Alimlərin öz
poliklinikası olacaq (Yenilənib)
“AMEA biznes dairələri, holdinqlər,
istehsalat üçün
yeni təkliflər verməyə
hazırdır”
Azərbaycan Milli Elmlər Akademiyasının (AMEA) prezidenti, akademik Akif Əlizadənin mətbuat konfransı keçirildi. Rəyasət Heyətində təşkil
olunmuş tədbirdə KİV nümayəndələrinə
2014-cü ildə akademiyada həyata
keçirilən layihələr və aparılan
islahatların nəticələri təqdim olundu.
AMEA-nın rəhbəri ötən ildə akademiyanın müxtəlif istiqamətlərində həyata keçirilmiş islahatlardan, innovativ xarakterli elmi-tədqiqat işlərinin genişləndirilməsi, multidisiplinar tədqiqatlara üstünlük verilməsi, elm və təhsilin inteqrasiyası, əməkdaşların iş şəraitinin yaxşılaşdırılması, onlara qayğı ilə yanaşılması və dünyanın aparıcı elmi müəssisələri ilə əlaqələrin qurulmasından, eləcə də Azərbaycan elminin dünyaya inteqrasiyası barədə məlumat verdi. Akademiyada aparılan islahatları sürətləndirmək, elmi müəssisələr arasındakı əlaqələri gücləndirmək, tədqiqat işlərinin səmərəli mexanizmlər üzərində qurulmasını təmin etmək və müəssisələr üçün aktual olan məsələlərin daha geniş müzakirəsinə nail olmaq məqsədi ilə qurumun elmi müəssisələrinin strukturunda dəyişikliklər olunduğu bildirildi. Xüsusilə son zamanlar kadr hazırlığında gənclərə böyük önəm verildiyini, yüksəkixtisaslı gənc alim və mütəxəssislərin yetişdirildiyini deyən Akif Əlizadə onlara ayrılan diqqət və qayğıdan, alimlərin sosial rifahının yaxşılaşdırılması istiqamətində bir çox layihələrin əsasının qoyulması, o cümlədən "Alimlər şəhərciyi"ndən danışdı. Gənc alimlərin elmi fəaliyyətlərinin təkmilləşdirilməsi məqsədilə doktorantura və ixtisasartırma təhsili alması üçün dünyanın aparıcı elmi mərkəzlərinə göndərilməsi, bir çox beynəlxalq layihələrə qoşulmasının təmin edilməsi, AMEA-da çalışan gənclərin fəaliyyətini stimullaşdırmağa, elmi potensialını artırmağa, təkliflərini dəyərləndirməyə xidmət edən Gənc Alim və Mütəxəssislər Şurasının təşkilatçılığı və təşəbbüsü ilə bir çox əhəmiyyətli tədbirlərin həyata keçirilməsi də ötən ilin icra olunan uğurlu vəzifələri kimi vurğulandı. Elmin inkişafını dəstəkləyən fərman və sərəncamların icra vəziyyəti ilə bağlı məlumat verən akademik A.Əlizadə dekabr ayında AR Prezidenti tərəfindən təsdiq olunmuş AMEA-nın yeni nizamnaməsi və “Azərbaycan Milli Elmlər Akademiyasının 2020-ci ilə qədər İnkişaf Konsepsiyası”nı xatırlatdı. Akademik AMEA-nın ümumi yığıncağında qəbul edilmiş hər iki sənədin elmi fəaliyyət sahəsində normativ-hüquqi bazanın gücləndirilməsi, elmi fəaliyyətin yeni əsaslarla təşkili, tədqiqatların prioritet istiqamətlərinin müəyyənləşdirilməsi, yüksəkixtisaslı kadrların hazırlanması, elmi işçilərin sosial təminatının yaxşılaşdırılması və elmi infrastrukturun müasirləşdirilməsi istiqamətində əhəmiyyətli addım kimi qiymətləndirdi. Bildirdi ki, “Azərbaycan 2020: gələcəyə baxış” İnkişaf Konsepsiyasındakı məqsəd və vəzifələrdən irəli gələn bu konsepsiyada elmin inkişafının dövlətin vacib vəzifələrindən biri kimi müəyyən edilməsi, elmi tədqiqat müəssisələrində və ali məktəblərdə həyata keçirilən tədqiqatların vahid mərkəzdən idarə olunması, regionlarda elmi tədqiqat müəssisələrinin fəaliyyətinin gücləndirilməsi, texnoparklar şəbəkəsinin genişləndirilməsi kimi mühüm məsələlər öz əksini tapır. Azərbaycan alimlərinin I Qurultayı ilin ən yaddaqalan tədbiri kimi qeyd edildi.
