Heydər Əliyev bəşəri düşüncələrlə yaşayırdı

1969-1982-ci illərdə həyatımızın bütün sahələrində baş vermiş köklü dəyişikliklər öz miqyasına görə Azərbaycanın quruculuq salnaməsində ən dolğun səhifələri təşkil edir. Ölkəmizin müstəqilliyinin və dünya iqtisadiyyatına dərin inteqrasiyası proseslərinin hazırkı möhkəm təməli Heydər Əliyev tərəfindən həmin illərdə yaradılmış potensiala əsaslanır.

Heydər Əliyev Azərbaycan xalqının tarixində parlaq səhifə açan nadir şəxsiyyət olmuşdur. Bu dahi, müdrik şəxsiyyət xalqının əsrlərin sınağından çıxmış özünəməxsus milli xüsusiyyətlərinə malik olmaqla yanaşı, bəşəri düşüncələrin daşıyıcısı idi. Əsası budur ki, həmin keyfiyyətlərlə sivilizasiyaların, mədəniyyətlərin, qitələrin qovuşuğunda yerləşən Azərbaycan xalqının zəngin mənəvi-mədəni irsini əks etdirirdi.

Bəşər tarixi belə dəyərlərə malik şəxsiyyəti nadir hallarda yetişdirir.

Azərbaycan xalqının ümummilli lideri Heydər Əliyevə xas olan digər nadir keyfiyyət onun bir-birinə əks qütbdə dayanan müxtəlif ictimai-siyasi formasiyalarda ən yüksək idarəçilik üsuluna üstünlük verməsi idi. Heydər Əliyev bütün ömrü boyu başqa bir mühitdə yaşamışdı, təhsil almışdı, hətta sovet dövlətinin rəhbəri vəzifəsinə yüksəlmişdi.

Heydər Əliyev fenomeni, tarixi xidmətləri, xilaskarlıq və quruculuq missiyasına müasir dünyanın görkəmli dövlət xadimləri, siyasətçiləri çox yüksək qiymət vermişlər. Azərbaycan tarixinin Heydər Əliyev epoxası 30 ildən artıqdavam etmişdir.

İrimiqyaslı qlobal siyasi dəyişikliklərlə müşayiət olunan tarixi dönəmlərdə xalqın mənafeyinə uyğun siyasi iradə nümayiş etdirmək iqtidarında olan şəxsiyyətlərə daha böyük ehtiyac duyulur. Müstəqil dövlətimizin timsalında ötən illəri təhlil edərkən bir daha əminliklə söyləmək olar ki, həqiqətən də, tarixin millətə verdiyi şansı yalnız görkəmli tarixi şəxsiyyətlərin iştirakı ilə reallaşdırmaq mümkündür. Yoxsa, fürsət itiriləcək, məhrumiyyətlər və qurbanlar hədər gedəcək. Bu mənada Mustafa Kamal Atatürkün Türkiyəyə, Şarl de Qollun Fransaya etdiklərini Heydər Əliyev ən çətin məqamda vətəni və xalqı naminə edib. Böyük öndərimiz Azərbaycanın dövlət müstəqilliyini yenidən əldə etməsini tarixi nailiyyət kimi qiymətləndirirdi. Onun qorunması və möhkəmləndirilməsi isə qat-qat çətin və mürəkkəb vəzifədir. Bu şərəfli missiyanı məhz Heydər Əliyev yerinə yetirdi. 1993-cü ilin kəşməkəşli iyun günlərində xalqın xahişi ilə yenidən hakimiyyətə qayıdan böyük öndərimiz millətini bütün bəlalardan hifz edib qorudu.

Ömrümüzdən ötüb keçmişə çevrilən hər bir gün tarixə məxsusdur. Elə anlar və tarixi günlər də var ki, onlar yaddaşlara əbədi həkk oiunur və xalqın hafizəsində silinməz iz buraxır. 1993-cü il iyunun 15-də Heydər Əliyev Azərbaycan Ali Sovetinin sədri seçildi və həmin gün müasir tariximizə böyük qayıdış- Milli Qurtuluş günü kimi yazıl-dı. Elə bir gün ki, onun tariximizdə və taleyimizdə oynadığı rol illər ötdükcə daha dərindən dərk olunur.

