“Qarabağ həqiqətlərini
yaymaq üçün
əlimizə düşən fürsətdən maksimum dərəcədə
yararlanmalıyıq”
Xəyal Şirvanov: “Erməni tələbələrə
tarixi sübutları, faktları
xatırladaraq, onları susdurmağı özümə borc bilirəm”
Layihə çərçivəsində
Türkiyənin Aksaray Universitetinin
tələbəsi Xəyal Şirvanovla
müsahibəni təqdim edirik.
-Öncə özünüz haqqında məlumat verərdiz.
-Mən, Şirvanov Xəyal Şəfaddin oğlu 29/08/1995-ci ildə Azərbaycan Respublikasının Lerik rayonunda anadan olmuşam. 2000-ci ildə ailəmizlə birlikdə Bakı şəhəri Binə qəsəbəsinə köçmüşük. Ailəmiz 5 nəfərdən ibarətdir; anam, iki qardaşım və bir bacım var. Atam uşaq yaşlarımda rəhmətə gedib. 2002-ci ildə yaşadığımız qəsəbədə yerləşən 149 nömrəli məktəbdə təhsilimə başlamışam. 2013-cü ildə həmin məktəbin məzunu olmuşam. Məktəbi bitirdikdən sonra ailəmin razılığıyla təhsilimi xaricdə davam etdirmək qərarına gəldim. Bunun üçün şəhərdə yerləşən xaricdə təhsil şirkətlərinin birində YÖS hazırlığı aldım. YÖS imtahanından sonra Türkiyə Cümhuriyyətinin Aksaray şəhərində yerləşən Aksaray Universitetində Dövlət rəhbərliyi və siyasət elmi fakültəsinə daxil oldum. Artıq Aksaray Universitetinin 2-ci kurs tələbəsiyəm.
-Xaricdə təhsil
almaqla nə qazandınız?
-Universitet həyatını xaricdə keçirmək çox təsirləndiricidir. Təhsil aldığım zaman fərqli mədəniyyətlər və adətlərlə tanış olmaq; akademik həyatımı zənginləşdirmək, iş həyatı və gündəlik yaşama dair bir çox yeni şey öyrənmək və öz həyat təcrübəmi və dünyaya baxışımı zənginləşdirmək anlamına gəlir. Xaricdə oxumağın bir çox faydası var. Belə ki, fərqli mədəniyyətlərə sahib insanlarla əlaqə qurursan, fərqli siyasi və iqtisadi quruluş, sosial və mədəni normaları, qlobal məsələlər haqqında baxışını genişləndirib daha da inkişaf etdirirsən. Xaricdə qazandığımız təcrübələr və mədəniyyətlərarası əlaqə qurmaq bacarığı iş həyatında rəqabət edə bilməni yüksəldəcək. Mən özüm hal-hazırda Aksaray Universitetinin Dövlət rəhbərliyi və siyasət elmi fakültəsinin 2-ci kurs tələbəsiyəm. Universitetimiz bizi proqram çərçivəsində Türkiyə Cümhuriyyətinin örnək siyasətçilərilə görüşdürür. Görüşdüyümüz siyasətçilər, universitetdən məzun olduqda öz gələcək karyeramızı necə düzgün qurmaq barəsində bizə məsləhətlər verir və yaranacaq hər hansı suallarımızda və ehtiyacımızda bizə dəstək olurlar.
- Aksaray Universitetinin özəlliyi
nədir?
-Aksaray Universiteti
2006-cı ildə açılıb. Aksaray Universitetində
9 fakültə, 4 texnikum,
7 Peşə məktəbi
fəaliyyət göstərir.
Magistratura təhsili universitetə
bağlı Fənn və İctimai Elmlər institutları əsasında davam etdirilməkdədir.
Universitetdə fakültələr və
texnikumlar əsasında
9975, Peşə məktəblərində
4650 və institutlarda
1871 olmaq üzrə cəmi16496
tələbə var. Akademik
heyətlər baxımından
isə 21 professor, 72 dosent,
232 köməkçi dosent,
134 təhsil vəzifəlisi,
27 repetitor, 198 araşdırmaçı
olmaq üzrə ümumi 684 təhsil işçisi çalışır.
Universitetimizin əsas hədəfi gənc və dinamik akademik heyəti ilə universal dəyərlər əsasında
keyfiyyətli bir təhsil və təhsil xidməti verməkdir. Bu istiqamətdə
universitetimizin özəlliyi
araşdırma, təhsil
və nəşrləri
ilə elm, sənət
və texnologiya dünyasında hörmətli
bir yer əldə
etmiş, öndər
bir universitet olub. Aksaray Universiteti öz
tələbələri üçün
Beynəlxalq tələbə
dəyişim proqramlarına
təqaüdlə qatılmağa
dəstək olur.
Beləliklə, tələbələrimiz universitet məzunu olduqda əvəzolunmaz beynəlxalq bir təcrübəyə sahib olur.
Tələbələr həm gedib
təhsil aldığı
Avropa Universitetinin sertifikatını, həm
beynəlxalq dostlar, həm də beynəlxalq təcrübə
əldə etmiş olur. Universitetimizin bir neçə
beynəlxalq tələbə
dəyişimi proqramı
var; Erasmus, Mevlana, Farabi və s.
