“Gənclərimiz problemlərə daha konstruktiv tərəfdən
yanaşırlar”
Nərgiz Hüseynova: “Artıq
NASA, “Google” və sair
yerlərdən gənclərimizin
səsini eşidəndə
o qədər də təəccüblənmirik”
Xaricdə təhsil alan gənclərlə bağlı rubrikamızın budəfəki qonağı adı birincilər sırasında hallan, öncül gənclərimizdən olan Nərgiz Hüseynovadır. Bu aktiv və istedadlı gənclə olan müsahibəni oxuculara təqdim edirik:
-Özünüz barədə məlumat verərdiniz.
- Mən, Nərgiz Hüseynova, Bakı şəhərində anadan olmuşam və Akademik Zərifə Əliyeva adına məktəbin ilk məzunlarından biriyəm. Əslində, məktəb illərim bir şəxsiyyət kimi formalaşmağımda həyatımın ən vacib mərhələlərindən olub. Bizim məktəbin digər məktəblərlə müqayisədə tam başqa ab-havası olub. Həmin mühitin vacib parçalarından da biri bizim müəllimlərimiz, daha doğrusu, müəllim-dostlarımız idi. Məktəb rəhbərliyi şagirdlərin ictimai fəaliyyətdə, olimpiadalarda, müxtəlif yerli və xarici müsabiqələrdə iştirakına çox böyük yer ayırırdı və müəllimlərimizin funksiyası bizə tək gündəlik dərs keçməsindən deyil, həmçinin bizə hər zaman düzgün məsləhətlər verib, özlərinin də bizimlə birgə aktiv şəkildə bütün fəaliyyətlə qatılmasından ibarət idi. Demək olar ki, günümün böyük hissəsi məktəblə əlaqədar olan fəaliyyətlərlə keçirdi. Onu da qeyd etmək lazımdır ki, məktəbimizdə tədris sistemi çox yüksək səviyyədə təşkil olunmuşdu, ölkənin ən aparıcı müəllimləri sanki burada bir araya gəlmişdilər. Bu səbəbdən də, şagirdlərimiz hər zaman müsabiqələrdə ən aparıcı yerləri tuturdular. Bəli, mən də məktəbimizin aktivlərindən idim. Ən böyük nailiyyətlərimdən biri isə yəqin ki, “Gənc kompüter istedadları” I Respublika müsabiqəsinin qalibi olmağım idi. Onu da qeyd edə bilərəm ki, PH İnternational tərəfindən təşkil olunmuş proqram çərçivəsində Amerika Birləşmiş Ştatlarında Liderlik Proqramında iştirak etmək üçün Azərbaycan şagirdlərindən seçilmişdim. Həqiqətən çox gözəl bir təcrübə idi. Sözsüz ki, bütün bu nailiyyətlərə, dəstək və düzgün istiqamət göstərdiklərinə görə öz valideynlərimə və müəllimlərimə hər zaman minnətdar olacağam. Bir çox müəllimlərimlə indi də mütəmadi olaraq əlaqə saxlayıram. Bu həqiqətən də çox böyük bir xoşbəxtlikdir!
- Necə oldu ki, başqa bir ölkədə ali təhsil almaq qərarı verdiniz? Sizə bu işdə kimlər dəstək oldular?