AMEA-da doktorantura
pilləsinə qəbul kəskin
azaldılıb
Azərbaycan Milli Elmlər Akademiyasının (AMEA) doktorantura
pilləsinə qəbul
kəskin sürətdə
azaldılıb. AMEA prezidenti
Akif Əlizadə bildirdi ki, əsas
məsələ keyfiyyətdir,
qəbul bir qədər yüksək səviyyəli olmalıdır.
A. Əlizadə qeyd etdi ki, bölmələr
tərəfindən doktoranturanın
qəbul planına baxılıb, qərarlar verilib, mövzular təsdiq edilib: “Bu il AMEA-nın doktorantura pilləsinə
100-120 nəfər qəbul
aparılıb. Bu il plan əsasən yerinə yetirilib. Doktoranturaya qəbul zamanı əsas məsələ gənc alimin istiqamətini müəyyən
etməkdir. Əsas odur
ki, onun mövzusu keçmişə
baxmasın və mütləq akademiyanın
prioritet istiqamətlərinə
uyğunlaşsın”.
AMEA prezidenti əlavə etdi ki, Azərbaycanda
gənc alimi yetişdirmək üçün
bütün istiqamətləri
nəzərə almaq
lazımdır: “Magistraturaya,
doktoranturaya qəbul hazırlanırdısa, zəncirdə
lisey-gimnaziya nəzarətsiz
qalırdı. Bu baxımdan Təhsil Nazirliyi ilə danışılıb. Artıq razılaşmaya
əsasən Təhsil
Nazirliyi tərəfindən
AMEA-ya 2 lisey ayrılıb. Həmin liseylərdə
6-cı sinifdən yuxarı
akademiyanın alimləri
müxtəlif istiqamətli
tədris aparacaqlar.
Alimlər ora gedib liseydə akademiya olaraq nə formada iştirak edilməsini müəyyənləşdirilməlidir.
Bununla bağlı hazırda danışıqlar aparılır.
Əfsuslar olsun ki, hələlik akademiyanın
universiteti yoxdur.
Gənc alimlər liseydə oxuyub, sonra təhsillərini ali məktəbin
bakalavr pilləsində
davam etdirməli, oradan isə AMEA magistraturasına, doktoranturasına
üz tutmalıdırlar.
Biz bu elm zəncirini
təşkil etməyə
çalışacağıq. Akademiya ali
məktəbinin yaradılması
ilə bağlı da razılıq aparılır. Gələcəkdə
bu iş də öz həllini tapa bilər”.
AMEA prezidenti qeyd etdi ki, akademiyada
magistratura yalnız elmi istiqaməti seçən alim hazırlayacağıq: “Məqsədimiz
odur ki, əksər hallarda magistraturanı bitirən şəxs laboratoriyada çalışıb elmlər
doktoru dərəcəsi
alsınlar”.
A.Əlizadə təhsil sahəsində
aparılan işləri
də qiymətləndirdi:
“Təhsil Nazirliyi tərəfindən müəyyən
islahatlar aparılır,
biz gənc naziri dəstəkləyirik. Təhsil sahəsi
çox ağır sahəsidir və bəzi çatışmazlıqlar
var. Azərbaycanın da
tətbiq olunan Boloniya sistemi bu gün bizdə
tam qavranılmır, əhatə
olunmur. Sistemin özünün nüansları, incəliklər
var. Müxtəlif ölkələrdə
bu keçid zamanı müəyyən
hallarda, mərhələlərdə
konstruktiv dəyişiklər
edirlər. Biz isə sovet sistemindən birbaşa Boloniya sisteminə keçdik. Bu da ağır olur”.
