“Mən Azərbaycanlıyam” müsabiqəsinin
qaliblərinə təqaüd verildi
Fevralın
20-də qış imtahan sessiyasının nəticələrinə
görə əlaçı və həmkarlar ittifaqı fəalı
olan ali məktəb tələbələrinə və “Mən
Azərbaycanlıyam” müsabiqəsinin qalibi olmuş
şagirdlərə Azərbaycan Təhsil İşçiləri
Azad Həmkarlar İttifaqı (ATİAHİ) Respublika Komitəsinin
adlı təqaüdünün təqdim edilməsi mərasimi
keçirilib.
Azərbaycan
Həmkarlar İttifaqları Konfederasiyasında təşkil
olunmuş tədbirdə ATİAHİ Respublika Komitəsinin sədri,
Milli Məclisin deputatı Səttar Mehbalıyev
çıxış edərək Azərbaycanda həyata
keçirilən dövlət gənclər siyasətindən
danışıb. O, həmkarlar ittifaqı təşkilatları
tərəfindən dövlət gənclər siyasətinə
verilən dəstəkdən bəhs edərək bu istiqamətdə
həyata keçirilən tədbirləri sadalayıb.
Sonra
qış imtahan sessiyasının nəticələrinə
görə əlaçı və həmkarlar ittifaqı fəalı
olan 60 nəfər ali məktəb tələbəsinə
ATİAHİ Respublika Komitəsinin adlı təqaüdü təqdim
edilib.
ATİAHİ
Respublika Komitəsinin adlı təqaüdü tələbələrdə
elmə, təhsilə marağın artırılması məqsədilə
1995-ci ildə təsis edilib. O vaxtdan indiyədək ali təhsil
müəssisələrində qış və yay imtahan
sessiyalarıının nəticələrinə görə
uğur əldə etmiş 1600 nəfərdən artıq tələbə
bu təqaüddən yararlanıb.
Eyni zamanda, ümummilli
lider Heydər Əliyevin anadan
olmasının 90 illik yubileyi
münasibətilə ATİAHİ Respublika
Komitəsi və Bakı Şəhəri üzrə Təhsil
İdarəsinin birgə qərarı ilə paytaxt
məktəbliləri arasında “Mən Azərbaycanlıyam”
müsabiqəsi keçirilib.
Müsabiqənin qalibi olmuş
5 nəfər şagird ATİAHİ Respublika Komitəsinin adlı təqaüdünə
layiq görülüb.
Təhminə
Palitra.-2014.-21 fevral.-S.6.