- Məktəbi bitirəndən sonra Azərbaycan Dövlət İqtisad Universitetinə daxil olub, burada “Xüsusi İstedadlar Qrupu”nun Beynəlxalq iqtisadi münasibətlər fakültəsini fərqlənmə ilə bitirmişəm. Sözün düzü, universitet illərim də məktəbdəki fəaliyyətimdən heç geri qalmırdı. Həmin 4 il o qədər dolğun, maraqlı idi ki, necə gəlib, necə getdiyini heç anlaya bilmədim. Saysız-hesabsız konfranslar, müsabiqələr, təqdimatlar və məni əhatə edən insanlar unudulmazdır! Bu illər ərzində ictimai fəaliyyətdə aktiv olmağa çalışırdım, və nəticədə ölkənin ən böyük universitetlərinin Tələbə Gənclər Təşkilatının sədri, Azərbaycan Tələbə Gənclər Təşkilatları İttifaqının sədr müavini, MDB ölkələrinin Gənclər Parlamentlərarası Assambleyasının Azərbaycan üzrə nümayəndəsi, “Glober Shaper” seçilərək, fəaliyyət göstərdim. Hər yerdə qurumlara müxtəlif istiqamətlərdə töhfə verməyə çalışırdım. Həqiqətən, həmin zamanlarda komandamızın çiyinlərinə çox böyük yük və məsuliyyət düşmüşdü. Lakin bizə göstərilən etimad və dəstək sahəsində, görülən yüzlərlə işlərin fonunda, əzm, birlik və dəyişiklik edib, töhfə vermək arzusu nəticəsində həqiqətən bir çox böyük uğurlar qazanıldı. Bu prosesdə iştirak edən hər bir kəs, özüm daxil olmaqla, böyük təcrübə və gözəl dostlar qazandı. Xaricdə magistr təhsili almaq arzusu isə hər zaman var idi. Lakin bir neçə faktor qərarımın qəti olmasına təsir göstərdi. Xaricə təhsil almağa getməmişdən öncə Azərbaycanda şirkətlərin birində çalışırdım və burada aldığım inanılmaz təcrübə yerli bazarda bir çox imkanları, bəzi boşluqları görməyə imkan yaratdı. İştirak etdiyim ABCC (Azerbaijan Business Case Competition) müsabiqəsinin köməyi ilə arzusunda olduğum sahə üzrə getməyimə bir daha əmin oldum. Sözsüz ki, ailəm də bu işdə mühüm rol oynadı. Ailəmizdə təhsil hər zaman ən prioritet məsələlərdən olub və magistr təhsilimi harada və hansı sahə üzrə alacağım mənim üçün çox vacib idi.
- Oxuduğunuz ali məktəb barədə də söz açardınız. Təhsil, tədrisin səviyyəsi
sizi qane edirmi?
-Bir neçə universitetdən ali
təhsillə bağlı
təklif almışdım,
lakin son qərarım
Edinburgh Universitetinə düşdü.
Dünyada aparıcı universitetlərin
arasında zirvədə
olması ilə yanaşı məni buradakı tədris sisteminin praktik yönümdə təşkil
olunması çox cəlb etdi. İndi də çox şadam ki, vaxtında magistr təhsilimi almaq üçün məhz buraya yola düşdüm.
Bildiyiniz
kimi, mən də bura bir
çox gənc kimi dövlət proqramı çərçivəsində
gəlmişəm. Onu qeyd etməliyəm ki, ölkəmizin gələcək
kadr bazasının inkişafı məqsədi
ilə Azərbaycan gənclərinin xaricdə
təhsilinin təşkili
istiqamətində yaradılmış
bu vahid sistem hər bir tələbə üçün unikal bir imkandır. Çox istərdim ki, sayı-hesabı olmayan istedadlı tələbələrimiz
yaradılmış bu
gözəl imkandan istifadə etsinlər.
Çünki hər bir güclü dövlətin
arxasında ilk növbədə
savadlı və yeniliklərdən xəbərdar
olan, yeniliklərə
imza atan vətəndaşlar durur.
-Bizim üçün maraqlıdır, bir qədər də yerli xalqın adət-ənənələri, mentaliteti, yaşayış
səviyyəsi barədə
söz açardınız.
-Bu məqam haqqında ürək dolusu danışa bilərəm.
Lakin çalışacağam, qısa
olsun. Başda onu qeyd etməliyəm ki, ilk gündən bu şəhərə vurğunam.
Çox
gözəl bir şəhərdir, gözəl
insanlar var. Turistlərin
çox olmasına baxmayaraq, burada hər zaman sakitlik və ahəng hiss olunur. Qaynayan Bakımızdan fərqli olaraq bura sakitlikdir.
Bakı istilərindən sonra, yeganə dərdim günəşdir, daha dəqiq desək, onun olmaması. Ümumiyyətlə, hava burada çox gözlənilməzdir.
Bəzən gün ərzində 4 fəslin
4-nü də hiss etmək
olur. Edinburq çox qədim
şəhərdir və
şəhər sakinləri
bununla fəxr edirlər. Həmin qədimliyi saxlamağa
çalışırlar. Bir sözlə, ruhu gözəl və mehriban bir şəhərdir!
- Bəs indi necə,
ictimai və ya diaspor işlərində
aktivsinizmi? Hansı tədbirlərə qatılırsınız?
-İlk növbədə
hesab edirəm ki, biz burada ölkəmizin gənc səfirləri sayılırıq. Əsas da
bu, təhsil-tədris
mühitində çox
vacibdir. Sizə maraqlı
bir hadisə danışım. Burada
sinqapurlu bir tələbə ilə tanış olmuşdum və o, keçən il Bristol Universitetini fərqlənmə
ilə bitirmişdi. Öyrənəndə ki, mən Azərbaycandan gəlmişəm,
mənə Bristolda təhsil aldığı
zaman bir dostu haqqında söz açdı.