AMEA Rəyasət
Heyəti binası üzərində sovet dövrünə
aid elementlərin dəyişdirilməsi
ilə bağlı təşəbbüs qaldırıb
Azərbaycan Milli Elmlər Akademiyasının (AMEA) Rəyasət
Heyətinin binasının
üzərində sovet
dövrünə aid elementlərin,
yazıların dəyişdirilməsi
ilə bağlı təşəbbüs qaldırılıb. AMEA prezidenti
qeyd etdi ki, bununla bağlı
Bakı Şəhər
İcra Hakimiyyətinin
başçısı Hacıbala
Abutalıbova, mədəniyyət
və turizm naziri Əbülfəs Qarayevə məktubla müraciət edib: “Bu, dövlətin işidir. Biz sadəcə, təşəbbüs
qaldırdıq”. A. Əlizadə
qeyd edib ki, “Akademiya Şəhərci”yinin (Science city) yaradılması istiqamətində
növbəti təşəbbüs
irəli sürüləcək:
“Prezident ilk görüşdə
bu işlərimizi dəstəkləyib. Sadəcə, şəhərcik üçün
hələlik yer müəyyənləşməyib. Yeri müəyyən etsək,
şəhərcik məsələsi
həll olunacaq”.
A.Əlizadə AMEA Rəyasət Heyətinin yerləşdiyi
tarixi binadan (İsmailiyyə binası)
çıxarılması ilə
bağlı səsləndirilən
fikirlərə də
münasibət bildirib.
AMEA prezidenti, bu məlumatların yanlış və əsassız olduğunu vurğulayıb.
AMEA-nın magistratura pilləsinə
7 ixtisas üzrə
qəbul aparılacaq
Azərbaycan Milli Elmlər Akademiyasında (AMEA) magistratura
pilləsinin yaradılması
bizim üçün
vacib məsələlərdən
biri idi”. Akif Əlizadə qeyd etdi ki, bu
il ilk dəfə
olaraq fevral ayında magistraturaya qəbul elan olunacaq. Onun sözlərinə görə,
bu il
magistratura pilləsinə
7 ixtisas üzrə qəbul aparılacaq: “Magistraturaya qəbulun aparılması yeni pilot layihəsi kimi Təhsil Nazirliyi ilə danışılıb.
Bu ilk addımdır və nəticəsini gözləməliyik. Magistraturanın təşkili bir neçə kriteriyaya cavab verməlidir. AMEA-nın 7 institutunun
bazasında magistratura
təşkil ediləcək”.
Magistraturaya qəbul aparılacaq ixtisaslara dilçilik, antropologiya, nəzəri və riyazi fizika, geologiya, kimyəvi genetika və kataliz, molekulyar biologiya, bitkilərin seleksiyası daxildir: “Azərbaycan elminə lazımi mütəxəssislərin
hazırlanması üçün
bu ixtisaslar seçilib”.
AMEA yataqxanasının
yerində yaşayış
binaları
inşa olunur
“Son zamanlar Azərbaycan
Milli Elmlər Akademiyasında kadr hazırlığında gənclərə
böyük önəm
verilib, yüksəkixtisaslı
gənc alim və mütəxəssislər
yetişdirilib”. AMEA prezidenti
bildirdi ki, bu gün Azərbaycan
gəncliyi tam fərqlidir
və onlar üçün akademiyada
olduqca aktiv və məqsədyönlü
istiqamət seçilib.
Onun sözlərinə
görə, Azərbaycan
elmində bir qədər qocalma prosesinin olmasına baxmayaraq, gənclik püxtələşmiş alimləri
əvəz etməyə
hazır olmasına ümid var: “Bu istiqamətdə də işlər görülür.
Qeyd etməliyik ki, bir gənc
kadrı hazırlamaq elə də asan iş deyil.
Bir gənci, elmi kadrı formalaşdırmaq
üçün 10-20 il
zaman lazımdır”.
AMEA prezidenti qeyd
etdi ki, elmin sosial problemləri
diqqət mərkəzində
olub. Onun sözlərinə görə,
artıq AMEA alimlərinin
çoxdan arzuladığı
akademiya poliklinikasının
layihəsi hazırlanır:
“Hazırlıq yanvar-fevral
ayında yekunlaşsa,
işləri də tez görmək mümkün olacaq”.
