Ermənilərin növbəti soyqırımı kitablarımıza qarşıdır

Həvva Məmmədova: “Erməni təbliğatının qarşısının alınması üçün əcnəbi müəllif və tədqiqatçılar ölkəmizə dəvət olunmalıdır”

Bugünkü informasiya müharibəsində Azərbaycanın ən böyük düşməninin Ermənistan olduğu hamımıza məlumdur. Bunun üçün istər virtual, istərsə də çap formada onlarla yorulmadan mübarizə aparılmaldır. Erməni lobbisi əlindən gələni edərək uydurma faktlar əsasında kitablar çap etdirib xarici ölklərdə yayır. Ona görə də biz erməni yalanlarının ifşa olunması, xalqımıza qarşı törədilmiş soyqırımlarla bağlı təbliğata çox geniş yer verməliyik. Təqdirəlayiq haldır ki, bu gün Azərbaycanın ziyalıları, tədqiqatçıları, ümumiyyətlə qələm adamları bu istqamətdə işlərini gücləndiriblər. Bu baxımdan Milli Məclisin üzvü, 122 saylı Xankəndi seçki dairəsini təmsil edən Həvva Məmmədova da durmadan ciddi tədqiqat işləri aparır və demək olar ki, onun ildə bir kitabı çap olunur.

“Paritet”-in əməkdaşı ilə söhbətində birldirdiyinə görə, xaqlımızın köçkün halına salınması, terrora, soyqırıma məruz qalması onu da bir ziyalı kimi narahat dirdi. Buna görə də o qərara gəlib ki, hər şeydən əvvəl yaşadığımız bu ağır dövürlərin, başımıza gələn fəlakətlərin elmi tədqiqatını aparsın. Xanım millət vəkilinin bu istiqamətdə 5 kitabı nəşr olunub. Həmin kitablar haqda qısa məlumatı dəyərli oxucularımıza təqdim edirik.

Birinci kitab: “Qarabağın General-Qubernatorluğunun erməni təcavüzünə qarşı mübarizəsi tarixindən səhifələr”. 1999-cu ildə çapdan çıxıb. Kitabda Azərbaycan Xalq Cümhuriyyəti dövründə Dağlıq Qarabağda erməni seperatizminə qarşı görülən işlərdən danışılır. Məlum olduğu kimi AXC tərəfindən 1919-cu ildə Qarabağ General-Qubernatorluğunun yaradılması haqda qərar qəbul edilib. Elə həmin il yanvarın 29-da görkəmli siyasi və dövlət xadimi Xosrov bəy Sultanov general-qubernator təyin edilib. Müəllif kitabda bu qubernatorluğun Dağlıq Qarabağda baş qaldırmış ermənilərə qarşı mübarizəsi haqda geniş açıqlama verib. H.Məmədovanın fikrincə ,AXC dövründə bu general-qubernatorluq yaradılmasaydı Dağlıq Qarabağın o zaman məhv edilmək və tamamilə erməniləşdirilmək təhlükəsi var imiş: “ Dağlıq Qarabağda yaşayan azərbaycanlıların köçkünlük, qaçqınlıq, qanlı terrora məruz qalmasının əvvəli 1905-6-cı illərdə qoyulmuşdu. İlk zamanlar bu, erməni-müsəlman davası kimi qələmə verilmişdi. Amma arxiv sənədləri, tədqiqatlar göstərir ki, ermənilərin başladığı mübarizə heç də erməni-müsəlman davası yox, ermənilərin ən böyük ərazi iddiası, bu iddia əsasında Dağlıq Qarabağı Ermənistana birləşdirilmək və azərbaycanlıları buradan çıxarmaq”.

İkinci kitab: “Xocalı- şəhidlər, şahidlər”. 2003-cü ildə çapdan çıxıb. 2006-cı ildə isə rus və ingilis dillərinə tərcümə edilib. 1992-ci ildə fevralın 25-dən 26-na keçən gecə dünyada analoqu olmayan faciəni Azərbaycan xalqı Xocalıda yaşadı. Ən ağır əsirilikdən qayıtmış insanların taleyi bu kitabda qələmə alınıb. Kitabın özəlliyi budur ki, ilk dəfə olaraq Xocalı şəhidlərinin tam siyahısı burada dərc olunub. Bundan başqa həmin gecə büsbütün məhv olmuş 8 ailə haqda bütün faktlar burada qeyd edilib. “Xocalıdan bu gün həm şahidlər, həm də şəhidlər var. Sağ qalan hər kəs tarixə, o müdhiş gecəyə şahid olan insanlardır”, deyə millət vəkili kitab haqda danışarkən bildirdi.

Yeri gəlmişkən son zamanlar ermənlər müxtəlif saytlarda bu kitabdakı bir şəklin guya Kosovoda çəkilmiş şəkil olduğunu iddia edirdilər. Bunun ermənilərin növbəti təxribatı olduğunu deyən H.Məmmədova bu şəkilin şək-şübhəsiz Xocalı faciəsindən çəkilmiş şəkil olduğunu dedi: “Şəkildəki insanın bir oğlu və iki nəvəsi həmin gecə şəhid olublar. Mən internet səhifələrində bunun haqqında məlumat verdim. Onun sağ qalan bir oğlu, dörd qızları var. Onlar haqqında da məlumat verdim ki, əgər kimsə maraqlansa erməni yalanlarının bir daha şahidi olsun”.