Onun haqqında o qədər gözəl sözlər dedi və ölkəmiz haqqında o qədər gözəl fikirlər səsləndirdi ki, bir anlıq özümü ən xoşbəxt insan hiss etdim. Bəli, qazandığı həmin
dost Bristol Universitetini bitirmiş
bir azərbaycanlı həmvətənimiz idi. Həmin insanı tanımıram, lakin onunla fəxr
edirəm və təşəkkürümü bildirirəm. Burada olarkən
bir çox tədbirlərə qatılmalıyıq,
milli günlərimizdə
adət-ənənələrimizi xarici tələbələrə
nümayiş etdirməliyik,
tariximizdən, qanlı
və sevincli günlərimizdən, yaşadığımız
həm inkişaf edən, həm də müharibə şəraitində olan Vətənimizdən söz
açmalıyıq. Bu
bizim borcumuzdur. Amma gündəlik səfir rolumuzu heç bir zaman unutmamalıyıq.
- Bir tanımadığınız
azərbaycanlı gəncin
haqqında ağız
dolusu danışdınız.
Bəs gördüyünüz azərbaycanlı
tələbələr aktivdirlərmi?
Ümumiyyətlə, soydaşlarımızın
oradakı fəaliyyəti
barədə də söz açardınız...
-Soydaşlarımız həqiqətən
çox aktivdirlər!
Kimisi maraqlı tədbir təşkil edir, kimisi biznes sahəsində
qeyri-adi ideyaları ilə ilk addımlarını
atır, kimininsə maraqlı yazısı dərc olunur, kimsə sadəcə gündəlik yüksək
göstəricilərlə aktiv elmi prosesdə
iştirak edir. Aktivlik müxtəlifdir.
- Aktiv gənc kimi Azərbaycan gəncliyinin hazırkı
durumunu necə xarakterizə edərdiniz?
-Əslində, bizim
gəncliyimiz çox
böyük potensiala sahibdir. Sadəcə bir dil biliklərini götürək.
Demək
olar ki, hazırda əksər azərbaycanlı gənc ən azı 3 dildə fikrini çatdıra bilir, məlumat ala bilir.
Son zamanlar hətta rəqabətli mühit
hiss olunmağa başlayıb,
və bu çox gözəldir! Xarici ölkələrdən,
onların təhsil sistemlərindən nə qədər götürülməli,
tətbiq olunmalı gözəl məlumat və təcrübə
var. Vacib məqam da odur ki,
gəncliyimiz bunu başa düşür, gələcəyinə daha
məsuliyyətli prizmadan
baxır, öz üzərində çalışır
və həmin yeniliklərə açıqdır.
Demək
olar ki, artıq hər bir ailə çalışır
ki, övladına yaxşı təhsil versin və qloballaşan dünyaya yenilik axtarışında
sərbəst buraxsın.
Gənclərimiz daha müasir
düşüncəlidirlər və problemlərə daha konstruktiv tərəfdən yanaşırlar.
Müxtəlif sahələrdə
aktivlik çoxalır,
artıq NASA, Google və
s. kimi yerlərdən
gənclərimizin səsini
eşidəndə o qədər
də təəccüblənmirik.
Dövlət tərəfindən də hazırda gənc kadrlar dəstəklənir, müxtəlif
proqramlar qəbul olunur və daha geniş imkanlar təqdim olunur. Bir sözlə, potensial həqiqətən çoxdur,
lakin bir o qədər də hələ üzərimizdə
çalışmamız gərək!
-Gələcək planlarınız
barədə də söz açardınız.
-Gəldik çıxdıq
ən qəliz suala. Əslində, planlarım çoxdur.
Burada təhsil aldığım sahə
“Marketing and Business Analysis”dir və həqiqətən də bu sahə
üzrə Azərbaycanda
tətbiq olunacaq çox məqamlar var. Çalışacağam, bu
il ərzində
əldə etdiyim bilik və təcrübəni
istiqamətli tətbiq
edim, indi isə əsas dissertasiyanı uğurla başa çatdırmaqdır.
Sizə, kollektivinizə
təşəkkür edirəm!
Gənclərə dəstək
olub, onların qayğı və uğurları ilə maraqlandığınız üçün
bir daha təşəkkür!
Tural Tağıyev
Palitra.-2015.- 10 iyul.- S. 6.