24 aprel qondarma erməni soyqırımı sadəcə ermənilərin köç hadisəsidir

Misirdən gətirilən xəritə erməni yalanlarını bir daha ifşa edir

Dünən Azərbaycan Jurnalist Qadınlar Assosiasiyası və TREND İnformasiya agentliyinin təşkilatçılığı ilə “ Uydurma tarixin görünən və görünməyən tərəfləri”adlı konfrans təşkil edildi. Konfransın keçirilməsində məqsəd 24 aprel tarixi ilə bağlı ermənilərin qaldırdığı qondarma soyqırım iddialarına qarşı ciddi faktlarla, elmi araşdırmalarla ictimaiyyəti tanış etmək idi. Eyni zamanda Türkiyə -Azərbaycan qardaşlığının sarsılmazlığını nümayiş etdirməklə ötən əsrdə erməni cinayətlərinin əsl üzünü açıb göstərmək və tarixi həqiqətləri dünya xalqlarına çatdırmaq və gerçəklərin aşkarlanmasında elm adamları ilə medianın əməkdaşlığına nail olmaq məqsədi güdən konfransda ermənilərin uydurma soyqırımı ifşa ediləcək faktlar gündəmə gətirilərək erməni yalanları və xəyanətləri mövzusunda məruzələr dinlənildi.

Tədbiri giriş sözü ilə AJQA sədri Sevil Yusifova bildirdi ki, 24 apreldə dünyanın bir çox aparıcı KİV-də də ermənilər öz yalanlarını çatdırmağa çalışır, bununla da beynəlxalq ictimaiyyətdən dəstək alırlar. Bu kimi tədbirlər isə ən azından özümüzün öz tariximizə nəzər salmağımızda, yeni nəslin maariflənməsində əhəmiyyətli rolu ola bilər: “Məqsədimiz real olan düzgünlükləri diqqətə çatdırmaq, burada bu mövzuda olan müzakirələri, fikirləri gələcəkdə də istifadə üçün toplu halında dərc etməkdir. Hər kəsə məlumdur ki, erməni soyqırımı baş verməyib. Bu proses sadəcə ermənilərin köçürlümə hadisəsidir ki, ermənilər bundan yararlanmaq istəyirlər. Təəssüf doğuran, həm də maraqlı bir faktı nəzərinizə çatdırım ki, bu yaxınlarda internet mediada ermənilər 1 milyon yarım qadın, qocaların, uşaqların şəkilini yerləşdirib. İndinin özündə yaşlı nəslin fotosunu tapmaq çətindir. Keçən əsrdə bu qədər şəkili haradan topalaya biliblər. Məlumdur ki, onlar hər bir üsula əl atırlar. Hətta bizim faciələrimizin fonunda öz faciələrini uydururlar və bunlara da dünyanın bir çox dövlətləri dəstək verərək inanmağa çalışırlar. Türkiyə ilə Azərbaycanın elm adamları,tarixçiləri bəbarər səylər nəticəsində bu yalanları ifşa edə bilər”.

