Pedaqoji kadrların peşəkarlığı
yüksəldilməlidir
Təhsil Problemləri İnstitutu
respublika müəllimlərinə
beynəlxalq seminar keçirir
Müasir dünyada hər bir ölkənin gələcəyi həmin ölkədə təhsilin səviyyəsi ilə ölçülür. Təhsilin inkişafı hər bir ölkədə inkişaf konsepsiyasının mühüm tərkib hissəsidir. Azərbaycan dövlət müstəqilliyini əldə edənə qədər respublikada elmi-pedaqoji kadrların hazırlanmasının əsas forması aspirantura idi. Prezidentin rəhbərliyi altında həyata keçirilən sistemli və ardıcıl tədbirlər ictimai həyatın bütün prioritet sahələrində olduğu kimi, yüksək ixtisaslı elmi və elmi-pedaqoji kadrların hazırlanması istiqamətində də böyük inkişafa, Azərbaycan elminin beynəlxalq elm məkanına inteqrasiyasının sürətləndirilməsinə və müvafiq normativ-hüquqi bazanın təkmilləşdirilməsinə gətirib çıxarıb. Layihə çərçivəsində təqdim etdiyimiz yazıda pedaqoji kadrların peşəkarlığının yüksəldilməsi məsələlərinə toxunacağıq.
Qeyd edək ki, 2009-cu ildə “Təhsil haqqında” Azərbaycan Respublikasının Qanunu qəbul edilib, Azərbaycan Respublikasının Prezidenti yanında Ali Attestasiya Komissiyasının fəaliyyətini tənzimləyən bir sıra mühüm qərarlar qəbul olunub. Elmi qurumların strukturunun müəyyənləşdirilməsi, tədqiqatların müasir standartlar səviyyəsində aparılması və maliyyələşdirilməsi, ölkənin elmi kadr potensialının artırılması və onun sosial müdafiəsinin gücləndirilməsi, bütövlükdə elmin inkişafı üzrə milli strategiyanın həyata keçirilməsi və Azərbaycan elminin beynəlxalq elm məkanına inteqrasiyasının təmin olunmasını sürətləndirmək məqsədilə Prezident tərəfindən “Azərbaycan Respublikasında 2009-2015-ci illərdə elmin inkişafı üzrə Milli Strategiya” və “Azərbaycan Respublikasında 2009-2015-ci illərdə elmin inkişafı üzrə Milli Strategiyanın həyata keçirilməsi üzrə Dövlət Proqramı”nın təsdiq edilməsi haqqında sərəncam imzalayıb. Təhsilin keyfiyyətinin yüksəldilməsi eyni zamanda tədrisi idarə edənlərin də pedaqoji biliyinin, çevikliyinin təmin olunması ilə bilavasitə bağlıdır. Təhsil sisteminin qarşısında duran müasir vəzifələri həll etmək, ümumi təhsilin keyfiyyətini lazımi tələblər səviyyəsində yüksəltmək üçün yaradıcı pedaqoji kadrların hazırlanmasına böyük ehtiyac yaranıb. Hazırda qloballaşan dünyada milli-mənəvi dəyərləri saxlamaqla müasir dünya təhsil sisteminə inteqrasiya yüksək peşəkarlığa, çevik düşüncə tərzinə malik pedaqoji kadrlar hazırlanmasını tələb edir. Bunun üçün pedaqoji kadrların təkcə ali təhsil almaları ilə kifayətlənmək olmaz.
“Məqsəd dünyada aparılan elmi tədqiqatlardan, qabaqcıl təcrübədən faydalanmaq, müəyyən əməkdaşlıq əlaqələrini qurmaq, bütün bunların reallaşdırılması üçün yollar axtarmaqdır”
Mütəxəssis nə qədər yüksək savadla ali məktəbi başa vursa da, 3-4 ildən sonra bu bilik ya unudulacaq, ya da dövrün artan tələbləri ilə ayaqlaşmayacaq. Bu mənada əlavə təhsilə, xüsusilə ixtisasartırmaya həmişə ehtiyac duyulur. Müasir dünyanın mütərəqqi yeniliklərini özündə əks etdirən təhsil daim dəyişir, inkişaf edir, yeniləşir. Bir neçə il ərzində öyrəndiyi bilikləri, qazandığı bacarıqları, istifadə etdiyi texnologiyaları dəyişən hər bir mütəxəssis özü də dəyişməli, inkişaf etməli, yeniləşməlidir. Məhz məqsədli ixtisasartırma da buna xidmət etmək üçün yaradılır.
