Bakı Ali Neft Məktəbinin tələbəsinin
layihəsi təqdim olundu
Müasir
dövrdə ölkələrin inkişaf səviyyəsi
iqtisadi meyarlarla yanaşı, həm də onun təhsil
sistemindəki vəziyyət və mövcud kadr potensialı
ilə də ölçülür. Hərtərəfli və
davamlı inkişafın etibarlı yolu elm və təhsilə
daha çox diqqət və qayğı göstərilməsindən
və onun müasir dünya standartlarına uyğun təşkilindən
keçir. Məhz buna görə də dünyanın
qabaqcıl dövlətləri özlərinin inkişaf səviyyələrini
qoruyub saxlamaq və yeni hədəflərə doğru irəliləmək
məqsədilə bu sahəyə birinci dərəcəli əhəmiyyət
verirlər. Ölkəmizdə də bu istiqamət hər
zaman prioritet olub. Respublikanın inkişaf perspektivləri
ictimai-iqtisadi və elmi-mədəni sahələrdə fəaliyyət
göstərəcək kadrlar qarşısında müxtəlif
dövlət qurumlarında, beynəlxalq təşkilatlarda, eləcə
də özəl sektorda çalışaraq Azərbaycanda
idarəetmənin, sənayenin, mədəniyyətin, elmin, təhsilin
və səhiyyənin müasir standartlara cavab verən yeni bir
mərhələyə keçidini təmin etmək vəzifəsini
qoyur. Bütün bunlar təhsil ocaqlarında ölkəmiz
üçün mütəxəssis hazırlanması zərurətini
meydana gətirib. Gənclərin mənəvi
inkişafında təhsil mühüm amillərdən biridir.
Ölkədə mütəxəssis hazırlığı
sahəsinə, təhsilə investisiya qoyuluşunun həcminin
artırılması, bu sahədə əsaslı dövlət
proqramlarının həyata keçirilməsi məqsədilə
müxtəlif fərman və sərəncamlar təsdiq
edilib. Gənclərimizin öz bilik və
bacarıqlarını üzə çıxarmalarına,
potensiallarını effektli reallaşdırmalarına, cəmiyyətdə
layiqli yer tutmalarına münbit şərait yaradılıb.
Təbii ki, gənclərimiz bu etimadı layiqincə dəyərləndirməli
və yaradılmış şəraitdən səmərəli
istifadə etməlidirlər. Bu gün gənclərimiz yeni
layihələrlə çıxış edərək öz
potensial imkanlarını ortaya qoyurlar. Belə gənclərimizdən
biri də BANM-də təhsil alan “Proseslərin
avtomatlaşdırılması mühəndisliyi”
ixtisasının 2-ci kurs tələbəsi Pakizə
Paşayevadır.
Yeni
Azərbaycan Partiyası Binəqədi rayon Təşkilatının
inzibati binasında Binəqədi Rayon İcra Hakimiyyəti,
Yeni Azərbaycan Partiyası Binəqədi rayon Təşkilatının
Gənclər Birliyi, Binəqədi Rayon Gənclər və
İdman İdarəsi və Bakı Ali Neft Məktəbinin
birgə təşkilatçılığı ilə
Bakı Ali Neft Məktəbinin “Proseslərin
avtomatlaşdırılması mühəndisliyi”
ixtisasının 2-ci kurs tələbəsi Pakizə
Paşayevanın “I can or I must” (Mən bacara bilərəm və
ya mən etməliyəm) adlı layihəsinin
açılış mərasiminə həsr olunmuş tədbir
keçirilib. Tədbirdə Binəqədi Rayon İcra
Hakimiyyəti başçısının müavini Aygün
Əliyeva, Yeni Azərbaycan Partiyası Binəqədi rayon Təşkilatının
sədri Ramiz Göyüşov, Yeni Azərbaycan Partiyası Gənclər
Birliyinin sədri Seymur Orucov, “İki sahil” qəzetinin baş
redaktoru Vüqar Rəhimzadə, Bakı Ali Neft Məktəbinin
İctimaiyyətlə əlaqələr şöbəsinin rəisi
Zeynab Kazımova, Yeni Azərbaycan Partiyası Binəqədi
rayon Təşkilatı Gənclər Birliyinin sədri Mahmud Məmmədzadə,
layihə iştirakçıları və BANM-in “Proseslərin
avtomatlaşdırılması mühəndisliyi”
ixtisasının 2-ci kurs tələbələri iştirak
ediblər.
Tədbiri
giriş sözü ilə açan Pakizə Paşayeva
müəllifi olduğu layihə haqqında məlumat verərək
layihənin məqsədini açıqlayıb. O, gənclərin
hərtərəfli inkişafının təmin olunması
üçün Azərbaycanda siyasi, sosial-iqtisadi, təşkilati
- hüquqi şərait və təminatların
yaradılmasından söz açıb. Təhsil
aldığı Bakı Ali Neft Məktəbində gənclərin
təşəbbüslərinin dəstəkləndiyi
vurğulayaraq layihənin reallaşmasında əməyi
keçən hər kəsə təşəkkürünü
bildirib.
Yeni
Azərbaycan Partiyası Binəqədi rayon Təşkilatının
sədri Ramiz Göyüşov təqdim olunan layihə
haqqında və onun təşkili barədə
danışıb. Ramiz Göyüşov Yeni Azərbaycan
Partiyası Binəqədi rayon Təşkilatı tərəfindən
Pakizə Paşayevanın layihəsinə verilən dəstəkdən
söz açaraq, onun Binəqədi rayonu 244 saylı orta məktəbi
bitirdiyini deyib. P.Paşayevanın Binəqədi rayonunun yetirməsi
olduğunu deyən R.Göyüşöv BANM-də onun
uğurlarını davam etdirəcəyinə əminliyini
ifadə edib. O, vurğulayıb ki, YAP gənclərin bu
cür layihələrinin həyata keçirilməsində
daim dəstək olur və bu tipli layihələr uğurla həyata
keçirilir. O, bu layihənin BANM-lə birgə uğur
olduğunu deyib və bu əməkdaşlığın davam
etdirilməsinə əminliyini ifadə edib.