Azərbaycan Milli Elmlər Akademiyasının Şərqşünaslıq İnstitutunun direktoru,millət vəkili Gövhər Baxşəliyeva institutun türk tarixini araşdıran şöbəsi olduğunu xatırladaraq tarixə bir daha nəzərə salaraq qondarma erməni soyqrımının heç bir tarixi kökə söykənmədiyini bildirdi: “1908 ci ildə Türkiyədə gənc türklərin inqilabı baş verdi və konstitusiyalı monarxiya yarandı. 1914- ci ildə Türkiyə Birinci dünya müharibəsinin iştirakçısından birində çevrildi. Çox mürəkkəb tarixi şəraitdə ruslar artıq İranın sərhədi ilə cənuba doğru irəliləyirdilər. Ermənilər isə daim onlara kömək etməklə hərbi məlumatlar ötürür, quldur dəstələri təşkil edib insanları məhv edirdilər. Bu proselər onların tarixdən bəri arzuları olan “Böyük Ermənistan” niyyətinə bir ümid yaratdı. Bu istiqamətdə mütəşəkkil iş apardılar. Onlar həm ətraf bölgələrdə yaşayan müsəlmanları qırmağa, həm də ruslara dəstək verməklə köməklik göstərirdilər. Belə bir şəraitdə Türkiyə qərara gəldi ki, 150 mindən çox olmayan ermənini Fərat çayının vadisinə köçürsün.Hətta Türkiyə dövlətinin tarixi qərarları, sərəncamı vardı ki, köçürülən ermənilərə qayğı göstərməklə, əmlakının saxlanması ilə, onların tam təhlükəziliyi ilə həyata keçirilsin. Bütün bu faktlar tarixi sənədlərdə öz əksini tapıb. Osmanlı imperiyası də bu qərara tam məcbur qaldığı üçün gəlmişdi. Bu dövrdə ermənilər inqilabi komitələr yaratmışdılar. İnqilabi komitələrin rəhbərləri həbsə alındı. Köçürülmə zamanı isə bir qisim insanlar silahlı qarşıdurma nəticəsinndə həlak oldu. Bunu isə genosid adlandırma böyük uydurmadır . Tarixi faktlar sübut edir ki, heç bir düşünülünmüş qırğınlar olmayıb. Buna görə də biz hesab edirik ki, bütün arxivlər açılmalı, sənədlər ortaya qoyulmalıdır. Bu prosesdə Türkiyə ilə yanaşı biz də , bütün türkdilli xalqlarda fəal olmalıdır.”

Ermənilərin biz müsəlmanları həm fiziki həm mənəvi terrora məruz qoyduqlarını deyən G.Baxşəliyev onların daima bizim verdiyimiz tarixi materialları təhrif edərək öz məqsədləri üçün istifadə etdiyini bildirdi. Xanım millət vəkilinin sözlərinə görə, onun Misirdən gətidiyi 5 xəritədə də ermənilərin yalanı üzə çıxıb: “Yanvar ayında Misirdən 5 xəritə gətidim. Bu xəritələr İtaliyanın Venesiya şəhərində 1785 ci ildə tərtib olunub. Müəllifi Antoni Zad olan xəritə Makedoniyalı İskəndərin imperiyasının bütün sərhədlərini göstərir. Orada ermənilərə aid olan hissə diqqətimi çəkdi. Orada Kiçik və Böyük Ərməniyyə kimi yazılan adlar bir daha sübut edir ki, ermənilərin özlərinin dediyi kimi Böyük Ermənistan adlı dövlət heç zaman mövcud olmayıb. Çünki heç bir dövlətə böyük və kiçik adlar qoyulmur. Həmin Böyük Ərməniyyə yazılan hissə isə Araz çayından xeyli aşağıda göstərilir. Demək Qafqazda Ermənistan heç zaman olmayıb”.

Türkiyənin ölkəmizdəki səfiri Hulusi Kılıç isə uydurma erməni soyqırımına münasibət bildirərək əlavə etdi ki, Azərbaycanın və Türkiyənin birləşərək tarixi mənbələrə əsaslanan faktlarla çıxış edərək düşmən qarşısında durması həqiqətləri dünyaya çatdırmağın ən yaxşı yoludur. Bu istiqamətdə azəri diasporunun rolunu böyük qiymətləndirən səfir hər zamankı kimi bu məsələdə Azərbaycanın Türkiyəyə dəstək verməsini yüksək qiymətləndirdi və bildirdi ki, türklərlə ermənilərin dostluğu o zaman mükün ola bilər ki, onlar öz işğalçılıq mövqeyindən, yalan üzərində qurulan prinsiplərindən əl çəksin.

Günay BÜNYADZADƏ

Paritet.- 2010.- 24-26 aprel.- S. 8.