Azərbaycan Respublikası Prezidentinin yanında Təhlükəsizlik Şurası ilə Rusiya Federasiyasının Təhlükəsizlik Şurası arasında əməkdaşlıq haqqında Protokolu imzalamaq səlahiyyətinin verilməsi haqqında

Azərbaycan RESPUBLİKASI Prezidentinin Sərəncamı

1. Azərbaycan Respublikası Prezidentinin yanında Təhlükəsizlik Şurası ilə Rusiya Federasiyasının Təhlükəsizlik Şurası arasında əməkdaşlıq haqqında Protokolu imzalamaq səlahiyyəti Azərbaycan Respublikası Prezidentinin İcra Aparatının rəhbəri Ramiz Ənvər oğlu Mehdiyevə verilsin.

2. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən Protokolu imzalamaq səlahiyyətinin Azərbaycan Respublikası Prezidentinin İcra Aparatının rəhbəri Ramiz Ənvər oğlu Mehdiyevə verilməsi barədə Rusiya Federasiyasının Xarici İşlər Nazirliyinə müvafiq bildiriş göndərsin.

Azərbaycan Respublikasının Prezidenti Heydər ƏLİYEV

Bakı şəhəri, 13 iyun 2000-ci il

№ 440

Azərbaycan Respublikasının Qanunvericilik toplusu.-2000.- 30 iyun, № 6.- S.2557.