Heydər Əliyev Fondu milli dəyərlərimizin
böyük himayəçisidir
Azərbaycan təhsili,
səhiyyəsi və idmanı sürətli inkişaf
yolundadır. Cəmiyyətin bu sahələrinin
dinamik inkişafında Heydər Əliyev Fondunun prezidenti,
YUNESKO-nun və İSESKO-nun xoşməramlı səfiri, Azərbaycan
Respublikası Milli Məclisinin üzvü, ölkəmizin
birinci xanımı Mehriban Əliyevanın qayğı və
köməyi son dərəcə qiymətlidir. Hamıya məlumdur
ki, Bakı şəhərində, digər şəhər və
rayonlarımızda, qəsəbə və kəndlərimizdə
yeni və yaraşıqlı məktəb binalarının
inşası, təmiri və abadlaşdırılması əsasən
Heydər Əliyev Fondunun, şəxsən Mehriban xanım Əliyevanın
təşəbbüsü ilə həyata keçirilib.
Milli müstəqilliyimizin
möhkəmləndiyi illərdə böyük humanist fəaliyyətə
başlayan Mehriban xanım Əliyeva üzərinə
götürdüyü əzəmətli missiyanın öhdəsindən
qətiyyətlə gələcəyinə əminliyini bildirərək
demişdi: "Həyatda hər kəsin yerini və taleyini
tarix müəyyən edir. Odur ki, nə böyük, nə də ki, kiçik rollar olur. Öz
həyat kitabını
yazmağa ancaq sənin şəxsi, dərk edilmiş məsuliyyətin imkan verir".
Fərəhlə qeyd etməliyik ki, milli musiqimizin şahı sayılan muğamlarımızın qorunması
və təbliği, mədəni irsimizin daha da zənginləşdirilməsi,
paytaxtımızda Beynəlxalq
Muğam Mərkəzinin
tikilib istifadəyə
verilməsi, istedadlı
uşaq və yeniyetmələrin aşkara
çıxarılması, muğam müsabiqələrinin
keçirilməsi, müsabiqə
qaliblərinin mükafatlandırılması
və onların qayğı ilə əhatə olunması məhz onun xidmətləridir.
YUNESKO-nun iqamətgahında
xoşməramlı səfir
fəxri adının
verilməsi mərasimində
bu təşkilatın
rəhbəri Koişiro
Matsuura demişdir: "Bilirəm
ki, Azərbaycan musiqi və şifahi xalq yaradıcılığı ənənələrinə
malik bir ölkədir. Son illərdə
isə xanım Əliyevanın xidmətləri
sayəsində bu sahəyə maraq hədsiz dərəcədə
artmışdır".
Ürək qüsuru
olan, talassemiyadan və digər xəstəliklərdən əziyyət
çəkən uşaqların
müalicə olunmasında, onların xəstəliklərdən xilas
edilməsində Heydər
Əliyev Fondunun prezidentinin əvəzsiz xidmətləri unudulmazdır.
Şahidiyik ki, Mehriban xanım hər il valideyn
himayəsindən məhrum
olan və yetim uşaqlara qayğı göstərmək
üçün uşaq
evlərinə gedir, onrlara rahat həyat
şəraiti yaradılması
üçün əlindən
gələni əsirgəmir.
Saysız-hesabsız ailələr
belə xeyirxah fəaliyyət üçün
ölkənin birinci ledisinə sonsuz hörmət, inam və ehtiramlarını bildirirlər.
1993-cü ilin
iyununda ümummilli liderimiz Heydər Əliyev ikinci dəfə hakimiyyətə
gələndən sonra cəmiyyətin bütün
sahələrində olduğu
kimi, təhsil sahəsində də dirçəliş baş
verdi. 2004-cü ilin mayında Heydər Əliyev Fondunun yaradılması və fonda Mehriban xanım Əliyevanın rəhbərlik etməsi ilə ölkə təhsilində böyük
canlanma aşkar hiss olundu. Çox qısa müddət ərzində də təhsil sahəsində irimiqyaslı layihələr
həyata keçirildi,
ən başlıcası
isə, yeni məktəb binalarının
tikintisi, onların maddi-texniki bazalarının
yaxşılaşdırılması, müasir texniki vasitələrlə, o cümlədən
kompyuterlərlə təchizatı
diqqət mərkəzində
saxlanıldı. Otuz-qırx
il əvvəl tikilən kənd və rayon məktəblərinin
əvəzinə indi
abad, müasir, yaxşı təchiz olunmuş təhsil ocaqlarını görmək
nə qədər xoş və fərəhlidir, hələ
məktəb kontingentinin—şagirdlərin, müəllim
və valideynlərin sevincini demirik. Axı o müasir məktəblərdə gələcəyimiz
olan balalar təhsil alır, sabahın layiqli vətəndaşı kimi
yetişirlər.
