“Tariximizin unudulmaz səhifəsi” adlı tədbir keçirilib

Dünən Lətif Kərimov adına Azərbaycan Xalçası və Xalq Tətbiqi Sənəti Dövlət Muzeyində Xocalı faciəsinin 18-ci ildönümünə həsr olunmuş “Tariximizin Muzeyin ictimaiyyətlə əlaqələr şöbəsinin müdiri Aygün Abasova bildirdi ki, Xocalı soyqırımı ilə bağlı təşkil etdikləri bu tədbirdə tarixə kiçik bir ekskursiya da olunacaq. “Azərbaycan dövlətinin mövcudluğu və inkişafı Xocalı şəhidlərinin ruhuna təsəlli ola bilər” –deyən A.Abasova bildirdi ki, bu istiqamətdə həyata keçirilən tədbirlər, ümidlərimiz və istəklərimiz bizə tam əminlik verir ki, gec-tez cinayətkar ermənilər öz cəzalarına çatacaq, dədə-baba yurdlarına işğaldan azad olacaqdır.

Tədbirdə Xocalı Soyqırımını Tanıtma İctimai Birliyinin sədri Yaqub Hüseynov çıxış edərək bildirdi ki, rəhbəri olduğu təşkilat tərəfindən bu dəhşətli faciənin dünyada tanıdılması istiqamətində bir sıra məqsədyönlü işlər görürlər.

Uşaqları bu faciəni unutmamağa, qələbə çalmaq üçün hər kəsi məntin olmağa səsləyən Y.hüseynov xüsusi olaraq vurğuladı ki, kiçik yaşlı uşaqların yaddaşında bu tarixi hadisənin həkk olması üçün evdə və məktəblərdə mütəmadi olaraq faciə ilə bağlı söhbətlər aparılması vacibdir, əks halda gələcəyimizin təminatçısı olan uşaqlar bu cür qanlı tariximizdən xəbərsiz qalar.

Tədbir boyunca kiçik fasilələrlə Xocalı faciəsi haqqında məlumatlar verildi. Anım mərasiminin sonunda isə Təhsil Nazirliyi “Gənc Turistlər və Diyarşünaslıq” dərnəyinin üzvləri ədəbi- bədii kompozisiya ilə çıxış etdilər, “Yeni istedadlar, Uşaq vəGənclər” Təşkiltının üzvləri və 7 saylı orta məktəbin şagirdləri şeirlər söylədi, qələbəyə səsləyən mahnılar ifa etdilər. Tədbir boyunca kiçik fasilələrlə Xocalı faciəsi haqqında məlumatlar veriləcək.

GÜNAY

Paritet.- 2010.- 27 fevral-1 mart.- S. 4.