Naftalan sürətli inkişafa qədəm qoyub

İlin birinci rübühün yekunları müzakirə olunur

Naftalan Şəhər İcra Hakimiyyətinin başçısı Natiq Aslanov hesabat yığıncağında bildirib ki, Azərbaycan Respublikasının Prezidenti möhtərəm İlham Əliyev cənabları aprelin 14-də Nazirlər Kabinetinin 2010-cu ilin birinci rübünün sosial-iqtisadi inkişafının yekunlarına həsr olunmuş iclasında ölkə üzrə ümumi tərəqqini səciyyələndirən məqamlara toxunmuşdur. İqtisadiyyatımız gücləndikcə respublikamızın qüdrətli bir dövlətə çevrildiyini, ölkəmizin əhalisinin həyat səviyyəsinin də durmadan yüksəldiyini qeyd etmişdir. Azərbaycanın strateji valyuta ehtiyatlarının 22,3 milyard dollara çatması, 2010-cu ilin birinci rübündə iqtisadi artımın 5,4 faiz, sənaye istehsalının 5,6 faiz təşkil etməsi bir daha onu sübut edir ki, Azərbaycanın seçdiyi yol düzgün yoldur. Ölkəmiz öz iqtisadiyyatının müsbət inkişafının gücləndirilməsini inamla davam etdirir.

Möhtərəm Prezidentimiz İlham Əliyev Nazirlər Kabinetinin iclasında keyfıyyətsiz idxal mallarının respublikamıza gətirilməsinin, eləcə də ölkəmizdə istehsal olunan keyfiyyətsiz mallara, o malları istehsal edənlərə, insanların sağlamlığına ziyan verən amillərin qarışısının alınması üçün ciddi tədbir görülməsi barədə mərkəzi və yerli icra hakimiyyəti orqanlarına tapşırıq vermişdir.

Məhz buna görə ölkəmizin hər yerində istehlak mallarının keyfiyyətinə nəzarət üçün ictimai komissiyalar yaradılır. Bizdə şəhərimizdə istehlak olunan məhsulların keyfiyyətinə nəzarət etmək və suni qiymət artımına qarşı mübarizə aparmaq məqsədi ilə icra hakimiyyəti yanında daimi fəaliyyət göstərən və 11 nəfərdən ibarət komissiya yaratmışıq. İctimaiyyətin nümayəndələri ağsaqqallar, ziyalılar bu işdə komissiyaya yaxından köməklik göstərməlidilər ki, şəhərimizin ticarət şəbəkəlirndə məhsulların keyfiyyətinə nəzarət edilsin və ayrı-ayrı şəxsələr tərəfindən qiymətlərin süni artırılmasının qarşısı alınsın.

Natiq Aslanov vurğulamışdır ki, şəhərimizdə 2010-cu ilin birinci rübünün büdcə gəlirinin yerinə yetirilməsi, dövlət büdcəsindən ayrılan subsidiyanın 99,9 faiz alınması, büdcə təşkilatlarında vəsaitin əsasən sosial yönümünün icra edilməsinə şərait yaratmışdır. Büdcə təşkilatlarında birinci rübdə ayrılmış vəsaitin öz məqsədinə xərclənməsi istiqamətində ardıcıl tədbirlər görülmüşdür.

Bunun da nəticəsidir ki, təhsil, səhiyyə, mədəniyyət, gənclər idman və digər biidcə təşkilatlarının sifarişləri əsasında yerli xəzinədarlıq orqanı maliyyə vəsaitinin həmin təşkilatların hesabına köçürülməsini təmin etmişdir. Aparılan təhlillər göstərif ki, şəhərin ümumi məhsul buraxılışının həcmi keçən ilin müvafiq dövrünə nisbətən 9.5 faiz sənaye məhsullarının həcmi 4.6 faiz artmışdır.

Cari ilin birinci rübündə vətəndaşların sosial müdafiəsinin gücləndirilməsi istiqamətində də müəyyən işlər görülmüşdür. Şəhər və Məşğulluq Mərkəzi tərəfındən 19 nəfər işlə təmin olunmuş, 6 nəfərə işsizlik müavinəti təyin olunmuş, Əhalinin Sosial Müdafiə Mərkəzi tərəfındən 393 nəfərə 74,5 min manat sosial yardım verilmiş, 48 nəfərtənha, ahıl və əlil vətəndaşlara evlərində sosial-məişət xidməti göstərilmişdir. Dövlət Sosial Müdafiə Fondunun Naftalan şəhər şöbəsi tərəfindən 1388 nəfər pensiyaçıya 628,8 min manat pensiya ödənilmişdir.

2010-cu ilin birinci rübündə "Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı"na əsasən, şəhər elektrik sisteminin yenidən qurulmasına, şəhərin yaşayış binaları üçün yeni qazanxanaların tikintisinə, binadaxili istilik sistemlərinin bərpasına, şəhərin yeni salınmış yaşayış massivinin qazlaşdırılmasına, Göranboy qazpaylayıcı stansiyasından Naftalan şəhərinə 14,5 km, şəhərdaxilində isə 22 km uzunluğunda köhnə istismara yararsız metal borular yeni plastik borularla əvəz edilməsinə başlanmışdır. Şəhərin səhiyyə kurort müəssisələrinin maddi-texniki bazasının möhkəmləndirilməsinə Naftalan kurortunun ərazisinin genişləndirilməsi məqsədilə müvafiq mərkəzi icra hakimiyyəti orqanları qarşısında məsələ qaldırılmışdır. Şəhərin su-kanalizasiyasının tamamilə yenidən qurulması üçün layihə smeta sənədləri hazırlanmış və yaxın günlərdə bu işin də icrasına başlanılacaqdır.

