“Təhsil menecmenti sahəsinə
müəllimlər də dərindən yiyələnməlidir”
Səbuhi Aslanov: “Gəncləri son zamanlar dəbdə olan distant təhsil vasitəsilə
deyil, məhz insan
münasibətləri içərisində, nəzəri və
praktiki yönləri inkişaf
edən fərd kimi yetişdirmək təhsilin
inkişafında əsas prioritet olaraq qalmalıdır”
Müasir dövrdə ölkələrin inkişaf səviyyəsi iqtisadi meyarlarla yanaşı, həm də onun təhsil sistemindəki vəziyyət və mövcud kadr potensialı ilə də ölçülür. Hərtərəfli və davamlı inkişafın etibarlı yolu elm və təhsilə daha çox diqqət və qayğı göstərilməsindən və onun müasir dünya standartlarına uyğun təşkilindən keçir. Məhz buna görə də dünyanın qabaqcıl dövlətləri özlərinin inkişaf səviyyələrini qoruyub saxlamaq və yeni hədəflərə doğru irəliləmək məqsədilə bu sahəyə birinci dərəcəli əhəmiyyət verirlər.
Ölkəmizdə də bu istiqamət
hər zaman prioritet olub. Bu gün Azərbaycanın iqtisadiyyat sektorunda olduğu kimi elm, təhsil və mədəniyyət sahələrində
də geniş inteqrasiya prosesləri müşahidə olunur.
Elm və təhsil
sahələrində tədqiqatçı,
müəllim və tələbələrin mübadiləsi
geniş vüsət alıb. Respublikanın
inkişaf perspektivləri
ictimai-iqtisadi və elmi-mədəni sahələrdə
fəaliyyət göstərəcək
kadrlar qarşısında
müxtəlif dövlət
qurumlarında, beynəlxalq
təşkilatlarda, bank-maliyyə
sistemində, eləcə
də özəl sektorda çalışaraq
Azərbaycanda idarəetmənin,
mədəniyyətin, elmin,
təhsilin və səhiyyənin müasir standartlara cavab verən yeni bir mərhələyə
keçidini təmin etmək vəzifəsini qoyur.
- Bu gün ölkədə fəaliyyət göstərən
gənc müəllim
potensialı var. Layihə
çərçivəsində müsahibimiz Azərbaycan Turizm və Menecment Universitetinin müəllimi Səbuhi Aslanovdur:
- Ölkədə təhsilin
inkişafı istiqamətində
son dövrlərdə daha
da artan islahatlar ölkə rəhbərliyinin bu sahədəki effektiv təşəbbüskarlığının göstəricilərindəndir. Ümumtəhsil müəssisələrində
çalışan bilik
və bacarıqlarının
diaqnostik qiymətləndirilməsi
aparılan müəllimlərin
dərs yükünün
və əməkhaqqının
artırılması haqqında
Prezidentin 16 yanvar
2015-ci il tarixli sərəncamı buna əyani sübutdur. Yalnız ilkin-orta təhsil müəssisələrində deyil, həmçinin ali təhsil
müəssisələrində də təhsil və tədrisin inkişaf istiqamətində
göstərilən səylər
xüsusilə kadr (insan resursları) çatışmazlıqlarının aradan qaldırılmasında
potensial həll yolları olaraq görülür. Təhsil naziri
Mikayıl Cabbarovun müsahibələrində Dünya
Bankı ilə birgə layihə çərçivəsində Ali təhsil müəssisələrinin
rəqabət qabiliyyətliliyinin
artırılması istiqamətində
planlaşdırılan çalışmalara
işarə etməsini
də bu məsələyə qiyabi
nümunə olaraq gətirmək olar. Əlbəttə, bu və digər fəaliyyətlər
ölkəmizdə təhsil
problemlərini tamamilə
aradan qaldırdığı
mənasına gəlməməlidir.
Təhsil inkişafı problemləri
aspektində fikrimcə,
aktual məsələlərdən
biri də təhsil menecmentidir.
Belə ki, menecment sahəsinin bilik və bacarıqlarına
nəinki, təhsil menecerləri (təhsil müəssisə rəhbərliyi:
direktor-rektor, prorektor,
kafedra müdiri, dekan, fənn-sinif rəhbərləri və
digərləri ), o cümlədən müəllimlər də
dərindən yiyələnməlidir.
Təkcə təşkilati davranış
sahəsi (menecment ailəsinə daxil olan fənn kimi) öyrənilməklə,
ölkəmizin hər
bölgəsində, müxtəlif
təhsil müəssisələrində
mövcud müəllimlərarası,
müəllim-rəhbərlik, müəllim-tələbə münasibətlərindəki
davranış çatışmazlıqlarının
(iş təzyiqi-stress,
qeyri-etik rəftarlar, yanlış orientasiya və qeyri-şəffaf kordinasiya və d.) aradan qaldırılmasına
əhəmiyyətli təsir
edəcək. Məsələn, təhsil müəssisəsi
rəhbəri bilməlidir
ki, hansı hallarda o, öz personalına mobinq (elmi ədəbiyyatda “psixoloji təcavüz” adlanır) tətbiq etmiş olur. Ümumiyyətlə, belə arzuolunmaz
halın nəticəsi
bütövlükdə müəssisənin
imkanlarına hansı
neqativ təsirlər verə bilər, yaxud hüquqi tənzimləmədə mobinqlə
mübarizə səviyyəsində
hansı adekvat addımlar nəzərdə
tutulur. Bu problem müəllim-tələbə münasibətləri
səviyyəsində də
aktuallığını qoruyur.
