Ərkivan salnaməsi
Masallı rayonunun
axar-baxarlı, füsunkar yerlərindən biri də Ərkivan
qəsəbəsidir. Azərbaycan Respublikasının
Prezidenti cənab İlham Əliyevin 21 iyun 2007-ci il tarixli sərəncamı
ilə ziyalılar, alimlər ocağı olan bu kənd qəsəbə
statusunu almışdır. Bu məkanın keçmişi,
bugünü və gələcəyinə həsr olunmuş
yeni kitabın - "Ərkivan salnaməsi"nin müəllifi
(Bakı şəhəri, "Viktor" nəşriyyatı,
2009-cu il, 593 səhifə) Abdurrəhman Qubad oğlu Səmədovdur.
Bu yaxınlarda mən
"Ərkivan salnaməsi"ni yaradan Abdurrəhman müəllimlə
öz evində görüşüb sohbət etdim. O,
ensiklopedik biliyə malik bir şəxsdir. "Torpaq
çörəyi ilə, insan əməyi ilə tanınar" demişlər. Bu
çörəkli torpağın - Ərkivanın əməyi
ilə tanınan minlərlə insanlarından biri kimi onun
salnaməsini yazmaq fikrinə düşdüm: Budur, artıq
kitab araya-ərsəyə gəlib. Kitabın işıq
"üzü görməsinə baş sponsorluq edən Kərbəlayı
Qalib Nurulla oğlu Məmmədovun doğma yerlər
üçün bir sıra xeyirxah işlərin görülməsində
payı var. Kitabda Ərkivanın gözəl təbii
coğrafi şəraiti, arxeoloji, tarixi, memarlıq abidələri,
alimləri, mədəniyyət, incəsənət, din xadimləri,
idmançıları, insanların məşğuliyyəti,
doğma Qarabağımız uğrunda döyüşlərdə
həlak olmuş cəsur oğulları, iş adamları və
sənətkarları haqqında müfəssəl məlumatlar
verilmişdir. Ərkivan qəsəbəsi ərazisində
aparılmış arxeoloji tədqiqatlar zamanı
tapılmış maddi mədəniyyət qalıqları əsasında
burada ən qədim insanların hələ 20 min il əvvəldən
yaşamağa başlamaları müəyyən
olunmuşdur.
Masallı rayon mərkəzi
kitabxanasında keçirilən kitabın təqdimat mərasimini
giriş sözü ilə "Yeni həyat" Masallı
rayon qəzetinin redaktoru Əyyub Mehdiyev
açmışdır. "Ərkivan salnaməsi"
haqqında professor Əsədulla Cəfərov, "Azərbaycan"
jurnalı baş redaktorunun müavini Vaqif Yusifli, Azərbaycan
Respublikası Prezidentinin fərdi təqaüdçüsü
Məmmədhüseyn Həsənov, əməkdar mədəniyyət
işçisi, əslən ərkivanlı Maarif Teymur, din
xadimi Hacı Əlihəsən, Azərbaycan Respublikası
Prezidentinin fərdi təqaüdçüsü Şirvan Əbilov,
Yeni Azərbaycan Partiyası Masallı rayon şöbəsinin
məsul işçisi Ələşrəf Niftiyev, rayon
ağsaqqallar şurasının sədri Cavanşir Əsədov
və başqaları danışmışlar.
"Ərkivan salnaməsi",
sözün həqiqi mənasında, böyük əziyyətlə başa gəlmiş 3 monumental
kitabdır. Yeni ,, kitabın redaktoru Azərbaycan Jurnalistlər
Birliyinin üzvü, "Qızıl Qələm" media
mükafatı laureatı Həsənağa Əliyevdir. Nəfis
tərtibatla, beş yüz ədəd tirajla çap
olunan salnamə-kitab geniş
oxucu kütləsi üçün nəzərdə
tutulmuşdur.
Əlihüseyn ŞÜKÜROV
Respublika.- 2010.- 24 avqust.- S. 3.