Ekoloji layihələr öz bəhrəsini verir

20 sentyabr Neftçilər günüdür

Son illər Azərbaycanda iqtisadiyyatın sürətli inkişafı ilə yanaşı, ölkə başçısı tərəfindən ekoloji məsələlərin həllinə də böyük diqqət göstərilir və bu istiqamətdə məqsədyönlü tədbirlər həyata keçirilir. Azərbaycan Respublikasının Prezidenti İlham Əliyevin Sərəncamı ilə təsdiq edilmiş, "Azərbaycan Respublikasında ekoloji vəziyyətin yaxşılaşdırılmasına dair 2006-2010-cu illər üçün Kompleks Tədbirlər Planına uyğun olaraq, bu sahədə ölkəmizdə mühüm işlərin görülməsi və 2010-cu ilin "Ekologiya ili" elan edilməsi də Azərbaycan xalqının ümummilli lideri Heydər Əliyev tərəfındən əsası qoyulmuş davamlı inkişaf və tərəqqi strategiyasının məntiqi davamıdır.

Ətraf mühitə mənfı təsir edən amillərdən biri də neft sənayesi sahələridir. Uzun illər neft hasilatının primitiv texnika və texnologiyalarla aparılması və baş verən çoxsaylı qəzalar nəticəsində mədən əraziləri həddən artıq çirklənməyə məruz qalmış, Abşeron yarımadasında min hektarlarla torpaq sahələri yararsız hala düşmüşdür. Sovet İttifaqı dövründə isə daha çox planların icrası məsələlərinə diqqət yetirilmiş, ekoloji məsələlərə isə ögey münasibət bəslənilmişdir.

Azərbaycanda isə 1970-80-cı illərdə ulu öndər Heydər Əliyevin təşəbbüsü ilə ekoloji məsələlərin həllinə böyük diqqət göstərilmiş və bu siyasət bu gün də uğurla davam etdirilir. Ekoloji vəziyyətin yaxşılaşdırılması, insanların sağlamlıqlarının mühafızəsi və əhalinin su təchizatı məsələlərinin həlli istiqamətində Prezident İlham Əliyev tərəfındən silsilə qərarlar qəbul edilir və dövlət orqanları qarşısında mühüm vəzifələr qoyulur.

ARDNŞ də əvvəlki illərdə və 2006-2010-cu illər üçün Kompleks Tədbirlər Planında üzərinə düşən vəzifələrin həlli sahəsində zəruri tədbirlərin görülməsinə nail olmuş, Şirkətin Ekoloji Siyasəti təsdiq edilmişdir. Bununla yanaşı, ekoloji layihələrin həyata keçirilməsində təcrübəli xarici şirkətlərlə birgə müəssisələr, o cümlədən, "Ekol Mühəndislik Xidmətləri" QSC yaradılmışdır.

2006-cı ildən başlayaraq ARDNŞ tərəfindən Bibiheybət, Balaxanı, Kürsəngi, Qarabağlı və digər mədən ərazilərində 300 hektara yaxın neftlə çirklənmiş torpaq sahələri təmizlənmiş və abadlaşdırılmış, bir çox digər ekoloji layihələr həyata keçiril-mişdir. Bu işlərin yerinə yetirilməsində "Ekol Mühəndislik Xidmətləri" QSC yaxından iştirak etmişdir.

2010-cu il fevralın 18-də Azərbaycan Respublikasının Prezidenti İlham Əliyevin yanında keçirilən ekoloji problemlərə həsr olunmuş müşavirədə ölkə başçısı demişdir.

"... Bu gün ekoloji məsələlərin həlli vacib məsələlərdən biridir. Ona görə yox ki, bütün dünyada bu məsələlərə böyük diqqət göstərilir. Ona görə ki, bu gün Azərbaycan qarşısında həllini gözləyən əsas məsələlərdən biri ekoloji vəziyyətin yaxşılşaşdı-rılmasıdır..."