- Aksaray Universitetində azərbaycanlı
tələbələrin həmrəyliyi
hansı səviyyədədir?
-Aksaray Universitetində
təhsil almaqda olan 20 min tələbədən
350-ə yaxını azərbaycanlıdır. Tələbələr arasındakı həmrəylik
yüksəkdir. Bu həmrəyliyi qoruyub saxlamaq uçun TurkuAz Birlik və Bərabərlik topluluğu yaratmışıq.
Topluluğun əsas məqsədi burada təhsil alan
tələbələrə köməklik göstərmək,
Azərbaycan tarixini və mədəniyyətini
təbliğ etməkdir.
Boş vaxtlarda isə tələbələrimiz müxtəlif
idman yarışlarında
iştirak edirlər, hətta 2016-cı ildə
keçirilən “Uluslararası
Öğrenci Futbol Turnova”sında birinciliyi qazanıblar.
-Tədris prosesində informasiya kommunikasiya texnologiyalarından
nə dərəcədə
istifadə olunur?
-Təhsil aldığım
Aksaray Universitetində
informasiya kommunikasiya texnologiyalarından yüksək
səviyyədə istifadə
olduğunu görürəm.
Universitetimizdə informasiya kommunikasiya
texnologiyalardan daha çox kitabxanada elektron vəsaitlərdən,
sinif otaqlarında elektron lövhələrdən
istifadə olunur.
Hətta
bəzi dərslərimiz
uzaqdan təhsil sisteminə keçib, evdə oturaraq universitetin rəsmi səhifəsinə daxil olaraq internet üzərindən
dərsləri izləmək
və müəllimlə
əlaqə qurmaq şansımız olur.
-Qarabağ həqiqətlərinin təbliğini
necə aparırsız?
-Azərbaycan sərhədlərindən kənarda olmağımız fərqli xalqlara Qarabağ həqiqətlərini çatdırmaq və bu yöndə təbliğ etmək üçün bir fürsətdir. Əlimizə düşən bu fürsətdən maksimum dərəcədə yararlanmalıyıq, ermənilər tərəfindən törədilmiş olan faciələri, soyqırımlarını və işğalçılıq hərəkətlərini tanıtmaq üçün bir sıra tədbirlər, konfranslar və proqramlar həyata keçiririk. Son tədbirimiz 20 Yanvarla əlaqəli oldu. Tədbirimiz şəhərin məşhur AVM-lərindən birində “Kanlı Ocak” mövzulu fotosərgidən ibarət idi. Tədbirdə o dövr yaşananlar izah edildi. Azərbaycanın müstəqillik mübarizəsi müddətində reallaşan qırğının hüznünün hələ yaşandığı söylənildi. Sərgini təşkil etməkdə məqsəd müstəqillik mübarizələrini və şəhidləri xatırlamaq idi. Tədbirdə Qanlı Yanvarın Azərbaycanın müstəqilliyi və gələcəyi baxımından əhəmiyyətli bir dönüş nöqtəsi olduğuna diqqət çəkildi.
Keçirdiyimiz tədbirlərdə məzmuna uyğun maraqlanan sakinlərə dolğun şəkildə məlumat verilir. Ölkəmizlə bağlı keçirdiyimiz tədbirlər, heç bir maddi yardım olmadan, yalnız tələbələrin şəxsi istəklərilə toplanmış vəsait hesabına həyata keçirilir.
-Erməni tələbələrə
Qarabağ məsələsi ilə
bağlı mübahisəniz olurmu?
-Universitetimizdə erməni tələbələrin təhsil almağı haqqında bir məlumatım yoxdur. Əgər nə vaxtsa qarşılaşsaq və mövzu bu yöndə olarsa, tarixi sübutlarla, faktları xatırladaraq susdurmağı özümə borc bilirəm. Hər halda, bizim onlara deməyə sözümüz çoxdur. Hər bir xaricdəki gənc bacardığı qədər Qarabağ həqiqətlərini tanıtmalıdır.
-Azərbaycanla
bağlı tədbirlər keçirirsizmi?
-Azərbaycanın istər mədəniyyəti, istərsə də tarixinə qanlı hərflərlə yazılmış günlərlə bağlı bir çox tədbirlər keçirmişik. Daha çox tarixi günlərə üstünlük veririk. Bunun səbəbi isə türk xalqını, o cümlədən də gənc nəsli bilgiləndirməkdir.
-Perspektiv
planlarınız nədən ibarətdir?
-Gələcəyə dair
bir çox
planlarım var. Bunlardan az bir qismini
bildirəcəm. Öncə təhsilimi
yüksək səviyyədə
bitirib, başqa bir ölkədə magistr təhsili alıb, Azərbaycanda oxuduğum istiqamət üzrə işləmək
və karyerada yüksəlmək arzum
var. Xaricdə öyrəndiyim
elmi və təcrübəni Azərbaycanda
inkişaf etdirib, Azərbaycanın inkişafında
rolu olması istəyərdim.
Fuad Hüseynzadə
Palitra.-2017.-8 fevral.-S.11.