Məqsədyönlü və yorulmaz fəaliyyətin nəticəsidir ki, bu gün Azərbaycanda
təhsil sahəsi uğurla inkişaf edir. Heydər Əliyev Fondunun "Yeniləşən Azərbaycana
yeni məktəb"
proqramı çərçivəsində
görülən işlər
xalqımızın minlərlə
ailəsinə rahatlıq,
sevinc bəxş etmiş, şagirdlərə
əla təhsil almaq imkanı yaratmışdır.
Mehriban xanım
Əliyeva uşaq müəssisələrinin fəaliyyəti
ilə yaxından
Heydər Əliyev
Fondunun prezidenti bir il əvvəl
Suraxanı rayonundakı
2 saylı uşaq evinə gələrək
təlim-tərbiyə müəssisəsinə
mikroavtobus bağışlamışdı.
Onun tapşırığı
ilə uşaqlara 380 kvadratmetrlik yeməkxana tikilmişdi. Bu il Novruz bayramı ərəfəsində yenidən
həmin uşaq evində olan Mehriban xanımı böyük sevinclə qarşılayan balacalar dedilər: "Söz veririk ki, bizə
göstərdiyiniz qayğıya
cavab olaraq səylə oxuyacaq, vətənimizə, xalqımıza
gərəkli insanlar olacağıq. Sizə və hörmətli Prezidentimizə gör-düyünüz
böyük işlərdə
müvəffəqiyyətlər arzulayırıq. Bu bayram günündə sizə öz sevgi və
məhəbbətimizi bildiririk".
Məmunluqla deməliyik
ki, Mehriban xanım Əliyeva təkcə Azərbaycanda
deyil, xarici ölkələrdə də
böyük nüfuza
və hörmətə
malikdir. Qardaş Pakistanda qızlar məktəbi inşa etdirməsi Mehriban xanımı bu ölkədə də yaxşı tanıtmışdır.
Qətər dövlətində,
Fransada, Gürcüstanda,
Rusiyada, Türkiyədə
və bir sıra digər ölkələrdə Azərbaycanın
mədəni irsi, təbliği də məhz Azərbaycanın birinci xanımının adı və fəaliyyəti ilə bağlıdır.
2007-ci il
aprelin 3-də Fransaya səfərində YUNESKO-nun xoşməramlı
səfırlərinin ənənəvi
illik yığıncağında
iştirak və çıxış edən
xoşməramlı səfirimiz
bildirdi ki, Azərbaycan "Qeyri-maddi
mədəni irsin qorunması haqqında"
Beynəlxalq Konvensiyanı
ratifikasiya edərək
ona qoşulmuşdur. Vurğulamaq xoşdur ki, Mehriban xanımı
yığıncaq iştirakçılarına
təqdim edən iordaniya şahzadəsi xanım Fizyal deyib: "Mən olduqca fəal, xoşməramlı səfir
və çox hörmətli birinci xanımı təqdim etməkdən böyük
məmnunluq duyuram. O, öz ölkəsində və bütün dünyada bir çox xeyriyyə işlərinin həyata keçirilməsi məqsədilə
yorulmaz fəaliyyət
göstərir. Birinci
xanım olduqca qısa müddət ərzində böyük
nailiyyətlər əldə
etmişdir".
Göründüyü kimi, mədəniyyətimizə, təhsilimizə,
idmana, mədəni irsimizə, milli musiqimizə böyük himayə göstərən
Mehriban xanım Əliyeva Azərbaycanın
hüdudlarından kənarda
da böyük hörmət qazanmışdır.
Bu isə biz Azərbaycan
qadınlarının fəxridir.
Arzu HACIYEVA
Respublika.- 2010.- 26 avqust.- S. 1-2.