqət mərkəzində saxlanılır.
Hərbi
hissədə əsgərlərə
göstərilən mədəni
xidmət yüksək
səviyyədə təşkil
edili. Rayon üzrə çağırışçıların
hərbi hissələrə
yolasalma mərasimlərində
incəsənət ustaları
konsert proqramları ilə çıxış
edirlər.
- Rayonda hansı yubiley tədbirləri keçirilir?
- Dövlət başçısının
sərəncamlarına əasən
2012-ci ildə yubileyləri
qeyd olunan sənət adamlarının
ildönümləri ilə
bağlı Kürdəmir
rayon Mədəniyyət və
Turizm Şöbəsində
bir sıra rəngarəng tədbirlər
həyata keçirilib.
Ölkə Prezidentinin
müvafiq Sərəncamları
ilə bağlı keçirilən bütün
tədbirlər şöbə
tərəfindən təsdiq
edilmiş iş planları əsasında icra olunub. Yanvar
ayında rəssam, boyakar və qrafik Bəhruz Kəngərlinin anadan olmasının 120 illiyi,
mart ayında yazıçı
Məmməd Səid Ordubadinin 140 illiyi, may ayında şair Əhməd Cavadın anadan olmasının 120 illiyi, Mirzə Ələkbər Sabirin anadan olmasının 150 illiyi, iyun ayında
H.B.Zərdabinin 170 illiyi
və Mirzə Fətəli Axundzadənin
anadan olmasının
200 illiyi rayonun mədəni-maarif müəssisələri
tərəfindən müxtəlif
səpkili mədəni-kütləvi
tədbirlərlə qeyd
edilib. Rəssam Bəhruz Kəngərlinin
120 illiyi ilə bağlı Kürdəmir
Dövlət Rəsm Qalereyasında keçirilən
rəsm sərgisində
rayonun klub müəssisələrinin rəsm
dərnəklərinin üzvlərinin,
rayon Uşaq İncəsənət
məktəbi şagirdlərinin
və qalereyanın rəsm dərnəyi üzvlərinin əl işləri nümayiş
olunub. Görkəmli Azərbaycan rəssamı
haqqında tamaşaçılara
geniş məlumatlar verilmiş, rəssamın
əsərləri nümayiş
etdirilib. M.S.Ordubadinin
140 illiyi münasibətilə
klub müəssisələrində
və kitabxanalarda klub sərgiləri, guşələr, ədəbi-bədii
gecələr keçirilib,
yazıçı ilə
bağlı ətraflı
məlumatlar verilib.Görkəmli
Azərbaycan şairi Əhməd Cavadın anadan olmasının 120 illiyinin qeyd olunması ilə bağlı verilmiş Prezident sərəncamına
uyğun olaraq rayonun bütün mədəni-maarif müəssisələrində
silsilə tədbirlər
keçirilib. Rayon Mədəniyyət
Evində, kənd mədəniyyət evlərində
və klublarında “Əhməd Cavad – 120 il” devizi ilə
ədəbi-bədii gecələr,
guşələr, kitab
sərgiləri, kitabxanalarda
kitab sərgiləri, dəyirmi masalar, məlumatlar devizi ilə ədəbi-bədii
gecələr, guşələr,
Uşaq İncəsənət
məktəbinin Əhməd
Cavada həsr olunmuş konsert proqramları, muzey tipli müəssisələrdə
guşələr hazırlanaraq
tamaşaçılara təqdim
edilib. M.Ə.Sabirin 150 illik yubileyinə
həsr edilmiş çoxsaylı mədəni-kütləvi
tədbirlər keçirilib.
