Gənclər siyasəti uğurla yerinə yetirilir

Ümummilli liderimiz Heydər Əliyevin şah əsəri olan müstəqil Azərbaycan Respublikası möhtərəm Prezidentimiz İlham Əliyevin rəhbərliyi ilə son illər dünyada analoqu olmayan bir sürətlə inkişaf edir.

Bu inkişaf gənclərimizin həyatında, xüsusən də idmanımızın inkişafında, dünya səviyyəsində uğurların qazanılmasında özünü göstərməkdədir.

Dövlətimizin başçısının son illər bu istiqamətdə imzaladığı mühüm fərmanlar, sərəncamlar, Dövlət proqramları Azərbaycan gəncliyinə və idmanına göstərilən diqqət və qayğının bariz nümunəsidir.

İdmançılarımıza, gənclərimizə olan diqqət və qayğı nəticəsində 19 rayonda Olimpiya idman kompleksləri tikilib istifadəyə verilib və bu proses davam etdirilir. Həmçinin gənclər siyasətinin həyata keçirilməsi, gənc ailələrin işsizlik probleminin aradan qaldırılması, ordudan tərxis olunan gənclərimizin işlə təmin olunması həyata keçirilən ardıcıl siyasətin məntiqi davamıdır.

Dövlət proqramlarından, fərman və sərəncamlardan irəli gələn məsələlərin həlli aidiyyəti qurumlarla yanaşı Gənclər və İdman Nazirliyi qarşısında da mühüm vəzifələr qoymuşdur.

Gənclər və İdman Nazirliyinin yerli strukturu olan Tərtər rayon gənclər və idman idarəsi dövlət proqramlarının, fərman və sərəncamlarının icrası ilə əlaqədar 2010-cu ildə diqqətəlayiq işlər görmüşdür.

Dövlət gənclər siyasətinin əsas istiqamətlərindən biri olan gənclərin məşğulluğunun təmin olunması, onların sahibkarlıq fəaliyyətinə cəlb olunmasına destək, rayonda idmanın inkişafı, gənclərin hərbi-vətənpərvərlik ruhunun yüksəldilməsi, yeni ailə qurmuş gənclərə kömək məqsədilə bu ilin I yarısında bir çox tədbirlər hazırlanıb həyata keçirilmişdir.

Tərtər rayon Gənclər və İdman Idarəsi 2010-cu ilin II rübündə "Xüsusi istedada malik uşaqların yaradıcılıq potensialının inkişafı üzrə Dövlət Proqramının (2006-2010-cu illər)", "Narkotik vasitələrin, psixotrop maddələrin və onlärın prekusorlarının dövriyyəsi və narkomanlığın yayılması ilə mübarizə üzrə Dövlət Proqramı (2007-2011-ci illər)", "Azərbaycan Respublikasında futbolun inkişafına dair DÖvlət Proqramı (2005-2015-ci illər)", Azərbaycan Respublikasında şahmatın inkişafına dair Dövlət Proqramı (2009-2014-cü illər)", digər qanun və dövlət proqramlarının müvafiq bəndləri və maddələri əsasında silsilə tədbirlər həyata keçirilmişdir.

Şəhər 6 saylı orta məktəbin akt zalında gənclərin sahibkarlıq fəaliyyətinə cəlb olunması və ordudan tərxis olunmuş gənclərin məşğulluğunu təmin etmək üçün sahibkarlıq fəaliyyətinə dair treninqkurs keçirilmişdir.

Bu il aprel ayında şəhər altı saylı orta məktəbdə gənclər arasında "QİÇS nədir və ondan necə qorunmaq olar?" mövzusunda sosioloji sorğu aparılmışdır.

27 aprel—Ekologiya günü münasibətilə "Hərəmiz bir ağac əkək" devizi altında rayon ərazisində iməciliklər keçirilmiş, gənclər on beş mindən çox ağac əkmişlər.

Rayonun gənc idmançıları region və respublika yarışlarında da fəallıq göstərirlər. Yunan-Roma güləşi üzrə region birinciliyində Tərtər yığma komandası uğurla yarışaraq yüksək yerlərdən birini tutmuşlar. Fərahim Çərkəzli birinci yerə, Kənan Xəlilov, Sübhan Quliyev yə Yadigar Cavanşirli isə üçüncü yerə çıxmışlar.

Bakıda keçirilən kikboksinq üzrə respublika birinciliyində tərtərli gənc Kənan Kazımlı bütün rəqiblərinə qalib gələrək fəxri birinci yers ucalmışdır. Yenə paytaxtda təşkil edilən qalaqapı idman növü üzrə yarışlarda Tərtər yığma komandası müvəffəqiyyətlə çıxış etmiş və ikinci yerin sahibi olmuşlar.

Meydanlarda şücaət və qabiliyyət nümayiş etdirən Tərtərin gənc idmançıları öz mənəvi zənginliklərini də göstərmişlər. Bərdə şəhərində keçirilən "Xəmsə" milli intellek-tual oyununda onlar bilikli və məlumatlı olduqlarını bir daha sübut etmiş, komandalar arasında ikinci yerə çıxmışlar. Şahmat kompozisiyalarının həlli üzrə XXXI Azərbaycan çemponatı da rayonun gənc şahmatçıları üçün sevindirici olmuşdur. Onlar bütün turlarda rəqiblərini məğlub etmiş, yalnız fınal görüşündə uduzaraq ikinci yerə layiq görülmüşlər. Komandanın üzvü Mətləb Qədirov qələbələrin qazanılmasında xüsusi fəallıq nümayiş etdirmişdir.

Tərtərli gənclərin idman nailiyyətlərindən çox danışmaq olar. Bütün bu qələbələrin kökündə rayon rəhbərliyinin gənclərə göstərdiyi diqqət və qayğı durur. Süni örtüklü yaşıl meydançaların inşası, gənclərin işlə təmin olunması, qaliblərin mükafatlandırılması, idman yarışlarının təşkili və keçirilməsi rayon rəhbərliyinin, şəxsən RİH başçısı Vidadi İsayevin diqqətdə saxladığı məsələlərdir.

Tərtər Rayon Gənclər və idman idarəsinin rəisi Habil Kərimov bildirdi ki, bu qayğı və isti münasibət yeniyetmələrin sağlam həyat tərzinin formalaşdırılmasına stimul verir, gənclərin gələcəyin layiqli vətəndaşları kimi yetişmələrinə yaxşı şərait yaradır.

Vəli İLYASOV

Respublika.- 2010.- 29 sentyabr.- S. 4.