Ulu öndərimiz Heydər Əliyevin 10 illik prezidentliyi dövründə gördüyü bütün işləri sadalamaq, sadəcə mümkün deyil. Yalnız onu deyə bilərik ki, demokratiya, insan hüquqlarının qorunması istiqamətində, siyasi, iqtisadi, mədəni və həyatımızın digər sahələrinin sürətli və dinamik inkişafının təmin edilməsində, əvvəlki iqtidarlardan bizə miras qalmış Dağlıq Qarabağ probleminin sülh yolu ilə həlli yolunda, əhalinin sosial müdafıəsinin gücləndirilməsi istiqamətində qətiyyətli addımlar atılıb.

Ümummilli liderimiz Heydər Əliyevin zərgər dəqiqliyi ilə işləyib hazırladığı və mərhələ-mərhələ reallaşdırdığı milli neft strategiyası Azərbaycana böyük siyasi və iqtisadi dividendlər gətirib. Öİkəmizin Qərbə inteqrasiyasına geniş yol açıb, bu prosesi möhkəməndirib. İndi biz bu möhtəşəm strategiyanın real nəticələrini, bəhrələrini görürük. "Əsrin müqaviləsi" çərçivəsində Bakı-Tbilisi-Ceyhan neft boru kəməri Azərbaycanı demokratik Qərb dünyası ilə daha sıx birləşdirir və ölkəmizə miiyardlarla dollar həcmində mənfəət gətirir.

Azərbaycanın iri beynəlxalq layihələrdə iştirakı, Böyük İpək Yolunun bərpası, TRASEKA nəqliyyat dəhlizinin reallaşması da ümummilli liderimizin bəşəri xidmətlərindəndir.

Dünyanın məşhur ictimai-siyasi xadimlərinin, dövlət adamlarının və mütəfəkkirlərinin Heydər Əliyev haqqında söylədikləri fikirlər xalqımızın bu dahi oğlunun şəxsiyyətinə və çoxşaxəli dövlətçilik fəaliyyətinə verilən yüksək qiymətin, göstərilən ehtiram və heyranlığın ifadəsidir. Amerika tarixçisi Odri Aldstad "Bütün güclü şəxsiyyətlər kimi Heydər Əliyev hamını Öz arxasınca apara bilir", Moskvanın meri Yuri Lujkov "Biz Heydər Əliyevin həm öz xalqı üçün, həm də başqa xalqlar üçün gördüyü bütün işləri heç zaman unutmayacağıq", Böyük Britaniyanın keçmiş baş naziri Toni Bleyer "Heydər Əliyev Azərbaycanın böyük lideri idi. O, böhranlar dövründə öz ölkəsinə sa-bitlik gətirdi, Azərbaycan xalqı onun qoyduğu irs ilə fəxr edə bilər", ABŞ-ın keçmiş prezidenti Corc Buş "Heydər Əliyev Cənubi Qafqazda uzun müddət ərzində ən əsas şəxsiyyət olmuşdur" demişlər. Ulu öndərimizin parlaq, təkrarsız şəxsiyyətinin ucalığını səciyyələndirən bu sözlərdən hər bir azərbaycanlı haqlı olaraq hədsiz qürur və fə-xarət hissi duyur.

Bu gün müasir Azərbaycan özünəməxsus inkişaf yolu ilə gedir. Bu inkişafın təməl daşları ümummilli liderimiz tərəfindən qoyulmuşdur. Heydər Əliyev məktəbinin yetirməsi, onun siyasi kursunun layiqli davamçısı Prezident ilham Əliyevin həyata keçirdiyi tədbirlər, imzaladığı fərman və sərəncamlar, xalqla birbaşa ünsiyyətdə olması ümummilli lider tərəfindən başlanmış işlərin məntiqi davamıdır. Dövləti xalqa, xalqı dovlətə bağlayan da bu qarşılıqlı inam və etibardır. Memarı və qurucusu Heydər Əliyev olan müstəqil dövlətimiz bu gün böyük şəxsiyyətin Azərbaycan xalqına ən böyük töhfəsidir. Hər bir Azərbaycan vətəndaşının borcu isə Heydər Əliyevin şah əsəri olan Azərbaycanı qoruyub yaşatmaqdır.

Fikrət MƏMMƏDOV

Respublika.- 2010.- 8 may.- S. 9.