Ölkə başçısının proqram xarakterli bu çağırışı ARDNŞ-in də qarşısında mühüm vəzifələr qoymuşdur. Şirkət özünün ekoloji tədbirlər planını işləyib hazırlamış, bu tədbirlər planının əsas istiqamətlərini lay suiarının utilizasiyası, neftlə çirklənmiş torpaqların təmizlənməsi, atmosferə atılan zərərli maddələrin azaldılması, istehsalat tullantılarının idarə olunması, enerjiyə qənaət texnologiyalarının tətbiqi, Bakı buxtasının təmizlənməsi, yaşıllaşdırma işləri, ekoloji təbliğat və maarifləndirmə məsələləri əhatə edir.

2010-cu il "Ekologiya ili" çərçivəsində ARDNŞ-in həyata keçirəcəyi prioritet ekoloji layihələr sırasında Z.Tağıyev adına NQÇİ-nin, "Abşeronneft" NQÇİ-nin, "Siyəzənneft" NQÇİ-nin və "Balaxanıneft" NQÇİ-nin mədən ərazilərində çirklənmiş torpaqların rekultivasiyası və bioremediasiyası layihələri xüsusi yer tutur. Bu layihələrin icrası isə "Ekol Mühəndislik Xidmətləri" QSC-yə həvalə edilmişdir.

Artıq "Ekol Mühəndislik Xidmətləri" QSC-nin müasir xüsusi texnikalarla təchiz edilmiş Torpaqların rekultivasiyası departamenti "Azneft" İstehsalat Birliyi ilə birgə cari ilin yanvar ayından Z.Tağıyev adına NQÇİ-nin, fevral ayından isə "Siyəzənneft" NQÇİ-nin mədən ərazilərində layihələrin icrasına başlamışdır.

"Siyəzənneft" NQÇİ-də neftlə çirklənmədən ərazilər 30 hektara qədər təşkil etməklə Qilgilçay, Sadan NYM, Ataçay və "Siyəzənneft" NYM sahələrindən ibarətdir. Ərazinin xüsusi coğrafi mövqeyi və relyefə malik olması ilə əlaqədar olaraq təmizləmə proseslərinə müvafiq texnika və texnologiyalar tətbiq edilmişdir.

Respublikamızın şimal-şərq bölgəsində turizmin inkişaf etdirilməsi və ərazidə yerləşən təbii çay hövzələrinin ekoloji vəziyyətinin yaxşılaşdırılması və insanların sağlamlıqlarına təsir edən mənfi amillərin aradan qaldırılması baxımından bu layihə böyük əhəmiyyət kəsb edir.

"Ekol Mühəndislik Xidmətləri" QSC-nin "Siyəzənneft" NQÇİ-nin mədən ərazilərində ayrılmış neftlə çirklənmiş torpaqların bioremediasiyası layihəsinin müqavilə şərtlərinə uyğun və vaxtında başa çatdırılması üçün təxirəsalınmaz tədbirləri həyata keçirilir.

Respublika Prezidentinin 18 fevral tarixli müşavirədə səsləndirdiyi:"... Mən hesab edirəm ki, ekologiya tədbirlərinin görülməsi ancaq 2010-cu illə məhdudlaşmamalıdır. Biz bundan sonrakı illərdə bu məsələlərə ciddi diqqət göstərməliyik ..." fikrini özünün fəaliyyət proqramı kimi qəbul edən "Ekol Mühəndislik Xidmətleri" QSC bundan sonra da respublikamızda ekoloji vəziyyətin yaxşılaşdırılması istiqamətində ARDNŞ-in həyata keçirəcəyi' layihələrin potensial icraçısı kimi fəaliyyət göstərəcəkdir.

Fürsətdən istifadə edib neftçilərimizi "Neftçilər Günü" münasibətilə təbrik edirəm.

Ramil ƏLİYEV

Respublika.- 2010.- 18 sentyabr.- S. 4.