Üçüncü kitab: “Azərbaycan Xalq Cümhuriyyəti dövründə Yuxarı Qarabağda siyasi vəziyyət. Erməni terrorizminin güclənməsi (191801920)”. 2006-cı ildə çap olunub. Müəllifin sözlərinə görə, bu kitab demək olar ki, sırf arxiv materialları əsasında işlənib. Kitabda AXC dövrndə Yuxarı Qarabağda siyasi vəziyyətin gərginləşməsi, ermənilərin bu ərazidə seperatçı fəaliyyətindən bəhs olunub: “Belə gərgin vəziyyətdə 1918-ci il də mart hadisələri baş verdi. Mart hadisələrinin də dermək olar ki, ilk əvvəli Qarabağdan başlamışdı. Ermənilər hər il Novruz bayramını qara etmək üçün qanlı terror törədirdilər. Belə bir vəziyyətdə AXC-nin Dağlıq Qrabağda gördüyü ən böyük tədbirlərdən biri Mart soyqırımının araşdırmaq üçün Fövqəladə Komissiya yaratmasıdır. Kitabda bunlar da göstərilib”

Dördüncü kitab: “Xocalı soyqırımı”. 2009-cu ildə ingilis dilində çap olunub. Kitabda Xocalı soyqırımı ilə bağlı statistik məlumatlar, erməni əsirliyindən qayıdan şəxslərin söhbətləri, erməni vəhşiliyi barədə qeydlər öz əskisini tapıb. Bu kitabın ABŞ-ın 4 ştatında təqdimatı keçirilib. Ümumiyyətlə, ABŞ-da bu kitab çox geniş yayılıb, o cümlədən digər ölklərə də göndərilib. Hazırda kitabın Almancaya çevirilməsi istiqamətində iş gedir. Həvva xanım bildirdi ki, Xocalı faciəsi ilə bağlı hər il yeni əsərlər yazmaq qərarına gəlib: “Son zamanlar eməni millətçiləri Xocalını da öz torpaqları kimi göstərirlər. Mənim 2009-cu ildə qarşıya qoyduğum məqsədlərdən bir də bu oldu ki, Xocalıda əsirlikdən qayıtmış qadınların taleyini onların öz adı ilə bağlayım”.

Beşinci kitab: “Azərbaycan Respublikasının xarici siyasətindən Ermənistan-Azərbaycan Dağlıq Qarabağ münaqişəsi” .2009-cu ildə çap olunub. Kitabda Dağlıq Qarabağın tarixinə böyük ekskursiya edilib. Eyni zamanda Dağlıq Qarabağ münqişəsinin həlli ilə bağlı ATƏT-in Minsk qurupunun fəaliyyəti göstərilib. Həmçinin bu istiqamətdə regional güc mərkəzlərinin roluna, Azərbaycanın qonşu ölkələrlə münasibətlərinə toxunulub. Daha sonra isə bütün bu faciələrin içərisində qondarma Dağlıq Qarabağ probleminin ortaya atılması, bu problemin yaranma səbəbləri araşdırlıb.

Perspektiv planda olan

kitablar: Bu istiqamətdə tədqiqatlarını davam etdirən H.Məmmədova hazırda əsirlik həyatı yaşamış insanların taleyi ilə bağlı kitab yazdığını dedi: “Bütün baş verənlərin onların öz adı ilə yazılmasına ehtiyac var. Hesab edirəm ki, mənim hələ əsrlikdən qayıtmış insanlara bağlı yarımçıq qalmış işlərim var. Mən hazırda da bu işlərimi davam etdirirəm”.

Həmsöhbətimizin fikrincə, bu gün dünyanın dilində tərcümə olunmuş kitablara ehtiyac var: “O qədər də qalın kitabların yazılmasına ehtiyac yoxdur. O kitablar ki, insanlar əllərinə götürəndə oxuya bilsinlər. Hər hansı bir məlumat əldə edəndə təəssüflənsinlər, ermənilərin necə terrorist millət olduqlarını bilsinlər. Ermənilər nəinki insana qarşı terror aparan millətdir. Onlar xarici ölkələrdəki kitabxanalardan kitablarımızı götürüb yandırlar. Yüksək məbləğdə pul xərcləyərək Azərbaycandan gələn kitabların qarşısını almaq üçün terror işləri görürlər”.

O təkif etdi ki, erməni təbliğatının qarşısının alınması üçün əcnəbi müəllif və tədqiqatçılar ölkəmizə dəvət olunmalıdır: “Onlarla birlikdə kitablar yazılmalıdır. Çünki Azərbaycan arxivi açıqdır, Ermənistan arxivi kimi bağlı deyil. Ermənistanda çıxan kitablar erməni xalqını faciəyə aparır. Bu gün uydurma yazılara görə ermənilər öz tarixlərinə yox, tarixçilərinə borcludurlar”.

Fuad HÜSEYNZADƏ

Paritet.- 2010.- 22-24 may.- S. 6.