Uşaqların nitq
inkişafında məktəbəqədər müəssisələrin
rolu
“Uşaqların mənəvi inkişafının düzgün qurulması üçün valideynlər, tərbiyəçi və müəllimlərin üzərinə böyük məsuliyyət düşür”
Uşaqların fiziki və mənəvi inkişafında, eləcə də nitqin düzgün inkişaf etdirilməsində məktəbəqədər müəssisələrin əhəmiyyətli rolu var. Məsələn, bağça uşaqların ilk təlim, tərbiyə və tədris ocağı hesab olunur. Uşaqların burada öyrəndikləri onlara hərtərəfli ilkin istiqamət verir və əbədi olaraq yaddaşlarından silinmir. Ona görə də psixoloqlar hesab edirlər ki, kiçik yaşlı uşaqlara ətrafdakılarla ünsiyyətdə olmaq, öz fikrini başqalarına düzgün, aydın və ifadəli çatdırmağı öyrətmək bağçanın mühüm vəzifələrindən biridir.
Qeyd edək ki, fikrin ardıcıl, düzgün və dolğun ifadə edilməsi, sözlərin dəqiq seçilməsi və tələffüzün təmizliyi üzrə işin aparılması “Məktəbəqədər müəssisələrdə tərbiyə və təlim proqramı”nın əsas istiqamətlərindən birini təşkil edir. Uşaq bağçasının ən böyük üstünlüyü orada ictimai mühitin, uşaqların yaşıdları ilə ünsiyyət saxlamaları üçün gözəl imkan və şəraitin olmasıdır. Psixoloq Gülnarə Əlixanova bizimlə söhbətində bildirdi ki, uşaqlar hiss və həyəcanlarını əsasən, dil vasitəsilə ifadə edir, ana dili vasitəsilə ətraf aləmi dərk edirlər: “Dil fikrin ifadə formasıdır, varlığıdır. Danışıq qabiliyyəti anadangəlmə olsa da, danışıq, dil anadangəlmə deyildir. Uşaqla ünsiyyətdə olmasan, o, danışmayacaq, qəribə səslər çıxaracaq, hərəkət və mimikadan istifadə edəcək, çünki söz, danışıq eşitmədiyindən, dialoqa girmədiyindən danışa bilməyəcək. Onun inkişafı üçün dil hökmən lazımdır. Əks təqdirdə o, danışa bilməz”.
“Uşaqda
nitqə maraq oyatmaq üçün ona daim suallar
verilməlidir”
Onun sözlərinə görə,
uşaqlarda zəngin lüğət ehtiyatına
malik, qrammatik cəhətdən düzgün
və tələffüzünə
görə aydın nitq tərbiyə etdikdə onlar nitq prosesindən tam və geniş istifadə edə bilərlər: “Şifahi nitqin keyfiyyətli olması üçün
bu tələblər yerinə yetirilməlidir: zənginlik, məzmunluluq,
məntiqi ardıcıllıq,
düzgünlük, aydınlıq,
dəqiqlik, ifadəlilik,
təmizlik. Uşinskinin dediyi kimi, ana dili hər
cür əqli inkişafın əsasını
təşkil edir və bütün biliklərin xəzinəsidir.
Uşaqda nitq öz-özünə
yaranmır. O, tədricən
inkişaf edir, hətta böyüklərin
cidd-cəhdi nəticəsində
də xeyli çətinliklərlə qarşılaşır.
Uşaqda nitqə maraq
oyatmaq üçün
ona daim suallar verilməlidir.
Bu sual aydın
və anlaşıqlı
olmalıdır. Eyni zaman
da uşağın özündə də sual vermək bacarığı yaratmaq lazımdır. Onların müxtəlif
suallarına həvəslə,
sevinclə, səbirlə,
ətraflı cavab vermək tələb olunur. Çünki belə sual-cavab
uşaqların lüğət
ehtiyatının zənginləşməsinə
kömək edir”.
