ADPU-da
“Twinning” layihəsi çərçivəsində
növbəti seminar keçirilib
Fevral ayının
22-də Azərbaycan Dövlət
Pedaqoji Universitetində
(ADPU) “Twinning” layihəsi çərçivəsində
özünütəhlil hesabatı
barədə növbəti
seminar keçiriib. Seminarda
Təhsil Nazirliyinin Akkreditasiya və Nostrifikasiya İdarəsinin
əməkdaşları, layihə
üzrə Finlandiyadan
və Estoniyada gəlmiş ali
təhsil ekspertləri
iştirak ediblər. Seminarda ADPU-nun rektoru,
professor Cəfər Cəfərov,
Tədrisin İdarə
Olunması və Tədris Texnologiyaları Mərkəzinin direktoru, dosent Sənan Əliyev və struktur bölmələrin
rəhbərləri iştirak
ediblər.
Seminarda ekspertlər layihə çərçivəsində universitetdə aparacaqları
növbəti işin
planını təqdim
ediblər. Plana əsasən
11-13 apreldə Özünütəhlil
hesabatı üzrə
Qiymətləndirmə Qrupu
fəaliyyətə başlayacaq.
Qeyd edək ki, keyfiyyətin
təminatına dəstək
verən Özünütəhlil
hesabatı üzrə
Qiymətləndirmə Qrupuna
yerli və xarici ekspertlər daxil olmaqla, 8 nəfər üzv daxil edilmişdir. Qrup bu müddət ərzində universitetdə
bütün struktur vahidləri arasında müsahibələr aparacaq
və rəy hazırlayacaqdır. Seminarda işin
təşkilinin etik davranış kodeksinə
əsasən tərtib
ediləcəyi bildirilib.
Qiymətləndirmə Qrupu üzrə
layihənin işinin universitet daxilində layihə koordinatoru və əlaqədar şəxs tərəfindən
təşkili tövsiyə
olunub. Seminarda səmərəli müzakirələr aparılıb,
gələcək perspektivlər
müəyyən edilib.
Rektor Cəfər Cəfərov
seminarda çıxış
edərək layihənin
həyata keçirilməsinə
verdikləri dəstəyə
görə Təhsil Nazirliyinin rəhbərliyinə
və təhsil ekspertlərinə təşəkkür
edib və layihənin ADPU-da tədris prosesinə səmərəli təsir
edəcəyini bildirib.
Nigar
Palitra.-2017.-23 fevral.-S.12.