Dövlət Proqramında nəzərdə tutulmayan digər məsələlər də Naftalan şəhərinin sosial-iqtisadi inkişaf proqramında öz əksini tapmışdır. Belə ki, şəhərin sosial-iqtisadi inkişaf proqramına uyğun olaraq müvafiq mərkəzi icra hakimiyyəti orqanlarının köməyi ilə Naftalan problemlərini öyrənən Elmi-Tədqiqat institutunun Naftalan filialının açılması 240 yerlik uşaq bağçası-körpələr evinin əsaslı təmiri, hava limanının genişləndirilməsi, müasir standartlara cavab verən yeni mərkəzi xəstəxananın tikintisi, məişət tullantılarının təkrar emalı zavodunun, Naftalan neftindən dərman preparat hazırlayan zavodun, müasir olimpiya idman kompleksinin tikintisi, yeddiillik uşaq musiqi məktəbi üçün yeni binanın tikintisi, şəhərin ayrı-ayrı hissələrini birləşdirən müasir tələblərə cavab verən körpulərin tikintisi və Goran dəmiryolu stansiyasından Naftalan şəhərinə qədər uzunluğu 18 km olan avtomobil yolunun yenidən tikilməsi planlaşdırılmışdır.

ŞİH başçısı bildirmişdir ki, 1994-cü ildən sıradan çıxmış 9 mərtəbəli yaşayış binalarının liftləri yenisi ilə əvəz edilmişdir. Bütün çoxmərtəbəli binaların həyət və girişləri işıqlandırılmış, binaların istilik sisteminin yenidən qurulmasına və bu məqsədlə 3 istilik qazanxana binasının tikintisinə başlanmışdır. Eyni zamanda çoxmərtəbəli yaşayış binaların fasadlarına üzlüklərin çəkilməsinə, həmçinin şəhərin girişindən "Çinar" sanatoriyasına və Ş.Qurbanov küçəsində fərdi yaşayış evlərinin ətrafından yeni istinad divarlarının çəkilməsinə də start verilmişdir.

Hörmətli Prezidentimiz İlham Əliyev "Ekologiya ili" elan etdiyi 2010-cu ilin fevral-mart aylarında şəhərin Heydər Əliyev, Səməd Vurğun, Nəriman Nərimanov adına parklarında, şəhər xəstəxanasının ətrafında, şəhərin giriş hissəsində, eləcə də sahibkarların inşa etdiyi yeni sanatoriyaların ərazilərində 10 minə yaxın həmişəyaşıl ağac əkilmişdir. Fərəhli haldır ki, biz əkdiyimiz hər bir ağacın suvarılması üçün tədbirlər keçiririk. Cari ilin mart ayında Nəriman Nərimanov və Səməd Vurğun adına pərklarında yaşıllığın suvarılması üçün yeni subartezian quyuları qazılmış, xəstəxananın yanındakı subartezian quyusu bərpa edilmiş, Heydər Əliyev adına parkın yaşıllığının suvarılması üçün yeni plastik boru ilə su xətti çəkilmişdir. Eyni zamanda şəhərin girişində yeni salınmış yaşıllıq massivinin suvarılması üçün də tədbirlər müəyyənləşdirilmişdir. Bu gün şəhərimizin bütün sahələrində başlanmış yenidənqurma və bərpa işləri Naftalan şəhərinin xoşbəxt gələcəyindən, onun yeni perspektivlərindən danışmağa geniş imkan verir.

Şəhər əhalisini narahat edən, sosial-məişət problemlərinin vaxtında müəyyən edilməsi, onların optimal həlli yollarının tapılması istiqamətində də bir sıra işlər görülmüşdür. Vətəndaşların qəbullarda, səyyar görüşlərdə qaldırdıqları məsələlərin həlli üçün tədbirlər həyata keçirilmişdir. Şəhərin Vaqif Quliyev küçəsində yollar abadlaşdırılmış, su ilə təminatdakı problemlər aradan qaldırılmış, sel sularının qarşısının alınması üçün kanal çəkilmişdir. İsa Məmmədov adına yaşayış massivində kanalizasiya xətlərinin bərpası, 1 saylı MİS-in ərazisində küçələrin və yaşayış evlərinin girişlərinin işıqlandırılması kimi təkliflər çox qısa zamanda öz müsbət həllini tapmışdır. Şəhər icra Hakimiyyətinnin başçısı demişdir ki, 2010-cu ilin birinci və ikinci rübünün aprel ayı şəhərimizin sosial-iqtisadi inkişafı baxımından çox uğurlu olmuşdur, növbəti rüblərdə də biz bu müsbət dinamikanı saxlayacaq, nəzərdə tutulmuş bütün vəzifələri uğurla yerinə yetirəcəyik.

Hesabat məruzəsi ətrafında müzakirələrdə Naftalan şəhəri maliyyə şöbəsinin müdiri Saleh Tağıyev, ƏSMM-in direktoru Səməd Həsənov DSMF şəhər şöbəsinin müdiri Ruslan Əliyev şəhər gənclər və idman idarəsinin rəisi Rövşən Aslanov və Mərkəzi Xəstəxananın baş həkimi İsmayıl Muradov iştirak etmişlər.

Vəli İLYASOV

Respublika.- 2010.- 4 may.- S. 6.