Akademik Xoşbəxt Yusifzadə adına təqaüd təsis edilib

Azərbaycan Dövlət Neft və Sənaye Universitetində (ADNSU) Azərbaycan Respublikası Dövlət Neft Şirkətinin (SOCAR) birinci vitse-prezidenti, akademik Xoşbəxt Yusifzadənin adına təqaüd təsis edilib.

AZƏRTAC xəbər verir ki, noyabrın 3-də ADNSU-da təqaüdün təqdimetmə mərasimində universitetin rektoru, professor Mustafa Babanlı rəhbərlik etdiyi ali məktəbin fəaliyyətindən, qazandığı uğurlardan danışıb.

Rektor təsis olunan Akademik Xoşbəxt Yusifzadə adına təqaüdün təhsildə yüksək nailiyyətlər əldə edən tələbələrə veriləcəyini diqqətə çatdırıb.

Tədbirdə akademik Xoşbəxt Yusifzadəyə ADNSU–nun fəxri professoru adı verilib.

Sonra təhsildə yüksək nailiyyətlər əldə edən tələbələrə Akademik Xoşbəxt Yusifzadə adına təqaüd təqdim olunub.

Mahmud

Palitra.-2016.-4 noyabr.-S.12.