“M.Ə.Sabir bədii-ictimai fikir tariximizdə yeni ədəbi məktəbin
banisi kimi” devizi ilə silsilə tədbirlər təşkil edilib. Rayon
MKS-i respublika Uşaq kitabxanası ilə birlikdə rayonun Heydər Əliyev Mərkəzində
yubiley tədbiri keçirib, kitabxanalarda kitab sərgiləri, oxucu konfransları, klub müəssisələrində
“Mənəvi saflığa,
mədəni yüksəlişə
və maarifləndirməyə
çağırış” devizi ilə silsilə klub tədbirləri, rayon Uşaq
İncəsənət Məktəbində
guşələr hazırlanıb,
“Sabirin sözlərinə
yazılmış musiqilərin
ən yaxşı ifaçısı” nominasiyası
üzrə müsabiqəə
keçirilib. N.Nərimanov
adına rayon Mədəniyyət
Evində “Mütəfəkkir
şair” adlı guşə və ədəbi-bədii gecə,
rayonun Dəyirmanlı
kənd tam orta məktəbində Sabirin
150 illik yubileyinə həsr edilmiş “Hophopnaməyə”
səyahət” adlı
gecə və sair tədbirlər təşkil edilib. M.F.Axundzadənin 200 illik yubileyinin
keçirilməsi haqqında
sərəncama uyğun
olaraq şöbənin
təsdiq etdiyi tədbirlər planı qismən həyata keçirilib, tədbirlərin
ilin sonuna qədər davam etdirilməsi nəzərdə
tutulub. M.F.Axunzadənin 200 illiyi münasibətilə
müəssisələrdə guşələr, kitab sərgiləri, dəyirmi
masalar, oxucu konfransları, məlumatlar,
əyani vasitələr
hazırlanaraq tamaşaçılara
təqdim edilib.
MKS-də “Milli
dramaturgiyanın banis,
görkəmli ictimai xadim və maarifçi”
adlı praktik konfrans, klub müəssisələrində ədəbi-bədii gecələr,
muzeylərdə guşələr,
rayon Mədəniyyət Evində
“Səbuhi” filminin
video variantı nümayiş
etdirilib və sair tədbirlərlə yaddaşlara yazılıb.
H.B.Zərdabinin anadan olmasının
170 illiyinə həsr
edilmiş bir sıra tədbirlər də keçirilib.
“Maarifpərvər insanın
izləri”devizi ilə
klub tədbirləri, kitabxanalarda guşələr,
“Əkinçi” qəzeti
və H.B.Zərdabinin
tarixi xidmətlərinə
həsr edilmiş məlumatlar tədbir iştirakçılarına çatdırılıb.
Natəvanın 180, görkəmli
Azərbaycan bəstəkarı
və drijoru Niyazinin 100, şair X.R.Ulutürkün 80, böyük
Azərbaycan şairi Hüseyn Cavidin anadan olmasının 130 illik yubileylərinin ilboyu keçirilməsi nəzərdə tutulub.
- Mədəniyyət müəssisələrinin
maddi-texniki bazası hansı səviyyədədir?
- Qeyd edək ki, Mədəniyyət və Turizm
Nazirliyinin Bərdə şəhərində
keçirilən zona müşavirəsində
aparılan geniş təhlil və
müzakirələr nəticəsində şöbənin
qarşısında daha səylə
çılaşmaq tələbi qoyulub. Kürdəmir rayon Mədəniyyət
və Turizm Şöbəsinin tabeliyində
olan mədəni-maarif müəsisələrinin
maddi-texniki bazasının gücləndirilməsi
istiqamətində tədbirlər həyata keçirilir,
inventar və avadanlıqlar alınaraq
müəssisələrə paylanılır. Mərkəzi
Kitabxana sistemi
binasında, Uşaq kitabxanasında,
Tarix-Diyarşünaslıq Muzeyində, Heydər Əliyev Mərkəzində,
Rəsm Qalereyasında cari təmir işləri aparılıb. Heydər
Əliyev Mərkəzində dəyirmi masa
qurularaq istifadəyə verilib.
Kürdəmir rayon Mədəniyyət və
Turizm Şöbəsi 2012-ci ili uğurla başa vurmaq üçün dövlətimizin
həyata keçirdiyi mədəniyyət
siyasətini və digər dövlət proqramlarının həyata
keçirilməsi istiqamətində öz
işini tələb
olunan səviyyədə qurmağa,
üzərinə düşən vəzifələrin öhdəsindən
layiqincə gəlməyə çalışacaq.
Anar Miriyev
Palitra.- 2012.- 25 sentyabr.- S.13.