Azərbaycan Respublikası Hökuməti və Avropada Təhlükəsizlik və Əməkdaşlıq Təşkilatı arasında Bakıda Avropada Təhlükəsizlik və Əməkdaşlıq Təşkilatının Ofisinin təsis edilməsi haqqında Anlaşma Memorandumunun Azərbaycan Respublikası Hökuməti adından imzalamaq səlahiyyətinin verilməsi haqqında

AZƏRBAYCAN RESPUBLİKASI PREZİDENTİNİN SƏRƏNCAMI

1. Azərbaycan Respublikası Hökuməti və Avropada Təhlükəsizlik və Əməkdaşlıq Təşkilatı arasında Bakıda Avropada Təhlükəsizlik və Əməkdaşlıq Təşkilatının Ofisinin təsis edilməsi haqqında Anlaşma Memorandumunu Azərbaycan Respublikasının Hökuməti adından imzalamaq səlahiyyəti Azərbaycan Respublikasının Avstriya Respublikasında Fövqəladə və Səlahiyyətli Səfiri Vaqif İsmayıl oğlu Sadıqova verilsin.

2. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən Anlaşma Memorandumunu Azərbaycan Respublikasının Hökuməti adından imzalamaq səlahiyyətinin Azərbaycan Respublikasının Avstriya Respublikasında Fövqəladə və Səlahiyyətli Səfiri Vaqif İsmayıl oğlu Sadıqova verilməsi barədə Avropada Təhlükəsizlik və Əməkdaşlıq Təşkilatına müvafiq bildiriş göndərsin.

Azərbaycan Respublikasının Prezidenti Heydər Əlİyev

Bakı şəhəri, 13 iyun 2000-ci il

№ 438

Azərbaycan Respublikasının Qanunvericilik toplusu.-2000.- 30 iyun, № 6.- S.2556.