Müəllimlərin peşəkarlığının artırılmasında beynəlxalq təcrübədən istifadə ediləcək
Elə Azərbaycan
Respublikasının Təhsil Problemləri İnstitutu
(ARTPİ) respublikanın təhsil işçiləri üçün “Pedaqoji
kadrların peşəkarlığının yüksəldilməsi:
mənəvi dəyərlərə əsaslanan təhsil” mövzusunda ADU-nun akt zalında təşkil etdiyi
beynəlxalq seminarda da
bu məsələlərə toxunulub. Təhsil işçilərinin
iştirakı ilə keçirilən seminarda
ARTPİ-nin direktoru Qulu Novruzov öncə
seminarı aparacaq xarici
qonaqları salamlayıb. O, vətənimizdə keçirilən
İlk Avropa
Oyunlarının uğuru və
idmançılarımızın qazandığı qələbələrini
xatırladaraq hamını təbrik edib. Bu işdə ilk öncə
respublika Prezidenti İlham Əliyevə və ilk
Avropa Oyunlarının təşkilat
kömitəsinin sədri xanım Mehriban
Əliyevaya bir daha bu uğurlu günləri
bizlərə yaşatdıqları üçün
minnətdarlığını bildirib. Bu uğurun nəticəsi
kimi, həqiqətən də Azərbaycan
xalqının vahid bir
komanda halında çalışaraq birliyinin möhkəm olduğunu
xüsusi olaraq
vurğulayıb. Qulu Novruzov
sonra rəhbərlik etdiyi
institutun fəaliyyətindən, ölkəmizdə
təhsil sahəsində aparılan islahatlardan
danışaraq tədbir iştirakçılarına və
seminarı aparacaq xarici
qonaqlara işlərində uğurlar arzulayıb. O, son aylarda institutda aparılan yerli və xarici
seminarlar, görüşlər
barədə məlumat
verib. Məqsəd dünyada aparılan
elmi tədqiqatlardan, qabaqcıl təcrübədən
faydalanmaq, müəyyən
əməkdaşlıq əlaqələrini
qurmaq, bütün bunların reallaşdırılması
üçün yollar
axtarmaqdır. Direktor
bildirib ki, “Azərbaycan Respublikasında
təhsilin inkişafı
üzrə Dövlət
Strategiyası”nın həyata
keçirilməsi ilə
bağlı Fəaliyyət
Planı”nında şəxsiyyətin
formalaşması ilə
əlaqədar bir sıra tədbirlərin həyata keçirilməsi
göstərilib ki, məhz həmin məzmunda olan komponentləri, elementləri
təhsilimizə gətirmək
üçün beynəlxalq
təcrübədən faydalanaraq
müəlimlərin peşəkarlıqlarında
yeniliklər etməliyik.
Azərbaycan Dillər Universitetinin
Tədris işləri
üzrə prorektoru Vazeh Əsgərov
ARTPİ-nin rəhbərliyinə,
xarici qonaqlara, azərbaycanın şəhər
və rayonlarından gələn təhsil işçilərinə institutun
rektoru adından salamlarını çatdırıb.
Bugünkü seminarın gedişatına
və hamıya uğurlar diləyib.
Xarici mütəxəssislərdən məruzələr
Danimarkanın Kopenhagen şəhərində
yerləşən ESSE İnstitutunun
direktoru, professor Marianna Meyer, direktorun müavini Petra Fon Kalinovski və institutun təlimçisi, pedaqogika
üzrə fəlsəfə
doktoru Anita Fridrix rəhbərliyə, seminara
toplaşan iştirakçılara
dəvətə və
buraya toplaşanların
isti münasibətinə
görə təşəkkürlərini
bildiriblər. ESSE İnstitutunun
direktoru, professor
Marianna Meyer rəhbəri olduğu
institutun tarixi barədə geniş məlumat verib. O, 1987-ci ildə Danimarkanın Kopenhagen şəhərində
yaradılmış İnstitutun
əsas fəaliyyətinin
müəllim hazırlığı
ilə bağlı olduğunu bildirib. Çıxışında qeyd etdi ki, İnstitutda müəllimlər və
tərbiyəçilər üçün mənəvi-əxlaqi
dəyərlərin tədrisinə
əsaslanan treninqlər,
seminarlar keçirilir.
Bir çox Avropa ölkələrində bu
sahə üzrə ixtisaslaşan müəllim
və təlimçilər
yetişdirdiklərini, 1992-ci ildən başlayaraq ESSE İnstitutunun təlimçiləri
Avropa, həmçinin
MDB ölkələrinin müəllimləri,
təlimçiləri ilə
görüşlər keçirdiklərini
vurğulayıb. O, bu
görüşlərdə təlimçilərin təcrübə
mübadiləsi apararaq
təhsil sisteminin təkmilləşdirilməsi üçün
birgə qərarlar qəbul etdiklərini söyləyib. Bu sahədə son tədqiqatların
ümumbəşəri dəyərlərin
iqtisadiyyat, idarəetmə,
tibb və digər peşə sahələrinə inteqrasiyasına
istiqamətləndiyini bildirib.
Təqdimatın sonunda mövzuya
uyğun videoçarx
da nümayiş etdirilib. Məlumat üçün bildirək ki, ARTP-nin təşkilatçılığı
ilə keçirilən
beynəlxalq seminar dörd
gün davam edəcək. Seminarın
hər günü üçün Danimarkanın
Kopenhagen şəhərindəki
ESSE İnstitutunun direktoru,
professor Marianna Meyer, direktorun müavini, Petra Fon Kalinovski və institutun təlimçisi,
pedaqogika üzrə fəlsəfə doktoru
Anita Fridrixin məruzələrinin
dinlənilməsi nəzərdə
tutulub. Beynəlxalq təlimçilər seminar zamanı
“Ümumbəşəri dəyərlərə
əsaslanan təhsil:
inteqral təhsil”, “Ümumbəşəri dəyərlərə
əsaslanan təhsil fəlsəfəsi: “Edukea”
konsepsiyası”, “Müəllim
ümumbəşəri dəyərlərin
nümunəsi kimi”, “Ümumbəşəri dəyərlər
- sevgi, həqiqət,
əxlaq, əmin-amanlıq,
qeyri-zorakılıq”, “Edukea”üzrə
yaradıcılıq məşğələsi”,
“Təhsil sahəsində
layihələr”, “Metodların
xülasəsi”, “İnsan
emalatxanası”, “Uşaqlar
üçün layihə:
mən kiməm”, “Ətraf mühit və sevgi mədəniyyəti”
mövzularında məruzələrlə
çıxış edəcəklər.
Anar Miriyev
Palitra.-2015.- 3 iyul.- S. 11.