Ulu öndərin ideyaları həmişəyaşardır

Bu gün Azərbaycan regionun ən qüdrətli, nüfuzlu, dinamik inkişaf edən dövlətidir. Bu uğur Heydər Əliyev strateji kursunun müvəffəqiyyətlə həyata keçirilməsi nəticəsində qazanılıb.

Ümummilli liderimiz Heydər Əliyevin qurduğu və Azərbaycan xalqına ətnanət qoyduğu müstəqil, suveren, demokratik Azərbaycan Respublikasında sürətli iqtisadi inkişaf prosesi sağlığında olduğu kimi, bu gün də davam edir. Gənc respublikamızın bugünkü yüksəlişinə nail olmaq üçün ölkəmizdə əsaslı, qlobal islahatların aparılmasına başlayan dovlət başçımız tərəfindən təməli qoyulan möhtəşəm layihələrin uğurla həyata keçirilməsi göstərir ki, Heydər Əliyev dövlətin siyasi kursunu vaxtında dəqiq və düzgün müəyyənləşdirib.

Ömrünün mənası saydığı Azərbaycana rəhbərlik etmək şansı qismətinə yenidən düşən Heydər Əliyev äğır və mürəkkəb birdövrün bütün sınaqlarını, çətinliklərini öz üzərinə götürdü. Ölkəmizdə dövlət quruculuğunu həyata keçirən, ölkə vətəndaşlarını bu prosesdə fəal iştirak etməyə çağıran, iqtisadiyyatın ən qısa zamanda dirçəlməsinə var qüvvəsini sərf edən ulu öndər sovet dövründə olduğu kimi, yenə də Azərbaycanda elmin, təhsilin, mədəniyyətin inkişafına ciddi əhəmiyyət verməyə, islahatların bu sahələrdə də eyni sürətlə aparılmasına çalışırdı.

Ümummilli lider Heydər Əliyevdən əvvəlki rəhbərlər də təhsil sahəsində islahatların aparılmasına başlamışdılar. Lakin bütün həyatı boyu Azərbaycanda təhsilin yüksək səviyyədə inkişafına və beynəlxalq təhsil sisteminə inteqrasiyasına çalışan ölkə başçısını bu islahatlarqane etmirdi. O, uzaqgörən bir siyasətçi, zəngin dünyagörüşlü, ensiklopedik biliyə malik, zamanın, dövrün nəbzini tutan bir dövlət başçısı kimi ölkədə təhsil sisteminin məhz dünya standartları səviyyəsində qurulmasına böyük əhəmiyyət verirdi. Buna görə də o, ilk növbədə bu sahədə əsaslı islahatları ciddi nəzarətdə saxlayır, Azərbaycanda bu sahənin müasir tələbata uyğun qurulmasına və təhsilin paralel olaraq beynəlxalq təhsil sisteminə sürətli inteqrasiyasınə nail olmağa çalışırdı.

Respublikamızın təhsil sistemində əsaslı islahatların aparılması məqsədilə böyük layihələrin sürətlə işlənilib hazırlanmasına və həyata keçirilməsinə başlandı. Onun 1998-ci il mart ayının 30-da imzaladığı müvafiq sərəncamla təhsil sahəsində islahatlar üzrə Dövlət komissiyası yaradıldı.

Komissiya tezliklə, "Azərbaycan Respublikasının təhsil sahəsində İslahat Proqramı"nı hazırladı və həmin proqram 1999-cu ilin 15 iyununda təsdiq edildi. Yeni proqram milli təhsilimizin qurulmasında xüsusi əhəmiyyətə malik proqram olmaqla bərabər, Prezident Heydər Əliyevin milli təhsilin inkişafına qoyduğu tələblərə cavab verirdi. Ulu öndər Azərbaycanda bütün sahələr kimi, təhsilin problemlərini dərindən bilir, milli təhsilin inkişafına və qurulmasına strateji əhəmiyyətli bir proses kimi baxırdı. Təsadüfi deyil ki, məhz o, keçmiş SSRİ dönəmində azərbaycanlı gənclərin İttifaqın ən nüfuzlu ali məktəblərində ən yeni ixtisaslar üzrə təhsil almasına imkan yaratmışdı.

Keçən əsrin 20-ci illərində Azərbaycanda ali təhsil müəssisəsi yaratmağın çox böyük çətinlikləri vardı.