Təhsil menecmentində əhəmiyyətli
problemlərdən digəri
isə təhsil müəssisəsi rəhbərliyinin
öz strateji idarəetmə konsepsiyasını
müəyyənləşdirməməsi,
yaxud ümumiyyətlə,
məlumatlı olmamasıdır.
Qloballaşma dövründə İEÖ-də yaxşı idarəçilik (good govarnance),
strateji düşünmə,
strateji rəqabətlilik
kimi korporativ meyillərin artıq işçilər səviyyəsinə
qədər endirilməsi
ilə yanaşı, özünüidarəetmə (selfmenecment) imkanları ilə zənginləşdirildiyi
də müşahidə
olunur. Menecment sahəsində bilik və bacarıqların mənimsənilməsi istiqamətində
ölkə Prezidentinin
xüsusilə maraqlı
olmasını Azərbaycan
Turizm və Menecment Universitetinin yaradılması haqqında
Prezidentin 22 dekabr
2014-cü il tarixli sərəncamından
da aydın sezmək mümkündür.
- Ali məktəblərdə menecment
ixtisasına son illər
geniş yer verilir, ancaq bəzən abituriyentlər
bu ixtisas barədə dəqiq məlumata malik olmurlar. Bir ixtisas
kimi menecment ixtisası barədə məlumat verərdiniz...
- Menecment təşkilatın
effektiv və məhsuldar nailiyyətləri
üçün öz
resurslarından istifadə
etməklə planlaşdırma,
təşkiletmə, istiqamətləndirmə
(aparıcılıq) və
nəzarət etmə
kimi tərif olunur. XVIII-XIX əsrdən
etibarən çalışmalarına
başlanılmış menecmentin
elm olaraq təşəkkül
tapması XIX əsrin
sonları XX əsrin əvvəllərinə təsadüf
edir. Belə ki, menecment elminin
klassik (1910-1930 cu illər)
inkişaf dövrü
“səssiz nəsil”in menecerlərinin çalışanlarına
(işçilərinə) daha az diqqət yetirməsi ilə xarakterizə olunurdu. Belə ki, insan faktorunun menecment elminin diqqət mərkəzinə keçməsindən
sonra (1930-cu illərdən
Hauton tədqiqatları,
1960-cı illər Biheviorizm
tədqiqatları) sosial-psixoloji
aspektlər geniş tədqiq edilməyə başlanılmışdır. Bir çox hallarda menecment ingilis dilində qarşılığı
olan idarəetmə anlayışı ilə sinonim olaraq göstərilir, amma bu elmi aspektdə
artıq reallığını
itirib. Belə ki, idarəetmə
anlayışının insan
üzərində ifadə
edilməsi qeyri-etik, strateji olmayan effektə sahibdir. Son
dövrlər menecment
sahəsində Skandinaviya
tədqiqatları(Norveç, İsveç, Danimarka) xüsusilə diqqəti cəlb etməkdədir. Menecment ixtisasında tədris alan
hər bir şəxs insan resursları menecmenti, təşkilati davranış,
strateji menecment, layihə menecmenti, beynəlxalq menecment, korporativ menecment və s. daxili fənlərin onlara tədrisi vasitəsilə
adı keçən ixtisasın spesifikasına
dərindən yiyələnir.
ATMU-da bu
fənnin tədrisinə
isə elə yarandığı ilk illərdən
Biznes İdarəçiliyi
fakültəsi tərkibində
başlanılıb. Son
illərdə Universitet
rəhbərliyi tərəfindən
gənc kadrların cəlb olunması vasitəsilə bu istiqamətdə elmi tədqiqatlar gücləndirilib.
- Tədris etdiyiniz fənnin təhsilin inkişafında
rolunu necə dəyərləndirirsiniz?
- Menecmentin öyrənilməsi
vasitəsilə strateji,
liberal düşünə bilən-səlahiyyətlərini ötürməyə meylli,
effektiv liderlik (təşkilat, yaxud müəssisəyə verdiyi
uzun-müddətli faydalılığı
baxımından) edən
gənc nəsil formalaşdırmaq mümkündür.
Düşünürəm ki, İKT-yə yüksək bağlılığı
olan “Z nəsli”nin nümayəndələri
olan gənclərimizə
düzgün postmodern düşüncələr
aşılamaqdır. Fikrimcə, onları
son zamanlar dəbdə
olan distant təhsil vasitəsilə deyil, məhz insan münasibətləri içərisində
nəzəri və praktiki yönləri inkişaf edən fərd kimi yetişdirmək təhsilin
inkişafında əsas
prioritet olaraq qalmalıdır. Məhz bu
istəklərin reallaşdırılması
postmodern menecment məktəbləri
nümayəndələri ilə
ölkəmizdəki menecment
institutlarının əməkdaşlığını
formalaşdırmaq, yeni
nəsil çalışmaları
üçün strateji
planı formalaşdırmaq
vasitəsilə mümkündür.
“2020- Gələcəyə
Baxış” strateji konsepsiyasını belə
ilkin təşəbbüslər
qismində xüsusilə
qeyd etmək lazımdır.
Nigar Abdullayeva
Palitra.-2015.-20 yanvar.-S.12.