"Özəl tibb fəaliyyəti haqqında" Azərbaycan Respublikası Qanununun tətbiqi ilə əlaqədar Azərbaycan Respublikası Nazirlər Kabinetinin 1992-ci il 17 yanvar tarixli, 21 nömrəli qərarının qüvvədən düşmüş hesab edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

"Özəl tibb fəaliyyəti haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2000-ci il 6 mart tarixli, 296 nömrəli Fərmanının icrasını təmin etmək məqsədi ilə Azərbaycan Respublikasının Nazirlər Kabineti qərara alır:

1. "Azərbaycan Respublikasının Səhiyyə Nazirliyinə əhaliyə tibbi xidmətlər göstərən kooperativlərin və kiçik müəssisələrin fəaliyyəti üzərində nəzarət hüququnun verilməsi haqqında" Azərbaycan Respublikası Nazirlər Kabinetinin 1992-ci il 17 yanvar tarixli, 21 nömrəli qərarı qüvvədən düşmüş hesab edilsin.

2. Bu qərar imzalandığı gündən qüvvəyə minir.

Azərbaycan Respublikasının Baş naziri A. Rasizadə

Bakı şəhəri, 9 iyun 2000-ci il

№ 100

Azərbaycan Respublikasının Qanunvericilik toplusu.-2000.- 30 iyun, № 6.- S.2577.