ATİ 5 illiyini qeyd edib
ATİ-də doktoranturaya qəbul həyata
keçiriləcək
Yaxın 5 il
müddətində xarici
turistlərin sayının 3- 4 milyona çatdırılması hədəflənir
Ötən
həftəsonu Azərbaycan
Turizm İnstitutunun 5 illik yubleyi ilə bağlı mətbuat konfransı
keçirildi. Konfransda çıxış edən mədəniyyət
və turizm naziri Əbülfəs Qarayev bildirdi ki, Azərbaycanda
turizm sənayesi artıq
dövlətin prioritet istiqamətlərindən birinə
çevrilib: ”Biz Azərbaycana
bir milyon doqquz yüz mindən
artıq turistin gəlişini rəsmən qeyd etmişik. Məqsədimiz
odur ki, bu il ölkəmizə gələn turistlərin
sayı 2 milyonu keçsin, yaxın
5 il müddətində Azərbaycana
gələn turistlərin sayının 3-4 milyona çatdırılması bizim
qarşımızda bir məqsəd olaraq durur və buna
doğru irəliləyirik.”. Nazir
5 il əvvəl ATİ-nin
ölkəmizin qocaman təhsil
ocaqları sırasında yer aldığını, bu
müddətdə turizm təhsilinin formalaşmasında,
yüksək ixtisaslı kadr
hazırlığında
öncül yer
tutduğunu bildirdi:
”Genişlənən
mehmanxana şəbəkəsinin, imkanları və insanlar tərəfindən turizmə
artıq tamamilə
başqa bir münasibətin bəslənməsi ATİ-nin fəaliyyətinin bu gün cəmiyyətə
lazım olduğunu göstərir.
İlk dəfə olaraq
Azərbaycanda beynəlxalq layihə üzrə tələbələrimiz diplom alır. ATİ-nin qabaqcıl
tələbələri həm
Azərbaycanın, həm də Avstriyanın institutunun diplomlarını
alırlar. Artıq bu qabaqcıl bir təcrübədir,
yəni yeniliyə getmək bacarığı bu institutun üzərinə
düşür. 2001-ci ilin
ölkəmizdə “Turizm ili”
elan olunması ATİ -nin qarşısında təhsil və tədqiqat istiqamətindəki
fəaliyyətini bir daha inkişaf etdirmək tələbini
qoyub”.
ATİ-nin turizm
təhsili sahəsindəki fəaliyyətini geniş
ictimaiyyətə çatdırılmasında məhz
jurnalistlərin əhəmiyyətli rolu olduğunu deyən nazir bildirdi ki, ümumiyyətlə, turizm
mövzusunu gündəliyə gətirmək, düzgün
izah və təbliğ etmək,
insanların bu fəaliyyət növünə diqqətini
artırmaq vacibdir. Ə.Qarayevin sözlərinə görə, son 5 ildə Mədəniyyət və
Turizm Nazirliyi ilə
yanaşı, ATİ-nin fəaliyyətini
işıqlandırmaqla mətbuat işçiləri turizmin
inkişafına öz töhfələrini veriblər.
Azərbaycanda ilk dəfə süni qar yağışı həyata
keçirilib
Nazir turizmə dövlət
qayğısından danışaraq bildirdi ki, bu yaxınlarda
Qusarda bir sıra iclaslar
keçirib: ”Qusarda Azərbaycanda
ilk dəfə olaraq süni qarın əmələ gəlmə
prosesini gördük. İtaliya,
İsveçrə və Avstriya
mütəxəssisləri bu prosesi izlədilər və Azərbaycana
ilk süni qar yağmasını alqışladılar.
Dövlətin bu işə marağı olmasaydı və bu istiqamətdə
həyata keçirilən layihələri genişləndirməsəydi, bu cür işlərin icrası çətin olardı və
ATİ-nin fəaliyyəti o qədər də vacib olmazdı.
Cənab Prezident bu ili “Turizm
ili” elan etdi. Bu qərar ona əsaslanır
ki, ötən il turizm ilə
bağlı Dövlət Proqramı təsdiq olundu, Azərbaycanın
artıq geniş miqyasda təbliğ olunmaq mexanizmi formalaşıb, infrastruktur
genişləndirilib və ölkəmizdə bu gün yeni bir
mərhələyə çıxan turizm sənayesi
formalaşır. Bu il 5 ədəd beş ulduzlu hotel tikilir və
“Şahdağ” kimi yay-qış turizm kompleksi yaradılır.
Bundan başqa respublikamızda bütünlükdə nəqliyyat
sistemi yenidən qurulub, bu da mübadilənin genişlənməsi
üçün imkanlar yaradır, Azərbaycana beynəlxalq
ictimaiyyət və
Ümumdünya Turizm Təşkilatı (ÜTT) tərəfindən getdikcə marağın artmasına gətirib çıxarır”.
