Uşaqların həmişə qayğıya ehtiyacı var

Uşaqlar dünyanın ən məsum insanlarıdır. Onların həmişə qayğıya ehtiyacı var. Təsadüfi deyildir ki, uşaqlar beynəlxalq qanun və qərarlarla müdafiə olunurlar. 1949-cu ildə Beynəlxalq Demokratik Qadınlar Federasiyası Şurası sessiyasının qərarı ilə təsis olunmuş 1 iyun-Uşaqların Beynəlxalq Müdafiəsi Günü ilk dəfə 1950-ci ildə dünyanın 51 ölkəsində bayram kimi qeyd edilmişdir.

Ölkəmizdə uşaqlara həmişə xüsusi diqqət və qayğı göstərilir. Onların hüquqlarının qorunması qanunla tənzimlənir. "Uşaq hüquqları haqqında" Azərbaycan Respublikası Qanununun 11-ci maddəsində deyilir: "Hər bir uşağın hərtərəfli inkişaf etmək, milli və ümumbəşəri dəyərlərə uyğun, humanizm və əxlaqi prinsiplər əsasında tərbiyə almaq hüququ vardır. Uşağın tərbiyəsi ailədə, məktəbdə, məktəbəqədər və məktəbdənkənar uşaq təlim-tərbiyə müəssisələrində aparılır."

Məktəbəqədər təhsil vahid təhsil sisteminin ilik pilləsi olmaqla uşaqların fiziki, mənəvi, psixoloji inkişafında, onların şəxsiyyət kimi formalaşmasında və məktəbə hazırlanmasında xüsusi əhəmiyyətə malikdir. Azərbaycan Respublikasının Prezidenti cənab İlham Əliyevin 12 aprel 2007-ci il tarixli sərəncamı ilə təsdiq olunmuş "Azərbaycan Respublikasında məktəbəqədər təhsilin genişləndirilməsi proqramı" (2007-2010-cu illər) təhsil sahəsində əsaslı dəyişikliklərə, uğurlu nəticələrə təkandır.

Rayonumuzda 550 uşağın cəlb olunduğu 13 məktəbəqədər təhsil müəssisəsində onlann təlim-tərbiyəsi, məktəbə hazırlanmasına daim diqqət yetirilir. Uşaqları məktəbə hərtərəfli hazırlığa malik, sağlam və gümrah yola salmaq bağça kollektivlərinin iş devizinə çevrilmişdir. Son illər məktəbəqədər təhsil müəssisələrinin fəaliyyəti xeyli yaxşılaşmış, müəllim və tərbiyəçilərin səyi nəticəsində təhsilin keyfıyyəti yüksəlmişdir.

Qusar şəhərində yerləşən 3 saylı korpələr evi və uşaq bağçasının bu sahədə nümunəvi iş təcrübəsi vardır. Qeyd edək ki, müəssisəyə bacarıqlı pedaqoq, 40 ilə yaxın bu bağçada çalışan Roza Hafizova rəhbərlik edir. 70 uşağın təhsil aldığı bu bağçada 4 qrup fəaliyyət göstərir. Bağçanın geniş, gözəl həyətindən tutmuş məşğələ otaqlarına qədər burada hər şey səliqə-sahmanlıdır. Uşaqların burada pərvazlanması üçün hər cür imkanlar yaradılıb. Tərtibatı, təmizliyi, tədris keyfiyyəti, bir sözlə, hər şey nümunəvi işdən xəbər verir. Onu da deyək ki, bağçanın uşaqlarının sorağı rayon, respublika tədbirlərindən gəlir. Bakı şəhərində 1 iyun - Uşaqların Beynəlxalq Müdafiəsi Günü hər il olduğu kimi bu il də rayonumuzda geniş surətdə qeyd olunur. Həmin gün keçiriləcək bayram tədbirlərinə bütün rayon bağçaları, məktəblər hazırlaşıb. Uşaqların Beynəlxalq Müdafiəsi Günü xalq Müdafiəsi Gününə həsr olunmuş müsabiqələrdə bu bağçanın uşaqları layiqli yer tutmuş, Təhsil Nazirliyinin Fəxri fərmanı ilə təltif olunmuşlar. Ötən il "Uşaq ili" çərçivəsində keçirilən təbdirlərdə də bu bağçanın şagirdləri daha çox fərqlənmişlər. Ümumiyyətlə, rayonda "Uşaq ili" bir sıra maraqlı tədbirlərlə yaddaqalan olmuşdur. Uşaq tərbiyə müəssisələrində "Uşaqlar bizim gəiəcəyimizdir", "Hər birimiz bir çiçək", "Xoşbəxt uşaqlar", "Dünya uşaqların gözündə", “Təbiət bizim sərvətimizdir” mövzularında fotostendlər, əi işlərindən ibarət sərgilər, şeir, mahnı, rəsm müsabiqələri keçirilmişdir.

Şəhərin ən gözəl guşəsi olan N.Nərimanov parkı həmin gün balacaların ixtiyanna verilmişdir. Burada geniş konsert proqramı, sərgilər, tamaşalar göstərilmişdir. Uşaqlar bir neçə sahədə öz məharətlərini göstərmişlər. Asfalt üzərində günəş, ev, gül, göyərçin şəkilləri çəkmiş, şən mahnılar, şeirlər oxumuşlar. "Mel" folklor ansamblının çıxışları da maraqla qarşılanmışdır.

Svetlana SƏMƏDOVA

Respublika.- 2010.- 3 iyun.- S. 4.