A.Əlizadə vurğuladı ki,
AMEA-nın hüquqi baxımından da problemləri həll olunmaqdadır: “Yeni nizamnamə artıq dövlət başçısı
tərəfindən imzalanıb.
Akademiya yeni hüquqi formatda fəaliyyət göstərməyə başlayıb.
Bununla da akademiyanın gələcəyini yeni bir formatda planlaşdıra
biləcəyik”.
AMEA prezidenti əlavə etdi ki, bu
il üçün
sosial baxımından
da mühüm işlər nəzərdə
tutulub. Onun sözlərinə görə,
AMEA yataqxanasının yerində
yaşayış binaları
inşa olunur: “Bu işlər də yekunlaşmaqdadır. Yaxınlarda bu
istiqamətdə AMEA alimləri
üçün xoşagələn
tədbirlər həyata
keçiriləcək. Bundan başqa, AMEA-nın məlumat bankı hazırlanıb. Biz həmçinin biznesmen-alim
söhbətinin aparılmasına
hazırıq. Bu yeni formadır və bizim təkliflər
biznes tərəfindən
qəbul olunur. AMEA 2014-cü ildən tədricən büdcədən
kənar vəsait əldə etməyə çalışır. Bu da innovativ təkliflər
paketini bizneslə əlaqələndirməyə imkan var. Biznes rəhbərləri, qurumlar,
holdinqlərin akademiyaya
nəzər-diqqəti artıb.
Artıq onlar hiss ediblər ki, akademiya axtarışdadır
və istehsalat üçün yeni təkliflər verməyə
hazırdır. Büdcədən ayrılan vəsaitin elmə sərf edilməsinə gəlincə,
biz gözləmirik ki,
büdcədən ayrılan
vəsait artsın.
Akademiya,
alim özü qazanmalıdır. Oturub kimdənsə
hansısa işi gözləmək sovet düşüncəsi idi.
Bu gün alimlər
innovativ elm inkişaf etməsini istəyirlər”.
AMEA-nın 70 illik yubileyinin keçiriləcəyi
tarix açıqlandı
Hazırda Azərbaycan Milli Elmlər Akademiyasının (AMEA) yaradılmasının 70 illiyinə hazırlıq işləri görülür. Akif Əlizadə qeyd etdi ki, artıq akademiyanın 70 illik yubileyinin Tədbirlər Planı təsdiq edilib. Onun sözlərinə görə, AMEA-nın yubiley mərasimi noyabr ayında keçiriləcək. Bununla bağlı ölkə rəhbərliyinin razılığı əldə olunub: “2015-ci ilin aprel ayında AMEA-nın ümumi yığıncağı keçiriləcək. Bu yığıncaqda mühüm işlər barədə cəmiyyətə məlumat veriləcək”.
Ötən il
görülən işlər barədə danışan
A.Əlizadə qeyd etdi
ki, 2014-cü ildə AMEA-nın həyatında
bir neçə mühüm
tədbirlər olub: “İlk
hadisə fevral ayında Gəncə şəhərində
akademiyanın yeni bölməsinin
açılışı olub.
Bakı şəhərində mərkəzləşmiş tədbirlər
respublikada geniş
yayılması üçün Gəncədə
yeni yaranan bölmə
akademiya və Azərbaycan elmi
üçün vacib
məsələdir. Daha sonra
elmimizin bugünkü
nailiyyətlərini geniş ictimaiyyətə
tanıtmağı, gəncləri elmə cəlb etməyi əsas
hədəf seçən "Bakı Elm
Festivalı - 2014" keçirilib və bu festival da
ölkədə mühüm rezonansa səbəb olub. Gələcəkdə
Azərbaycan üzrə Elm
Festivalının keçirilməsi nəzərdə tutulur. Bundan əlavə, respublika üzrə
dövlət, biznes və vətəndaş
cəmiyyəti sektorlarında elmi fəaliyyətlə
məşğul olan müəssisələrinin
səlahiyyətli nümayəndələrini bir
araya gətirən Azərbaycan alimlərinin
I qurultayı AMEA tarixində mühüm əhəmiyyət
kəsb edib”.
Nigar Abdullayeva
Palitra.-2015.-15 yanvar.-S.5.