ATİ üçün yeni bina tikiləcək
Ə.Qarayev
qeyd etdi ki, bu il ÜTT-nın
keçirəcəyi
seminarda ATİ də
iştirak edəcək:
-
Cənab Prezidentin
tapşırığı ilə ATİ-nin nəzdində
2 peşə məktəbi yaradılması qərara
alınıb. Onlar həm
peşə və həm kolleclərin funksiyalarını
öz üzərlərinə götürsünlər və Azərbaycanda orta kadrların
hazırlığının səviyyəsini təmsil etsinlər.
Bu da göstərir ki, ölkəmizdə davamlı,
düşünülmüş və təyinatlı turizm
siyasəti həyata keçirilir.
Qusara səfər zamanı
bu rayon üçün kadr
və xüsusi marketinq planının hazırlanmasına,
mencmentin qurulması haqqında xarici şirkətlərlə
danışıqlarımızı demək olar ki,
tamamlamışıq. Yaxın 2-3 ay müddətində
müqavilənin imzalanmasını nəzərdə tuturuq.
Bu səbəbdən də kadrların
hazırlığı, marketinqin aparılması ilə,
mencmentə hansı qüvvələrin cəlb olunması ilə
bağlı ATİ-ə konkret
tapşırıqlar veriləcək.
Azərbaycanda hər il 30-50
civarında motellərin, yerləşdirmə yerlərinin
açılması böyük rəqəmdir. Belə ki, artıq rəqabət
artır və yerləşdirmə yerləri
çoxaldıqca qiymətlər
aşağı düşür. Qəzet və
jurnallarda verilən elanlara nəzər
saldıqda görürük ki,
15-120 AZN qiymətlər həcmində
xidmətlər təklif edən şirkətlər
mövcuddur. Lakin bizim məqsədimiz odur ki, ən ucuz qiymətlərlə
xidmət göstərilən yerlərdə də peşəkarlar
işləsin. Ucuz qiymətlə
də asudə vaxtını keçirən insanlar turizmin ləzzətini
duymalıdır. 4 il mən ATİ-nin elmi konfranslarında
iştirak edərək, tələbələrin diplom işi
ilə
ATİ-nin binasının beşinci mərtəbəsini
tamamladıq və istifadəyə verdik. Ancaq bu da yetərli
deyil, ATİ-nin yeni binası
yaradılması haqqında
düşünürük. Bu beş il müddətində
institut artıq bakalavrdan,
magistratura pilləsinə qalxdı.
Biz doktoranturanın açılması haqqında elan etmişik. Gözləyirik ki,
doktoranturayada qəbul olsun.
Beş ildə əldə edilən
uğurlar
Sonra ATİ-nin rektoru Cəfər Cəfərov
çıxış edərək, rəhbəri olduğu ali
təhsil ocağının bu beş il ərzində
keçdiyi yola nəzər saldı:
- İnstitut tədris fəaliyyətinə
2006-cı ilin sentyabrında bir fakültə - turizm işinin
təşkili və idarə edilməsi, üç ixtisas -
menecment (turizmdə), marketinq (turizmdə) və turizm və
sosial-mədəni sahədə servis, iki kafedra - turizm
ixtisası fənləri kafedrası, ümumi fənlər
kafedrası və 200 tələbə ilə başladı.
Növbəti tədris ili (2007-2008) üçün
ATİ-nin tələbə qəbulu planına 5 yeni ixtisas -
sanatoriya və kurort müəssisələrində tibbi xidmətin
təşkili, sağlamlıq və kurort, mədəniyyət
və incəsənət turizmi, linqvistika (bələdçi-tərcüməçi),
idman turizmi əlavə edildi. Tələbə qəbulunun
sayı isə 310 nəfərə qədər
artırıldı. Hazırda ATİ-də turizm sektoru
üçün bakalavr proqramında 11 ixtisas üzrə 1311
tələbə təhsil alır. 2010/2011-ci tədris ilindən
ATİ-də magistratura pilləsi də fəaliyyətə
başlayıb və 3 ixtisas üzrə 19 tələbə təhsil
alır. Tələbələrin ictimai həyatda aktiv fəaliyyətini
dəstəkləmək üçün institutda Tələbə
Gənclər Təşkilatı, Tələbə Həmkarlar
Təşkilatı, Tələbə Elmi Cəmiyyəti və
Turist Klubu kimi birliklər fəaliyyət göstərir.