Xalqımızın ümummilli lideri Heydər Əliyevin 1969-cu il iyul ayının 14-də siyasi hakimiyyətə ilk gəlişi respublikamızı sosial-iqtisadi, mədəni- mənəvi cəhətdən sürətlə inkişaf etdirməklə, köklü struktur, kəmiyyət və keyfiyyət dəyişikliklərinin yaranmasına, güclü milli kadr potensialının formalaşmasına səbəb oldu. Təhsil, elm və mədəniyyət sahələrinin inkişafına xüsusiönəm verildi, qazanılan böyük uğurları millətin gələcək müstəqilliyinə möhkəm zəmin yaratdı. Respublikanın bütün ali məktəbləri kimi, yüksək pedaqoji təhsilin öncülü və bayraqdarı olan Azərbaycan Dövlət Pedaqoji Universitetinin son 30 ilindəki uğurları bilavasitə Heydər Əliyevin adı və fəaliyyəti ilə bağlıdır. O, Pedaqoji Universitetə 5 dəfə gəlmiş, professor-müəllim və tələbə kollektivinə çox dəyərli tövsiyələr, məsləhətlər və göstərişlər vermiş, hər bir əməkdaşın arzu və istəkləri ilə maraqlanmışdır. Ulu öndərin dəyərli tövsiyələri universitetimizdə təhsil-tərbiyənin səmərə və keyfiyyətinin yüksəldilməsində, qəbul imtahanlarında obyektivlik və ədalətin bərqərar edilməsində, nöq-sanların aradan qaldırılmasında, gənclərin ictimai fəallığının artırılmasında, yüksək səviyyəli, elmi və elmi-pedaqoji kadr hazırlığında həlledici rol oynamışdır.

Ümummilli liderimizin bu təhsil ocağının 60 illik yubileyi ilə bağlı təntənəli mərasimdə dediyi: "Azərbaycan Dövlət Pedaqoji Universiteti böyük və şərəfli yol keçmişdir. Onun kollektivi Azərbaycan ümumtəhsil məktəbinin inkişafında böyük xidmət göstərmiş, institut xalq maarifi üçün yüksək ixtisaslı kadrlar bazasına çevrilmişdir"-fikri institut əməkdaşlarının sonrakı fəaliyyət proqramının əsas leytmotivini təşkil etmişdir.

70-80-ci illərdə universitetdə tədris və elmi fəaliyyətin səviyyəsini yüksəltmək, yüksək ixtisaslı müəllim kadrları hazırlamaq, maddi-texniki bazanı genişləndirmək, yeni tədris korpusları və tələbə yataqxanaları tikmək istiqamətində konkret tədbirlər həyata keçirildi.

80-ci illərin sonu, 90 illərin əvvəllərində ölkədə baş verən ictimai-siyasi şərait, hakimiyyət uğrunda gedən savaşları tədris prosesində və elmi-tədqiqat işlərində geriləməyə səbəb oldu. Bütün bunlar başqa ali təhsil məktəblərində olduğu kimi, ADPU-da da normal tədris fəaliyyətinə maneçilik törədirdi. Belə çətin bir şəraitdə Azərbaycanın böyük oğlu, görkəmli dövlət xadimi Heydər Əliyev xalqın təkidli tələbi ilə yenidən respublika rəhbərliyinə gəldi və "ömrümün qalan hissəsini də xalqıma bağışlayıram"—söyləməklə müasir Azərbaycan dövlətini qurmaq missiyasını həyata keçirməyə başladı.

Doğma Azərbaycanımız bu gün hərtərəfli tərəqqi yolundadır. Ulu öndər Heydər Əliyevin siyasi varisi, dövlət başçımız cənab ilham Əliyevin uğurlu rəhbərliyi nəticəsində bu inkişaf, tərəqqi günü-gündən hər bir sahədə özünü təsdiqləməkdədir.

Bu baxımdan son illər Azərbaycan Dövlət Pedaqoji Universitetinin həyatını səciyyələndirən xüsusiyyətlərdən biri də nüfuzlu qabaqcıl elm və təhsil ocağında müasir informasiya-kommunikasiya texnologiyalarının səmərəli şəkildə tətbiq edilməsidir. Bu ali təhsil ocağının mükəmməl səviyyədə formalaşmasında universitetin rektoru, AMEA-nın müxbir üzvü Yusif Məmmədovun böyük xidmətləri olmuşdur. Universitetdə tədrisin səviyyəsi ildən-ilə yüksəlir, neqativ halların qarşısı alınır.

Qızxanım QƏHRƏMANOVA

Respublika.- 2010.- 15 may.- S. 3.