Binəqədi
Rayon İcra Hakimiyyəti başçısının
müavini Aygün Əliyeva ümummilli lider Heydər
Əliyevin Azərbaycana rəhbərlik etdiyi dövrlərdə
hər zaman gənclərin inkişafına xüsusi diqqət
verdiyini bildirib. O, həmin dövrdə ümummilli lider Heydər
Əliyevin azərbaycanlı gənclərin ölkə
hüdudlarından kənarda təhsil alması
üçün imkan yaratmasından və dəstəyindən
danışıb. Aygün Əliyeva hazırda ölkəmizdə
gənclər üçün yaradılan şəraitdən
söz açaraq Prezident İlham Əliyevin gənclərə
böyük dəstək göstərdiyini vurğulayıb.
O, bildirib ki, bu gün Azərbaycan dövləti bu istiqamətdə
işləri davam etdirir, gənclər siyasəti uğurla həyata
keçirilir. Bİnəqədi rayonunda gənclər siyasətinin
uğurla həyata keçirilməsinə dəstək verilərək
onlara geniş imkanlar yaradılır.
Azərbaycanda
gənclər siyasətinin dövlət siyasətinin
mühüm tərkib hissəsi olduğunu deyən “İki
sahil” qəzetinin baş redaktoru Vüqar Rəhimzadə
Bakı Ali Neft Məktəbinin öndə gedən ali təhsil
müəssisəsi olduğunu bildirərək Pakizə
Paşayevanın məhz bu ali təhsil müəssisəsində
təhsil almasını yüksək dəyərləndirib.
O, deyib ki, əsası ümummilli lider Heydər Əliyev tərəfindən
qoyulan gənclər siyasəti ölkəmizdə uğurla
davam etdirilir. Prezident İlham Əliyevin ölkəmizdə gənclərin
fəaliyyətinə dəstək verdiyini deyib. O, Azərbaycan
gəncliyinin ictimai həyatın bütün sferalarında
aktiv fəaliyyəti ilə seçildiyini qeyd edərək
dövlətin gənclərin fəaliyyəti
üçün yaratdığı geniş imkanlar nəticəsində
bu təbəqənin cəmiyyətin avanqard qüvvəsinə
çevrildiyini vurğulayıb. Vüqar Rəhimzadə bu
layihənin gəncliyin təhsilə, elmə olan
marağının artırılmasına xidmət etdiyini
deyib. O, çıxışında Binəqədi Rayon
İcra Hakimiyyətinə, YAP Binəqədi Rayon Təşkilatına,
Bakı Ali Neft Məktəbinə belə gənclərin dəstəklənməsinə,
onlara yaradılan şəraitə və diqqətə görə
təşəkkür edib.
Bakı
Ali Neft Məktəbinin İctimaiyyətlə əlaqələr
şöbəsinin rəisi Zeynab Kazımova BANM-də tələbə-gənclər
üçün geniş imkanlar
yaradıldığını, dövlətimiz tərəfindən
həyata keçirilən siyasətin davam etdirildiyini, gənclərin
təşəbbüslərinə hər zaman qayğı və
diqqət verildiyini və BANM-in rəhbərliyi tərəfindən
dəstəkləndiyini deyib. O, bildirib ki, BANM-in tələbəsi
olmaq, öndə gedən ali təhsil müəssisəsində
təhsil almaq özü bir stimuldur. BANM-in tələbələri
həm yüksək bilik, həm də bacarıq və qabiliyyətləri
ilə irəlidədirlər. O, Pakizə Paşayevanın da
məhz bu tələbələrdən biri olduğunu
vurğulayaraq, ali məktəbin öndə gedən təhsil
ocağı kimi bu adı doğrultduğunu deyib.
Yeni
Azərbaycan Partiyası Binəqədi rayon Təşkilatı
Gənclər Birliyinin sədri Mahmud Məmmədzadə,
Bakı Ali Neft Məktəbinin “Proseslərin
avtomatlaşdırılması mühəndisliyi”
ixtisasının 2-ci kurs tələbəsi Rəmziyyə
Qarazadə, layihə iştirakçıları adından
çıxış edən Xəyalə Həsənova layihə
haqqında öz fikirlərini bölüşərək,
layihə müəllifi Pakizə Paşayevanı təbrik
ediblər. Çıxışçılar ölkəmizdə
gənclər siyasəti, ümummilli lider Heydər Əliyevin
gənclərə verdiyi dəyər, Prezident İlham
Əliyev tərəfindən uğurla aparılan gənclər
siyasəti, gənclərin siyasətdə rolu, o cümlədən,
müasir dövrdə ingilis dilinin əhəmiyyəti
haqqında söz açıblar və layihədən
gözləntilərini bildiriblər.
Qeyd
edək ki, ““I can or I must” (Mən bacara bilərəm və ya
mən etməliyəm) adlı layihənin
reallaşdırılmasında əsas məqsəd geniş təhsil
imkanlarının yarana bilməsi, həmçinin, karyerada
sürətli inkişaf baxımından kifayət qədər
böyük önəm kəsb edən ingilis dilini ümumi
gedişatda seçilmiş layihə
iştirakçılarına daha effektli üsullarla və
intensiv şəkildə öyrətməkdir.
Layihə
ilkin mərhələdə 3 ay davam etdiriləcək.
Nigar Abdullayeva
Palitra.-2015.-3 dekabr.-S.11.