Rektor
bildirdi ki, institut ilk gündən
təhsil-tədris işini Avropa standartlarına uyğun,
Bolonya sistemi əsasında qurub:
-ATİ
öz fəaliyyətində beynəlxalq əlaqələrin
qurulmasına xüsusi diqqət ayırır. Belə ki, ATİ Avropa Kredit Transfer
Sistemi (AKTS) və çoxballı qiymətləndirmə
sistemini tam tətbiq edən yeganə dövlət ali məktəbidir.
AKTS çərçivəsində institutun 6 tələbəsi
xaricdə təhsil alıb.
ATİ-də
Avstriyanın Krems İMC Tətbiqi Elmlər Universiteti ilə
akademik anlaşmaya əsasən AATP (Azərbaycan-Avstriya Turizm
Proqramı) adlı beynəlxalq qrup təşkil edilib. Tələbələr turizm sahəsində
təcrübə qazanmaq üçün Azərbaycanla
yanaşı, Türkiyə, Yunanıstan, Şimali Kipr,
ABŞ, Ukrayna, İsrail, Portuqaliya və s. ölkələrdə
təcrübə mübadiləsində olublar.
Avropa
İttifaqının Erasmus-Mundus xarici əməkdaşlıq
proqramı çərçivəsində 2008-ci ildən
Yunanıstan, Fransa, Bolqarıstan, İtaliya, Litva, Portuqaliya,
Niderland və s. ölkələrin universitetləri ilə əməkdaşlıq
imkanları əldə edilib. Keçən dövr ərzində
9 müəllim və 17 tələbə bu proqramdan istifadə
edərək xaricdə təhsil və təcrübəsini
artırıb. Həmçinin ATİ 2 müəllim və 4
xarici tələbəni qəbul edib. Ümumiyyətlə,
ATİ yarandığı gündən bu yana 30 xarici ali məktəb
və 34 beynəlxalq təşkilatla əlaqələr qurub.
Rektor bildirdi ki, bu günlərdə ATİ BMT-nin
“Akademik təsir” (Academic İmpact) proqramının üzvləri
sırasına da qoşulub:” “Akademik təsir” proqramı insan
hüquqları, savadsızlıq, davamlı inkişaf və
konfliktlərin həlli yollarına dair 10 qlobal prinsipin dəstəklənməsi
yolunda ali təhsil müəssisələrini BMT ilə əlaqələndirən
qurumdur. BMT Baş katibinin Kommunikasiya və ictimai informasiya məsələləri
üzrə müavini cənab Kiyo Akasaka ATİ-nin
üzvlüyünü təsdiq edən sertifikatı ATİ-yə
göndərib”.
Qeyd
edək ki, ATİ eyni zamanda bir sıra yerli və beynəlxalq
konfransların təşkilatçısı və
iştirakçısı da olub.
Hazırda
ATİ-də turizm sahəsində müxtəlif kitabların
toplandığı ATİ Kitabxana-İnformasiya Mərkəzi
fəaliyyət göstərir ki, bu, respublikamızda turizm sahəsində
bu cür zəngin tərkibə malik yeganə mərkəzdir.
Rektor
bildirdi ki, rəhbərlik etdiyi
ali təhsil ocağının gələcək planlar
çoxdur:
-Belə ki, institutda təhsil
islahatları ilə əlaqədar Himayədarlar
Şurasının əsasnaməsi hazırlanıb və Təhsil
Nazirliyinin müvafiq komissiyasına təqdim edilib. Yaxın
vaxtlarda Himayədarlar Şurasının yaradılması nəzərdə
tutulur. 2011-ci ilin martında
ATİ-də doktoranturaya qəbul həyata keçiriləcək.
Nazirlər Kabinetinin qərarı ilə ATİ-nin nəzdində
Turizm Peşə Liseyinin yaradılması gözlənilir. Gələcəkdə
Mingəçevir Turizm Kolleci ilə əməkdaşlığın
dərinləşdirilməsi də həyata keçiriləcək
planlara daxildir. Ötən il ATİ-nin 2010-2014-cü illər
üzrə Elmi-Tədqiqat Planı təsdiq edilib. Hazırda
bu planın icrası əsas hədəflərdən
biridir
Mədəniyyət
İşçiləri Müstəqil Həmkarlar
İttifaqı Respublika Komitəsini
sədri Cəmilə Səttarova belə bir konfransın
keçirilməsindən məmnun qaldığını dedi
və təmsil etdiyi qurumun adından ATİ-nin bir qrup əməkdaşını
yubiley münasibətilə mükafatlandırdı.
Son
da 5 il ərzində ali təhsil
ocağının hərtərəfli inkişafını
ictimaiyyətə çatdıran, məlumatlandıran
jurnalistlər xatirə hədiyyələri və təşəkkürnamələrlə
mükafatlandırıldı. Mükafat
alanlar sırasında qəzetimizin də əməkdaşı
var.
GÜNAY
Paritet.-2011.-15-16 fevral.-S.8.