Psixoloq dedi ki, zəngin
lüğət ehtiyatına
malik olan şəxsin nitqi məzmunlu və anlaşıqlı olur: “Ona görə də nitq inkişafı
üzrə işə
söz ehtiyatının
zənginləşdirilməsindən başlanılmalıdır. Yalnız düzgün
seçilən və
yerində deyilən söz nitqin təsirini artıra bilər. Nitq inkişafı üzrə
işin bir neçə vəzifələri
vardır. Bunlara lüğət
ehtiyatının zənginləşdirilməsi,
nitqin səs mədəniyyətinin tərbiyə
edilməsi, nitqin qrammatik quruluşunun formalaşması, danışıq
nitqinin formalaşdırılması,
nağıletmənin formalaşdırılması
aiddir. Üç yaşından başlayaraq,
uşaqlara kitab oxumaq məsləhət görülür. Bunların əksəriyyəti
illüstrasiyalı xırda
mətnlərdən ibarət
olmalıdır. Kitablarda
olan şəkillərə
aid müxtəlif suallar
verilməlidir: məsələn,
maşın hanı? Çarxları göstər, qapını
göstər və s.
Bu yaşda olan uşaqlara kiçik həcmli uşaq şeirlərinin öyrədilməsi,
qısa məzmunlu, asan yaddaqalan nağılların danışılması
vacibdir. Uşaqlarda folklor
nümunələrinə maraq
yaratdıqdan sonra tərbiyəçi onları
dinləməyi tənzim
etməlidir. Uşaqlar necə
başa düşür
və necə maraq göstərirlər?
Bu sual daim
tərbiyəçinin diqqət
mərkəzində dayanmalıdır.
Uşaq eşitdiyini yadında saxlayır və ona verilən suallara bildiyi kimi cavab verir.
Bu yolla uşağın
həm nitqi inkişaf edir, həm də yaddaşı möhkəmlənir.
Valideyn -
tərbiyəçi - müəllim
uşağın danışığına
diqqətlə, səbirlə
qulaq asmalı, yeri gəldikdə yardımçı suallarla
onun ardıcıl rabitəli nitqinə istiqamət verməlidir.
Bu yaşda uşaqlar
özləri nitqlərindəki
qüsurları başa
düşürlər. Ona görə də onların tələffüzündəki
təhriflər yerindəcə
düzəldilməlidir. Yaxşı olardı ki, valideyn və tərbiyəçi - müəllim
uşağın səhv
tələffüz etdiyi
sözün düzgün
variantı ilə müqayisəsini göstərsin.
Məsələn, de görüm
sən nə istəyirsən: “maşın”,
yoxsa “masın”, ”gedək”, yoxsa “dedək” və s. Sonra isə sözü düzgün variantda demək və uşağın təhrif etdiyi səsi daha uzun tələffüz etmək lazımdır”.
“Oyun, uşaq nitqinin inkişafında çox mühüm amildir”
G. Əlixanova bildirdi ki, özündən böyük uşaqlarla oynamaq da körpənin
inkişafına müsbət
təsir bağışlayır:
“Oyun uşaq nitqinin inkişafında çox mühüm amildir. Oyun zamanı uşaqlar
at kimi çapmağı,
kişnəməyi, arı
kimi vızıldamağı,
toyuq kimi qaqqıldamağı, it kimi
hürməyi, pişik
kimi miyoldamağı,
inək kimi muvoldamağı, saat kimi çıqqıldamağı
və s. bacarmalıdır.
Bütün bunlar həm
də onların düzgün səs tələffüzlərini inkişaf
etdirir. Uşaqların nitqini inkişaf
etdirməklə bərabər,
həm də onlarda nitq mədəniyyəti,
nitq əxlaqı da formalaşdırılmalıdır.
Uşağa başa salınmalıdır
ki, başqasının
sözünü kəsmək
olmaz, başqası danışanda susub qulaq asmaq lazımdır.
Əsas məsələlərdən biri
də uşağı
öz səsində və normal tonda danışmağa alışdırmaqdır”.
Onun sözlərinə görə,
uşaqların mənəvi
inkişafının düzgün
qurulması üçün
valideynlər, tərbiyəçi
və müəllimlərin
üzərinə böyük
məsuliyyət düşür:
“Onlar uşaqlarda düzgün danışığın,
ədəbi dilin formalaşmasına nail olmaq
üçün bir sıra amillərə diqqət yetirməlidirlər.
Ayrı-ayrı səslərin və
sözlərin düzgün
tələffüzü öyrədilməlidir.
Yeni sözlər hesabına uşağın lüğət
ehtiyatı zənginləşməlidir.
Eyni zamanda öyrədilmiş
sözlərdən cümlələr,
cümlələrdən isə
rabitəli mətn düzəldilməsinə diqqət
edilməlidir. Məktəbəqədər yaşlı uşaqların
nitq inkişafına dair aparılan məşğələlər onların tərbiyə və təhsil sahəsində böyük
yer tutur. Nitq inkişafı məsələsinə
lüğət ehtiyatının
zənginləşməsi, düzgün nitq qrammatikası, rabitəli nitqin inkişafı, şifahi nitq mədəniyyəti, bədii
ədəbiyyatla tanışlıq
daxildir.
Uşaqların lüğət ehtiyatının
zənginləşdirilməsi dedikdə onların lüğət ehtiyatının
tanış olmayan və az tanış olan sözlər hesabına zənginləşməsi
nəzərdə tutulur.
Uşaqlar ətraf aləmin əlamətləri,
fakt və hadisələri ifadə edən sözləri öyrənməklə, təbiət
hadisələri, təbiət
obyektləri ilə tanış olduqda, müşahidə apardığı əşya
və hadisələr
barədə uşaq öz yaşıdları ilə dialoqa girdikdə də lüğət ehtiyatı
yeni sözlər hesabına zənginləşir.
Eyni zamanda ictimai həyat hadisələri, insanların əməyi, ictimai müəssisə adları, orada işləyən peşə
sahibləri haqda məlumat da lüğət ehtiyatına
daxil olur”.
“Ətraf aləm uşaqların rabitəli
nitqinin inkişafında
əsas amildir”
O, uşaqların konkret əmək prosesinin gedişini təsvir etmələrinin də rabitəli nitqin inkişafına kömək etdiyini düşünür: “Müşahidə zamanı əşyanın hazırlanması üzrə prosesi uşaqlara göstərmək, əşyaların hissələri, keyfiyyətləri, xassələri ilə tanışlıq üzrə məşğələlər uşaqların nitqinə çox geniş və rəngarəng söz ehtiyatı daxil olmasına imkan verir. Bu zaman uşaqlar müşahidə etdikləri və iştirakçısı olduqları əmək prosesini yığcam, sərbəst öz səviyyələrində müstəqil hekayə qurub danışmaları həlledici istiqamət sayıla bilər. Müxtəlif yerlərə ekskursiya zamanı da uşaqlarda müstəqil müşahidə aparmaq, suallar vermək təsəvvür və nitqlərini zənginləşdirir. Uşaq dilin lüğət ehtiyatına yiyələnərək, eyni zamanda həm də dilin qrammatik cəhətinə də yiyələnir. Sözün qrammatik cəhətdən formalaşması və düzəldilməsi üsullarına yiyələnmə ünsiyyət vasitəsilə işlədilən cümlələrdə və cümlə quruluşunun mürəkkəbləşməsində özünü göstərir. Ətraf aləm uşaqların rabitəli nitqinin inkişafında əsas amildir. Təbiətə, onun gözəlliklərinə sadəcə baxmaq, həyəcan, heyranlıq doğurmadığı halda, bunları görmək heyrətlənməyə, təəccüblənməyə, hadisələrin sirrini bilməyə böyük maraq oyadır, uşaqları düşünməyə, səbəb və nəticələr arasındakı qarşılıqlı əlaqələri öyrənməyə təhrik edir. Uşaqlar erkən yaşlarından təbiət adlı müəllimin öz səsi, öz nəğməsi, öz dərsliyi, öz dəsti-xətti ilə tanış olurlar. Ətraf aləm anlayışının dairəsi çox geniş olmaqla uşağı daim təmasda olduğu xarici mühiti - təbiəti və cəmiyyəti əhatə edir”.
Psixoloq bildirdi
ki, təbiətlə tanışlıq
uşaqların duyğularının, qavrayış və təsəvvürlərinin,
təfəkkür və təxəyyüllərinin,
xüsusilə nitqlərinin inkişafına böyük
təkan verir: “Fəsillə
əlaqədar təşkil olunmuş ekskursiya zamanı tərbiyəçinin
istiqamətverici sualları ilə uşaqların diqqətini havaya, qara,
yağıntıya, buza, ağaclara,
quşların, heyvanların həyatına, insanların əməyinə,
parkda və meşədə isə
sarı, qırmızı, ala-bəzək, yaşıl
yarpaqlı ağaclara, qara
və qırmızı rəngli xırda,
yumru, topa-topa,
salxımı xatırladan meyvələrə, quşların
onları dimdikləməsinə, tək-tük həşəratların
görünməsinə, boz
dovşanın, kirpinin qaçıb necə
gizlənməsinə, mal-qaranın talada
necə otlamasına və s. yönəlməlidir”.
Fuad Hüseynzadə
Palitra.-2014.-8 iyul.-S.11.